Advertisement
  • Prime Minister Malcolm Turnbull (Getty images)
የአውስትራሊያ ጠቅላይ ሚኒስትር ማልከም ተርንቡል ለኢትዮጵያውያን የአዲስ ዓመት መልካም ምኞታቸውን ይገልጣሉ።
English
By
Kassahun Seboqa

8 Sep 2017 - 7:20 PM  UPDATED 8 Sep 2017 - 7:20 PM

                                                                     መልዕክት ከጠቅላይ ሚኒስትር

                                                                     የኢትዮጵያ አዲስ ዓመት 2010

ዕንቁጣጣሽ፣ የኢትዮጵያውያን አዲስ ዓመት በየትም ሥፍራ በሚኖሩ ኢትዮጵያውያን ዘንድ የአለፈውን ዓመት በስንብት፤ መጪውን አማትሮ በመመልከት የሚከበር ልዩ በዓል ነው።

የኢትዮጵያውያን - አውስትራሊያውያን ማኅበረሰብ አባላትም ይህን ልዩ ወቅት ለማክበር ሲትታደሙ፤ አያሌ ሐሰትን በጋራ ልማዶች ውስጥ እንደምታገኙ፣ ከወዳጅ ዘመድ ጋር ጊዜን ለማሳለፍ የሚያስችላሁን መልካም አጋጣሚም ዋጋ እንደምትቸሩት አውቃለሁ።

በተጨማሪ፤ ይህ በዓል በዓለም ላይ እጅጉን ስኬታማ በሆነችው አገር ላይ የመኖርን ታላቅ ዕድል ማመስገኛ ጊዜም ነው። እኛ በጣሙን ስኬታማ ነን፤ ስለምን? አንዳችን የአንዳችንን እምነቶች ለማክበር፣ በጋራ መሠረት ላይ ለመቆምና ከሁሉም በላይ  ራሳችንን ለሰላም በማስገዛቱ ዘርፍ በብርቱ ተግተን እንሠራለንና።

የኢትዮጵያውያን - አውስትራሊያውያን ማኅበረሰብም የዚህ አንዱ አካል ነው፤ ላለፉት በርካታ ዓመታት ለአገራችን ላበረከታችሁት አስተዋጽዖዎች አመስግናለሁ። እንዲሁም በአውስትራሊያና ኢትዮጵያ መካከል  የወዳጅነት ድልድዮችን ስለ መገንባታችሁ ዕውቂያ እሰጣለሁ።

አገሮቻችን የረጅም ጊዜያት ወዳጅነትን የሚጋሩ ናቸው፤ በዚህ ዓመት መጀመሪያ ላይ አዲስ አበባ ውስጥ ተመርቆ የተከፈተው የአውስትራሊያ ኤምባሲ  አዲስ ህንፃ እያደገ ላለው ግንኙነታችን አዲሱ ምዕራፍ ነው።

እኒህን ዕሳቤዎች አዕምሮ ውስጥ በማኖርም፤ ዕንቁጣጣሽን ለሚያከብሩ ሁሉ ድንቅ አዲስ ዓመትን እመኛለሁ። ለሁሉም ሰላምንና ተስፋን የሚቸር ይሁን።

የተከበሩ ጠቅላይ ሚኒስትር ማልከም ተርንቡል

የአውስትራሊያ ጠቅላይ ሚኒስትር

1 ጳጉሜን 2017