Ko te au mea mamaata i roto i teia porokaramu koia oki
- Nuti mei roto mai i te au Pa Enua o teianei Ao, Nuti mei roto mai ia
Autereria, Nuti mei roto mai i te Ipukarea te Kuki Airani.
- Ripoti mei te Kuki Airani mai.
- Ripoti mei roto mai i te au oire mamaata o Autereria nei.
- Ripoti no runga i te Tamataora Tipoti.
- Manako Akaaraara(Open View) Ko teia tuanga ka tuatua ua tetai ua atu tangata
i tona manako no runga i tetai au manako tei manako ia no runga i tetai ua atu
tu tana i kite e ka tau no te akaaraara i te ngakau o te iti tangata kuki airani
i Autereria nei.
- Tua Poto : Ko teia tuanga koia oki - ko te akaari anga i tetai au manako ta
te nuti i akara e i manako kia tau no te iti tangata.
- TuatuaAkakitekite mei roto mai i te au Oire.- Te angaanga e raveia nei e te
iti tangata i roto i te au oire i Autereria nei.
- Manako Maata: I roto i teia tuanga nei/ ka akara tatou ki te au mea mamaata
tei tupu ki konei e pera katoa oki ki te ipukarea. Ka raveia tetai uiui anga ki
te au MEMA PARAMANI me kare i tetai ua atu tangata tu katau i runga i te ngai
angaanga tei riro ei nuti maata i te reira epetoma.
- Te au Imene : Ka akatangi ia tetai au imene te ka riro ei mataora no te au
taeake e akarongorongo mai nei i te porokaramu. E tuatau tau katoa teia i te
tapu marie i te porokaramu no tetai tuatau poto e no reira i akatangi iai tetai
imene.
- Karangaranga - Talk Back : I te au porokaramu openga o te marama ka raveia
tetai karangaranga na te au taeake e akarongorongo mai nei i te porokaramu - ei
akairiiri anga manako no ratou ki runga i te tumu tapura.
VideoNEW
Podcasts
Blogs
