Coming Up Fri 10:00 PM  AEDT
Coming Up Live in 
Live
Amharic radio

አገር ቤትና ባሕር ማዶ - “ሕልሜ ጠንካራ የኢትዮጵያዊነት መንፈስ እንዲያብብ ነው።” - አበበ ጽጌ

አበበ ጽጌ Source: Courtesy of AT

የሕይወት ጉዞ ከውልደት እስከ ዕድገት የራሷን ምዕራፍ እየከፈተችና እየዘጋች ትረማመዳለች። የትናንት ሕይወት - የዛሬ ትውስታ ይሆናል። ስለ መጪው የሚያውቅ የለም። ምኞትና ተስፋን ከማሳደር በስተቀር። የዛሬው “አገር ቤትና ባሕር ማዶ” ወር ተረኛ አቶ አበበ ጽጌ ናቸው። የሕይወት ጉዞ ትረካ መነሻቸው የትውልድ ቀዬአቸው ወልቂጤ ነው። በስደት ሕይወት ምልሰታዊ ምልከታቸው ወደ ሱዳን አሻግረው፣ በኒውዚላንድ አቋርጠው፤ የአገረ አውስትራሊያ ሕይወታቸውን ከኢሕአፓ ትግላቸው ጋር አጣቅሰው ያወጉናል።

አቶ አበበ በለጋ ሕይወታቸው የ1966ቱን የኢትዮጵያ ሕዝባዊ አብዮት ንቅናቄ ተከትሎ በወቅቱ ስመ ገነን የነበረው የኢትዮጵያ ሕዝብ አብዮታዊ ፓርቲ (ኢሕአፓ) ወጣቶች ክንፍ የሆነው የኢትዮጵያ ሕዝብ አብዮታዊ ወጣቶች ሊግ (ኢሕአወሊ) አባል ሆኑ።

My Story Abebe Tsige
የኢትዮጵያ ሕዝብ አብዮታዊ ፓርቲ (ኢሕአፓ)
Courtesy of PD

 እንደ ዘመናቸው ወጣቶች ኢትዮጵያን በሶሻሊስታዊ ሥርዓት ለመታደግ።

 ሆኖም፤ የመጨረሻው የኢትዮጵያ ዘውዳዊ የአገዛዝ ሥርዓት ሲያከትም ሥልጣነ መንግሥቱ በወቅቱ አዲስ በተመሠረቱት የፖለቲካ ድርጅቶች እጅ ሳይሆን በአገሪቱ የጦር ኃይሎች መዳፍ ስር ወደቀ።

 የወጣቱ አበበ ጽጌ ፓርቲ - ኢሕአፓም ዋነኛ የፖለቲካ ስልጣን ተቀናቃኝ ሆኖ ቀረበ። “ያለ ምንም ደም - ኢትዮጵያ ትቅደም” የተዘመረለት አብዮት አያሌ ወጣቶችን ለእሥራት፣ ስደትና ሕልፈተ ሕይወት ዳረገ።

 የወጣቱ አበበ ዕጣ ፈንታም እሥራትና ስደት ሆነ።

 የሱዳን አጎራባቿ ጎንደር፤ ለአቶ አበበ የኢትዮጵያን ድንበር በእግር መሻገሪያ ሆነች። የሱዳን ምድርም ወጣቱ አበበን ከባላገርነት ወደ ስደተኛነት ለወጠች።

 ለስደት ያበቃቸው ፖለቲካዊ አተያይና የኢሕአፓ አባልነታቸው ሱዳንም አልለያቸው አለ።

 ይሁን’ጂ ከሱዳን አውጥቶ ለኒውዚላንድ፣ ሲልም፤ ለአገረ አውስትራሊያ ነዋሪነትና ቤተሰብ ምሥረታ አብቅቷቸዋል።

My Story Abebe Tsige
አበበ ጽጌና ቤተሰቦቹ
Courtesy of AT

 አገሩን ለሚያፈቅር ሰው ባሕር ማዶኛነት አገሩን ከውስጡ አስወጥቶ አያስረሳምና፤ አቶ አበበ ዛሬም - ከአድማስ ባሻገር ስለ አገራቸው መልካሙን ያልማሉ።

 ኢትዮጵያዊነት በምድረ ኢትዮጵያ እንዲያብብ።

የለጋ ወጣት ሕይወት ምኞታቸውም በአገረ ኢትዮጵያ ዕውን ሆኖ ለማየት ተስፋ ያደርጋሉ።

 ዲሞክራሲያዊ ሥርዓት ቆሞ፤ ፍትሓዊ እኩልነት ሰፍኖ።

 እስከዚያው ድረስ ግና ባሉበት አገረ አውስትራሊያ ለኢትዮጵያውያን ማኅበረሰብ የበኩላቸውን አስተዋጽዖዎች በመቸሩ ይገፋሉ።

Coming up next

# TITLE RELEASED TIME MORE
አገር ቤትና ባሕር ማዶ - “ሕልሜ ጠንካራ የኢትዮጵያዊነት መንፈስ እንዲያብብ ነው።” - አበበ ጽጌ 06/09/2019 14:32 ...
የፋይዘር ኮሮናቫይረስ ክትባት አውስትራሊያ ውስጥ ለክትባትነት እንዲውል ይሁንታ አገኘ 25/01/2021 06:21 ...
የአውስትራሊያ ቀን ለኢትዮጵያውያን-አውስትራሊያውያን ምን ማለት ነው? 25/01/2021 12:30 ...
ከገሚስ በላይ አውስትራሊያውያን ወጣቶች የአውስትራሊያ ቀን ከጃኑዋሪ 26 እንዲቀየር ይሻሉ 22/01/2021 06:44 ...
125ኛው የአድዋ ድል ከጋምቤላ እስከ አድዋ 22/01/2021 07:33 ...
የአማርኛ ቋንቋ ትምህርት በሜልበርን 22/01/2021 22:06 ...
የነባር ዜጎች የዕውቅና ጥያቄ ምንድነው? 22/01/2021 07:26 ...
“ከተፈቀደልኝ የኢትዮጵያ ዩኒቨርሲቲዎች ውስጥ ሂሳብ በአማርኛ ለማስተማር እፈልጋለሁ” ፕሮፌሰር ባሕሩ ካሣሁን 20/01/2021 20:10 ...
በዓለ ጥምቀት በሜልበርን 18/01/2021 26:33 ...
ቪክቶሪያ ለአብዛኛው የሲድኒ ክፍለ ከተሞች ገደቦቿን አላላች 18/01/2021 04:31 ...
View More