Coming Up Mon 10:00 PM  AEST
Coming Up Live in 
Live
Amharic radio
ኤስ.ቢ.ኤስ አማርኛ

"የበጎ አድራጎት ተረጂ ወጣቶቻችን የትምህርትና የቴኒስ ሥልጠና እንዳይቋረጥብን የኢትዮጵያውያንን ሁለገብ እርዳታ እንሻለን" አቶ ታሪኩ ተስፋዬ

Tariku Tesfaye. Source: T.Tesfaye

አቶ ታሪኩ ተስፋዬ - የታሪኩ ተስፋዬና ደስታ ተስፋዬ የሕፃናት ትምህርት የቴኒስ ዕድገት ማኅበር በጎ አድራጎት ድርጅት መሥራችና ዋና ሥራ አስኪያጅ ናቸው። አቶ ታሪኩ ከወንድማቸው ጋር ሆነው ከቴኒስ ኳስ አቀባይነት ኢትዮጵያን በዓለም አቀፍ ደረጃ እስከ መወከል ደርሰዋል። አቶ ታሪኩ በዝነኛው ዴቪስ ካፕ፤ አቶ ደስታ በአፍሪካ ሻምፒዮና።

አቶ ተስፋዬና አቶ ደስታ እንደ አብዛኛው ኢትዮጵያውያን ሁሉ ከዝቅተኛ ኑሮ ነዋሪ ቤተሰብ የወጡ ናቸው።

ወላጆቻቸው አቅሙ ኖሯቸው ቀልባቸውን ለገዛውና ክፍያን ግድ ለሚለው የሜዳ ቴኒስ ንዋይ ባያፈሱላቸውም ወንድማማቾቹ ወጣቶች ግና በኳስ አቀባይነት ለቴኒስ ሜዳ ቅርብ ሆነው ራኬት ለመጨበጥ ቆይተዋል።

ያም አስባብ ሆኖ ረጂ አግኝተው፤ ጥረቶቻቸውን አክለው ሕልማቸው ጉም መጨበጥ ሆኖ እንዳይቀር አድርገዋል።

ሩጫና እግር ኳስ በገነነባት አገር ፕሮፌሽናል የቴኒስ ተጫዋቾች ለመሆን በቅተውም ባሕር ማዶ ተሻግረው ተወዳድረዋል። የአገራቸውን ኢትዮጵያ ስምም በዓለም አቀፍ መድረክ አስጠርተዋል።

Community
Tariku Tesfaye.
T.Tesfaye

ሁለቱ ወንማማቾች ማንነታቸውን ቸል ያሉ፤ አስተዳደጋቸውን የዘነጉ አልነበሩም። ሲልም "መስጠትን የማያውቅ፤ መቀበል ማን አስተማረው?" እንዳይሆን የከእጅ ወደ አፍ  ኑሮአቸው ወቅት በችሮታቸው በታደጓቸው ኢትዮጵያውያን ወገኖች ሳቢያ ለባለሙያተኛነት እንደበቁ ሁሉ፤ ውለታ የሚገባቸው፤ መቀበልን ብቻ ሳይሆን መስጠንም የሚያውቁ መሆናቸውን በግብር ሊያውሉ ተነሱ። 

የታሪኩ ተስፋዬና ደስታ ተስፋዬ የሕፃናት ትምህርት የቴኒስ ዕድገት ማሕበር በጎ አድራጎት ድርጅትን በጋራ መሠረቱ። የተረጂ ረጂ ሆኑ። 

ባለፉት 20 ዓመታት ውስጥም 300 ኢትዮጵያውያን ሕፃናትን ለቴኒስ ተጫዋችነት አብቅተዋል። በቀለም ትምህርትም ዕውቀት አስቀስመዋል።

በስልጠና ያፈሯቸው ወጣት ቴኒስ ተጫዋቾች በአገር ውስጥና በውጭ አገራት በተለያዩ የዕድሜ ደረጃዎች ተሰልፈው በርካታ ድሎችን በመንሳት የ487 ዋንጫ ባለቤቶች ለመሆን በቅተዋል።

ከ500 በላይ የወርቅና የብር ሜዳሊያዎችን በአገር ውስጥ ውድድሮች ለአዲስ አበባ መስተዳድር፤ 68 የወርቅና የብር ሜዳሊያዎችን ለኢትዮጵያ አስገኝተዋል። 

እኒህን ሁሉ ውጤቶችን በአገር ቤትና በባሕር ማዶ ያስገኙና ወደፊትም ለላቀ ውጤት አልመው ያሉ ልጆች በተስፋ ዓለም እንዳይቀሩባቸውም የኢትዮጵያውያን ረድኤት እንሻለን ይላሉ።  

      

Coming up next

# TITLE RELEASED TIME MORE
"የበጎ አድራጎት ተረጂ ወጣቶቻችን የትምህርትና የቴኒስ ሥልጠና እንዳይቋረጥብን የኢትዮጵያውያንን ሁለገብ እርዳታ እንሻለን" አቶ ታሪኩ ተስፋዬ 06/03/2022 14:29 ...
አገርኛ ሪፖርት - የኢትዮጵያ አየር መንገድ የዲሞክራቲክ ኮንጎ አየር መንገድን 45 በመቶ ድርሻ ሊገዛ ነው 27/06/2022 10:34 ...
“ ከእግር ኳስ ፌዴሬሽን ጋር በመሆን ከ 14 በላይ ለሚሆኑ ሴቶች የእግር ኳስ ስልጠናን እየሰጠን ነው :: " – አቶ እዮብ እሱባለው 27/06/2022 10:44 ...
" አላማችን ሴት የእግር ኳስ ተጫዋቾችን እና ዳኞችን በብዛት ማፍራት ነው ፡፡" - ወጣት ፌቨን ሙሉጌታ እና ሶስና አበበ 27/06/2022 12:39 ...
" በሜልበርን የተደረገው ሰልፍ አላማ በወለጋ በአማራ ብሄር ላይ የተደረገውን ዘር ተኮር ጥቃት ለመቃወም ነው። " - አቶ ግርማ አካሉ የአማራ ህብረት በሜልበርን የህዝብ ግንኙነት ሀላፊ 26/06/2022 13:03 ...
ዳባሳ ዋቅጅራ፤ ከስደት ወደ ሠፈራ 24/06/2022 15:16 ...
ዜና 24/06/2022 04:51 ...
ዳባሳ ዋቅጅራ፤ ከዘመቻ ወደ ስደት 24/06/2022 12:52 ...
ዳባሳ ዋቅጅራ፤ ከጥቁር እንጪኒ እስከ የኢትዮጵያ ቴሌቪዥን 24/06/2022 11:32 ...
ቤንዴሬ ኦቦያ፤ ኢትዮጵያዊቷ የአውስትራሊያ ብሩህ ኮከብ አትሌት 22/06/2022 12:35 ...
View More