Coming Up Mon 10:00 PM  AEST
Coming Up Live in 
Live
Amharic radio
ኤስ.ቢ.ኤስ አማርኛ

ሰለሞን አስናቀ፤ ከጎርጎራ እስከ አውስትራሊያ

Solomon Asnake. Source: SBS Amharic

አቶ ሰለሞን አስናቀ ነዋሪነታቸው ሜልበርን-አውስትራሊያ ሲሆን፤ ውልደታቸው ጎርጎራ-ጎንደር ነው።

አባታቸው የጦር ሠራዊት አባል በመሆናቸው በ1953ቱ 'የታህሳሱ ግርግር' መፈንቅለ መንግሥት ወቅት ለክብር ዘበኛ አባልነት ወደ አዲስ አበባ ተዛወሩ።

የሶስት ዓመቱ ልጅ ሰለሞንም አባቱን ተከትሎ ከእናቱ ጋር ከጎርጎራ አዲስ አበባ ዘለቀ።

News
Solomon Asnake.
S.Asnake

አባት ብዙም ሳይቆዩ ወደ ኮንጎ ዘመቱ።

ከኮንጎ ዘመቻ መልስም የውትድርና አገልግሎት ዘመቻቸው በማክተሙ አዲስ የሲቪል ሕይወት ለመጀመር ሕፃኑን ሰለሞንና ባለቤታቸውን ይዘው ወደ ጎንደር ተመለሱ።

የቄስ ትምህርት ቤቱን አዲስ አበባ የጀመረው ሕፃኑ ሰለሞን የአንደኛና መለስተኛ ሁለተኛ ደረጃ ትምህርቱን በታዳጊ ወጣት ዕድሜው አዘዞ አጠናቀቀ።

የሁለተኛ ደረጃ ትምህርቱን ጎንደር ፋሲለደስ ከወነ።

በ1970 ወጣቱ ሰለሞን ለዕጩ መኮንነት ኮርስ ወደ ሆለታ ገነት ጦር ትምህርት ቤት አመራ። 

በዚያው ዓመት መጨረሻ በሞተራይዝድ እግረኛ ስልጠናቸውን ጨርሰው በምክትል መቶ አለቅነት ማዕረግ ተመረቁ።

ከምረቃ በኋላ ምደባቸው ፍቼ ማሰልጠኛ ሆነ።

ጥቂት ቆይተውም ወደ ደቡብ ዕዝ ተዛወሩ።

የውጭ አገራት ትምህርት ቀሰማ

ከጥቂት ጊዜያት የደቡብ ዕዝ አገልግሎት በኋላ ወደ ቀድሞዋ ምሥራቅ ጀርመን ለትምህርት አቀኑ።

በዚያም የስድስት ወራት የፖለቲካ ትምህርታቸውን አጠናቀቁ። 

ወደ አገር ተመለሱ።

ባሬ ደቡብ ዕዝ የፖለቲካ ኃላፊ ሆነው እስከ 1973 ግልጋሎታቸውን አበረከቱ።

ከባሬ ወደ ሞስኮ

የባሬ ግልጋሎት ላይ ሳሉ ወደ ቀድሞይቱ ሶቪየት ኅብረት መዲና ሞስኮ ኮምሶሞል ትምህርት ቤት ሄደው ለመማር ተመረጡ።

የኮምሶሞል የወጣቶች አደረጃጀት ትምህርታቸውን እንዳጠናቀቁም ወደ እናት ክፍላቸው ደቡብ ዕዝ ተመልሰው የድርጅት መምሪያ ውስጥ ማገልገል ጀመሩ።

ግልጋሎት ላይ ሳሉ በ1977 ዳግም ወደ ሞስኮ ለረጅም ጊዜ ወታደራዊና የፍልስፍና ትምህርት ተላኩ።

News
Solomon Asnake.
S.Asnake

ይሁንና የወቅቱ የሰሜኑ ጦርነት እያየለ በመምጣቱ የኢትዮጵያ መንግሥት በውጭ አገር በትምህርት ላይ ያሉ መኮንኖች ወደ አገር እንዲመለሱ ጥሪ አቀረበ።

በወቅቱ የአራተኛ ዓመት ተማሪ የነበሩት ሰለሞን ወደ አገር ቤት ለመመለስ ግድ ተሰኙ።

አገር ቤት እንደተመለሱም የሶስተኛ አብዮታዊ ሠራዊት አባል ሆነው ከ1980 እስከ 1982 አገለገሉ።

ከጦር ግንባር ወደ ስደት

የሻለቅነት ማዕረጋቸውን ለመልበስ የተቃረቡት ሻምበል ሰለሞን ለከፍተኛ መኮንንነት ማዕረግ ሳይቆዩ በተለያዩ ምክንያቶች ሳቢያ በጎንደር በኩል የሱዳንን ድንበር ተሻግረው ለስደት ሕይወት ተዳረጉ።

ሱዳን ውስጥ አዲሱን የስደት ሕይወት ከሌሎች ኢትዮጵያውያን ስደተኞች ጋር ሆነው መግፋት ጀመሩ።

በሱዳኑ የስደት ሕይወታቸው ፈታኝ የሆነባቸው በሕፃንነቷ የተለዩዋት የመጀመሪያ ሴት ልጃቸው ናፍቆትና ሃሳብ ነበር።

ሕይወት ሌላ ገፅታና ስጦታም አላትና በሱዳኑ የስደት ሕይወት ሁለተኛ ሴት ልጅ ለማፍራትና ቤተሰብም ለመመስረት በቁ።

እንዲያ እየኖሩ ሳሉ አውስትራሊያ ነዋሪ በሆኑ አንድ ኢትዮጵያዊ ድጋፍ ወደ አውስትራሊያ የመስፈር ዕድል ገጠማቸው።

  

   

 

 

 

  

 

Coming up next

# TITLE RELEASED TIME MORE
ሰለሞን አስናቀ፤ ከጎርጎራ እስከ አውስትራሊያ 21/04/2022 13:20 ...
አገርኛ ሪፖርት - የኢትዮጵያ አየር መንገድ የዲሞክራቲክ ኮንጎ አየር መንገድን 45 በመቶ ድርሻ ሊገዛ ነው 27/06/2022 10:34 ...
“ ከእግር ኳስ ፌዴሬሽን ጋር በመሆን ከ 14 በላይ ለሚሆኑ ሴቶች የእግር ኳስ ስልጠናን እየሰጠን ነው :: " – አቶ እዮብ እሱባለው 27/06/2022 10:44 ...
" አላማችን ሴት የእግር ኳስ ተጫዋቾችን እና ዳኞችን በብዛት ማፍራት ነው ፡፡" - ወጣት ፌቨን ሙሉጌታ እና ሶስና አበበ 27/06/2022 12:39 ...
" በሜልበርን የተደረገው ሰልፍ አላማ በወለጋ በአማራ ብሄር ላይ የተደረገውን ዘር ተኮር ጥቃት ለመቃወም ነው። " - አቶ ግርማ አካሉ የአማራ ህብረት በሜልበርን የህዝብ ግንኙነት ሀላፊ 26/06/2022 13:03 ...
ዳባሳ ዋቅጅራ፤ ከስደት ወደ ሠፈራ 24/06/2022 15:16 ...
ዜና 24/06/2022 04:51 ...
ዳባሳ ዋቅጅራ፤ ከዘመቻ ወደ ስደት 24/06/2022 12:52 ...
ዳባሳ ዋቅጅራ፤ ከጥቁር እንጪኒ እስከ የኢትዮጵያ ቴሌቪዥን 24/06/2022 11:32 ...
ቤንዴሬ ኦቦያ፤ ኢትዮጵያዊቷ የአውስትራሊያ ብሩህ ኮከብ አትሌት 22/06/2022 12:35 ...
View More