Coming Up Sat 10:00 PM  AEST
Coming Up Live in 
Live
Burmese radio

သြစီဆိုင်ရာ ကိုဗစ်-၁၉ - သင့်ဘာသာစကားနဲ့ သိရမယ့် ကာကွယ်ဆေးအကြောင်းနဲ့ တခြားအကြောင်းအရာများ

Close up of covid vaccine vials Source: AAP Image

SBS ဟာ COVID-19 ရောဂါ ပြန့်ပွားနေမှုနဲ့ ပတ်သက်ပြီး သင့်ဘာသာစကားနဲ့ ယုံကြည်စိတ်ချရတဲ့ သတင်းအချက်အလည်တွေကို ဖော်ပြပေးနေပါတယ်။ အောက်ပါ အချက်အလက်တွေဟာ လူမှုအသိုင်းအဝိုင်းအတွင်းက လူတိုင်း သိသင့်သိထိုက်တဲ့ အချက်အလက်တွေ ဖြစ်ပါတယ်။

ဒီအချက်အလက်မှန်တွေကို ၁၂ ရက် ၁ လ ၂၀၂၁ ခုနှစ်မှာ update လုပ်ထားပါတယ်။ ကိုရိုနာဗိုင်းရပ်စ်နဲ့ ပတ်သက်တဲ့ နောက်ဆုံးရ အချက်အလက်တွေကို မြန်မာဘာသာနဲ့ https://www.sbs.com.au/language/burmese/coronavirus-updates မှာ လေ့လာပါ။  


သြစတြေးလျနိုင်ငံရဲ့ ကိုဗစ်-၁၉  ကာကွယ်ဆေး 

သြစတြေးလျံ အစိုးရကနေ လုံခြုံဘေးကင်းပြီး ထိရောက်မှု ရှိတဲ့ ကိုဗစ်-၁၉  ကာကွယ်ဆေးတွေ ရရှိပြီ ဆိုတာနဲ့ သြစတြေးလျံ အားလုံးအတွက် ထိုးပေးနိုင်အောင် လုပ်ဆောင်ဖို့ စီစဉ်ထားပါတယ်။ 

သြစတြေးလျနိုင်ငံရဲ့ COVID-19 ကာကွယ်ဆေး ဖြန့်ချီရေးမဟာဗျူဟာလည်း ချမှတ်ထားပါတယ်။ အဲဒီအစီအစဉ်ထဲမှာ -  

  • ဦးစားပေး ထိုးပေးမယ့် လူတွေကို သတ်မှတ်ထားသလို သြစတြေးလျနိုင်ငံအတွင်းမှာ အဆင့်လိုက် ဘယ်လို လုပ်ဆောင်သွားမယ့် အဆင့်တွေကိုလည်း သတ်မှတ်ထားပါတယ်။ 
  • ရောဂါတိုက်ဖျက်ရေးအတွက် ရှေ့တန်းမှာ လုပ်ဆောင်နေတဲ့ ကျန်းမာရေး လုပ်သားတွေ၊ ကွာရန်တင်းစင်တာက လုပ်သားတွေ၊ နယ်စပ်ရေးရာဌာနက လုပ်သားတွေ၊ သက်ကြီးစောင့်ရှောက်ရေး၊ မသန်စွမ်းသူတွေကို ကူညီစောင့်ရှောက်ရေးအလုပ်သမားတွေနဲ့ သက်ကြီးစောင့်ရှောက်ရေးစင်တာ၊ မသန်စွမ်းသူ စောင့်ရှောက်ရေးစင်တာမှာ နေထိုင်တဲ့ လူတွေဆီ ကာကွယ်ဆေး ရောက်သွားအောင် ဘယ်လို လုပ်ဆောင်သွားမလဲ ဆိုတဲ့ အသေးစိတ် အစီအစဉ်လည်း ပါဝင်ပါတယ်။ 
  • ဘယ်နေရာမှာ စတင်မယ်၊ သြစတြေးလျ တလွှားမှာ ဘယ်နေရာတွေမှာ ထိုးပေးမယ် စတဲ့ အချက်အလက်တွေလည်း ပါဝင်ပါတယ်။ 

သြစတြေးလျနိုင်ငံ ကိုဗစ်-၁၉  ကာကွယ်ဆေးဆိုင်ရာ လမ်းပြမြေပုံကို ဒီနေရာမှာ ကြည့်ရှုနိုင်ပါတယ်။

 

COVID-19 vaccine national roll-out strategy
COVID-19 vaccine national roll-out strategy
Australian Government - Department of Health

ပထမပိုင်းမှာ ကာကွယ်ဆေးကို အကန့်အသတ်နဲ့သာ ရရှိမှာဖြစ်လို့ ပထမဆုံး ဦးစားပေးရမယ့် လူတွေကို အရင်ဆုံး ထိုးပေးမှာ ဖြစ်ပါတယ်။  

  • ပထမအဆင့် - Pfizer/BioNTech ကာကွယ်ဆေးအမျိုးအစားကို ကွာရန်တင်းစင်တာလုပ်သား၊ နယ်စပ်ရေးရာလုပ်သား၊ ရှေ့တန်းက ကျန်းမာရေးလုပ်သားတွေ၊ သက်ကြီးနဲ့ မသန်စွမ်းသူ စောင့်ရှောက်ရေးဌာနမှာ နေထိုင်သူတွေနဲ့ အဲဒီက အမှုထမ်းတွေကို ဦးစားပေး ထိုးပေးမှာ ဖြစ်ပါတယ်။  
  • ဒုတိယအဆင့် -  Pfizer/BioNTech ကာကွယ်ဆေး အမျိုးအစားကို အသက် ၇၀ ကျော် သက်ကြီးတွေနဲ့ တခြား ကျန်းမာရေးလုပ်သားတွေ၊ အသက် ၅၅ နှစ်ကျော် ဌာနေတိုင်းရင်းသား Aboriginal နဲ့ Torres Strait Islander တွေနဲ့ မသန်စွမ်းမှုအပြင် တခြား ရောဂါ အခံရှိတဲ့ လူတွေကို ဦးစားပေးမှာဖြစ်သလို ရောဂါကူးစက်နိုင်ခြေများတဲ့ လူတွေလို့ သတ်မှတ်တဲ့ ရဲတွေ၊ မီးသတ်သမားတွေ၊ စစ်သားတွေ၊ အရေးပေါ်ဌာနက လူတွေနဲ့ အသားထုတ်လုပ်ရေးမှာ လုပ်ကိုင်သူတွေကို ဦးစားပေး ထိုးပေးမှာ ဖြစ်ပါတယ်။  
  • တတိယအဆင့် - AstraZeneca နဲ့ Novavax ကာကွယ်ဆေးအမျိုးအစားတွေကို အသက် ၅၀ ကျော် သူတွေ၊ အသက် ၁၈ နှစ်ကျော်သူ ဌာနေတိုင်းရင်းသား Aboriginal နဲ့ Torres Strait Islander တွေအပြင် တခြား မရှိမဖြစ် လိုအပ်တဲ့ လုပ်သားတွေနဲ့ ကူးစက်နိုင်ခြေ များတဲ့ တခြားလုပ်သားတွေကို ဦးစားပေး ထိုးပေးမှာ ဖြစ်ပါတယ်။  
  • စတုတ္ထအဆင့် - ဒီအဆင့်မှာတော့ AstraZeneca နဲ့ Novavax ကာကွယ်ဆေးတွေကို အသက် ၁၈ နှစ်အထက် ရှိသူတွေအပြင် အရင်အဆင့်တွေတုန်းက မထိုးရသေးတဲ့ လူတွေကို ထိုးပေးတဲ့အဆင့် ဖြစ်ပါတယ်။  
  • ပဉ္စမအဆင့် - AstraZeneca နဲ့ Novavax  ကာကွယ်ဆေးတွေကို ကျန်းမာရေးပညာရှင်တွေကသာ အသက် ၁၈ နှစ်အောက် ရှိသူတွေကိုလည်း ထိုးပေးသင့်တယ်လို့ ပြောလာရင် ထိုးပေးမယ့် အဆင့် ဖြစ်ပါတယ်။  

ကိုဗစ်-၁၉  ဆိုင်ရာ စိတ်ကျန်းမာရေးနဲ့ ပံ့ပိုးမှုများ 

သြစတြေးလျ အစိုးရကနေ ကိုဗစ်-၁၉  ဆိုင်ရာ စိတ်ကျန်းမာရေး ပံ့ပိုးကူညီမှုတွေ လုပ်ဆောင်ပေးထားတာရှိပြီး အဲဒီ ပံ့ပိုးမှုတွေကို "Head to Health" ဆိုတဲ့ အစီအစဉ်ကနေတဆင့် လုပ်ဆောင်ပေးနေတာ ဖြစ်ပါတယ်။ အဲဒီအစီအစဉ်ကနေ ကပ်ရောဂါကာလနဲ့ self-isolation လုပ်ရမယ့် ကာလအတွင်း စိတ်ကျန်းမာရေး ကောင်းမွန်စွာ ထိန်းသိမ်းဖို့အတွက် ဘယ်လို လုပ်ဆောင်နိုင်တဲ့ အချက်အလက်တွေနဲ့ လမ်းညွန်ချက်တွေကို ဖော်ပြပေးတာ ဖြစ်ပါတယ်။ အစိုးရကနေ စိတ်ကျန်းမာရေးဆိုင်ရာ စောင့်ရှောက်ရေးအစီအစဉ် mental health care plan အောက်မှာ ရှိနေတဲ့ လူတိုင်း တစ်နှစ်မှာ ၁၀ ကြိမ်အထိ ကောင်းမွန်တဲ့ စိတ်ရောဂါအထူးကုပညာရှင်နဲ့ စိတ်ကျန်းမာရေးဆိုင်ရာ ပညာရှင်တွေရဲ့ ဝန်ဆောင်မှုတွေရရှိအောင် ဒါမှမဟုတ် အထွေထွေဆရာဝန်ကနေတဆင့် MBS (Better Access) ဝန်ဆောင်မှုတွေ ရရှိနိုင်အောင် စီစဉ်ဆောင်ရွက်ပေးတာ ဖြစ်ပါတယ်။ 

ငွေရေးကြေးရေး အခက်အခဲ (Pandemic Leave Disaster Payment) 

ကိုဗစ်-၁၉  ကာလအတွင်း ငွေရေး ကြေးရေး အခက်အခဲဖြစ်နေရင်Covid19 Money Smart မှာ သွားရောက်လေ့လာနိုင်သလို National Debt Helpline ရဲ့ ဖုန်းနံပတ်ဖြစ်တဲ့ ၁၈၀၀ ၀၀၇ ၀၀၇ ကို ဆက်သွယ်နိုင်ပါတယ်။ 

သြစတြေးလျနိုင်ငံ ပြည်ထောင်စု အစိုးရကနေ ကပ်ရောဂါဆိုင်ရာခွင့် အနေနဲ့ disaster payment တွေ ချမှတ်ပေးထားပြီး pandemic leave မှာ လျှောက်ထားပါတယ်။ 

အဲဒီ ပံ့ပိုးကြေးဟာ ရောဂါကြောင့် အလုပ်မသွားပဲ အိမ်မှာနေပြီး self-isolate ဒါမှမဟုတ် ကွာရန်တင်းဝင်ရသူတွေ ဖြစ်နိုင်သလို ကိုဗစ်-၁၉  ရောဂါရှိသူကို ပြုစုစောင့်ရှောက်မှု လုပ်ရမှာဖြစ်ပေမယ့် အလုပ်မှာ ဖျားနာခွင့်မရှိတဲ့လူတွေကို ပံ့ပိုးပေးထားတဲ့ ပံ့ပိုးမှု ဖြစ်ပါတယ်။ 

Pandemic Leave Disaster ပံ့ပိုးကြေးနဲ့ပတ်သက်ပြီး ဆိုင်ရာ ပြည်နယ်နဲ့ ဒေသတွေရဲ့ သတ်မှတ်ချက်တွေကို အောက်မှာ လေ့လာနိုင်ပါတယ်။ 

COVID-19 ရောဂါ ဘယ်လို ကူးစက်ပြန့်နှံ့ပါသလဲ၊ ဘယ်လို ကာကွယ်နိုင်မလဲ။ 

COVID-19 ဟာ တစ်ဦးကို တစ်ဦး အောက်ပါ နည်းလမ်းတွေနဲ့ ကူးစက်နိုင်ပါတယ်။ 

  • ကူးစက်ခံရသူနဲ့ ထိတွေ့ဆက်ဆံမှု ဒါမှမဟုတ် ရောဂါ လက္ခာဏာ မပြသခင်မှာ ထိတွေ့ဆက်ဆံမှုတွေကနေတဆင့် ကူးစက်နိုင်ပါတယ်။ 
  • ရောဂါ ကူးစက်ခံထားရသူရဲ့ ချောင်းဆိုးမှု ဒါမှမဟုတ် နာချေမှုတွေကို ထိတွေ့မိရာကနေလည်း ကူးစက်နိုင်ပါတယ်။
  • ရောဂါကူးစက်ခံရသူရဲ့ ချောင်းဆိုးမှု ဒါမှမဟုတ် နာချေမှုတွေ ပေကျန်နေတဲ့ အရာ (ဥပမာ တံခါးလက်ကိုင်နဲ့ စားပွဲခုံ) တွေကို ကိုင်မိပြီးနောက် အဲဒီကနေတဆင့် မိမိရဲ့ ပါးစပ်နဲ့ မျက်နှာကို ကိုင်တွယ်မိရာကနေ ကူးစက်နိုင်ပါတယ်။ 

ကိုဗစ်-၁၉  ကို ကာကွယ်နိုင်တဲ့ နည်းလမ်းတွေကတော့ လက်ကို သန့်စင်စွာ ထားခြင်း၊ နာချေ၊ ချောင်းဆိုးတဲ့အခါ လက်မောင်းနဲ့အုပ်ပြီး လုပ်ဆောင်ခြင်းအပြင် ဖျားနာတဲ့အခါ တခြားလူနား မနေတာမျိုးတွေက ဗိုင်းရပ်စ်ရောဂါ ကာကွယ်တိုက်ဖျက်ရေးအတွက် အကောင်းဆုံး နည်းလမ်းတွေ ဖြစ်ပါတယ်။ အဲဒီတော့ သင့်အနေနဲ့ လုပ်သင့်တာက 

  • တစ်ယောက်နဲ့ တစ်ယောက် အနည်းဆုံး ၁.၅ မီတာအကွာမှာနေပြီး အဆောက်အဦးအတွင်းမှာဆိုရင် တစ်ယောက်နဲ့တစ်ယောက် ၄ စတုရန်း မီတာအကွာအဝေးမှာ နေထိုင်တာတွေ
  • အိမ်သာတက်ပြီးတဲ့အခါပဲ ဖြစ်ဖြစ် ထမင်းမစားမီနဲ့ ထမင်းစားပြီးတိုင်းဖြစ်ဖြစ် ဆပ်ပြာနဲ့ လက်ကို မကြာခဏဆေးကြောတာတွေ 
  • ချောင်းဆိုးတဲ့အခါ၊ နာချေတဲ့အခါ အုပ်ထားပြီး အသုံးပြုထားတဲ့ တစ်ရှူးတွေကို စွန့်ပစ်ပြီးရင် အရက်ပျံနဲ့ ဖော်စပ်ထားတဲ့ လက်သန့်စင်ဆေးတွေကို အသုံးပြုတာတွေ
  • နေထိုင်မကောင်းဖြစ်နေရင် တခြားလူနား နေထိုင်ခြင်း မပြုတာတွေ (တခြားလူနဲ့ အနည်းဆုံး ၁.၅ မီတာ အကွာအဝေးမှာ နေထိုင်သင့်) ဖြစ်ပါတယ်။

သြစတြေးလျ အစိုးရက သြစတြေးလျမှာ နေထိုင်တဲ့လူတိုင်း COVIDSafe app ကို ဒေါင်းလုဒ် လုပ်ဖို့ တိုက်တွန်းထားပါတယ်။ 

ရောဂါလက္ခဏာတွေ ခံစားနေရပြီဆိုရင် စစ်ဆေးမှု ခံယူပါ။  

Coronavirus ရောဂါ လက္ခာဏာတွေထဲမှာ သာမာန် ဖျားနာခြင်းကနေ နျူမိုးနီးယား အထိ ပြင်းထန်နိုင်ပြီး COVID-19 ရဲ့ ရောဂါ လက္ခာဏာတွေဟာ တခြား အအေးမိခြင်းနဲ့ တုတ်ကွေးရောဂါ လက္ခာဏာနဲ့ ဆင်တူနေတတ်ပြီး အဲဒီအထဲမှာ 

  • ဖျားခြင်း
  • အသက်ရှုလမ်းကြောင်းဆိုင်ရာ ရောဂါလက္ခာဏာရှိခြင်း
  • ချောင်းဆိုးခြင်း 
  • လည်ချောင်းနာခြင်း
  • အသက်ရှုမဝခြင်းနဲ့ 
  • တခြားလက္ခာဏာတွေလည်း ပါဝင်ပြီး အဲဒီအထဲမှာ နာရေယိုခြင်း၊ ခေါင်းကိုက်ခြင်း၊ ကြွက်သား ဒါမှမဟုတ် အဆစ်တွေ ကိုက်ခဲခြင်း၊ မူးဝေခြင်း၊ ဝမ်းလျှောခြင်း၊ အန်ခြင်း၊ အနှံ့အာရုံ ပျက်စီးခြင်း၊ အရသာအာရုံ ပျက်စီးခြင်း၊ စားချင်စိတ် မရှိခြင်းနဲ့ မူးဝေအော့အန်ချင်နေတာမျိုးတွေ ပါဝင်ပါတယ်။ 

ကျန်းမာရေး အာဏာပိုင်တွေကနေ ကိုဗစ်-၁၉  ရောဂါလက္ခာဏာနဲ့ ဆက်စပ်ပြီး စစ်ဆေးလေ့လာလို့ရအောင် အချက်အလက်တွေ တင်ပြထားတာရှိပြီး  COVID19 Symptom Checker  မှာ လေ့လာနိုင်ပါတယ်။ 

ကိုရိုနာဗိုင်းရပ်စ် ကုသရေးအတွက် တိကျတဲ့ ကုသနည်း မရှိသေးပါဘူး။ ဒါပေမဲ့ အများအားဖြင့်တော့ supportive medical care နည်းတွေနဲ့ ကုသပေးပါတယ်။ ပဋိဇီဝ ပိုးသတ်ဆေးတွေက ဗိုင်းရပ်စ်အပေါ် သက်ရောက်မှု မရှိဘူးလို့လည်း သိရပါတယ်။ 

ရောဂါ လက္ခာဏာတွေ ပေါ်လာပြီဆိုရင် ရောဂါ ရှိမရှိ စမ်းသပ်စစ်ဆေးမှု ခံယူပါ။

မိမိရဲ့ ဆရာဝန် သို့မဟုတ် ဆေးရုံကို အရင်ဆုံး သင့်ရဲ့ ရောဂါလက္ခဏာအကြောင်း မပြောပြခင် သွားရောက်တာမျိုးမလုပ်ပါနဲ့။ ခါတိုင်းလိုပဲ သွားလာလို့ ရပြီလို့ ကျန်းမာရေးအာဏာပိုင်တွေက မပြောမခြင်း အိမ်မှာ ဒါမှမဟုတ် ဟိုတယ်မှာပဲ နေထိုင်ပါ။ 

ရောဂါလက္ခဏာအကြောင်းနဲ့ ပတ်သက်ပြီး တစ်ယောက်ယောက်ကို မေးမြန်းဆက်သွယ်လိုရင် တစ်နိုင်ငံလုံးအတွက် ချမှတ်ပေးထားတဲ့ Coronavirus Health Information Hotline ရဲ့ ဖုန်းနံပတ်ဖြစ်တဲ့ ၁၈၀၀ ၀၂၀ ၀၈၀ ကို ၂၄ နာရီ ၇ ရက်ပတ်လုံး ဖုန်းဆက်မေးမြန်းနိုင်ပါတယ်။  

ဘယ်နေရာမှာ စစ်ဆေးမှု ခံယူနိုင်သလဲ။ 

ကိုဗစ်-၁၉  ရောဂါ စစ်ဆေးရေး စင်တာတွေနဲ့ ပတ်သက်ပြီး သင်နေထိုင်ရာ ပြည်နယ်နဲ့ ဒေသမှာ စစ်နိုင်တဲ့နေရာကို အောက်ပါလင့်ခ်မှာ လေ့လာနိုင်ပါတယ်။ 

သင့်မှာ ရောဂါလက္ခဏာ ရှိနေရင် သီးသန့်ခွဲခြားနေထိုင်းခြင်း self-isolate လုပ်ရမှာ ဖြစ်ပါတယ်။

အဲဒီကာလအတွင်း အလုပ်သွားတာတွေ၊ ကျောင်းသွားတာတွေ၊ ရှော့ပင်းစင်တာ၊ ကလေးထိန်းကျောင်း ဒါမှမဟုတ် တက္ကသိုလ် တက်တာမျိုးတွေ မလုပ်ပါနဲ့။

တခြားလူတွေကို အကူအညီတောင်းပြီး သင့်အိမ်ရှေ့တံခါးမှာ အစားအစာနဲ့ တခြား လိုအပ်တဲ့ အရာတွေကို လာချပေးဖို့ အကူအညီတောင်းနိုင်ပါတယ်။

ဧည့်သည်တွေကိုလည်း အိမ်ထဲ ဝင်ခွင့်မပြုပါနဲ့ - သင်နဲ့အတူ နေထိုင်နေကြ အိမ်သူ အိမ်သားကိုသာ သင့်အိမ်မှာ နေထိုင်သင့်ပါတယ်။

0:00

 

ဘယ်သူတွေအတွက် စိုးရိမ်ရပါသလဲ။ 

တချို့ ရောဂါ ကူးစက်ခံရသူတွေဟာ လုံးဝဖျားနာခြင်းမျိုးတွေ မရှိပေမယ့် တချို့လူတွေမှာ ရောဂါ လက္ခာဏာ အနည်းငယ်သာပြပြီး အလွယ်တကူ သက်သာပျောက်ကင်းမှာဖြစ်ပေမယ့် တချို့လူတွေကတော့ အလျင်အမြန်နှုန်းနဲ့ အဖျားကြီးတာမျိုး ဖြစ်တတ်ပါတယ်။ တခြား ကိုရိုနာဗိုင်းရပ်စ် အမျိုးအစားတွေကနေ သိရတဲ့ အတွေ့အကြုံတွေအရ ဒီရောဂါဟာ  

  • Aboriginal နဲ့ Torres Strait Islander ဌာနေတိုင်းရင်းသား လူမျိုးတွေဖြစ်ပြီးတော့ အသက် ၅၀ ကျော်နဲ့အထက်ရှိပြီး နာတာရှည်ရောဂါ တစ်ခု ဒါမှမဟုတ် တစ်ခုထက်မက ရှိသူတွေ
  • အသက် ၆၅ နှစ်နဲ့ အထက်ရှိပြီးတော့ နာတာရှည် ဝေဒနာ ရှိသူတွေ အတွက် စိုးရိမ်ရပါတယ်။ နာတာရှည်ရောဂါ အခြေအနေအဖြစ် သတ်မှတ်ထားတာတွေ အာလုံးပါဝင်ပြီး သက်သေအထောက်အထားတွေ ဒီထက်မက ထွက်လာတဲ့အခါ ထပ်မံ အသိပေးသွားမှာ ဖြစ်ပါတယ်။
  • အသက် ၇၀ နဲ့ အထက် ရှိသူတွေနဲ့
  • ခုခံအားစနစ် ပျက်ပြားနေတဲ့သူ (ဥပမာ ကင်ဆာဝေဒနာသည်) တွေအတွက် စိုးရိမ်ရပါတယ်။  

 

နှာခေါင်းစည်းတွေကို တပ်ဆင်သင့်သလား။ 

သြစတြေးလျနိုင်ငံအတွင်းက တချို့ပြည်နယ်နဲ့ ဒေသတွေမှာ နှာခေါင်းစည်းတွေကို တပ်ဆင်ဖို့ တိုက်တွန်းသလို၊ တချို့ကတော့ မဖြစ်မနေ တပ်ဆင်ဖို့ သတ်မှတ်ထားတာ ရှိပါတယ်။ သင်နေထိုင်ရာ ပြည်နယ်နဲ့ ဒေသမှာ ကိုဗစ်-၁၉  ရောဂါ အခြေအနေ ပြောင်းလဲမှုရှိရင် သင့်အနေနဲ့ နှာခေါင်းစည်းတွေကို တပ်ဆင်မှုလုပ်ဖို့ သင့်မသင့် ဆိုတဲ့ ညွန်ကြားချက်တွေမှာလည်း အပြောင်းအလဲ ရှိနိုင်ပါတယ်။ အဲဒီတော့ သင်နေထိုင်ရာ ပြည်နယ်နဲ့ ဒေသရဲ့ အကြံပြုချက်တွေကို အမြဲတမ်း သိအောင် လုပ်ဖို့ အရေးကြီးပါတယ်။ ဆိုင်ရာပြည်နယ်ရဲ့ သတ်မှတ်ချက်ကို အောက်ပါအတိုင်း လေ့လာနိုင်ပါတယ်။  

နှာခေါင်းစည်းကို တပ်ဆင်တဲ့အခါမှာလည်း မှန်ကန်တဲ့ နည်းလမ်းတွေနဲ့ တပ်ဆင်သင့်ပါတယ်။ 

  • နှာခေါင်းစည်းကို မတပ်ခင်မှာ သင့်ရဲ့ လက်ကို လက်သန့်စင်ဆေးနဲ့ အရင်သန့်စင်အောင်လုပ်ပြီးမှ တပ်ဆင်သင့်သလို ဖြုတ်ပြီးတဲ့အခါကြရင်လည်း လက်သန့်စင်ဆေးနဲ့ သန့်စင်သင့်ပါတယ်။ 
  • နှာခေါင်းစည်း mask က သင့်ရဲ့ နှာခေါင်း၊ ပါးစပ်ကို လုံခြုံရမှာဖြစ်သလို သင့်ရဲ့ မေးအောက်နားမှာ အသားကျနေရမှာဖြစ်ပြီး သင့်ရဲ့ နာတံနဲ့ ပါးနှစ်ဖက်ရဲ့ ထောင့်ကို လုံခြုံစေရမှာ ဖြစ်ပါတယ်။  
  • နှာခေါင်းစည်းကို တပ်ဆင်တဲ့အခါ ဒါမှမဟုတ် ဖြုတ်လိုက်တဲ့အခါကြရင် နှာခေါင်းစည်းရဲ့ အရှေ့ဖက်ကို လက်နဲ့ ကိုင်တွယ်ထိတွေ့တာမျိုး မလုပ်ပါနဲ့။ 
  • နှာခေါင်းစည်းကို သင့်ရဲ့ လည်ပင်းနဲ့ နှာခေါင်းအောက်မှာ ချထားတာမျိုး မလုပ်ပါနဲ့။  
  • တစ်ခါသုံး နှာခေါင်းစည်းတွေကို ပြန်လည်အသုံးပြုတာမျိုး မလုပ်ပါနဲ့။ ထပ်ခါ ထပ်ခါ ပြန်သုံးလို့ရတဲ့ နှာခေါင်းစည်းမျိုးကို အသုံးပြုမယ်ဆိုရင်လည်း တစ်ခါသုံးပြီးတိုင်း လျှော်ဖွတ်ပြီး သန့်ရှင်းခြောက်သွေ့တဲ့နေရာမှာ သိမ်းထားသင့်ပါတယ်။  

ပြည်တွင်း၊ ပြည်ပ ဝင်ထွက်သွားလာခြင်း။ 

ပြည်နယ်နဲ့ ဒေသဆိုင်ရာ အစိုးရကနေ သီးသန့်သတ်မှတ်ချက်တွေနဲ့ ကန့်သတ်ထားခွင့်ရှိပြီး အဲဒီအထဲမှာ နယ်စပ်တွေကို ပိတ်ချထားခွင့်လည်း ပါဝင်ပါတယ်။ 

ဒေတာအချက်အလက်တွေကို စုဆောင်းဖို့ ပြဌာန်းခြင်း

၂၀၂၀ ပြည့်နှစ် အောက်တိုဘာလ ၁ ရက်နေ့ကစပြီး ပြည်နယ်နဲ့ ဒေသဆိုင်ရာ အာဏာပိုင်တွေအတွက် ရောဂါခြေရာခံတဲ့နေရာမှာ လွယ်ကူအောင် ပြည်တွင်းမှာ ပြေးဆွဲတဲ့ လေယာဉ်ပေါ်က ခရီးသည်တွေရဲ့ ဒေတာအချက်အလက်ကို စုဆောင်းဖို့ ပြဌာန်းထားပြီး နာမည်၊ အီးမေးလ်လိပ်စာ၊ မိုဘိုင်းဖုန်းနံပတ်နဲ့ နေထိုင်ရာ ပြည်နယ် စတဲ့အချက်အလက်တွေကို ကောက်ခံနေပြီ ဖြစ်ပါတယ်။

 

နိုင်ငံတကာ ခရီးသွားခြင်း

နိုင်ငံတကာ ပြေးဆွဲတဲ့လေယာဉ်တွေအတွက် ယာယီ သတ်မှတ်ကန့်သတ်ချက်တွေ ထားရှိပြီး အစိုးရကနေ ဒီလို ကန့်သတ်ချက်တွေကို ပုံမှန်ပြန်လည် ဆန်းစစ်ပြီး အပြောင်းအလဲတွေ လုပ်နိုင်ပါတယ်။ ဒီလို ကန့်သတ်ချက်တွေက သင်သြစတြေးလျကို ပြန်လာဖို့အရေး ထိခိုက်မှု ရှိနိုင်ပါတယ်။ အချက်အလက်တွေက မကြာခဏ အပြောင်းအလဲတွေ ဖြစ်နေပါတယ်။ ပိုမိုသိလိုရင် Smart Traveller မှာ လေ့လာပါ။ 

ကွာရန်တင်းကိစ္စနဲ့ ရောဂါစမ်းသပ်ရေးတွေကို ပြည်နယ်နဲ့ ဒေသအလိုက် စီစဉ်ကြတာဖြစ်ပြီး အောက်ပါ လင့်ခ်တွေမှာ လေ့လာနိုင်ပါတယ်။ 

သြစတြေးလျနိုင်ငံကနေ ပြည်ပကို ထွက်ခွာလိုတယ်ဆိုရင် ခရီးသွားခွင့်ရဖို့ အွန်လိုင်းပေါ်မှာ လျှောက်ထားနိုင်ပြီး အောက်ပါအချက်အလက်တွေပြည့်စုံရင်တောင် ချွင်းချက် ရရှိနိုင်ပါတယ်။

  • ကိုဗစ်-၁၉  ပြန့်ပွားမှုနဲ့ ပတ်သက်ပြီး အကူအညီပေးဖို့ အပါအဝင် သင့်ရဲ့ ခရီးစဉ်ဟာ ရောဂါ ကူးစက်ပြန့်နှံ့မှုအပေါ် တုန့်ပြန်ဖို့အတွက်
  • သင့်ရဲ့ ခရီးစဉ်ဟာ (သွင်းကုန်၊ ထုတ်ကုန်အပါအဝင်) အရေးကြီးတဲ့ စီးပွားရေးလုပ်ငန်းနဲ့ စက်မှုကုန်ထုတ်လုပ်ငန်းလုပ်ဖို့အတွက်
  • သြစတြေးလျနိုင်ငံမှာ မရနိုင်တဲ့ အရေးပေါ် ဆေးကုသမှု ခံယူဖို့အတွက်
  • အရေးပေါ်လိုအပ်ပြီး မရှောင်ရှားနိုင်တဲ့ ကိုယ်ရေးကိုယ်တာ ကိစ္စအတွက်
  • လူသားခြင်း စာနာထောက်ထားရေးအတွက်နဲ့ 
  • နိုင်ငံတော်အတွက်သာ ခရီးသွားတာမျိုး ဖြစ်ရမှာ ဖြစ်ပါတယ်။ 

အချက်အလက် ပိုမို သိလိုတယ်ဆိုရင် www.smartraveller.gov.au ကို သွားရောက် လေ့လာနိုင်ပါတယ်။ 

 


 

အစိုးရကနေ ထုတ်ပြန်ထားတဲ့ အချက်အလက်များ 

 

  • ကိုဗစ်-၁၉  နဲ့ ပတ်သက်ပြီး သြစတြေးလျ အစိုးရရဲ့ ကိုင်တွယ်ချက်တွေကို Government response to the outbreak မှာ လေ့လာပါ။ 
  • အင်္ဂလိပ်ဘာသာနဲ့ အချက်အလက်တွေကို ပိုသိချင်ရင် Australian Government Department of Health မှာ လေ့လာပါ။ 
  • AUSTRALIAN GOVERNMENT DEPARTMENT OF HOME AFFAIRS - သြစတြေးလျံ လူမှုအသိုင်းအဝိုင်းအတွက် သင့်ဘာသာစကားဖြင့် အချက်အလက်တွေကို information for the Australian community in your language မှာ ရှာကြည့်နိုင်ပါတယ်။ 

 


သြစတြေးလျနိုင်ငံမှာ နေထိုင်သူတွေအနေနဲ့  တစ်ယောက်နဲ့တစ်ယောက် ၁.၅ မီတာ အကွာမှာ နေဖို့ ညွန်ကြားထားပါတယ်။ ပြည်နယ်အလိုက် လူဘယ်လောက်သာ စုရမယ်ဆိုတဲ့ ကန့်သတ်တင်းကြပ်မှုတွေကို လေ့လာပါ။ 

သင့်အနေနဲ့ အအေးမိခြင်း ဒါမှမဟုတ် တုတ်ကွေးရောဂါ လက္ခဏာ ခံစားနေရရင် နေအိမ်မှာပဲနေပြီး ရောဂါ စမ်းသပ်ဖို့ သင့်ရဲ့ ဆရာဝန်ကို ဖုန်းဆက်နိုင်သလို Coronavirus Health Information Hotline ရဲ့ ဖုန်းနံပတ်ဖြစ်တဲ့ ၁၈၀၀ ၀၂၀ ၀၈၀ ကိုလည်း ဆက်သွယ်နိုင်ပါတယ်။

SBS အနေနဲ့ ကိုရိုနာဗိုင်းရပ်စ်နဲ့ ဆက်စပ်တဲ့ အကြောင်းအရာတွေကို နားဆင်လေ့လာနိုင်အောင် ဘာသာစကား ၆၃ မျိုးနဲ့ တင်ဆက်ပေးနေပြီး www.sbs.com.au/coronavirus မှာ သွားရောက် လေ့လာနိုင်ပါတယ်။ 

သင်နေထိုင်ရာ ပြည်နယ် ဒါမှမဟုတ် ဒေသနဲ့ ပတ်သက်တဲ့ အချက်အလက်တွေကို NSW, VictoriaQueenslandWestern AustraliaSouth AustraliaNorthern TerritoryACTTasmania မှာ လေ့လာပါ။