Coming Up Wed 4:00 PM  AEDT
Coming Up Live in 
Live
Gujarati radio

Here’s how a Melbourne resident managed to reach Australia from India amid coronavirus lockdown

Melbourne resident Atul Oza travelled from Ahmedabad to Australia amid coronavirus lockdown Source: supplied

કોરોનાવાઇરસના કારણે ભારત અને ઓસ્ટ્રેલિયાએ તેમના દેશોની બોર્ડર બંધ કરી દેતા બંને દેશોના હજારો પ્રવાસીઓ અટવાઇ ગયા હતા. જેમાં ઓસ્ટ્રેલિયાના નાગરિક અતુલભાઇ ઓઝાનો પણ સમાવેશ થાય છે. ઓસ્ટ્રેલિયન સરકારે ભારતમાં રહી ગયેલા દેશના નાગરિકોને પરત લાવવાનું અભિયાન શરૂ કરતા અતુલભાઇ ઓસ્ટ્રેલિયા પાછા ફરી શક્યા છે અને, હાલમાં તે 14 દિવસનું ક્વોરન્ટાઇન પસાર કરી રહ્યા છે.

અમદાવાદથી મુંબઇનો રોડ પ્રવાસ, ભારતની ગરમી, મેડિકલ તપાસ, સૂમસામ એરપોર્ટ, ત્યાર બાદ મુંબઇથી દોહા, અને દોહાથી મેલ્બર્ન ઊતરાણ બાદની ઇમિગ્રેશનની પ્રક્રિયા અને ક્વોરન્ટાઇન સેન્ટરમાં થઇ રહેલા અનુભવનું તેમણે SBS Gujarati સાથે વિસ્તારથી વર્ણન કર્યું છે.

અતુલભાઇ હાલમાં મેલ્બર્નમાં 14 દિવસ ક્વોરન્ટાઇનમાં પસાર કરી રહ્યા છે. તેમણે ભારતનો અનુભવ વર્ણવતા જણાવ્યું હતું કે અમદાવાદથી બપોરે ગરમીમાં તમામ મુસાફરોને મુંબઇ બસ દ્વારા મુંબઇ લઇ જવામાં આવ્યા હતા. અને, ત્યાર બાદ ફ્લાઇટ દ્વારા ઓસ્ટ્રેલિયા પહોંચ્યા હતા.

અતુલભાઇ બિઝનેસના કામ અર્થે ભારત ગયા હતા અને કોરોનાવાઇરસના કારણે બોર્ડર બંધ કરવામાં આવતા તે ત્યાં જ ફસાઇ ગયા હતા.

તેમણે જણાવ્યું હતું કે, જીંદગીમાં ક્યારેય અનુભવ ન કર્યો હોય તેવો અનુભવ તેમણે આ લોકડાઉનના સમયમાં કર્યો હતો.

ઓસ્ટ્રેલિયન સરકારે ફ્લાઇટ્સની વ્યવસ્થા કરી

ભારતમાં ફસાઇ ગયેલા નાગરિકો માટે ઓસ્ટ્રેલિયન સરકારે ફ્લાઇટ્સની વ્યવસ્થા કરી હતી જેમાં અતુલભાઇએ રજીસ્ટ્રેશન કરાવ્યું હતું. તેમણે જણાવ્યું હતું કે, તેમણે ઓસ્ટ્રેલિયન હાઇકમિશનમાં રજીસ્ટર કર્યું અને ત્યાર બાદ હાઇકમિશને ફ્લાઇટની માહિતી આપી. સમગ્ર પ્રક્રિયા પૂરી થઇ ગયા બાદ એરલાઇનની ટિકીટ બુક કરી હતી.

મેલ્બર્નની ફ્લાઇટ માટે અમદાવાદમાં અટવાઇ ગયેલા અતુલભાઇએ મુંબઇ પહોંચવું જરૂરી હતી. તેમણે જણાવ્યું હતું કે લોકડાઉનના કારણે અમદાવાદથી મુંબઇના રસ્તામાં કંઇ જ ખુલ્લું નહોતું. હોટલ અને રેસ્ટોરન્ટ્સ બંધ હોવાથી ખોરાક પણ સાથે જ લઇને જવું પડ્યું હતું.

અતુલભાઇ સહિત તમામ મુસાફરોને મુંબઇમાં હોટલમાં રાખવામાં આવ્યા હતા. તેમણે જણાવ્યું હતું કે સામાન્ય રીતે જે એરપોર્ટ પર ભીડ જોવા મળતી હોય છે તે મુંબઇ એરપોર્ટ તે દિવસે સંપૂર્ણ ખાલી હતું. ફ્લાઇટમાં પણ તમામ પેસેન્જર્સને માસ્ક અને અન્ય ચીજવસ્તુઓ આપવામાં આવી હતી.

મેલ્બર્ન ઊતરાણ બાદ વિવિધ પ્રક્રિયા પૂરી કર્યા બાદ અતુલભાઇ હાલમાં ક્વોરન્ટાઇનમાં સમય પસાર કરી રહ્યા છે.

Listen to SBS Gujarati every Wednesday and Friday at 4 pm.

Follow us on Facebook

Coming up next

# TITLE RELEASED TIME MORE
Here’s how a Melbourne resident managed to reach Australia from India amid coronavirus lockdown 13/05/2020 14:09 ...
SBS Gujarati News Bulletin 24 November 2020 24/11/2020 06:14 ...
SBS Gujarati News Bulletin 23 November 2020 23/11/2020 04:47 ...
SBS Gujarati News Bulletin 20 November 2020 20/11/2020 05:54 ...
'વર્ક ફ્રોમ હોમ' ના ભવિષ્ય વિશે કર્મચારીઓ, નોકરીદાતાઓનો અભિપ્રાય 20/11/2020 08:56 ...
જ્યારે ભારત - પાકિસ્તાન વચ્ચેની રોમાંચક ક્રિકેટ મેચ અધવચ્ચેથી રદ કરવી પડી 20/11/2020 10:23 ...
SBS Gujarati News Bulletin 19 November 2020 19/11/2020 05:55 ...
શું તમારા પૂર્વગ્રહો તમને નોકરી મેળવતા અટકાવે છે? 19/11/2020 11:17 ...
SBS Gujarati News Bulletin 18 November 2020 18/11/2020 06:23 ...
How are businesses and property market affected by RBA rate cuts 18/11/2020 15:20 ...
View More