Coming Up Mon 10:00 PM  AEST
Coming Up Live in 
Live
Amharic radio

Life and Legacy: Dr Aberra Molla - Pt 2

Dr Aberra Molla Source: Courtesy of AM

ዶ/ር አበራ ሞላ በማጠቃለያ ክፍል ሁለት ዝግጅታችን የግዕዝ ፊደልን እንደምን በዘመነኛው ኮምፒዩተር ለትየባ እንዳበቁ፤ በዘረፋ የተወሰደውን የአክሱም ሐውልት ከሮም አስነቅሎ ወደ እናት ምድሩ ኢትዮጵያ እንዲመለስ ስላበረከቱት አስተዋጽዖና በቅርቡ የኢትዮጵያ ቅርስና ውርስ ማኅበረሰብ በሰሜን አሜሪካ ስላበረከተላቸው ሽልማት ያነሳሉ።

ዶ/ር አበራ ሞላ በክፍል አንድ ግለ ሕይወት ትረካቸው፤ ከትውልድ ቀዬአቸው ሰንዳፋ አንስተው ወደ አገረ አሚሪካ አሻግረው አጓጉዘውናል።

እዚያም በኮሎራዶ ስቴት ዩኒቨርሲቲ ድኅረ-ዱክትርናቸውን አጠናቅቀው፤ በተጠበቡበት የእንሰሳት ሕክምናው የምርምር መስክ የመድኅን ማነስን (immune deficiency) ማስወገድ በመቻላቸው የበርካታ ሚሊየን እንሰሳት ሕይወቶች መታደጋቸውን፤ በኤች.አይ.ቪ ኤይድስ የምርምር ዘርፍም ከዓለም አቀፍ ሳይንቲስቶች ጋር ለበሽታው መቋቋሚያ ለመፍጠር ያደረጓቸውን አስተዋጽዖዎች አውግተዋል።

ሲልም፤ ጥሬ ሥጋን መብላት ባሕላዊ የአመጋገብ ልማዳቸው ያደረጉ ኢትዮጵያውያን በተለይም በዓላት በመጡ ቁጥር ወደ እየርሻው እየዘለቁ ሙክትና ሰንጋ ማስጣል ለሚያስከትሏቸው ጠንቆች የተጠያቂነት ኃላፊነትን እንደሚያስወስዳችው፤ እንዲሁም፤ ጥሬ ሥጋ የመብላቱን ነገር ከቁማር ጨዋታ ዕጣ ፈንታ ጋር አያይዘው የሚያስከትሏቸውን የጤናና የሕግ መዘዞችን አክለው የንፅፅሮሽ ምክረ ሐሳባቸውን ቸረዋል።

የክፍል ሁለት የትኩረት አቅጣጫቸው ከብዙ ድካም በኋላ ኢትዮጵያውያን የግዕዝ ፊደልን በኮምፒዩተር መጠቀም እንዲችሉ በማድረጋቸው የተሰማቸውን ጥልቅ ሐሴት ገልጠዋል።

 Life and Legacy: Dr Aberra Molla - Pt 2
GeezEdit iPhone App
Courtesy of AM

ፊደላችን ድምጻዊ ፊደል ስለሆነ አዳብረነው ወደፊት ለሌላው ዓለም ለማስተዋወቅ ይዘነው የምንሔደው ነው ባይ ናቸው።

 Life and Legacy: Dr Aberra Molla - Pt 2
Amharic Alphabet
Courtesy of AM

በሌላም በኩል፤ የግዕዝ ፊደልን በላቲን የመተካቱ እርምጃ ሳይንሳዊ ሳይሆን ፖለቲካዊ ነው ብለው ይከራከራሉ። ሙያዊ ምክረ ሐሳባቸውንም ያጋራሉ።

“የግዕዝ ፊደላችን የኦሮምኛ ቋንቋን መተየብ አይችልም ተብሎ ወደ ላቲን መሔድ ስሕተት ነው። እንዲያውም የኦሮምኛ ቋንቋችን እንዳይዳከም፤ ኦሮሚፋን ተጨማሪ የአገሪቱ የሥራ ቋንቋ ብናደርግ የተሻለ ይመስለኛል።” - ዶ/ር አበራ ሞላ         

ዶ/ር አበራ፤ በጣሊያን ወረራ ወቅት ተዘርፎ የሮማን ፒያሳ ማድመቂያ የነበረው የአክሱም ሐውልት ለአገሩ ምድር በቅቶ የኢትዮጵያን  ቀደምት የሥልጣኔ አሻራን እንዲያጎላና ታሪካዊ ሥፍራውን እንዲያገኝ  ብርቱ ሚና ተጫውተዋል።

 Life and Legacy: Dr Aberra Molla - Pt 2
Axum obelisk
Courtesy of AM

 

Coming up next

# TITLE RELEASED TIME MORE
Life and Legacy: Dr Aberra Molla - Pt 2 28/12/2017 30:48 ...
“በአፍሪካ ቀንድ ላይ የማተኮራችን ዓላማ የኢትዮጵያን ጥቅም በሚያስጠብቅ መልኩ የእንግሊዝኛ ጽሑፍ መረጃ ክፍተትን ለመሸፈን ነው” - ሞገስ ከልክሌና ዮሴፍ አንተነህ 20/06/2021 16:40 ...
ባለፈው አንድ አሠርት ዓመት የዓለም ስደተኞች ቁጥር በእጥፍ ናረ 20/06/2021 06:16 ...
ኒው ሳውዝ ዌይልስ በሕዝብ ትራንስፖርት ተጠቃሚዎች ላይ የፊት ጭምብል የማጥለቅ ገደብ ጣለች 18/06/2021 09:04 ...
የኢትዮጵያ ሰብዓዊ መብቶች ኮሚሽን በምርጫ ታዛቢነት እንዳይሳተፍ ተከለከለ 18/06/2021 07:32 ...
የኢትዮጵያ አገር አቀፍ ምርጫ በኢትዮጵያውያን - አውስትራሊያውያን አንደበት 18/06/2021 10:54 ...
“አይጠየፍ አዳራሽ የወሎ አንድ የታሪክ ምዕራፍ ነው፤ ተገቢው ክብር ሊሰጠው ይገባል” ዶ/ር አሰፋ ባልቻ 18/06/2021 16:31 ...
“የንጉሥ ሚካኤል የግብር አዳራሽ “አይጠየፍ” የተባለው የንጉሡ ሹመኞች፣ ካህናት፣ ድሆችና የአካል ጉዳተኞች ሁሉ ግብር ይበሉበት ስለነበር ነው” ዶ/ር አሰፋ ባልቻ 17/06/2021 15:03 ...
"ከሞትኩ በኋላ ሰው ላይ ክፋት የማይሠራ ሰው ብለው ቢያስቡኝ ይበቃኛል" - ፕ/ር ጌታቸው ኃይሌ 15/06/2021 18:22 ...
ቪክቶሪያ ላይ ተጥለው ያሉት የኮሮናቫይረስ ገደቦች እስከ ጁን 18 እኩለ ለሊት ሊቆዩ እንደሚችሉ ባለስልጣናት አመላከቱ 14/06/2021 10:26 ...
View More