Coming Up Mon 10:00 PM  AEST
Coming Up Live in 
Live
Amharic radio

Life and Legacy: Dr Aberra Molla - Pt 2

Dr Aberra Molla Source: Courtesy of AM

ዶ/ር አበራ ሞላ በማጠቃለያ ክፍል ሁለት ዝግጅታችን የግዕዝ ፊደልን እንደምን በዘመነኛው ኮምፒዩተር ለትየባ እንዳበቁ፤ በዘረፋ የተወሰደውን የአክሱም ሐውልት ከሮም አስነቅሎ ወደ እናት ምድሩ ኢትዮጵያ እንዲመለስ ስላበረከቱት አስተዋጽዖና በቅርቡ የኢትዮጵያ ቅርስና ውርስ ማኅበረሰብ በሰሜን አሜሪካ ስላበረከተላቸው ሽልማት ያነሳሉ።

ዶ/ር አበራ ሞላ በክፍል አንድ ግለ ሕይወት ትረካቸው፤ ከትውልድ ቀዬአቸው ሰንዳፋ አንስተው ወደ አገረ አሚሪካ አሻግረው አጓጉዘውናል።

እዚያም በኮሎራዶ ስቴት ዩኒቨርሲቲ ድኅረ-ዱክትርናቸውን አጠናቅቀው፤ በተጠበቡበት የእንሰሳት ሕክምናው የምርምር መስክ የመድኅን ማነስን (immune deficiency) ማስወገድ በመቻላቸው የበርካታ ሚሊየን እንሰሳት ሕይወቶች መታደጋቸውን፤ በኤች.አይ.ቪ ኤይድስ የምርምር ዘርፍም ከዓለም አቀፍ ሳይንቲስቶች ጋር ለበሽታው መቋቋሚያ ለመፍጠር ያደረጓቸውን አስተዋጽዖዎች አውግተዋል።

ሲልም፤ ጥሬ ሥጋን መብላት ባሕላዊ የአመጋገብ ልማዳቸው ያደረጉ ኢትዮጵያውያን በተለይም በዓላት በመጡ ቁጥር ወደ እየርሻው እየዘለቁ ሙክትና ሰንጋ ማስጣል ለሚያስከትሏቸው ጠንቆች የተጠያቂነት ኃላፊነትን እንደሚያስወስዳችው፤ እንዲሁም፤ ጥሬ ሥጋ የመብላቱን ነገር ከቁማር ጨዋታ ዕጣ ፈንታ ጋር አያይዘው የሚያስከትሏቸውን የጤናና የሕግ መዘዞችን አክለው የንፅፅሮሽ ምክረ ሐሳባቸውን ቸረዋል።

የክፍል ሁለት የትኩረት አቅጣጫቸው ከብዙ ድካም በኋላ ኢትዮጵያውያን የግዕዝ ፊደልን በኮምፒዩተር መጠቀም እንዲችሉ በማድረጋቸው የተሰማቸውን ጥልቅ ሐሴት ገልጠዋል።

 Life and Legacy: Dr Aberra Molla - Pt 2
GeezEdit iPhone App
Courtesy of AM

ፊደላችን ድምጻዊ ፊደል ስለሆነ አዳብረነው ወደፊት ለሌላው ዓለም ለማስተዋወቅ ይዘነው የምንሔደው ነው ባይ ናቸው።

 Life and Legacy: Dr Aberra Molla - Pt 2
Amharic Alphabet
Courtesy of AM

በሌላም በኩል፤ የግዕዝ ፊደልን በላቲን የመተካቱ እርምጃ ሳይንሳዊ ሳይሆን ፖለቲካዊ ነው ብለው ይከራከራሉ። ሙያዊ ምክረ ሐሳባቸውንም ያጋራሉ።

“የግዕዝ ፊደላችን የኦሮምኛ ቋንቋን መተየብ አይችልም ተብሎ ወደ ላቲን መሔድ ስሕተት ነው። እንዲያውም የኦሮምኛ ቋንቋችን እንዳይዳከም፤ ኦሮሚፋን ተጨማሪ የአገሪቱ የሥራ ቋንቋ ብናደርግ የተሻለ ይመስለኛል።” - ዶ/ር አበራ ሞላ         

ዶ/ር አበራ፤ በጣሊያን ወረራ ወቅት ተዘርፎ የሮማን ፒያሳ ማድመቂያ የነበረው የአክሱም ሐውልት ለአገሩ ምድር በቅቶ የኢትዮጵያን  ቀደምት የሥልጣኔ አሻራን እንዲያጎላና ታሪካዊ ሥፍራውን እንዲያገኝ  ብርቱ ሚና ተጫውተዋል።

 Life and Legacy: Dr Aberra Molla - Pt 2
Axum obelisk
Courtesy of AM

 

Coming up next

# TITLE RELEASED TIME MORE
Life and Legacy: Dr Aberra Molla - Pt 2 28/12/2017 30:48 ...
አገርኛ ሪፖርት 10/07/2020 06:36 ...
“ ምንም እንኳን ምርመራው መደረጉን ባንቃወምም መንግስት የሄደበት መንገድ ግን ሙሉ መብታችንን ያልጠበቀ ነው፡፡ ” ሲሳይ ታደሰ እና ሜሮን አብርሃ 10/07/2020 14:21 ...
"ታላቁ የኢትዮጵያ ህዳሴ ግድብ ሲጠናቀቅ ለልማት ጥያቄ መልስ ይሰጣል" - አቶ በሪሁን ደጉ 10/07/2020 12:42 ...
በአባይ ወሃ ላይ ፍትሃዊ አጠቃቀም ይኑር በሚል መርህ ለአፍሪካ ህብረት የተጻፈ ይፋዊ ድብዳቤ 10/07/2020 14:58 ...
ኤደን ሞናሮን ወክለው ለማሟያ ምርጫ የተውዳደሩት የሌበሯ እጩ ክርስቲ ማክቤይ እስካሁን በተቆጠረው ድምጽ አሸናፊነታቸውን አረጋገጡ 06/07/2020 03:57 ...
አገርኛ ሪፖርት 06/07/2020 10:36 ...
“ በማህበራዊ ሚድያዎችን ጥላቻን በመዝራት አገርቤት ያለውን ዜጋ የሚያጋጩ ከድርጊታቸው ይታቀቡ ደርጊታቸውንም በቪክቶሪያ የኢትዮጵያውያን ሴቶች ህብረት ስም እንቃወማለን ፡፡ ” -ዶ/ር እማዬነሽ ስዩም 06/07/2020 10:32 ...
" እኛ ወንጀለኞች አይደለንም በዘመናዊ እስር ቤት እንዳለን ነው የተሰማን" በፍላሚንግተን እና ኖርዝ ሜልበርን በሚገኙት የጋራ መኖሪያ ቤቶች የሚኖሩ ነዋሪዎች 06/07/2020 23:35 ...
ከ10,000 በላይ ቪክቶሪያውያን የኮሮናቫይረስ ምርመራ ለማድረግ እምቢኝ አሉ 03/07/2020 05:48 ...
View More