Coming Up Thu 10:00 AM  AEDT
Coming Up Live in 
Live
Filipino radio
SBS FILIPINO

Hinaing ng healthcare workers sa Pilipinas: 'Yung trabaho po namin, halos buhay po ang kapalit'

While Harlene continues to be grateful to have employment during the pandemic she is also hopeful that other health care workers like her are given recognition Source: Harlene Martin Pereyra

Isa sa mga hinaing ngayon ay ang hindi natatanggap na Special Risk Allowance o Hazard Pay ng mga health workers

Si Harlene Martin Pereyra ay nakapagtapos ng BS Nursing. Sa kasalukuyan siya  ay nagtatrabaho bilang swabber at marketer at nagte-training na maging isang phlebotomist o kumukuha ng dugo ng mga pasyente sa isang diagnostic center sa Paranaque.

Philippines, COVID surge, Nurses, Filipino News, Frontliners, non-COVID patients
"I hope they listen to our concerns. We risk our lives, what we do is not an easy task" Harlene who works as a COVID swabber is not eligible for Hazard Pay
Harlene Martin Pereyra

Kabilang siya sa mga nagrereklamong hindi nakatatanggap ng Special Risk Allowance, kahit halos araw-araw, humaharap siya sa mga pasyente bilang swabber.

Ang sabi ni Harlene, minsan lang siya nakatanggap nito, at iyon ay nuong ipinatupad ang Enhanced Community Quarantine o hard lockdown sa Metro Manila at mga karatig-probinsya, mula nuong Marso hanggang Abril ng nakalipas na taon.

Aniya "Hindi na po nasundan. Tinanggal po nila yung allowance namin, actually, 500.00 pesos po ‘yun . Kasi, di na po daw lockdown.”


 

Highlights

  • Di lahat ng healthcare worker ay maaring makatanggap ng Special Risk Allowance
  • Ang ilang mga empleyado tulad ng cashier sa ospital at receptionist ay nahaharap sa kaparehong panganib tulad ng ibang health care workers
  • Marami ang natatakot para sa kanilang kaligtasan 

 

frontliners, Philippines, Filipino News, COVID 19, hazard pay,
Harlene also works as a phlebotomist but is not eligible for the Special Risk Allowance
Harlene Martin Pereyra

Hindi patas sa lahat

Bukod dito, tumanggap din si Harlene at ang kanyang mga kasama sa trabaho na five thousand pesos mula sa kumpanya, at in-advance ang kanilang 13th  month pay nuong lockdown, bilang tulong dahil hindi sila nakapag-trabaho at walang kita.

Para kay Harlene, dapat ang lahat ng healthcare workers ay nakatatanggap ng Special Risk Allowance. “Parang  napaka-unfair sa ‘min. Kasi yung ibang  frontliner, lalo na po yung nagtatrabaho sa hospital, ‘yun po, mayroon silang mga hazard (pay)…” hinaing ng health care worker

Ayon kay Health Secretary Francisco Duque the Third , dapat baguhin ang batas para makatanggap nito ang lahat ng health workers.

Marami na nga raw kumukwestyon sa batas na ito, pati ang mga kasamahan ni Harlene.

Marami aniyang anyo ang frontliners, “Nagku-kwestyon din po yung mga ano namin. Kasi bago po makarating sa Rad Tech, bago po makarating sa Ultrasound Tech, humaharap po ang pasyente sa Information, sa Cashier, so exposed din po sila, ‘di ba?” 

Mas mabuti na kaysa sa wala

Pero kahit ramdam niyang “unfair,” mas mabuti na raw para kay Harlene na may trabaho siya, lalo’t marami ang nawalan ng hanapbuhay dahil sa pandemya.  “Kahit na ‘di po namin natatanggap yung dapat na natatanggap namin, ‘yun pong work namin is malaking tulong na po sa amin.” pasasalamat ni Harlene. 

Bukod sa minsan lang nakatanggap ng allowance ngayong pandemya, tinamaan din ng Covid-19 si Harlene. “March 30, 2021. Ako po ‘yung kauna-unahang nagka-COVID sa PUDC. Nagpi-prick, as a phlebotomist po. May on-site. Na-expose po ako. So lagi rin po kasi akong nasa labas kasi Marketing po ako. Dahil pumapasok po ako sa mga hospitals. Labas-pasok po kami sa clinic nang hindi kami naka-PPE.” 

Tuloy ang serbisyo

 “ Nakaranas po talaga ‘ko ng symptoms. Actually, nahirapan po ako huminga. Tapos, namutla po ako. Bumaba talaga ‘yung ano ko, oxygen level po.” bahagi ni Harlene sa naging karanasan.

Gumaling si Harlene. At ngayon, fully vaccinated na Kahit maraming hamon, masaya daw si Harlene bilang isang health worker dahil nakapaglilingkod siya sa publiko.

At ngayon mas handa na siya “May kaalaman na tayo, pagka, nagkaroon tayo ng ganito, alam na natin ang gagawin natin. Na-lessen din ‘yung takot dahil din sa vaccine. Dahil alam natin na may panlaban na tayo.” Ang hiling ni Harlene,  “Sana po mabigyan ng pansin yung mga hinaing ng mga health workers dahil hindi biro, hindi po, ahhh, ganuong kadali ang humarap sa isang may covid. Yung trabaho po namin, halos, buhay po ang kapalit.”

ALSO READ / LISTEN TO 

 

Listen toSBS Filipino10am-11am daily 

Follow us onFacebookfor more stories 

 

 

Coming up next

# TITLE RELEASED TIME MORE
Hinaing ng healthcare workers sa Pilipinas: 'Yung trabaho po namin, halos buhay po ang kapalit' 15/09/2021 05:52 ...
Bilang ng mga nagpapabakuna di Ingles ang tubong wika, tumaas 27/10/2021 06:26 ...
Mga balita ngayong ika-27 ng Oktubre 27/10/2021 09:45 ...
Maaari bang isama ang weather damage sa comprehensive car insurance? 26/10/2021 10:17 ...
COVID-19 Daily Update: Ika-26 Oktubre 2021 26/10/2021 02:33 ...
Lupus survivor ibinahagi ang himalang paggaling mula sa sakit 26/10/2021 11:23 ...
Mga estudyante sa NSW balik-silid aralan na, ibang mga guro hindi pa bakunado 26/10/2021 07:05 ...
Mga balita ngayong ika-26 ng Oktubre 26/10/2021 09:20 ...
Regional NSW naghahanda na sa muling pagbubukas ng turismo 25/10/2021 04:12 ...
COVID-19 Daily Update: Ika-25 Oktubre 2021 25/10/2021 02:44 ...
View More