Australia Lam Zulhphung 7 Hi Na Hngal Lo Kho Men!

Source: Pixwords

Australia phantharmi le mipem thar caah, Australia lam zulhphung hi lung a buai ngaimi a si. Cutikah, zulhphung kan buar zong ah nawl kan buar ti aa hngallomi zong tampi kan um lai. A tu ka hun chimdingmi cu Australia ram motor kan mawngh tik ah kan zulh awk a simi upadi hna le, kan zulhlo ah zeidah a cang kho mi an si timi kong a si lai. Hi zulhawk lam-phung 7 ka hun chim lai tik ah, kan hngalhciami zong a si kho, asilole, kan hngalh rihlomi zong a si kho.Asile, tamdeuh in hun ngai hna usih.

1. Zudin hnu ah Australia ah motor mawngh a ngah lo.

Zudin le motor mawngh kongah Australia cu Upadi le phunglam fek tein aa tlaihmi ram a si. Motor mawngmi minung hi a phunphun in then an si, thiamtlinnak a ngei mi na si ahcun, na pumsa chungah zu a tha 0.05 a um si ahcun, cucu, upadi ning in cohlan a si, nawlbuar a si lo. Sihmanhsehlaw, Motor mawngka le thiamtlinnak a ngei rih lomi, a cawngliomi caah cun, motor mawgh tikah pumchung ah zeibantuk zu hmanh a um lai lo. “Hi zat zudin ahcun motor mawngh ding ah a him rih ko” ti hi a um kho bak lomi a si.

Beers

2. Motor mawngh lio ah Phone kuttlaih buin ichawnh le cakuat pah hi upadi nawlbuar a si.

New South Wales le bang ahcun, Sianginn kaicaan le ttin caan I sianginn pawngkam ah kutkhat in phone na tlaihmi an in hmun a si ahcun, tangka dantatnak $397 le point 4 zuh a si.

Man using smartphone whilst driving

3. Lam-ralveng-mei zawn na phak tik ah a dir menh ding na si ko nain, na dir lo in na phahchih a si ahcun, cucu, nawlbuar a si.

Victoria chung a si ah, New South Wales chung a si ah, aihre zawn ah dir manh ding na si ko nain na p ah chih a si ahcun, meisen pahchih tluk in dantat na si lai. Cucu, tangka in $397 le point 3 zuh a si lai.

traffic lights

4. Dir timi hmelchunhnak zawn ah dirlo zong hi nawlbuar pakhat a si.

Dir ti ahcun dir ti kha a si ko. Dir tinak zawn ahcun na motor kha na dir ter lai, aa thawn bak lai lo. Hi zulhphung na buar ahcun Victoria ahcun, $282 tangka liamter a si, cun, point 3 zong zuhchap a si. New South Wales ahcun 298 tangka liamter a si I, point 3 zuh asi ve.

A traffic controller holds a stop signs as a tram rejoins the network

5. Motor tum-hnawh le damtein tiah mi dang cungah kut hmuhsak zonghi upadi nawlbuar a si.

New South Wales ahcun, na motor thlalaawng na on I damtein tiah midang na kut na hmuhsak hna ahcun, cun, a herhlo ah na motor na tum hnawh hna a si ahcun, tangka 600 liamter a si, cun, point 3 zuh rih a si fawn. Victoria ahcun motor tum hnawh ruang le dam tein timi kut hmuhsaknak cu tangka 282 liamter a si I, point bel an zuk lo.

Road rage

6. Na phei ah saram chiah in motor mawngpah zong hi upadi nawlbuar a si.

New South wales ahcun tangka 397 liam ter a si pin ah, point 3 zuh a si. Victoria ahcun tangka 211 liamter a si nain, points cu an zuk lo.

Cat at the steering wheel

7. Ke lawng in motor mawnghkhawh a si.

New South Wales asi ah Victoria chung a si ah, kelawng in motor mawng hi upadi nawlbuar a si lo. Lam himnak thiamhleisang chimnak le aiawh ning le bang ahcun phanah le nu kedil sang he motor mawngh hna chacun, kelawng motor mawngh hmanh hi a him deuh tiah an ti.

Bare feet  -file photo

Nihin ka chimmi pa 7 chungah ahhin, na hngalh cia mi pa zeizatdah an si?

SBS Hakha Chin ah na ruahnak kan chim ve. SBS Radio Hakha Chin hi ngaih nuam a si tiah na ruat maw? Ngaihtlak a siko tiah na ruat maw? Na ruahnak chim ding in kan sawm hna.

Ca kuatkhawhnak: Hakhachin.Program@sbs.com.au ah a si lai.