Khuasak-tintuknak Lamsialtu: Zapi Tlawnlenak Hmunhma Kal Tik Ah Tuahding Le Tuahlo Ding

Uluru Source: Holger Link (Unsplash)

Zapi Tlawnlenak Hmunhma Kal Tik Ah Tuahding Le Tuahlo Ding Hngalh A Herhmi Tete Tamdeuh In Ngaihkhawh A Si.

Australia pawngkam aa dawhnak cuanh a duhmi le len a duhmi caah tiah a cozah nih zapi tlawnlennak dum le hmunhma tampi a ngeih hna. Great Barrier Reef > rili kam tlawnlen na duh ah siseh, Kangaroo Island ah ramsa phuntling zoh na duh ah siseh, Uluru ah Aboriginal nunphung le an sining zoh duh ah kal naa tim ah siseh, khoika hmunhma poah kal naa timh zong ah nangmah pumpak na him a biapit bantuk in pawngkam a him zong kha a biapi ve. Zapi Tlawnlennak Hmunhma le Dum kal naa timh hlan ah,

  • Na kal duhnak  hmun le hma kha ‘online’ in tha tein zoh, rel hmasa – hi na hlathlainak nih na kal duhnak hmunhma le dum kong tampi hngalhnak an pek lai. A man pek a hau maw, lente celhnak a um maw, zei pawl dah icelh khawh  an si, zeitik can ahdah an on I an khar, cun nikhuacaan zeidah a lawh tibantuk kha tampi hngalhnak an pek chung lai. Cutikah, amah le sining tein nangmah zong timhlamhnak na ngei kho lai.

Research your destination

  • Zapi Tlawnlennak Dum na kal tik ah ‘ro’ bantuk in an kilvennak hmunhma na phak tik ah an chiahmi thil hna kha na kut in tonghlo ding a si lai. A cheu hmunhma cu lamlen zong a ngah lo, kal hlah tibantuk hngalhternak ca zong an tarmi a um ko lai. Zapi Tlawnlennak Dum tamdeuh cu a cozah hrim nih Australia Kokek Minung (Aboriginal) an nunphung le an sining kilvennak caah an tuahmi le an zohkhenhmi a si. Lungcungah hmanthlak an suaimi a si ah, itonnak hmun asi ah, puai pakhatkhatnak tuahnak caah an hmanmi hmunhma hna cu tonghlo ding a si.

Aboriginal rock art

  • Zapi tlawnlennak Hmunhma a cheu cu motor in na kal a si ahcun, luh man pek a hau. Nain, na ke in na kal asilole, thirrang (cycle) in na kal a si ahcun luhman pek a hau lo. Zapi Tlawnlennak Hmunhma ah ka kal lai na ti ahcun, nangmah pumpak himnak caah – na kal hlan ah na hawile maw na chungle dah chim hmasa hna.  Tile rawl iken philh hlah, angkilum zong iken fawn. Cun, hauhruang an kulhmi leng ah kal hlah. A him tiah hmelchunhnak an peknak hauhruang kulhmi chungah tlawnlen khawh izuam.

Don't forget to tell someone if you are going to a remote location

  • Nilin Khua-al lak tlawnlentik ah taksavun humhimnak caah an hmanmi sunscreen zong ah I ken zungzal. Luchinh zong iken fawn. Rili kam ah ka tlawngleng lai na ti asi ahcun, ti zeitluk indah a thuh le tilet thawh caan le nikhuacaan zong thatein chek hlatnak ngei hmasa. Rili kam ah lam na len asi ahcun ti he I neihtuk in kal hlah; tichung ramsa ttihnung an um - I ralring.

Always take your rubbish with you

  • BBQ na rawh asiah, eidin naa kenmi a si ah, nangmah le hnawm te cu thatein fim le thianhlimh ta hmasa. Hnawmthur nih thingkung ramsa le pawngkam caah a tha lo.

Tamdeuh Rel Khawhnak:

- Parks Victoria: http://parkweb.vic.gov.au/

- Northern Territory Parks and Wildlife Service: https://dtc.nt.gov.au/

- NSW National Parks and Wildlife Service: http://www.nationalparks.nsw.gov.au/

- Queensland Department of National Parks, Recreation, Sports and Racing: https://www.npsr.qld.gov.au/

- National Parks South Australia: http://www.environment.sa.gov.au/parks/Home

- Western Australia Department of Parks and Wildlife: https://www.dpaw.wa.gov.au/

- Tasmania Park and Wildlife Service: http://www.parks.tas.gov.au/

- ACT Parks and Reserves: http://www.environment.act.gov.au/parks-conservation/parks-and-reserves

Diving on the Great Barrier Reef

SBS Radio Hakha Chin