Australia Nih COVIDSAFE Timi; Khawrawnarungrul A Ngeimi Hngalh Khawhnak App A Ser.

A close up of the government's coronavirus tracing app. Source: SBS

COVIDSAFE cu Australia acozah nih a ser mi app a si i; a hodah COVID-19 zawtnak a ngei timi hngalh khawh nak a bawmtu a si. Kan mawbal chungah a mi app a si i a tang lei ah na theih herh dingmi thil hna an um.

Zei caah hi App hi ser a si?

Mah App an ser hnuhchanh cu khawhrawna rungrul a ngeimi hna an hngalh khawh nak ah a bawmtu ding ah a si. Ngandamnak lei nawlngeitu hna nih phone chung I pumpak konglam rawnmi hna hmangin a hodah zawtnak a ngei ti mi a hngalh khawh lai.

Mipakhat nih 1.5m nak naih deuh in midang COVIDSAFE App a hmangmi pawngah a va umthut ah cun, kha app te nih khan a hluan cia 15 chungah a cangmi kha a cinken lai.

 COVIDSAFE App hman ding hi cu mah duh in hman khawh a si ko. Acozah nawlngeitu nih cun Australia mipi nih hmang ko dih hna seh ti cu an duh, aruang cu Australia mipi tamdeuh nih COVIDSAFE an hman ahcun,

Nawlngeitu hna nih zeitin dah COVIDSAFE chung a ummi thil kong cu an hman lai?

COVID 19 zawtnak a ngeimi hna kha a rang deuh in hngalh an si khawh nakhnga COVIDSAFE App cu ser a si. Ralrin awk kan hngalh lo kar ah chungkhar, hawikom le midang cawlcanghnak phu ah ummi pakhat le pakhat hi zawtnak kan I chawnh khawh lonak hnga rian a tuan.

Mipakhat kha zawtnak a chawnh sual a si ahcun, pengkulh le ramthen chung i ngandamnak lei riantuan tu hna lawng nih app chungah a ummmi pumpak konglam pawl cu an zoh khawh. Nangmah lawngin umter ding na si le zawtnak zohfelnak ngeih ding na si theihternak tuah ding a si lawngah ngandamnak lei nawlngeitu zong nih na konglam cu an zohkhawh lai.

Australia acozah nih COVIDSAFE App lawng hi zawtnak a ngeimi hna hngalh nak caah hnatlaknak a ngei mi a si.Tam deuh in theih na duh si ahcun:  COVIDSafe app Health Department website.

Zei bantuk pumpak konglam pawl dah COVIDSAFE App ah chiah ding an si?

Mipakhat nih app download a tuah tik ah, a min le a phone namber, a umnak sang namber le a kum kha a pek hna lai. A phone ah khan cohlannak cakuat kha a rak lut lai I cucu a tlamtling cang tinak a si. Cuticun midang he a khat lo mi hngalhternak kawt te kha ser a si.

COVIDSAFE app nih a pawngah COVIDSAFE App a hmang ve mi a  um ti a hngalh khawh. A van hngalh le cangka in khan zei tluk in dah a naih, a nile thla, a caan le ahmangtu kawt te kha cinkennak a tuah. Hi app a hmangtu umnak hngalhnak ding caah ser a si lo.

Australia ram Acozah nih hi app a hmangmi hna an konglam cu him tein fimtawl a si ko a ti. Nikul le ni khat a tlin in pumpak konglam hna cu a mahtein a thianh dih lengmang ko.  

Hi App a hmangtu nih zawtnak a ngeimi a si ah cun thil umtuning zeitin si lai?

Mi pakhat kha zawtnak a chawnh sual a si ahcun, COVIDSAFE a hmangtu nih nawlpek hnu ah a  chung I a chiahmi a pumpak konglam pawl kha a him deuh mi hmundang ah an thial lai. Cun ngandamnak lei nawlngeitu hna nih khan:

  • Nulepa zohkhenhtu hna kha pehtlaih hna i zawtnak an in chawnh khawh tiah theihternak tuah
  • Hi hnu in zeidah cang lai tiah ruahnak cheuh, tahchunnak ah:
  • Iralrin awk thil hna
  • Zawtnak I chek nak hmun le caan
  • Chungkhar naihniam chawnh chinnak hnga lo  caah tuah ding mi
  • Zawtnak na ngeih sual zongah na min langter a si lai lo.

 

Source SBS News, Australian Government Department of Health