Australia Ramkulh Pakhat Ah Minung 900 Leng Nih Pulrai An i Chawn

Members of the public exercise at Bondi Beach in Sydney, Wednesday, August 25, 2021. Source: AAP Image/Bianca De March

Tuchun 25 Aug 2021, Australia ramchung COVID-19 thawngpang thar kan in hrawmh hna.


  • NSW Ramkulh ah pulrai zawtnak karh lei a panh than
  • Victoria ramkulh chung pulai in a zaw mi hi mino deuh an si.
  • ACT ramthen cu pulrai dohnak ah fak deuh in kar hlan an i tim
  • Queensland ramkulh chung hawttal erhkhumhnak cu an ngol chung

New South Wales 

NSW ramkulh ah zawtnak a chawn tharmi hi 919 an si i, cu chungah minung 37 cu pawngkam naihniam khat le khat a chawn mi an si. Ramkulh chungah pulrai zawtnak in a nunnak a liammi 2 an um.

Guildford, Auburn, Merrylands, Greystanes, Granville, Punchbowl, Yagoona le Blacktown cu pulrai a karh ngai rih nak hmun le sang an si.

Pulrai in thlop cuahmah mi 113 chungin minung 98 cu raikhamsii a chun lo mi an si tiin ramkulh hruaitu nih thawng a thanh.

Hika ah raikhamsii chunhnak appointment lak khawh a si.

Victoria

Tuchun ah pulrai a chawnthar mi 45 an si, naihniam khat le khat a chawn thar mi 28 an si. 

Ramkulh chung pulrai in a thlop cuahmah mi hi 538 an si i, cu chungah kum 30 nak no deuh hi a cheunak tam deuh an si. kum 9 tang hngakchia hi 114 an si.

Kum 16 le 17 kar mino pawl nih Pfizer an i chun kho cang, kum 18-39 pawl zong an duh ah cun AstraZeneca silole Pfizer raikhamsii an i chun kho. 

Hika ah raikhamsii chunhnak hmun pawl an si ti mi kawl khawh a si.

Australian Capital Territory

Ramthen chungah zawtnak a chawn thar mi an dihlak ah 9 an si i ramthen chung pulrai in a thlop cuahmah mi hi an dihlak ah 176.

Ramthen chung sii sayamah rian a cawngmi pawl hna cu COVID-19 raikhamsii chunhning an cawnter hna ruang cu raikhamsii chunhnak hmun pawl chap dingin timhtuahnak an ngei.

Covid-19 Raikhamsii chunh khawh na si le si lo hika zoh khawh a si.

Suimilam 24 chung i Australia ram ah thil a cang mi

Queensland ramkulh nih Victoria, New South Wales le ACT in khual pawl a ra ding mi cu Sept 8 tiang ra kho rih lo dingin a kham hna.

Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak

Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:

NSW Khualtlawnnak & Tlunkalnak cun Erhkhumhnak
VIC Khualtlawn khawhnakramleng minung le Erhkhumhnak
ACT Tlunkalnak le Erhkhumhnak
NT Khualtlawnnak le Erhkhumhnak
QLD Khualtlawnnak le Erhkhumhnak

SA Khualtlawnnak le Erhkhumhnak

TAS Khualtlawnnak le Erhkhumhnak

WA Khualtlawnnak le Erhkhumhnak

 

 Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl hika ah rel khawh a si.


 

Thawngpang le a herhmi thil kong hna cu sbs.com.au/coronavirus ah rel khawh an si. 
Ramkulh le ramthen hna nih an mah le dirhmun hoih in zulhphun an ser cio: NSW, VictoriaQueenslandWestern AustraliaSouth AustraliaNorthern TerritoryACTTasmania

Na nuhrin holh tein COVID-19 raikhamsii kong relnak.


 Ramkulh kip ah zawtnak i cheknak hmun pawl:

NSW
Victoria
Queensland
South Australia
ACT
Western Australia
Tasmania
Northern Territory

Ramkulh le Ramthen nih an mah le dirhmun hoih in COVID-19 Bawmhnak an pekmi kong:

NSW
Victoria
Queensland
South Australia
ACT
Western Australia
Tasmania
Northern Territory