COVID-19 Thawngpang: Australia Cu Zatuak 90 Leng Nih Raikhamsii An I Chun Cang Nain Zawtnak A Chawn Mi An Zor Hlei Lo

Prime Minister Scott Morrison said we should keep calm and keep getting vaccinated to deal with the recent outbreak. Source: AAP Image/Mick Tsikas

Tuchun 17 Dec 2021, Australia ramchung COVID-19 thawngpang thar kan in hrawmh hna.

  • Australia ram ah raikhamsii tlamtling tein a chun kho cang mi hi zatuak 90% leng an si cang.
  • NSW ramkulh chungah Omicron pulrai zawtnak a chawn mi 63 an si.
  • Ram mi zatuak 90% tluk nih raikhamsii an I chun mi cungah ramhruaitu Scott Morrison nih ram mi sinah lawmhnak bia a chim cun phihkharnak tangah kan kir ti lai tiin a chim fawn.
  • NSW ramkulh chungah zawtnak a chawn mi an hun karh ngaingai caah ngandamnak lei he pehtlaiin I thlopnak hmun pawl ah khualleng an kham cang hna.
  • Brisbane ah a ummi tar zohkhenhnak hmun pakhat cu COVID-19 in a zaw mi pakhat nih a va len hna caah khar chung a si.
  • Queensland ramkulh cu phihkharnak tangah an um ti lai lo nain zapi I hrawmmi tlunkalnak, taxi le chaw dawr hna ah hmaihuh an i hruk a hau lai.
  • Dec 28 hnu in cun South Australia ah khua a sa mi zalong tein an I lengkai kho cang lai, mileng rikhiah zat a um ti lai lo. Cun Ramleng khual pawl erhkhumhnak ah an um caan cu suimilam 72 ah thumh a si.

COVID-19:

Victoria ramkulh ah zawtnak a chawn thar mi 1510 an si I a nunnak a liam mi 7 an si.

NSW ramkulh ah 2213 nih zawtnak an I chawn i pakhat a nunnak a liam.

Queensland ramkulh ah zawtnak a chawn mi 20 an um, cu chungah 5 hi omicron zawtnak a chawn mi an si.

ACT ah zawtnak a chawn thar mi 20 an si.


This story is also available in other languages.