COVID-19 Thawngpang: Australia Luhnak Viza A Tlaihmi Chungin Raikhamsii Tlingin A Chun Cang Mi Caah Ramri Hun A Si Cang

Passengers on a Singapore Airlines flight arrive at Melbourne International Airport in Melbourne, Sunday, November 21, 2021. Source: AAP

Tuchun 22 Nov 2021, Australia ramchung COVID-19 thawngpang thar kan in hrawmh hna.

Raikhamsii tling in a chun cang mi pawl cu Dec 1 hnu in Australia ram luhnak nawl hal hau loin ramleng mi an rak lut kho cang lai. 

Atu tan rak luhnak nawl pek mi viza a tlaihmi pawl hna cu zungthiam mi nih an i tlaihmi viza le ramleng sianghngakchia pawl, caantawi riantuan ruah ah a ra mi pawl le ralzam sinak viza tlaihmi pawl tiang in a huap dih hna. Raikhamsii tling tein an i chunhnak an hmuhsak hna a herh cun zawtnak an i cheknak a phichuak 'negative' a cuannnak zong an hmuhsak hna a hau lai, vanlawng an i cit hlan ah. 

Zawtnak cu khual an tlawn hna nithum chungah zawtnak an i chek a hau.

Japan le South Korea ram mi chungin raikhamsii a chun cang mi hna cu Dec 1 hnu in Australia ram luhnak nawl sok an hau ti lai lo.

COVID- 19 Thawngpang tawi

Victoria ramkulh chungah zawtnak a chawn thar mi 1029 an um i zawtnak ruangah a nunnak a liammi 3 an si.

NSW Ramkulh chungah minung 180 nih zawtnak an i chawn i pakhat nunnak a liam.

NT ramkulh chungah mi 2 nih zawtnak an i chawn, Phihkharnak cu Nov 24 tiang an sauh than.

Ramkulh kip ah zawtnak i cheknak hmun pawl:

NSW
Victoria
Queensland
South Australia
ACT
Western Australia
Tasmania
Northern Territory

This story is also available in other languages.