COVID-19 Thawngpang: Nikhat Ah NSW Ramkulh Mi 39,000 Tluk Nih Rai An I Chawn

NSW Premier Dominic Perrottet (centre) speaks to the media during a press conference at South Western Sydney Vaccination Centre in Sydney, Wednesday, January 5. Source: AAP Image/Bianca De Marchi

COVID-19 Thawngpang:

  • NSW ramkulh chungah pulrai zawtnak a karh tuk caah Feb thla tiang operation tuah a hau mi thlopnak cu dirter chung a si. Suimilam 24 chungah minung 38,625 nih zawtnak an I chawn.
  • NSW ramkulh mi chungin rapid antigen test hmangin zawtnak a chek I positive a si mi poah nih health department ah theihternak an tuah hrimhrim a herh. PCR test nak hmangin positive a si mi he an I dannak a um lo tiin ramkulh hruaitu nih a chim.
  • NSW ramkulh chung I hlasaknak hmun le lamnak hmun pawl caah zulhphung ser a si I Jan 27 tiang a nunter a si lai.
  • Raikhamsii tlingin I chunh ding cu ahopoah nih zulh hrim dingmi nawl chuah mi a si bantuk in raikhamsii a thawntertu I chunh ding zong mi zei poah nih chunh hrim dingin nawl chuah a si ve lai tiin Perrottet nih a chim.
  • NSW ramkulh mi chungin COVID-19 pulrai zawtnak ruangah siizungah thlop a hau mi hi 1,738 an si, Intensive care ah a ummi hi minung 58 an si I oxygen thlaih a hau mi hi 24 an si.
  • Omicron pulrai zawtnak a hun karh tuk i ni 7 chung erhkhumhnak a ummi pawl caah 750$ bawmhnak pek dingin ramhruaitu Scott Morrison nih a chim.
  • Queensland ramkulh chung siangnaurun sianginn hun caan a tlai deuh kho men tiin ramkulh hruaitu nih a chim.
  • Northern Territory ah a ummi chungin raikhamsii a chun lo mi cu duh poah in leng chuah khawh nak nawl pek an si lo. An umnak inn in km 30 nak an kal kho lo cun leng chuah khawh nak a ruang 3 timi zulhphung an zulh a hau lai.

COVID-19:

  • NSW ramkulh mi 38625 nih rai an I chawn I rai in 11 an nunnak a liam. Cu lakah, Vic ramkulh mi 17 636 nih rai an I chawn I pulrai in a nunnak a liam mi 6 an si.
  • South Australia ramkulh mi 3070 nih zawtnak an I chawnh lakah Queensland ramkulh mi 10953 nih rai an I chawn.
  • Tasmania ramkulh mi 1489 nih zawtnak an I chawn lakah, ACT ramkulh mi 1246 lawng nih rai an I chawn.

This story is also available in other languages.