COVID-19 Thawngpang:NSW Ramkulh Ah Omicron Pulrai Pehzulh In A Karh

Signage is seen at Regents Park Christian School in Regents Park, Sydney Source: AAP Image/Bianca De Marchi

Tuchun 06 Dec 2021, Australia ramchung COVID-19 thawngpang thar kan in hrawmh hna.

  • NSW ramkulh mi chungin Omicron pulrai zawtnak a chawn mi 25  an um. Cuchungah, minung 14 cu NSW ramkulh khuasa an si cun a dang 11 hi ramleng khualtlawng an si. Cun, zawtnak a chawn mi a dang 9 cu naite innchung lentecelhnak hmun i pulrai a puanchuahnak khan a chawn chin mi an si.
  • South Australia nih zawtnak i cheknak hmun le erhkhumhnak zulhphung cu Victoria le NSW lei khualtlawng caah a nunter chap mi a um. SA palik bawi pakhat nih ramri bel cu kan khar lai lo tiah chim.
  • ACT ah ummi khua 12 in a cunglei a si mi chungin zatuak 98% ramkhamsii tlamtling tein an i chun kho.
  • WA ngandamnak lei zohkhentu sibawi thiamsang phu nih  ramkulhmi kum 5 cung a si mi poah nih raikhamsii tlingin i chunh dingle ramkhamsii a chun kho mi zatuak 90% an tlin in ramri hun dingin duhsaknak an ngei. Cozah nih cun WA ramri hun thannak dingah kum 12 in a cung lei nih raikhamsii tlingin i chunh dingle a chunmi zatuak 90% tling hmasa hna seh ti an duh.
  • Victoria ramkulh chung khualtlawnnak lei tuanvo a ngeitu vuancicho nih zawtnak thar a puahchuah than zongah Christmas chung cu ramri on ko rih dingin a lungduh a langhter.

COVID-19 Thawngpang tawi

Victoria ramkulh mi chungin 1,073 nih rai an i chawn cun pulrai in a nunnak a liam mi paruk an si

NSW ramkulh ah rai a chawn mi 208 an si.

ACT ah rai a chawn mi an dihlak ah 6 an si. 



Ramkulh kip ah zawtnak i cheknak hmun pawl:

NSW
Victoria
Queensland
South Australia
ACT
Western Australia
Tasmania
Northern Territory

This story is also available in other languages.