COVID-19 Thawngpang: Pulrai Zawtnak In Victoria Ramkulh Mi 24 An Nunnak A Liam

Paramedics are seen tending to their ambulance outside St. Vincent hospital in Melbourne, Tuesday, January 11, 2022. Source: AAP

  • Victoria ramkulh mi 37,994 nih rai an i chawn lioah, NSW ramkulh mi 25,970 lawng nih rai an i chawn.
  • Victoria ramkulh chungah siizung thlop hau dirhmun a phan mi hi 861 an si, nizaan nak in an tam deuh. ICU ah a um mi hi 117 an si cun thli dawpnak thleih a hau mi hi 27 an si.
  • Cawn nikhat ni ah khan mah tein zawtnak i cheknak Rapid Antigen Test kha 34,000 tluk a lak in ramkulh mi kan pek hna tiin Daniel Andrews nih a chim.
  • Siizung riantuantu chungin zawtnak a chawn ve mi hi 3,992 tluk an si, cun Ambulance riantuantu 422 tluk zawtnak an i chawn ve tiin a chim chap.
  • NSW ramkulh mi 2,186 tluk hi pulrai ruangah siizung ah thlop hau dirhmun in an um i, ICU a ummi hi 170 nawn an si.

Ramkulh kip nih RAT hmangin zawtnak a chek mi pawl nih cunglei thawng thanhnak an tuah.

COVID-19:

NSW ramkulh chungah PCR hmangin zawtnak a chawn mi hngalh khawh zat cu 25,870 an si, pulrai in a nunnak a liam mi an dihlak ah 11 an si. Rapid Antigen Test hmangin zawtnak a chek mi milu zat cu langhter a si rih lo.

Victoria ramkulh mi 37,994 nih zawtnak an i chawn, hi chungah 18,503 hi RAT hmangin zawtnak a chek mi nih cunglei thawng an thanh mi a si.

Queensland ramkulh mi 20,566 nih zawtnak an i chawn, ramkulh mi 1 pulrai in a nunnak a liam. PCR nin zawtnak an chek mi cu rel cuahmah a si i, RAT hmangin zawtnak a chek mi pawl chunin report an pek mi vial a si. 

Tasmania ramkulh chungah ramkulh mi 1,379 tluk nih zawtnak an i chawn ve.


 

Erhkhumhnak le ramkulh hna nih an ngeihmi zulhphung hna

Na umnak ramkulh le ramthen chungah na tuah khawh mi le tuah khawh lo mi thil hna.

Tlun Kalnak kong

Ramleng khualtlawng hna nih an theih a herh mi thil kong le pulrai puanchuah lioah tlunkal thutdir ning kong na nuhrin holh in rel khawh a si.

Phaisa Bawmhnak kong

Pulrai puanchuah lio ah bawmhnak pekning cu thlen a si cang, ramkulh mi chungin raikhamsii tlingin a chun mi zatuak 70% le 80% an  tlin hnu in khan bawmhnak pekning an thlen: Bawmhnak pekning kongkau cu na nuhrin holh tein rel khawh a si.

 

This story is also available in other languages.