COVID-19 Thawngpang: Raikhamsii Tlingin A Chunmi Cu Nov 1 In Ramlengah An Chuak Kho Cang Lai

File photo of passengers wearing protective masks collecting baggage after arriving on a flight at Sydney Airport. Source: AAP

Tuchun 27 October 2021, Australia ramchung COVID-19 thawngpang thar kan in hrawmh hna.

  • Pfizer nih an thar chuahmi raikhamsii cu TGA nih Australia rammi hna caah hman dingin a pom cang i kum 18 in a cunglei nih i chunh ding a si lai cun avoihnihnak an sii an i chunhnak thla 6 hnu an i chun kho than lai.
  • Raikhamsii tling tein a chun cangmi pawl cu ramleng tlawn khawhnak sok an hau ti lai lo a ruang cu Nov 1 in ramri an hun than cang lai.

New South Wales  

Ramkulh chungah pulrai a chawn tharmi nizaan nak in an tam deuh, nizaan ah zawtnak a chawn thar mi 282 an si nain tuchun cu 304 an si.

Nov 1 hnu in ramkulh chung ramri hun thannak le mipi zalong ngaiin tlawnlenak nawl pek an si mi cu thil poi ngai a si tiin siibawi thiamsang pakhat nih ralrinnak bia a chim. Ramkulh chung khuate hna ah raikhamsii a chunmi an tam deuh a hau tiah Mary Louise McLaws nih a chim.

Chawlehthalnak sersiam thannak caah bu an dirhmi phu nih tuzarh chungah ruahnak an chuahpi mi pawl cu zohthannak kan ngei lai tiah ramkulh hruaitu Dominic Perrottet nih a chim.

Hika ah raikhamsii chunhnak kawl khawh a si.

Victoria

Ramkulh chung phihkharnak zulhphung cu ninga ni in dorh deuh a si cang nain pulrai a chawn mi an zor hlei lo. Tuchun ah 1534 nih pulrai zawtnak an I chawn, cun pulrai ruangah a nunnak a liam 13 an si.

Khual riahnak, rawl dawr, zu dawr le lakphak dawr pawl hna cu a herhmi thilri cawknak caah tiin ramkulh cozah nih $2000 a pek hna.

QR code check-in app cu an thar chuah than cang, zawtnak an hmuhnak hmun ah na tlawnlen le len lo theihternak an tuah khawh cang lai.

Raikhamsii I chunh na duh ahcun hika hin siibawi tonnak ser khawh a si.

Suimilam 24 chungah Australia a dirhmun

  • Therapeutic Goods Administration (TGA) nih Pfizer raikhamsii tharchuah thanmi cu Australia rammi kum 18 cung a si mi I chun kho dingin a pom cang. Raikhamsii a voihnihnak an I chun ni in thla ruk a rau hnu ah a voithumnak an I chun kho than lai. Tar zohkhenhnak ah a ummi pawl chunhter hmasa an si te lai.
  • Cozah siizung le siikhan ah a tuan mi pawl sii saya/mah an dihlak chungin zatuak 97% nih an voikhatnak raikhamsii an I chun cang tiah Tasmania ramkulh cozah nih a chim.
  • Australian Capital Territory ramthen ah raikhamsii tlamtling tein a chunmi zatuak 90% an tling deng cang nain ramthen chungah zawtnak a chawn thar mi 12 an um.

 

Erhkhumhnak, Khualtawnnak, Zawtnak cheknak hmun le Pulrai puanchuah ruangah pekmi bawmhnak

Erhkhumhnak le zawtnak i cheknak pawl hna cu ramkulh cozah nih an mah le dirhmun hoih in an tawlrel:

NSW Khualtlawnnak & Tlunkalnak cun Erhkhumhnak
VIC Khualtlawn khawhnakramleng minung le Erhkhumhnak
ACT Tlunkalnak le Erhkhumhnak
NT Khualtlawnnak le Erhkhumhnak
QLD Khualtlawnnak le Erhkhumhnak

SA Khualtlawnnak le Erhkhumhnak

TAS Khualtlawnnak le Erhkhumhnak

WA Khualtlawnnak le Erhkhumhnak

Ramleng khualtlawn na duh a si ahcun, ramleng chuah nak nawl na hal ta hmasa hna a hau lai. Ramleng chuah khawhnak nawl peknak caah tahfung an chiahmi pawl hika ah rel khawh a si.


Thawngpang le a herhmi thil kong hna cu sbs.com.au/coronavirus ah rel khawh an si. 

Ramkulh le ramthen hna nih an mah le dirhmun hoih in zulhphun an ser cio: NSW, VictoriaQueenslandWestern AustraliaSouth AustraliaNorthern TerritoryACTTasmania

Na nuhrin holh tein COVID-19 raikhamsii kong relnak.


Ramkulh kip ah zawtnak i cheknak hmun pawl:

NSW
Victoria
Queensland
South Australia
ACT
Western Australia
Tasmania
Northern Territory

Ramkulh le Ramthen nih an mah le dirhmun hoih in COVID-19 Bawmhnak an pekmi kong:

NSW
Victoria
Queensland
South Australia
ACT
Western Australia
Tasmania
Northern Territory

 
This story is also available in other languages.