Mah Tein COVID-19 Zawtnak I Chek Khawh A Si Cang Lai

COVID-19 rapid antigen test kits seen on a table during the mobile COVID -19 testing at Chalong Krung housing community in Thailand. Source: Sipa USA Varuth Pongsapipatt / SOPA Image

Therapeutic Goods Adminstration (Siibawi thiamsang phu) nih biachahnak an tuah hnu ah COVID-19 zawtnak i cheknak thliri cu mipi sinah phakter a si cang lai. Mah tein COVID-19 zawtnak i chek nak thlri cu 1 Sikpar in Australia ram chungah hman awk a tha lai.

Ngandamnak lei lultlai phu nih biachahnak an tuah hnu ah mah tein COVID-19 zawtnak i cheknak thilri cu 1 Sikpar in rammi hna nih hmang kho dingin timhtuah a si.

Siibawi thiamsang phu nih COVID-19 zawtnak cheknak thilri cu an hniksak dih hnu le hman rua tlak a si ko tiin an pom hnu ah zarh rauh hlan ah hman khawh a si cang lai tiah an chim.

Mah tein zawtnak i cheknak thliri phun 70 leng cu Australia nih a hneksak dih hnu ah hman dingin a pom cang, cuchungah phun 33 cu siibawi/sii sayamah te hruihruainak he lawng hman khawh dingmi an si.

Zawtnak i chekning a thar an chuahpi mi hi rai dohnak lam thluan ah a biapi tuk mi a si tiah Rampi ngandam nak lei lutlai a si mi Greg Hunt nih a chim.

"Hi thil hi Australia rammi kan i runvennak dingah bawmchantu ding taktak a si" tiin Hunt nih thawnglatu sin ah a chim.

Ramkulh le ramthen hna nih an mah tein zawtnak a chekmi pawl chungin zawtnak an ngeih le ngeih lo ngandamnak lei lutlai phu nih an hngalh khawh an i zuam ve a hau lai tiin chimphuannak nawl a ngeitu nih a chim.

 

Mi pakaht a mah tein zawtnak a chek i positive a cuan ah cun, siikhan ah avoihnihnak  i chek than dingin fial a si lai tiin TGA nih a chim.

Hi zawtnak i cheknak thlilri cu United States le Europe ram tam nawn ah an hman cang i zawtnak an ngeih le ngeih lo minit 20 chungah a fiang.

Australia ram ah raikhamsii chunhnak nawl onh mi hna cu kum 16 in a cunglei an si i a voikhatnak raikhamsii a chun cangmi hi zatuak 78.7%  an si cang. Voihnih ningin raikhamsii a chun cangmi hi zatuak 52.6% an si. 

Ramchung le ramleng thawngpang, cun Australia ram khuasak tintuknak kong le pemluhnak kong tam deuh in theih le hngalh na duh ahcun: www.sbs.com.au/language/hakhachin len khawh lengmang a si.
 
Khawrawnarungrul Khamsii le COVID-19 thawng thar cu www.sbs.com.au/language/hakhachin/coronavirus-updates ah na nuhrin holh tein rel le ngaih khawh a si.
Source AAP - SBS
This story is also available in other languages.