Moderna Raikhamsii Kong Na Theih A Herhmi

Moderna raikhamsii cu Austraia cozah nih ram mi hna runvenak caah tiin raikhamsii a phumnak a tawlrel mi a si. Moderna rian a tuanning cu a tanglei ah kan rak langhter lai.

COVID-19 raikhamsii phunkhat a si mi Moderna cu Australia ram chung sii lei thiamsang hna nih zohfelnak an ngeih hnu ah mipi caah a him ko an ti.

Moderna cu Pfizer bantuk a si I rian an tuanning a lo, kan pum chung rai dotu a thawntertu an si. Hi raikhamsii cu voihnih khelte I chunh a hau mi a si cun a voikhatnak le a voihnihnak I chunh caan cu ni 28 tluk a hlat hau mi a si.

Cozah nih rammi hna caah Moderna raikhamsii sing 25 tluk a cawk chung.

Sing 10 tluk hi 2021 chungah hman chung ding a si lai I a tangmi sing 15 hi 2022 a hman te ding mi a si.

Moderna raikhamsii rian a tuanning

Sii lei thiamsang phu a si mi TGA hotu John Skerritt nih Moderna raikhamsii nih raikhamsii zeitluk in dah a kham khawh timi a fianter. Moderna raikhamsii na chunh a si ahcun COVID-19 pulrai zawtnak in an khamh khamhnak dingah zatuak 93% a si. Zulhma tuk in na zawt lonak dingah zatuak 98% tluk an khamh khawh cun pulrai zawtnak in na thih lo nak dingah za chung ah za bak an khamh khawh.

 

“Thla ruk hnu ah a tu bantuk raikhamsii kan chuah khawhmi cu lung a hmui kho tuk” tiin thawnglatu sin ah a chim.

“COVID nak in a thawng deuh mi variants zong hi raikhamsii nih a doh khawh ko nain, hinak tha deuh in kan I zuam rih lai lai. 

Khoika ram pawl nih dah an hman ve?

Moderna raikhamsii cu United Kingdom, Canada, United States, Bangladesh, Singapore le Europe ram hna le a dangdang ram zong nih an hman mi a si.

US ram lawngah hin Moderna raikhamsii cu sing 140 tluk tam ram mi hna chunh an si.

Tuchun thawngpang kan I hrawm khawh mi cu vial in kan dihter rih lai. Ramchung le ramleng thangpang siseh, Australia ram pemluhnak le khuasak tintuknak kong tam deuh in theih le hngalh na duh ahcun sbs.com.au/hakhachin ah len lengah khawh a si.

With AAP.

This story is also available in other languages.