Na Nuhrin Holh Tein Na Hngalh Hrimhrim Awk A Si Mi COVID-19 Konglam

Source: AAP

COVID-19 zawtnak a hung chuahphut mi kong ah SBS nih nanmah le nuhrin holh tein zumhtlak a simi thawngpang cu a dang tein chiah, thanh le hngalhnak pek ding in saduhthahnak nganpi a ngei. Atanglei kongtak cu nanmah le mibu chungah a ummi minung poahpaoh nih hngalh cio ding hrimhrim in khawmhmi an si.

Tangka Lei Pehtlaiin Harsatnak

Tangka lei he pehtlaiin harsatnak na ton a si ahcun https://moneysmart.gov.au/ le National Debt Helpline 1800 007 007 ah bawmh na hal khawh.

COVID Himnak Timtuah Ning Dot - 3

Australia cozah nih mipi an him khawh nakhnga khenkhamnak an rak tuah mi cu him tein hun thannak ding caah COVID Himnak timtuahnak dot cu a hman cuahmah lio. Ramkulh le pengkulh nih mipi  ngandamnak he  zohchih le sining cio hoih in timhtuahnak chungah a dotdot  tein zulh cio a si lai.

June 12 ah rampi cozah nih COVID Himnak timtuahnak i a dot thumnak nih a ngeihmi zulhphung hna cu a tharchuah than. Pengkulh le ramthen kip nih a dot thumnak an phak cio tik ah zulh ding mi a si. 

  • Dot 1nak nih a hmaithlakmi cu Australia mipi hna tluang tein rian ah an khir khawh ding, chawlehnak him te le ralrin tein hun thannak le I pawlkomhnak ngeih khawh nak nawl pek an si.

 

  • Dot 2nak Chawhlehnak dangdang tahchunnak ah gyms, tamh-muihnak dawr, Bai-si-kup ti bantuk hun thannak le minung 20 tiang hmunkhat ah um khawh nak.

  • Dot 3nak COVID safe a riantuan ning le a lamthluan zohchom in, minung 100 tiang hmunkhat ah um khawh nak nawl pek a si lai. A dot 3 nak cawlcawnghnak chung ah ramdang khual tlawn le minung 100 nak tam deuh hmunkhat ah um cu kham a si rih lai.

 

Zeitindah COVID-19 zawtnak a karh ning a si? 

COVID-19 zawtnak cu minung pakhat le pakhat sin in a karhmi a si:

  • Zawtnak nih a tlunhmi minung pawngte ah um asilole zawtnak hmelchunhnak a langh hlan suimilam 24 chungah naihniam tein um ti ruang ah
  • Zawtnak nih a tlunh cangmi, a khuhmi le hachio mi he naihniam tein um ti ruang ah
  • Zawtnak nih a tlunh cangmi, a khuhmi le hachio mi nih an tonghtham mi thil asilole leng-lang thilri (innka tung asilole cabuai) tonghtham hnu ah, cun, na hmai le hmur tongh nak in a karh ning cu a si.

Australia acozah nih COVIDSafe app kan hman dih cionak lai a kan duh piak. Rel Chap-https://www.sbs.com.au/language/hakhachin/australia-nih-covidsafe-timi-khawrawnarungrul-a-ngeimi-hngalh-khawhnak-app-a-ser

COVID-19 zawtnak hmelchunhnak zeidah an si?

Ramhuap Cozah website nih a langhter ning incun, Khawrawnarungrul zawtnak hmelchunhnak cu a nem ngaimi zawtnak in aa thok i tangfah (namonia) zawtnak tiang a phan khomi a si.

COVID-19 zawtnak hmelchunhnak cu cumpi le tlangrai zawtnak hmelchunhnak he an i lo. Cu hna cu:

  • Taklinh
  • Hromfah
  • Khuh
  • Thabat
  • Thawchuah harnak
  • a dangdang hna: hnapdi tawp,
    lufah,ruhkhua fah, lungmih, luak chuah,
    meh hawhrim theih lo, rawl thawtnam theih khawh lo
    bu-hrit le thadit.

Nawlngeitu nih COVID-19 zawtnak hmelchunhnak chektu tiah an sermi, na inn te hman khawhmi a um: https://www.healthdirect.gov.au/symptom-checker/tool/basic-details

Zawtnak hmelchunhnak nih a ka tlunh ve a si ahcun zeidah ka tuah lai?

Australia na phak hnu, ni 14 chungah zawtnak hmelchunhnak nih an tlunh a si ahcun, asilole, COVID-19 zawtnak nih a tlunh cangmi he naihniam tein na um ti a si ahcun, chekhlatnak ngei ding in na siibawi te pehtlaihnak ngei hna. Asilole ramhuap Khawrawnarungrul Ngandamnak Kongkau Chawnhkhawhnak (Coronavirus Health Information Hotline) 1800 020 080 ah chawn hna. Zawtnak hmelchunhnak na ngeihmi chimh hmasat lo in sizung asilole Sii-inn ah kal hlah.

Sizung asilole sii-inn na kal hlan ah, na khualtlawnnak tuanbia asilole COVID-19 zawtnak nih a tlunhmi minung he naihniam in ka rak um bal ti kha fone chawnh in chim hmasa hna. Zapi ngandamnak nawlngeitu nih a him cang, na dam cang, na tuahkelning in thil na tuah kho cang tiah an ti hlan chung poah cu na inn, hawtel asilole mizaw zohkhenhnak hmun ah na um hrimhrim lai.

Mi pakhatkhat zawtnak zmelchunnak an tlunhmi kongah chawnhbiak na duh ahcun, National Coronavirus Helpline (1800 020 080) chawn hna. Zeitik poah ah pehtlaih khawh an si.

Zawtnak hmelchunnak (taklinh, khuh, thawhchuah harnak, ar fah le thabat)  nih a tlunmi hna a zualhma deuh mi cheknak le thlopnak ding caah sii-khan cu Australia acozah nih a ser.

Na umnak ramthen, pengkulh chungah siseh, na umnak he a naih nakah sii-khan a um le um lo theih i zeitin dah siibawi tonnak ser ning cang ti theih na duh ah cun mah hi rak hmet - https://www.health.gov.au/initiatives-and-programs/coronavirus-covid-19-gp-respiratory-clinics

Na umnak pawngkam ah siikhan a um rih lo ahcun, ramkulh le ramthen ngandamnak lei riantuantu hna website ah adangdang siikhan ah kalnak ding kong rel khawh a si -https://www.health.gov.au/about-us/contact-us/local-state-and-territory-health-departments

Thawchuah naa harh asilole lakhruak in ngandam lonak nih a ka tlunh rua tiah naa ruah a si ahcun fone nambar: 000 hi chawn.

COVID-19 zawtnak ichek ka hau lai maw?

Australia rampi caah khuakhangtu pawl nih  Australia ram chungah zawtnak a ngei mi hngalh zau an si nak hnga, COVID-19 zawtnak hmelhchunhnak a tlunmi hna azualhma deuh mi pawl hna kha chek hmasa dingin biachahnak an tuah. 

Zeitindah mah rungrul hi thlop a si?

Khawrawnarungrul thlopnak caah a dangtein hmanmi sii zeihmanh a um rih lo. Nain, zawtnak hmelchunhnak tamdeuh cu sii-ai zohkhenhnak lei in thlop khawh a si ko. Rungrul thattu sii zong nih hi rungrul cu a that kho (a dam ter kho) lo.

A zualhma mi zawtnak hi a ho minung ca’h ahdah tihnung a si?

Zawtnak nih a tlunhmi, micheukhat cu a zaw hmanh an zaw lo, micheukhat cu a nemmi zawtnak hmelchunhnak an ngei ve nain, an dam than colh. Adang, micheukhat bel cu fakpiin an zaw, zawtnak a karh hi a ran zong a rang. Hmuntonmi chung in Khawrawnarungrul, a zualhma mi zawtnak hi an caah tihnung, vanchia a si kho tiah ruahmi hna cu:

  • Aboriginal le Torres Strait Islander minung kum 50 in a cunglei, asilole hramthilo zawtnak a ngeimi an si ahcun
  • Kum 65 in upa hramthilo zawtnak a ngeimi. Hramthilo zawtnak timi chungah a sullam aa telmi cu atuletu te zawtnak hmelchunhnak a langmi khi a si.
  • Kum 70 in a cunglei
  • Chunglei zawtnak a ingtuarmi

COVID-19 zawtnak a karhnak hnga lo zeitindah na kham lai?

Khuh/hachio tik ah thianghlim tein um, kut thiangtein itawl lengmang, cun midang he neihniam tein um lo tibantuk hi a lenglei in chawnh/tlunhmi rungrul zawtnak khamnak ding caah hriamnam tha bik a si. Na tuahdingmi cu,

  • A herh tuk lo ahcun, inn in chuak hlah
  • Zapi-zaran he hlat in um, a tlawmbik mitta 1.5 a si lai, cun minung 1 nih saquaya metre 4 dan in ihlat a si lai.
  • Atu le tu chatphiat le ti in na kut itawl lengmang, rawl na ei hlan/hnu, zunput kal hnu zong ah na kut tawl lengmang
  • Na khuh/hachio tik ah i phen, hmancia ttishu kha hlonh, cun kut tawl-sii hman in na kut tawl lengmang
  • Na damlo ahcun midang pawngah um kha hrial (midang he mita 1.5 in a hlatnak ah um)
  • Keimah, pumpak rian a si tiah tuah lengmang law a si khawh chungin inn ah um izuam

Ahodah a dangtein pumpak-pheu a haumi a si ?

March 15, 2020 zantim in Australia a rak phanmi minung vialte asilole, COVID-19 zawtnak a ngeimi pawngah a rak um mi/naihniam tein a rak tlawngleng ko tiah ruahmi minung paohpoah cu ni 14 chung a dang tein pumpak-pheu a/n si lai.

COVID-19 zawtnak na ngei tiah an in chimh a si ahcun, inn ah na um hrim lai:

  • Zapi umkalnak le tlawnlennak ah kal hlah, rian, sianginn, chawdawr, ngakchia-zohkhenhnak inn asilole sianghleirun ah kal hlah
  • Rawl le na duhherhmi kha midang nih chanh, na innka tung hmai ah chiahpiak dingin bawmh hal hna
  • Mileng dawn hna -  nangmah he innkhat a um ti mi ti dahlo cu!

Zatlang Mibu He I Hlatnak timi cu zeidah a si?

Zatlang Mibu He I Hlatnak timi cu COVID-19 zawtnak lawng silo in a dang rungrul zawtnak a simi paoh a karh nuarhnak ding caah a bawmtu pakhat a si. Nangmah le midang karlak ah hmunhma a um/lawn deuh a si ahcun, rungrul a karh ning a har deuh ve.

Adang aatel rihmi cu leng-lang thilri (innka tung asilole cabuai) tonghtham lo/hrial ding ti zong a si asilole, COVID-19 zawtnak nih a tlunh cangmi, a khuhmi le hachio mi nih an tonghtham mi hrial ding aa tel.

Itonpumhnak Ah Minung Pahnih (2) Lawng Onh A Si Cang

Australia Ramhuap Vuanzibu nih lungtlinhnak an ngeihmi cu innchung he innleng he itonpumhnak a si ahcun minung pahnih (2) lawng a si lai tihi a si. Hi an tlangrel mi cu nikhatni, March 30 in aa thok cang.

Hawi he aa khat lomi belte cu:

  • Innkhat a ummi nih a leng an chuah ti tik ah
  • Ruakvui pumhnak – a tambik minung 10
  • Thitumhnak – a tambik minung 5
  • Chungkhat

Ramthen nih zulhawk in nawl an pekkhawh ve asilole, upadi hmang dingin an serkhawh.

Inn Ah Um

Ramhuap Vuanzibu nih Australia minung vialte caah a fekmi zulhawk an sermi cu inn ah um ti a si nain

  • Na herhmi caah chawdawr kal – rawl le a dangdang herhbaumi
  • Ngandamnak asilole thlopbulhnak – zaangfahnak ngeitein midang zokhenhnak telhchih in
  • Zapi-zaran tonpumhnak timi zulhbu tein eksasai tuah ahcun
  • Rian, siangkai ruangah – inn in kai le tuankhawhlo ahcun

Lente Celhnak A Phunphun

Ramhuap Vuanzibu nih lentelcelhnak, zapi-zaran hmanmi nih hmanmi gim tuahnak cu khar a si lai tiah lungtlinnak an ngei. Ralkap cawnnak zong cawnpiaktu telhchih in minung pahnih lawng a si lai.

Kum Upa Le Ngandamnak Lei Chambaumi

Kum 70 in a cunglei Australia minung le ngandamnak umtuning chambaumi le hramthilo zawtnak phun a ngeimi

Ramhuap Vuanzibu nih biatak tein ruahnak a pekmi cu inn ah adang tein pumpak pheunak ngei u tihi a si

  • Kum 70 in a cunglei upa
  • Kum 60 a simi le ngandamnak umtuning chambaumi asilole hramthilo zawtnak phun a ngeimi
  • Ramhlum Australia minung kum 50 a simi le ngandamnak umtuning chambaumi asilole hramthilo zawtnak phun a ngeimi

Zatlang Mibu He I Hlatnak zulhphung na zulhlo a si ahcun timi cu na umnak ramthen nih a ngeih lai

NSW: tangka $1000 in dantat asilole tamdeuh

Victoria: tangka $1600 in dantat asilole tamdeuh

SA: Palek nih ramhuap nawl pekmi upadi ningin an hmang lai lo

ACT: ralrinnak pek, tangka in dantatnak nih a zulh lai

Queensland: pumpak pakhat ah tangka $1330 in dantatnak

WA: pumpak pakhat ah tangka $1000 in dantatnak

Tasminia: tangka in dantat khawh a si

NT: Palek nih ramhuap nawl pekmi upadi ningin an hmang lai lo

Tar-dornak inn ah a ummi ka chungkhar le hawile len khawh a si maw?

Rungrul a hung chuahphut mi zawtnak paoh nih tar-dornak inn caah zualhma tak in vanchiatnak a tlun ter khawh. Hi COVID-19 hrim nih cun, a hleitein kum upa/tar ngandamnak cu zualhma ngai in a hnorsuan khawhmi a si. Cucaah, kum upa/tar ngamdamnak runven nak caah tiah an sermi le khammi zulhawk a um. Zeitikahdah tar-dornak inn na kal hrim lai lo ti ahcun :

  • Aluancia ni 14 chungah ramdang khualtlawnnak in a rak kirmi na si ahcun
  • Aluancia ni 14 chungah COVID-19 zawtnak a ngeimi he naihniam tein a rak ummi na si ahcun
  • Taklinh a silole thawhchuah har zawtnak hmelchunhnak (khuh, hromfah le thawchuah har) ngeimi na si ahcun

May 1thok in, tar-dornak inn paohpaoh len/kal a duh mi cu raikhamsii aa chun hmasa hrim lai ti a si.

Hmaikhuhnak i hruk ka hau lai maw ?

Hmaikhuhnak i hruk hi cu COVID-19 zawtnak a ngei mi nih an zawtnak midang an chawnh sualnak hna hnga lo a bawmtu men a si. Na dam ko a si ahcun, hmaikhuhnak naa hruk a hau lai lo. Aruangcu a ngandam ko minung nih zapi tlawnlennak an thutdir tik ah hmaikhuhlo ruangah an zawtnak midang an chawnh hna tihi tehte a um tuk lo caah a si.

Pumpak-pheu haumi na si ahcun, hmaikhuhnak cu na hman lai (na ngeih ahcun), zeitik ahdah ti ahcun:

  • Inn chuahtak in a leng, zapi tlawnlennak ah kal na herh a si ahcun
  • Sii-inn lei kal ding na si ahcun
  • Zawtnak hmelchunhnak na ngei, cun midang na umnak khaanchung ah an um ve a si ahcun hmaikhuhnak cu naa hruk hrim lai.

Ram chung le ram leng luhchuah khualtlawnnak

Australia mipi hna nih thil herh a um lo ahcun ramchung khualtlawn zong an hrial hrim awk  asi.  Ramthen kip nih an mah tein i runvennak caah zulhphung an ngei ve, tahchunnak ah khualtlawng mi pawl khamhnak. 

Phungning tein ramchung khualtlawnnak hna

Ramkulh le ramthen chung mipi nih tlawnlennak ah an hman mi tlanglawng le mawtawka ti bantuk a hmangmi mipi  hna himbawm tein le ngandam tein an um khawh nak hnga zulh awk an chiah mi cu na dam lo buin tlawnlen lo ding, midang he naihniam tein umthut lo ding cun phaisa hna hrial khawh chungin hrial dingin zulh phung cu rampi khuakhangtu hna nih an ser. Hmaikhuh hruk dingle hruk lo ding kong cu pumpak biachahnak ding. Mipi i hrawmmi tlunkalnnak tlanglawng le mawtawka kong hngal dingmi: https://www.infrastructure.gov.au/transport/files/COVID19_public_transport_principles_29052020.pdf

Ramdang lutchuak mi hna

Ramleng khualtlawnnak in Australia ram a rak phan mi poah nih ni 14 chung erhkhmuhnak ah caan an hmang lai i cu dih hnu lawngah inn ah an tin kho.

Erhkhumhnak ah chiah an si hlan ah zawtnak ngeih le ngeih lo zohfelnak tuah a si lai cun erhkhumhnak a dih hnu zongah i chek nak tuah than a si lai.

Asinain, khualtlawn na duh a si ahcun, khualtlawnnak na sok hmasa a hau. Na sok tikah tahfung na tlinh lawngah khualtlawnnak nawl pek na si:

  • COVID-19 pulrai zawtnak thlopbulnak le khamnak ah teltum dingin khualtlawn
  • Riantuannak lei he pehtlai in khualtlawn
  • Na ngandam lo nak  tlop hau mi na si nain australia ah thlopnak a um lo ahcun khual na tlawng kho
  • Pumpak rian herh, thil biapi chungin hrial awk tha lo mi dirhmun a si ahcun na tlawng kho ko.
  • Rampi acozah rianherh ruangah khualtlawn ding na si ah cun na tlawng kho ko.

Khualtlawn lio i dinhnak

Na khuallam in Australia luh hlan ah na dinh nakding khua hna cu Kuala Lampur, Doha, New York, Paris London asilole Tokyo hna an si.

Khualtlawnnak lei pehthlaihin zulh phung a thleng mi a um caah, Australia ram ah a rak kir ding na si ahcun: Vanlawng lei riantuantu hna kha tluang tein na kir khawh nak hnga tha tein pehlaihnak ngei hna.

Na dinnak khua ah nawlngeitu le riantuantu hna nih thawngthannak an tuahmi kha tha tein ngaih le zulh rak i zuam.

 

Tamdeuh hngalhnak caah www.smarttraveller.gov.au ah zoh le rel khawh a si.

Australia ah nawlngeitu nih zeitindah hi zawtnak hung chuahphutmi an tawlrel/hruai ning a si?

Prime Minista nih Khawrawnarungrul Caah Lakhruak Lehnak Timhlamhnak Emergency Response Plan for Novel Coronavirus (COVID-19) a thar in a nun ter.

Australia ram uknak nawlngeitu nih mipi kan ngandamnak ding a him khawhnak hnga i runvennak cu  thla thum cung  June 17 2020 in 17 Sept tiang siseh zamh dingin nawl a chuah.

Australia Ram Ah Caantawi Riantuan khawhnak Viza A Tlaihtu 

Caantawi riantuan khawhnak viza a tlaihtu hna: viza 457 le 482 a tlaihtu chungin, rian in dinter na si ahcun, ni 60 chungah rian an pe khotu ding kawlnak nawl na ngei silole Australia in chuak.

Ramleng Siangngakchia

Rian an tuan ko ahcun an um kho ko. Rian zong an tuan lo, chungkhar dirhkamhtu le chiahkhawnmi an ngeih lo ahcun i zohkhenhnak ding caah lamdang an kawl a hau kho men.

Ramleng siangngakchia chungin tar zohkhennak ah a tuanmi hna nih zarhkhat ah nazi 20 nak tam an tuan kho.

Australia ah a tlawmbik thla 12 a um cang mi hna nih super ah phaisa an i chiah mi lak hawh nak nawl an ngei.

Victoria chungah  a um mi ramleng siangngakchia hna hna nih acozah sin in har bawmnak $1,100 an hmu lai. 

Riankawltu le Rian kilvennak tangka bawmhnak 

tangka bawmhnak cu March 2021 tiang pek a si lai nain bawmhhnak pekmi a zat cu 2020 September thla dongh in zorter deuh a si lai.

Riankawltu bawmhnak

- Atulio bawmhnak: $1115

- Sept thla dihhnu: $815

August ni 4 hnu in riantuan lomi bawmhnak a hmumi poah nih rawlkawl bawmtu sin ah theithernak tuah dih a si lai i, thla 1 rian pali lengmang an kawl a hau lai. Cuti a tuah mi lawng nih bawmhnak an hmu lai.

Rian kilvennak bawmhnak


Phu hnih in then a si i phukhat cu "Caantling riantu" cun phukhat cu "Caantling lo riantuantu".

Caantling riantuantu zarhnih bawmhnak:

- atu lio hmuhmi:$1500

-Sept thla thok hmuhdingmi: $1200

-Jan thla 2021 hnuin hmuhdingmi: $1000 

Caantling lo riantuantu zarhhnih bawmhnak:

- atu lio hmuhmi: $1500

-Sept thla thok hmuhdingmi: $750

- JAN thla 2021 hnu: $650

Thinlung Ngandamnak Bawmhnak

Thinlung ngamnak lei i zohkhenhnak ding caah tiin cozah nih bawmhnak cu pulrai zawtnak zual ngaiin a puan nak hmun ah a ummi an co tin dingmi a si. 

Mi kip nih an thinlung ngandamnak zohkhennak ding caah timhtuahnak an ngeih a herh cun an siibawi sin ah lungthin ngamdamnak lei kongkau zohtti nak ngeih lengmang ding a si.

Khawrawnarungrul zawtnak ruang ah, adang tein pumpak pheunak caankarlak chungah a um mi nih zeitindah thinlung ngandam tein um a si, zeitindah ngakchia le duhdawtmi bawmhchanh khawh a si, zeitindah thinlung ngandamnak zohkhenhnak le riantuaning don khawh a si lai timi kong ah nawlngeitu le lam hmuhsaktu a simi a cozah nih digital thinlung ngandamnak  kutka, Lu in Ngandamank timi (www.headtohealth.gov.au) ah zohkhawh a si lai.

Zeitindah Australia Cozah nih COVID-19 kong ah a riantuanning le an tawlrel/hruai ning timi tamdeuh hngalh a duhmi nih, Cozah lehnak timi, Government response  ah hmuhkhawh a si.  

Mirang holh in tamdeuh hngalh a duhmi nih health.gov.au/news/health-alerts/novel-coronavirus-2019-ncov-health-alert len khawh a si.

Department of Home Affairs - information for the Australian community in your language