Ramdang Siangakchia Caah Viza

Source: Getty Images

Australia cu miphun tampi umnak, holh phunphun hmannak le nunphun dang cio in tlawnlennak ram tiah min a ngeimi pakhat a si. Culawnghlah, a cozah nih tangka chuah in an sianginn a thatnak hnga, hlathlainak ah an herhbaumi cauk phuntling a um nak hnga an i zuam. Cun, an hmanmi thilri zong a tu chanthar sining he aa tlakmi an hman ruangah ramdang siangakchia tampi cu Australia ah sianginn kai le fim cawn dingin an lung a lak cio hna, cutik ah Australia cu an I thim cio hna.

Ramdang siangakchia a simi nih Australia ah sianginn kai le fim cawn a duh ahcun siangakchia viza a silole viza phun 500 sok a herh lai. Viza tuah man hi Australia tangka 620 in aa thawk. Kumkhat ah minung pa zeizatdah siangakchia viza pek le ngah khawh a si timi kha a ri khiahmi a um lo.

Australia na um chung, siang na kai chung– zarh hnih ah suimilam 40 tiang riantuannak nawl na ngei. Cun, siangakchia viza in Australia ah siang na kai chung ah, na chungkhat le zong Australia ah um chungnak nawl an ngei ve (biadang in chim ahcun siangkai kar ah an in umpi khawh).

Siangakchia viza in a ummi an si caah siangkai le fim cawn kha a pakhatnak a si ding a si, riantuan a si awk a si lo, an cawnmi kha a hrampi ah an chiah deuh awk tu a si.

campus, university student, different heritages and backgrounds
A small group of Australian university students from different heritages and backgrounds.
Getty Images

Zeidah na cawn; na cawnmi hi kum zeizat kai ding dah a si timi nih Australia ah kum zeizatdah na um lai timi lai a rel. Siangakchia viza cu kum nga tiang chap khawh a si.

Maria Jockel nih a chimmi cu siangakchia a simi poah nih viza an hmuhnak le cohlan an si nak catlap kha thatein an rel I an lung fian a biapi. Cun, zeidah an tuan awk a si ti zong an hngalh a herh. Siangakchia pakhat nih a zulhawk a simi lam a zulhlo i, nawl a buar a si ahcun Pemluhnak Zung (Immigration) lei nih an siangakchia viza cu let thannak nawl an ngei tiah a chim. A chim rihmi cu, "Minung cheukhat cu an viza zeitik a thih lai tibantuk an ruat theng lo" tiah a ti.

university lab, female medical students, Chinese ethnicity, Middle Eastern ethnicity
Two female medical students Chinese and Middle Eastern ethnicity respectably, studying anatomy in university lab using an anatomical model.
Getty Images

NA SIANGKAIMI (CAWNMI) A DIH TIK AH

Na siangkaimi, na fim cawnmi a dih hlan ah na visa a dih khomi a si. Cubantuk dirhmun ah a ummi na si sual ahcun mileng visa, visa phun 600 sok dingah aa tlakmi na si kho men.

Na siangkaimi na dih cang nain Australia ah um rih na duh asi ahcun Siang Dih Hnu Chikhat Um Chungnak Viza (auhnak: 485) sok khawh a si. A silole, a dang 476-viza zong sok kkhawh a si.

Viza phun 485 ahhin phun hnih an then than. Phunkhat cu siang kaimi a dihmi paoh caah a si i, phunkhat deuh cu catang sang a dihmi (Master in a cunglei) caah a si.

Siangkai a dih cang mi nih Australia ah um rih an duh ahcun thla 18 tiang umnak nawl an ngei kho nain, Master in a cunglei a dihmi bel cu kum 2 in kum 4 tiang umnak nawl an ngei.

graduate students, campus, Australia
Outside the Australian campus, graduate students, wearing graduation gown and cap, happy and embracing.
Getty Images

This story is also available in other languages.