Sydney khuapi Ah A Ummi Pawl Cu Innchung Zapi Tonnak Hmunah Hmaihuh An i Hruk Hrim Lai

Source: Getty Images - Morsa

Sydney Khuachung ah khua a simi (Wollongong, Central Coast le Blue Mountains Telh in) pawl cu innchung zapi tlawnlennak le umthutnak: Herhhai zawlhnak dawr, Chawdawr, Baisikup, Zapi Citmi tlunkalnak, Ttamh moihnak le sam riamnak, Biakinn le nuamh saihnak hmun pawl ah hmaihuh an i hruk hrimhrim lai.

Cawn nikhat Jan 4 hnu in cun mi zeihmanh hmaihuh a hruk lomi poah cu $200 liam ter an si lai. Asinain, kum 12 tang hngakchia cu an i hruk lo zongah a poi lo. A si khawh ah cun hmaihuh ihruk lengmang dingin NSW ramkulh hruaitu nih duhsaknak an ngei.

Alawngkasa le khual zohkhenhnak hmun ah rian a tuanmi poah cu hmaihuh an i hruk hrimhrim lai.

Pumhkomhnak, Tthitumhnak le ruakvuinak hmun ah minung 100 tiang lawng cohlan khawh a si lai cun mi pakhat ah pe li dan hlan in umthut a si lai. Night Club pawl cu khar dih a si lai. Gym pawl ah minung 50 tiang cohlan khawh a si timi kha minung 30 ah thumh a si.

Leng ah cawlcangnak tuah tik le duhlonak langhter lam zawhnak cu minung 500 nak tlawm lawng a ngah lai, cun leng tonpumhnak pawl thutnak sersiam a haumi hmun pawl ah minung 2000 nak tlawm lawng cohlan khawh a si lai.

Na umnak ramkulh le ramthen zulhphung  hi ka hin zoh khawh a si.


Australia ram ah khua a sami vialte nih 1.5m hlat in umthut dingin zulhphung sermi cu an zulh hrimhrim lai.  Phihkhamnak le khamnak zulhphung sermi pawl hna cu pumpak pakhat cio nih an i fiannak hnga tha tein zohfelhnak an ngeih dih hrimhrim lai. Cumpit le tlangrai nih an tlunh sual i na dam lo sual ah cun leng chuak hin loin inn ah na um lai. Cun, pulrai in na zawt le zawt lo siibawi tonnak ser in na zoh ter lai. Asilole, 1800 020 080 ah pehtlaihnak na ngeih hna lai. Thawngpang le theih herhmi thil kong hna cu holh phun 63 in sbs.com.au/coronavirus ah rel khawh  a si.