TJ;PFBHTJ;PF UND

တၢ်စံၣ်ညီၣ်ဒိကနၣ်ကီၢ်ပယီၤတၢ်မူးဖဲဟီၣ်ခိၣ်ဒီဖျၢၣ်ကွီၢ်ဘျီၣ်အပူၤ

President of the International Court of Justice (AAP) Source: AAP

ဟီၣ်ခိၣ်ဘီမုၢ်တၢ်တီတၢ်တြၢ်ကွီၢ်ဘျီၣ်— အၣ်စံၣ်ကၠ့ၣ် စးထီၣ်တၢ်စံၣ်ညီၣ်ဒိကနၣ်တၢ်ဂ့ၢ်တၢ်ကျိၤလီၤတံၢ်ဆဲး လၢအဘၣ်ဃး ကီၢ်ပယီၤသုး မၤဒၢၣ်မၤနၢၤ မၤသံမၤဝီဝဲဒၣ် ပှၤရိၣ်ဟ့ၣ်ကၠၣ်ဖဲ၂ဝ၁၇နံၣ်အတီၢ်ပူၤ အခါန့ၣ်လီၤ။

ကီၢ်ပယီၤသုးအံၤ တၢ်မ့ၢ်ပာ်တၢ်ကမၣ်လၢ အမၤသံလီၤတူာ်ပှၤရိၣ်ဟ့ၣ်ကၠၣ်မူးစလ့ၤသ့ၣ်တဖၣ် နာ်သက့ တၢ်ဟံးဂ့ၢ်ဝီကီၢ်ပယီၤတၢ်မူးတၢ်ရၢ် ဖဲဟီၣ်ခိၣ်ဘီမုၢ်ကွီၢ်ဘျီၣ်အပူၤန့ၣ် ကီၢ်ပယီၤသုးပီၢ်ရီသ့ၣ်တဖၣ် အဲၣ်ဒိးလၢတၢ်ကပာ်ပတုာ်ကွံာ်တၢ်ဟံးဂ့ၢ်ဝီအံၤန့ၣ်လီၤ။

ပယီၤသုးဟံးန့ၢ်ဆူၣ်ကွံာ်ထံကီၢ်တၢ်စိတၢ်ကမီၤဒီး ထုးကွံာ်ပဒိၣ်လၢထံဖိကီၢ်ဖိဃုထၢထီၣ်တ့ၢ်အီၤတဖု လၢအဝဲသ့ၣ်လီၢ်အလးအပူၤန့ၣ် အိၣ်၀ဲတနံၣ်ဘျဲၣ်လံန့ၣ်လီၤ။

တချုးဖဲလၢတၢ်ဆိတၢ်ကမီၤ အတၢ်ဆီတလဲအိၣ်ဒံးဘၣ် ဖဲ ၂ဝ၁၉နံၣ်အခါန့ၣ် ကါမ်ဘံယါ ထံကီၢ်လၢအိၣ်ဖဲ အါဖြံကးမုၢ်နုၤတဘ့ၣ် ဟံးဂ့ၢ်ဝီလိာ်ကွီၢ်ဝဲဒၣ် ကီၢ်ပယီၤန့ၣ်လီၤ။ တၢ်ကရၢကရိလၢ အံးစလါမ့း တၢ်ဖီၣ်လိာ်စုမၤသကိးတၢ်အဂီၢ် (အိးအၤစံၤ) ဆီၣ်ထွဲဝဲဒၣ် အဝဲသ့ၣ် အတၢ်ဟံးဂ့ၢ်ဝီ ကီၢ်ပယီၤအံၤန့ၣ်လီၤ။

ဖဲအပူၤကွံာ််န့ၣ် ဘီမုၢ်စၢ်ဖှိၣ်ကရၢကွီၢ်ဘျီၣ်ထံၣ်တ့ၢ်ဝဲဒၣ်လၢ တၢ်မၤသံလီၤတူာ််အံၤ ကဲထီၣ်ဝဲဒၣ် ဒ်အမ့ၢ်ပယီၤသုးအတၢ်ဟူးတၢ်ဂဲၤတခါအသိး နာ်သက့ တၢ်ပာ်ဒ့ၣ်ပာ်ကမၣ်အံၤ ကီၢ်ပယီၤ ဂ့ၢ်လိာ််တ့ၢ်ဝဲဒၣ်အီၤန့ၣ်လီၤ။

Coming up next

# TITLE RELEASED TIME MORE
တၢ်စံၣ်ညီၣ်ဒိကနၣ်ကီၢ်ပယီၤတၢ်မူးဖဲဟီၣ်ခိၣ်ဒီဖျၢၣ်ကွီၢ်ဘျီၣ်အပူၤ 22/02/2022 05:29 ...
ပှၤတဝၢပှၤဖီၣ်ကသံၣ် သရၣ်န့ၢ်(ထ်)လီၤဆဲး အတၢ်လဲၤခီဖျိ 19/06/2022 10:02 ...
ပှၤဘၣ်ကီဘၣ်ခဲအနွံ။ ။ တၢ်ခွဲးတၢ်ယာ်လၢ တၢ်လဲၤခီဖျိဒီး မၤလၤကပီၤဘၣ် ပှၤဘၣ်ကီဘၣ်ခဲအပှၤတဝၢ လၢအလီၤဆီလိာ်အသးသ့ၣ်တဖၣ် 18/06/2022 11:35 ...
ပှၤမၤတၢ်ဖိလၢန့ၢ်ဘၣ်တၢ်မၤအဘူးအလဲစှၤကတၢၢ်သ့ၣ်တဖၣ် ကန့ၢ်ဘၣ်အါထီၣ်စ့ 16/06/2022 08:34 ...
အီစထြ့လယါကီၢ်ပူၤ တၢ်ပာ်ဖျါ တၢ်မၤဆါပယွဲပှၤသူၣ်က့သးပှၢ်ဟဲအါထီၣ် 15/06/2022 08:14 ...
ခဲစၢၣ်တၢ်ဆါအတၢ်ဃုသ့ၣ်ညါတိာ်ပာ်လၢ ပှၤသံအိၣ်သ့တုၤလၢ ၁ ့၄ကကွဲၢ် 11/06/2022 04:44 ...
ကညီသးစၢ်မုၢ်ကျဲးစၢးကဲထီၣ်ကသံၣ်သရၣ်မုၣ်ဖးဒိၣ်အတၢ်လဲၤကျဲ 11/06/2022 16:40 ...
ဂံၢ်သဟီၣ်မ့ၣ်အူပှ့ၤသ့ၣ်တဖၣ်ကဟဲဒိၣ်ထီၣ် 09/06/2022 05:49 ...
ပှၤထူလံၤဖိ လုၢ်လၢ်ထူသနူသ့ၣ်တဖၣ် ဘၣ်မနုၤအဃိအရ့ဒိၣ်လၢ ပှၤကိးဂၤဒဲးဘၣ်လူၤပိာ်ထွဲမၤပိာ်ထွဲအီၤလဲၣ်။ 08/06/2022 13:43 ...
ဝံးထိရံယါကသံၣ်သရၣ်သ့ၣ်တဖၣ်ဟ့ၣ်ဂံၢ်ဟ့ၣ်ဘါ ကမျၢၢ်လၢကထီတၢ်ကးဘၢကိာ်ပူၤဒီးနါဒ့ (နီၣ်ကျၢၢ်ဘၢမဲာ်) 20/05/2022 06:38 ...
View More