Coming Up Fri 3:00 PM  AEST
Coming Up Live in 
Live
Khmer radio

វិធានការ​កូវីដ-១៩ ​នៅ​ក្នុង​រដ្ឋ​និង​ដែនដី​នានា​ទូទាំង​ប្រទេស​អូស្រ្តាលី

ការរឹតបន្តឹងវីរុសកូរ៉ូណា​នៅ​ទូទាំង​ប្រទេស​អូស្រ្តាលី ខុសៗគ្នា​ទៅ​តាមទីកន្លែង​ដែល​អ្នក​រស់នៅ ខណៈដែល​រដ្ឋ​និង​ដែនដីនិមួយៗ​ធ្វើ​ការ​ផ្លាស់ប្តូរផ្អែកលើ​តម្រូវការ និង​ការព្រួយ​បារម្ភ​​រៀងៗខ្លួន។

ព័ត៌មាន​ថ្នាក់​ជាតិស្តី​ពី​កូវីដ-១៩របស់​SBS សូមចុចនៅទៅនេះ។ 
ព័ត៌មាន​នេះ​ត្រូវ​បាន​ធ្វើ​បច្ចុប្បន្នភាព​នៅ​ថ្ងៃទី ០៧ ខែធ្នូ ឆ្នាំ​២០២០។ សម្រាប់​ដំណឹងចុងក្រោយស្តីពីវីរុសកូរ៉ូណា​ជាភាសាខ្មែរ​ សូមចូលទៅកាន់៖ https://www.sbs.com.au/language/khmer/coronavirus-updates


រដ្ឋវិចថូរៀ

ការ​ជួបជុំគ្នា៖

  • ចេញ​ពីផ្ទះ - ដោយគ្មាន​ការ​រឹតបន្តឹង
  • ការ​ជួបជុំនៅ​ទីសាធារណៈ - រហូត​ដល់​ទៅ១០០នាក់ នៅ​ទីវាល​ខាង​ក្រៅ
  • ភ្ញៀវមកលេងផ្ទះ - ទទួលភ្ញៀវបានរហូត​ដល់ទៅ​៣០នាក់ក្នុង​មួយ​ថ្ងៃ ហើយ​អាច​មក​ពីក្រុមគ្រួសារ​ផ្សេងៗគ្នា​បាន (ទារក​ក្រោម​១២​ខែ​ក៏​មិន​ត្រូវបាន​រាប់​បញ្ចូល​នៅ​ក្នុង​ការ​កម្រិត​ចំនួននេះឡើយ)។
  • ការ​ប្រារព្ធ​ពិធីបុណ្យ​ណូអែល៖ ​ភ្ញៀវអាចមកលេងផ្ទះបាន​ដល់​ទៅ​៣០នាក់ក្នុង​មួយ​ថ្ងៃ (ទារកអាយុក្រោម​១ខួប មិន​រាប់​បញ្ចូលទេ)។
  • មន្ទីរពេទ្យ និង​មណ្ឌល​មើលថែទាំ៖ មិនមាន​ការ​រឹតបន្តឹងលើ​ចំនួន​ភ្ញៀវ​ដែល​ទៅ​សួរ​សុខទុក្ខ ឬរយៈពេល​ក្នុង​ការ​សួរសុខទុក្ខនោះទេ។ មន្ទីរពេទ្យ​និង​មណ្ឌល​មើលថែទាំ​​កំណត់​ច្បាប់​សម្រាប់​ភ្ញៀវចូលទៅសួរសុខទុក្ខ។
  • ពិធីមង្គលការ បុណ្យសព ការ​ជួបជុំសាសនា៖ ការ​កំណត់ចំនួន​មនុស្សចូលរួមត្រូវ​បាន​ដកចេញ ប៉ុន្តែ​ជំនួសមកវិញ​នូវ​លក្ខខណ្ឌ​មនុស្ស​ម្នាក់​ក្នុង​២ម៉ែត្រការ៉េ។

កាងារ​

  • ប្រសិនបើ​អ្នក​អាច​ធ្វើ​ការ​ពីផ្ទះបាន អ្នកត្រូវបន្ត​ធ្វើ​ការ​ពីផ្ទះ។ នេះគឺ​ជា​រឿង​សំខាន់​ក្នុងការ​ជួយកម្រិត​ចំនួន​ប្រជាជន​ធ្វើ​ដំណើរ​ទៅមក និង​ដើម្បី​ជួយ​កាត់បន្ថយ​ការ​ឆ្លង​រាលដាលនៃ​វីរុសកូរ៉ូណា។
  • អនុញ្ញាតិ​ឲ្យ​វិលត្រឡប់​ចូលទៅធ្វើ​ការ​វិញ​ជាបណ្តើរៗ ជាមួយ​នឹងការ​កំណត់ ២៥%នៃចំនួនបុគ្គលិក និង​កម្រិតដង់ស៊ីតេ ម្នាក់​ក្នុង​៤ម៉ែត្រការ៉េ។
  • នៅ​ក្នុង​រដ្ឋ​វិចថូរៀ ការពាក់ម៉ាស​នៅ​ក្នុង​ការិយាល័យ ឬហាងកាហ្វេ មិនមែន​ជា​រឿង​ដែល​ត្រូវ​តែ​ធ្វើ​ជា​កំហិត​ទៀតនោះទេ។ 
  • ម៉ាសនៅ​តែត្រូវ​យក​តាម​ខ្លួន​គ្រប់ពេល ហើយ​ត្រូវ​ពាក់​នៅ​លើ​មធ្យោបាយដឹកជញ្ជូន​សាធារណៈ នៅ​ក្នុង​រថយន្ត​ដែល​ជិះជាមួយ​អ្នកដទៃ នៅ​ក្នុង​​ហាង​ទំនិញ និង​នៅ​កន្លែង​ដែល​មាន​មនុស្ស​ច្រើនកុះករ។
  • ប្រសិនបើអ្នក​មិន​អាច​ធ្វើការ​ពីផ្ទះបានទេ អ្នក​អាច​ទៅ​ធ្វើការ​នៅ​ការិយាល័យបាន។ នៅ​ពេល​អ្នកនៅ​កន្លែង​ធ្វើការ​អ្នក​អាច​រក្សា​សុវត្ថិភាពបាន​ដោយ៖

​​       o  លាងសម្អាតដៃឲ្យ​បាន​ទៀងទាត់

       o   ក្អក​និង​កណ្តាស់​ដាក់​កែងដៃ និង​ប្រើ​ក្រដាស់អនាម័យ

       o   រក្សា​គម្លាត​១,៥ម៉ែត្រ​ពី​អ្នកដទៃ

អាជីវកម្មទាំង​អស់​ត្រូវ​តែ​មាន​ផែនការ​សុវត្ថិភាព COVIDSafe Plan រួម​ទាំង​​អាជីវកម្ម​ដែល​ដំណើរ​ការ​ពីផ្ទះផងដែរ (ឧទាហរណ៍ ហាងកាត់សក់​ដែល​បើកនៅផ្ទះ)។

ព័ត៌មានបន្ថែម៖ 

https://www.coronavirus.vic.gov.au/work-study-and-volunteering-third-step#can-i-go-to-work

សាលារៀន

  • សិស្ស​សាលា​នៅ​រដ្ឋ​វិចថូរៀទាំង​អស់​ត្រឡប់​ចូល​រៀន​ក្នុង​សាលារៀនវិញហើយ
  • សកលវិទ្យាល័យ TAFE និង​សាលាបណ្តុះបណ្តាល​មនុស្ស​ពេញវ័យ អាច​វិលត្រឡប់​ទៅ​សិក្សា​នៅ​សាលាវិញបាន។

ព័ត៌មានបន្ថែម៖ 

https://www.coronavirus.vic.gov.au/work-study-and-volunteering-third-step#can-i-go-to-work

ការធ្វើដំណើរ​និង​ការ​ដឹកជញ្ជូន៖

ម៉ាសត្រូវ​តែដាក់តាម​ខ្លួន​គ្រប់ពេល និង​ពាក់នៅ​លើ​មធ្យោបាយ​ដឹកជញ្ជូនសាធារណៈ នៅ​ក្នុង​យានយន្ត​ដែល​ជិះជាមួយ​អ្នកដទៃ អនុវត្ត​អនាម័យល្អ និង​កុំ​ធ្វើ​ដំណើរ​ប្រសិនបើ​អ្នកមិនស្រួលខ្លួន។

ព័ត៌មានបន្ថែម៖ https://www.coronavirus.vic.gov.au/public-transport

  • មិនមានការរឹតត្បិតលើហេតុផលដើម្បីចាកចេញពីផ្ទះ ឬចម្ងាយដែលអ្នកអាចធ្វើដំណើរបាននោះទេ។

  • អ្នកអាចទៅវិស្សមកាលគ្រប់ទីកន្លែងក្នុងរដ្ឋវិចថូរៀ ។

  • អ្នកអាចកក់កន្លែងស្នាក់នៅជាមួយមនុស្សដែលអ្នករស់នៅជាមួយ ដៃគូជិតស្និទ្ធរបស់អ្នក និងមិត្តភក្តិឬសមាជិកគ្រួសារពីរនាក់ (និងអ្នកនៅក្នុងបន្ទុក) ដែលមិនរស់នៅជាមួយអ្នក។

  • មិនមានដែនកំណត់លើហេតុផលក្នុងការធ្វើដំណើររវាងទីក្រុងមែលប៊ននិងតំបន់ជនបទរដ្ឋ​វិចថូរៀទេ។

  • ជើងហោះហើរអ្នកដំណើរអន្តរជាតិពេលនេះចាប់​ផ្តើម​វិញហើយ។

អាជីវកម្ម​និង​ការ​កម្សាន្ត៖

  • ហាងកាហ្វេ ​ភោជនីយដ្ឋាន និងបារ៖ ​មិនមានការ​កំណត់​ចំនួន​ភ្ញៀវនោះទេ ប៉ុន្តែ​ហាងទាំងនោះ​ត្រូវ​តែ​អនុវត្តន៍តាម​ច្បាប់​មនុស្ស​ម្នាក់​ក្នុង​២ម៉ែត្រការ៉េ។  ភ្ញៀវនឹង​មិន​ចាំបាច់​ត្រូវ​អង្គុយ​ដើម្បី​ទទួលសេវាកម្មនោះទេ។
  • កន្លែងហាត់ប្រាណ និង​អាងហែលទឹក​ដែលនៅ​វាលខាងក្រៅ ៖ មិនមានកម្រិត​ចំនួន​មនុស្ស​នោះទេ តែត្រូវ​អនុវត្តន៍តាម​ច្បាប់​មនុស្ស​ម្នាក់​ក្នុង​២ម៉ែត្រការ៉េ។
  • កន្លែងហាត់ប្រាណ (Gym) ចំនួន​មនុស្ស​ដែល​អនុញ្ញាតិ​យោងទៅ​លើ​ទំហំនៃ​កន្លែងនោះ ជាមួយ​នឹង​ច្បាប់​៤ម៉ែត្រការ៉េ​នៅ​ពេល​ដែល​មាន​បុគ្គលិក។ មនុស្ស​ម្នាក់​ក្នុង​៨ម៉ែត្រការ៉េ នៅ​ពេល​ដែល​មិន​មាន​បុគ្គលិកនៅ​កន្លែងនោះ។

ការ​ផាកពិន័យ៖

  • ការផាកពិន័យកើតមានឡើង​នៅ​ពេល​ដែល​មានការ​ល្មើស​ការ​រឹតត្បឹតផ្សេងៗ ដូចជា ​ការ​ជួបជុំគ្នា​ដែល​ខុសច្បាស់។
  • ប្រជាជនក្នុង​រដ្ឋ​វិចថូរៀ​ដែល​មិន​អនុវត្ត​តាម​ការ​ធ្វើ​ចត្តាឡីស័ក​បន្ទាប់​ពី​ធ្វើ​តេស្ត​ឃើញវិជ្ជមាន ឬត្រូវ​បញ្ជាក់​ថា​ជា​អ្នក​មាន​ទំនាក់ទំនង​ជិតស្និត​ជាមួយអ្នកជំងឺនោះ អាចនឹងត្រូវ​ផាកពិន័យ។

សម្រាប់​ព័ត៌មានបន្ថែម៖ https://www.coronavirus.vic.gov.au/fines-enforcement-and-reporting

 

រដ្ឋញូសៅវែល

ការ​ជួប​ជុំ

  • មនុស្ស​រហូត​ដល់​ទៅ​៥០នាក់ អាច​ទៅ​លើ​ផ្ទះ​គេបាន ដរាបណា​ប្រើប្រាស់​ទីវាល​នៅ​ខាង​ក្រៅ​ផ្ទះ។ ទោះជាយ៉ាងណា មានការ​ណែនាំ​មិន​ឲ្យ​ជួបជុំ​លើសពី​៣០នាក់ ប្រសិនបើ​ផ្ទះ​នោះមិន​មាន​ទីវាល​ខាងក្រៅផ្ទះ (outdoor area)។ 
  • ចាប់​ពី​ថ្ងៃទី​៧ ខែធ្នូ ការ​ជួបជុំគ្នានៅ​ខាង​ក្រៅ​អាច​បាន​រហូត​ដល់​ទៅ​១០០នាក់។
  • ពិធីមង្គលការ បុណ្យ​សព និង​ពិធីសាសនា៖ ការ​កំណត់​ចំនួន​មនុស្ស​​ចូលរួមត្រូវ​បាន​ដកចេញ តែ​ត្រូវ​អនុវត្តន៍តាម​ច្បាប់​២ម៉ែត្រការ៉េ។

ការ​ងារ

  • ចាប់ពីថ្ងៃចន្ទ​ ទី១៤ ខែធ្នូ បទបញ្ជា​សុខភាពសាធារណៈ​ដែល​តម្រូវ​ឲ្យ​និយោជក់​អនុញ្ញាតិ​ឲ្យ​បុគ្គលិក​ធ្វើ​ការ​ពីផ្ទះ (នៅ​ពេល​ដែល​អាច​ធ្វើ​ទៅបាន ) ​លែងមានទៀតហើយ។
  • ខណៈដែល​បុគ្គលិក​វិលត្រឡប់​ចូល​ទៅ​ធ្វើការ​នៅការិយាល័យវិញ កន្លែង​ធ្វើការ​ត្រូវ​បាន​លើកទឹកចិត្ត​ឲ្យ​មាន​ផែនការ​សុវត្ថិភាពកូវីដ។
  • និយោជក់ត្រូវបានលើកទឹកចិត្តឲ្យ​ចាត់ចែង​ពេលម៉ោង​បុគ្គលិកចាប់ផ្តើមធ្វើការ និងបញ្ចប់ខុសពីគ្នា ដើម្បីកាត់បន្ថយ​ផលប៉ះពាល់លើសេវាដឹកជញ្ជូនសាធារណៈ។ អ្នកដែលប្រើមធ្យោបាយដឹកជញ្ជូនសាធារណៈត្រូវបានលើកទឹកចិត្តឱ្យពាក់ម៉ាស។
  • បុគ្គលិក​ត្រូវស្នាក់នៅផ្ទះ ប្រសិនបើមានអារម្មណ៍មិនស្រួលខ្លួន ហើយត្រូវធ្វើតេស្តរកកូវីដ-១៩ ប្រសិនបើពួកគេមានរោគសញ្ញាណាមួយ។

សាលារៀន

  • សិស្ស​សាលារដ្ឋ​ញូសៅវ៉េល​ណាម្នាក់​ដែល​មាន​រោគសញ្ញា​កូវីដ-១៩ មិនអនុញ្ញាតិ​ឲ្យ​​វិល​ត្រឡប់​ចូលរៀន​វិញ​ទេ រហូត​ដល់​ធ្វើ​តេស្ត​ឃើញអវិជ្ជមាន។
  • កម្មវិធី​បិទវគ្គ​សិក្សា ការ​រាំច្រៀង និង​ព្រឹត្តិការណ៍​សង្គមផ្សេងទៀត​មិនត្រូវ​បាន​អនុញ្ញាត​ឡើយ។
  • ព័ត៌មានបន្ថែម​ស្តី​ពី​ការ​អប់រំនៅ​រដ្ឋញូសៅវែល៖ https://education.nsw.gov.au/covid-19/advice-for-families#School2 

ការ​ធ្វើ​ដំណើរនិងការដឹកជញ្ជូន

  • អ្នក​ដំណើរ​ពី​រដ្ឋ​ផ្សេង​អាច​មក​លេង​រដ្ឋ​ញូសៅវែលបាន ប៉ុន្តែ​ត្រូ​វគោរព​ទៅ​តាម​ច្បាប់ទម្លាប់ក្នុង​រដ្ឋ​របស់​ខ្លួន​នៅ​ពេល​ត្រឡប់​ទៅវិញ។
  • កន្លែង​ចត Caravan និង​កន្លែង​បោះ​ជំរុំ​​បើក​ដំណើរ​ការ​ឡើង​វិញហើយ។ អ្នក​ដំណើរ​មាន​ផែន​ការ​ទៅ​លេង​ឧទ្យាន​ជាតិ​គួរ​មើល www.nationalparks.nsw.gov.au សម្រាប់​ព័ត៌មានបន្ថែម។
  • ការ​ទៅ​លេង​កន្លែង​ថែ​ទាំ​មនុស្ស​ចាស់ ឬ​កន្លែង​ផ្តល់​សេវា​សុខាភិបាល​ត្រូវ​ហាម​ឃាត់។

ព័ត៌មានបន្ថែម៖  https://www.nsw.gov.au/covid-19/what-you-can-and-cant-do-under-rules/border-restrictions។ 

អាជីវកម្ម និងការកំសាន្ត 

  • សម្រាប់​អាជីវកម្ម​​និង​អង្គភាពប្រភេទខ្លះ វាជារឿង​ចាំបាច់​ដែល​ត្រូវ​តែចុះបញ្ជី ​ផែនការសុវត្ថិភាព​កូវីដ COVID Safe ក្រោម​បទបញ្ជា​សុខភាពសាធារណៈ។ ព័ត៌មានបន្ថែម​សូមចូល​ទៅកាន់៖  https://www.nsw.gov.au/covid-19/covid-safe 
  • ក្លឹបហាត់ប្រាណនិងក្លឹបរាត្រី៖ មនុស្សម្នាក់ក្នុង៤ម៉ែត្រការ៉េ ជាមួយ​នឹង​កម្រិតមនុស្សអតិបរមា ៥០ នាក់ ត្រូវបានអនុញ្ញាតនៅក្នុងថ្នាក់ហាត់ប្រាណ ឬនៅកន្លែងរាំនៅក្លឹបរាត្រី។

  • ពហុកីឡាដ្ឋាននិងរោងកុន៖ នៅទីវាលខាងក្រៅ មានលទ្ធភាព​​អង្គុយបាន ១០០%  ជាមួយ​នឹង​ការ​កម្រិត មនុស្សម្នាក់ក្នុង២ម៉ែត្រការ៉េ សម្រាប់កន្លែងអង្គុយដែលមិនមានរចនាសម្ព័ន្ធ។ នៅក្នុងអគារ៖ លទ្ធភាពអង្គុយ ៧៥% ។

  • កន្លែងបដិសណ្ឋារកិច្ចខ្នាតតូច (មានទំហំរហូតដល់ ២០០ ម៉ែត្រការ៉េ) អាចមានមនុស្សម្នាក់ក្នុង ២ ម៉ែត្រការ៉េនៅក្នុងអគារ។

  • សកម្មភាពកីឡាតាមសហគមន៍ត្រូវបានអនុញ្ញាត រួមទាំងវគ្គបណ្តុះបណ្តាល និងសកម្មភាពដែល​ប៉ះពាល់គ្នា។

អាជីវកម្ម​ និង​អ្នក​រៀបចំកម្មវិធីត្រូវ​មាន​ផែនការសុវត្ថិភាព COVID-19 Safety Plan ហើយរក្សា​កំណត់ត្រា​អ្នក​ចេញ​ចូល​ក្នុង​អគារទាំង​អស់: https://www.nsw.gov.au/covid-19/covid-safe-businesses។ 

ការ​ផាកពិន័យ

ការផាកពិន័យនឹងត្រូវអនុវត្តនៅពេលមានការរឹតត្បិត ជាឧទាហរណ៍សម្រាប់ការប្រមូលផ្តុំខុសច្បាប់។
ការរំលោភបទបញ្ជាដែលធ្វើឡើងក្រោមច្បាប់សុខភាពសាធារណៈឆ្នាំ ២០១០ (Public Health Act 2010)​ គឺជាបទល្មើសព្រហ្មទណ្ឌ និងទាក់ទាញឲ្យមាន​ការ​ការដាក់ទណ្ឌកម្មធ្ងន់ធ្ងរ។

ព័ត៌មានបន្ថែម៖ https://www.nsw.gov.au/covid-19/what-you-can-and-cant-do-under-rules#public-health-orders-record-keeping-and-penalties

 

រដ្ឋគ្វីនស្លេន

ការ​កំណត់​ក្នុង​ការ​ជួប​ជុំ

  • មនុស្ស​៥០នាក់​ត្រូវ​បាន​អនុញ្ញាតិ​ឲ្យ​ជួបជុំគ្នានៅក្នុង​ផ្ទះ និង​១០០នាក់​នៅ​ក្នុងទីសាធារណៈ​ទូទាំង​រដ្ឋ​គ្វីនស្លេន
  • ពិធីរៀបមង្គលការ៖ រហូត​ដល់​ទៅ​២០០នាក់អាច​ចូលរួម​ក្នុង​ពិធីរៀបមង្គលការ ហើយ​ភ្ញៀវទាំង​អស់​អាច​ឡើង​រាំបាន (ទាំងនៅ​ខាង​ក្នុង​និង​ខាង​ក្រៅអគារ)
  • បុណ្យសព៖ មនុស្ស​រហូត​ដល់​ទៅ​២០០នាក់អាច​ចូលរួម​ក្នុង​ពិធីបុណ្យសពបាន។
  • មណ្ឌល​មើលថែទាំ៖ អ្នក​អាច​ទៅ​សួរសុខ​ទុក្ខ​មនុស្ស​ជា​ទីស្រឡាញ់​របស់​អ្នក​ដែល​​ទទួលការ​មើលថែ​នៅ​​មណ្ឌលសុខភាពផ្លូវចិត្ត ឬ​សេវាកម្មថ្នាំញៀននិងគ្រឿងស្រវឹង
  • ការសួរសុខទុក្ខ​អ្នក​ជំងឺនៅមន្ទីរពេទ្យ៖ ចំនួន​ភ្ញៀវចូលទៅសួរសុខទុក្ខ​កំណត់ដោយ​ច្បាប់​ទម្លាប់​ចូលសួរសុខទុក្ខ​ដូចពេល​ធម្មតានៅ​ក្នុង​មន្ទីរពេទ្យនិមួយៗ។

ព័ត៌មានបន្ថែម  https://www.qld.gov.au/health/conditions/health-alerts/coronavirus-covid-19/current-status/restricted-areas-covid-19

ការងារ

អាជីវកម្មទាំង​អស់​ត្រូវតែ

  • គាំទ្រ​ការ​ធ្វើការ​ពីផ្ទះ
  • បញ្ជូន​អ្នកដែល​មិនស្រួលខ្លួន​ទៅផ្ទះ
  • អនុញ្ញាតិ​ឲ្យ​មានមនុស្ស​ម្នាក់ក្នុង​២ម៉ែត្រការ៉េ
  • គូស​ខ្សែរបន្ទាត់​ដែល​អាច​មើលឃើញ ដើម្បី​លើកទឹកចិត្ត​ឲ្យ​រក្សា​គម្លាត
  • ប្រតិបត្តិ​នៅ​ក្នុង​ក្របខ័ណ្ឌ COVID Safe
  • សម្អាត​ផ្ទៃ​ទាំង​អស់​ឲ្យ​បាន​ស្អាតបាត​និង​ញឹកញាប់
  • ផ្តល់​ទឹកអាល់កុល​សម្រាប់​លាងដៃ

បុគ្គលិកត្រូវតែ

  • នៅផ្ទះប្រសិនបើ​ឈឺ
  • ទៅធ្វើ​តេស្ត​ប្រសិនបើ​មាន​រោគសញ្ញាកូវីដ
  • រក្សាគម្លាត​១,៥ម៉ែត្រពីអ្នកដទៃ
  • លាងដៃឲ្យ​បាន​ញឹកញាប់ជាមួយ​សាប៊ូ ឬទឹកអាល់កុល
  • បិទមាត់​ពេល​ក្អក ឬកណ្តាស់

សាលារៀន

  • ប្រសិនបើ​នាយកសាលា គ្រូបង្រៀន ឬក៏បុគ្កលិក​ធ្វើការនៅ​សាលារៀន​គិតថា​ក្មេងណាម្នាក់ឈឺ ពួកគេ​ត្រូវ​តែ​ទាក់ទង​ទៅ​ឳពុកម្តាយ ឬអាណាព្យាបាល​ ហើយសុំ​ឲ្យ​ពួកគេ​មក​ទទួលយក​កូន​ទៅ​ផ្ទះ
  • ឳពុក ម្តាយ ឬអាណាព្យបាល ត្រូវ​តែ​មក​ទទួលកូន​របស់​ពួកគេ​ឲ្យ​បាន​លឿនបំផុត​តាម​ដែល​អាច​ធ្វើ​ទៅបាន។
  • កុមារនោះ​មិន​អាច​ត្រឡប់​មក​ថ្នាក់​រៀន​វិញ​ទេ រហូត​ដល់​ចុងបញ្ចប់​នៃ​រយៈពេល​ឆ្លង ឬនៅ​ពេល​ដែល​ពួកគេ​មិន​មាន​សញ្ញា​ឈឺ​អ្វីទេ។

ព័ត៌មានបន្ថែម៖ https://www.qld.gov.au/health/conditions/health-alerts/coronavirus-covid-19/current-status/public-health-directions/school-and-early-childhood-service-exclusion-direction

ការ​ធ្វើ​ដំណើរនិង​ការ​ដឹកជញ្ជូន

  • ចាប់​ពីថ្ងៃទី​១ ខែធ្នូ ឆ្នាំ​២០២០ អ្នកត្រូវបំពេញ​សេចក្តីប្រកាស​ឆ្លងកាត់ព្រំដែន​រដ្ឋ​គ្វីនស្លេន Queensland Border Declaration Pass តែនៅ​ពេល​ណា​ដែល៖ នៅ​ក្នុងពេល​១៤​ថ្ងៃ អ្នក​បាន​ទៅ​កន្លែង​ដែល​ជា​តំបន់​ឆ្លង (hotspot) ឬ​ទៅ​ក្រៅប្រទេស​ហើយ​មិនបាន​ហោះចូល​មក​ក្នុង​រដ្ឋ​គ្វីនស្លេនដោយផ្ទាល់ ពេលត្រឡប់​ចូល​ប្រទេស​អូស្រ្តាលីវិញ។
  • នរណាម្នាក់​ដែលស្នាក់​នៅ​ក្នុង​កន្លែង​​ធ្វើ​ចត្តាឡីស័ក​ជាដាច់ខាត​ដែល​រៀបចំឡើង​ដោយ​រដ្ឋាភិបាល ដោយសារតែ​ចូលមក​ពី​រដ្ឋ​ញូសៅវែល ឬរដ្ឋ​វិចថូរៀ អាច​ចាក​ចេញ​ពី​កន្លែង​ធ្វើ​ចត្តាឡីស័កបាន ប្រសិនបើ​ធ្វើ​តេស្ត​កូវីដឃើញអវិជ្ជមាន ហើយ​ពួកគេ​នឹង​ត្រូវ​ផ្តល់​ព័ត៌មាន​ទំនាក់ទំនង​របស់​ពួកគេ​ និង​អសយដ្ឋាន​នៅ​ក្នុង​រដ្ឋ​គ្វីនស្លេន។
  • អ្នក​ត្រូវ​តែ​ធ្វើ​ដំណើរ​តាម​យន្តហោះចូល​ទៅ​ក្នុង​រដ្ឋ​គ្វីនស្លេន ប្រសិនបើ​អ្នក​ទទួលបាន​ការ​អនុញ្ញាតិ​ឲ្យ​ចូលមក​ពី​កន្លែង hotspot។ អ្នកត្រូវតែទទួលបាន​ការ​លើកលែង​ឲ្យ​ធ្វើ​ដំណើរ​តាម​ផ្លូវ​គោក​ពីកន្លែង​hotspot លុះត្រាណាតែ​អ្នក​ជា​អ្នក​បើក​រថយន្ត​ដឹកទំនិញ បុគ្គលិក​ដែល​ធ្វើ​ការ​ទាក់ទង​នឹង​ការ​ដឹកជញ្ជូន​ ឬ​សម្តែង​នៅ​ក្នុង​សកម្មភាព​ចាំបាច់​មួយ​ចំនួន

ព័ត៌មានបន្ថែម៖

https://www.qld.gov.au/health/conditions/health-alerts/coronavirus-covid-19/current-status/public-health-directions/border-restrictions

អាជីវកម្មនិងការកំសាន្ត

  • នៅខាង​ក្នុង​អគារ៖ មនុស្ស​ម្នាក់​ក្នុង​២ម៉ែត្រការ៉េ (ឧទាហរណ៍៖ ភោជនីយដ្ឋាន ហាងកាហ្វេ ផាប់ ក្លឹប សារមន្ទីរ សាលវិចិត្រសិល្បៈ កន្លែង​បួងសួង និង​រដ្ឋសភា ជាដើម។) កន្លែង​លេង​ខាង​ក្នុង​អគារ​អាច​បើកបាន។
  • ព្រឹត្តិការណ៍ក្នុងអគារ៖ កន្លែងអង្គុយបាន​ពេញ​លទ្ធភាព​១០០% កន្លែងលក់សំបុត្រ​ដែល​មាន​ភ្ញៀវ​ត្រូវពាក់ម៉ាស ពេល​ចូលនិងចេញ (ឧ។ រោងល្ខោន ផ្សាយបន្តផ្ទាល់តន្រ្តី រោងកុន និងកីឡាក្នុងអគារ) ។ អ្នកសំដែងអាចរក្សាគម្លាតពីទស្សនិកជនចម្ងាយ ២ ម៉ែត្រ លើកលែងតែក្រុមចម្រៀង ដែលត្រូវនៅចម្ងាយ ៤ ម៉ែត្រពីទស្សនិកជន។

  • ព្រឹត្តិការណ៍ក្រៅអគារ៖ អនុញ្ញាតិ​ឲ្យ​មាន​មនុស្ស១៥០០នាក់​នៅ​ខាង​ក្រៅ ជាមួយ​នឹង​ COVID Safe Event Checklist។ ព្រឹត្តិការណ៍ធំ ៗជាងនេះ ត្រូវការផែនការសុវត្ថិភាពកូវីដ។

  • ពហុកីឡាដ្ឋានបើកចំហ៖ ទទួលបាន​តាមកន្លែងអង្គុយ ១០០% (ជាមួយ​ផែនការ​សុវត្ថិភាពកូវីដ)

  • ការរាំនៅខាងក្រៅ: ការរាំនៅទីវាលខាងក្រៅត្រូវបានអនុញ្ញាត (ឧទាហរណ៍ពិធីបុណ្យ music festivals, beer gardens) ។

ព័ត៌មានបន្ថែមទៀតស្តី​ពីរដ្ឋ​គ្វីនស្លេន៖ https://www.qld.gov.au/covid-19/government-actions/roadmap-to-easing-queenslands-restrictions ។

ការ​ផាកពិន័យ

ការផាកពិន័យនឹងត្រូវអនុវត្តនៅពេលមានការរឹតត្បិត ជាឧទាហរណ៍សម្រាប់ការប្រមូលផ្តុំខុសច្បាប់ ឬការ​មិនពាក់​ម៉ាស​នៅ​កន្លែង​ដែល​ត្រូវ​តែពាក់ជាដាច់ខាត។

ព័ត៌មានបន្ថែម៖  https://www.covid19.qld.gov.au/government-actions/roadmap-to-easing-queenslands-restrictions

 

រដ្ឋអូស្រ្តាលី​ខាង​ត្បូង 

ការជួបជុំ៖

  • ម្នាក់​ក្នុង​៤ម៉ែត្រការ៉េ នៅខាង​ក្នុង​អគារ។
  • ម្នាក់ក្នុង​២ម៉ែត្រការ៉េ​ នៅ​ទីខាងក្រៅ។
  • កម្មវិធីឯកជន (រួមទាំង​ពិធីមង្គលការ និង​បុណ្យសព)៖ ច្រើនបំផុត១៥០នាក់ និង​ម្នាក់​ក្នុង​២ម៉ែត្រការ៉េ
  • នៅផ្ទះ៖ ១០នាក់​ក្នុង​មួយ​ផ្ទះ (លើកលែង​តែ​ផ្ទះនោះមានមនុស្ស​ស្នាក់នៅ​ជាអចិន្រ្តៃយ៍​លើសពី១០នាក់)
  • ទីកន្លែងឯកជន៖ ច្រើនបំផុត​១៥០នាក់
  • កន្លែង​សំណាក់លំហែរកាយ៖ ចំនួន​មនុស្សច្រើនបំផុត​ដែល​អាច​គេងស្នាក់នៅ​កន្លែង​នេះ ត្រូវកំណត់ដោយ​អ្នក​ផ្តល់​សេវាកម្ម​ស្នាក់អាស្រ័យ ប៉ុន្តែ​ច្រើន​បំផុត​១០នាក់។
  • ទៅសួរសុខទុក្ខ​នៅ​មណ្ឌល​មើលថែទាំមនុស្ស​ចាស់​ត្រូវបាន​ហាមឃាត់។ ព័ត៌មានបន្ថែម៖ https://www.covid-19.sa.gov.au/restrictions-and-responsibilities/visits-to-residential-care-facilities

 ព័ត៌មានបន្ថែម៖ https://www.covid-19.sa.gov.au/restrictions-and-responsibilities/activities-and-gatherings

កាងារ​

  • ខណៈដែល​មានការ​បន្ធូរបន្ថយ​ការ​រឹតបន្តឹង​មួយ​ចំនួន តែ​នៅមាន​ការ​ណែនាំយ៉ាង​មុតមាំ​ឲ្យ​ប្រជាជនបន្ត​ធ្វើ​ការ​ពីផ្ទះប្រសិនបើ​អាចធ្វើ​ទៅបាន។ 
  • បន្ត​ផ្តល់​ភាព​បត់បែនបាន​នៅ​កន្លែង​ធ្វើ​ការ​នៅ​ពេលនេះ​នឹង​ជួយ​គាំទ្រ​ដល់​ការ​ឆ្លើយ​តប​កូវីដ-19នាពេលបច្ចុប្បន្ន​ក្នុង​រដ្ឋ​អូស្រ្តាលី​ខាង​ត្បូង។ វាក៏​នឹង​ជួយ​ធានា​ដល់​អាជីវកម្ម​ឲ្យ​បន្ត​ដំណើរ​ការ​បាន​នៅ​ពេល​មាន​ការ​ផ្ទុះឡើង​នៃការ​ឆ្លង។

សាលារៀន

សាលារៀន​នៅ​ក្នុង​រដ្ឋអូស្រ្តាលី​ខាង​ត្បូង​បើក​ដំណើរ​ការ​ឡើង​វិញ។ ក្នុងករណី​មានការ​ផ្ទុះ​ឡើង​នៅ​សាលារៀនណាមួយ​សូមចូល​ទៅកាន់៖ https://www.education.sa.gov.au/supporting-students/health-e-safety-and-wellbeing/covid-19-coronavirus ។

ការធ្វើដំណើរ​និង​ការ​ដឹកជញ្ជូន៖

ម៉ាសត្រូវ​តែដាក់តាម​ខ្លួន​គ្រប់ពេល និង​ពាក់នៅ​លើ​មធ្យោបាយ​ដឹកជញ្ជូនសាធារណៈ នៅ​ក្នុង​យានយន្ត​ដែល​ជិះជាមួយ​អ្នកដទៃ អនុវត្ត​អនាម័យល្អ និង​កុំ​ធ្វើ​ដំណើរ​ប្រសិនបើ​អ្នកមិនស្រួលខ្លួន។

ព័ត៌មានបន្ថែម៖ https://www.coronavirus.vic.gov.au/public-transport

  • ប្រសិនបើអ្នក​ត្រូវ​ធ្វើ​ដំណើរ​ឬប្រើប្រាស់​មធ្យោបាយសាធារណៈ អ្នក​គួរតែ​ធ្វើ​ដំណើរ​ទៅ​ត្រង់ៗ​តាម​ដែល​អាច​ធ្វើ​ទៅបាន។
  • ការ​ធ្វើ​ដំណើរ​នៅ​ក្នុង​រដ្ឋ​អូស្រ្តាលី​ខាងត្បូង​ភាគច្រើន​មិន​ត្រូវ​បាន​ហាមឃាត់នោះទេ។

  • រាល់អ្នកដំណើរអន្តរជាតិទាំង​អស់​ដែល​ចូល​មក​ក្នុង​រដ្ឋ​អូស្រ្តាលីខាង​ត្បូង​​ត្រូវ​ស្នាក់នៅ​ក្នុង​សណ្ឋាគារ​ដែល​អនុម័តដោយ​ក្រសួង​សុខាភិបាល​រដ្ឋ​អូស្រ្តាលី​ខាង​ត្បូងដើម្បី​បំពេញ​ការ​ធ្វើ​ចត្តាឡីស័កជាកំហិតរយៈពេល​១៤ថ្ងៃ។

អាជីវកម្មនិងការកំសាន្ត

  • ចំនួនមនុស្សនៅទីតាំងណាមួយ​ មិនត្រូវលើសពីម្នាក់​ក្នុង​២ម៉ែត្រការ៉េនោះទេ។
  • ម្ហូបអាហារ​និង​ភេសជ្ជៈ​ដែល​បម្រើ​សម្រាប់​ការ​ទទួលទាន​នៅ​នឹងកន្លែង (រួមទាំង ផាប់ ហាងកាហ្វេ ក្លឹប ភោជនីយដ្ឋាន កន្លែង​បិទស្រា ។ល។) ត្រូវ​តែ​ទទួលទាន​ពេល​អង្គុយចំពោះ​ខាង​ក្នុង​អគារ តែនៅ​ក្រៅអគារ​អាច​ឈរទទួលទានបាន។
  • អ្នកផ្តល់​សេវាកម្ម​ថែទាំ​ផ្ទាល់ខ្លួន​ត្រូវ​តែ​ពាក់​ឧបករណ៍​ការ​ពារ​ខ្លួន​ឲ្យ​បាន​ត្រឹមត្រូវ​នៅ​ពេល​ផ្តល់​សេវាកម្មនេះ។
  • នៅ​ក្នុង​រោងកុន រោងល្ខោន ឬកន្លែង​ផ្សេងទៀត​ដែលនៅ​ក្នុងអគារ រួមទាំង​កន្លែង​ដែលមានកៅអីអង្គុយ​ដែល​មិន​អាច​រើចុះឡើងបាន មិនត្រូវ​ដាក់​ភ្ញៀវលើសពី​៥០%នៃ​លទ្ធភាព​ជាស្តង់ដាររបស់​ពួកគេនោះទេ។

សម្រាប់​ព័ត៌មាន​បន្ថែម​៖ https://www.covid-19.sa.gov.au/restrictions-and-responsibilities/business-restrictions-and-closures

ការ​ផាកពិន័យ

ការផាកពិន័យនឹងត្រូវអនុវត្តនៅពេលមានការរឹតត្បិត ជាឧទាហរណ៍សម្រាប់ការប្រមូលផ្តុំខុសច្បាប់ ឬការ​មិនពាក់​ម៉ាស​នៅ​កន្លែង​ដែល​ត្រូវ​តែពាក់ជាដាច់ខាត។

ព័ត៌មានបន្ថែម៖ https://www.covid-19.sa.gov.au/restrictions-and-responsibilities

 

រដ្ឋអូស្ត្រាលី​ខាង​លិច 

ការ​ជួបជុំគ្នា៖

  • មិន​កំណត់​ចំនួន​ភ្ញៀវមកលេងផ្ទះ កុំ​ឲ្យ​តែលើសពី​ម្នាក់​ក្នុង​២ម៉ែត្រការ៉េ។
  • មិនមានចំនូនកំណត់សម្រាប់ការ​ជួបជុំនៅ​ទីសាធារណៈ កុំឲ្យ​តែលើសពីមនុស្ស​ម្នាក់​ក្នុង​២ម៉ែត្រការ៉េ។
  • ច្បាប់​មនុស្ស​ម្នាក់​ក្នុង​២ម៉ែត្រការ៉េ​មិនអនុវត្តន៍​ចំពោះ​ការ​សម្តែង​ដែល​មាន​កន្លែង​អង្គុយ និង​លក់សំបុត្រ​នៅ​កន្លែង​កម្សាន្ត នៅ​ក្នុង​កន្លែង​ជាក់លាក់មួយ​ចំនួន និង​កន្លែង​បន់ស្រន់នោះទេ។
  • មានការ​ហាមឃាត់មិនឲ្យ​ចូល​ទៅ​ក្នុងតំបន់​សហគមន៍​ជនជាតិដើម​នៅ​ទីដាច់ស្រយាល។
  • មានការ​ហាមឃាត់​មិន​ឲ្យ​ចូល​ទៅ​ក្នុង​មណ្ឌល​មើលថែទាំមនុស្សចាស់។

ព័ត៌មានបន្ថែម៖ https://www.wa.gov.au/government/publications/covid-19-coronavirus-controlled-interstate-border-frequently-asked-questions-faq#restrictions ។

កាងារ​

  • រដ្ឋ​អូស្រ្តាលី​ខាង​លិច​លើកទឹកចិត្ត​ឲ្យ​វិលត្រឡប់​ចូល​ទៅ​ធ្វើការ​វិញ លើកលែងតែ​មិន​ស្រួល​ខ្លួន ឬ​ជា​ជនងាយរងគ្រោះ។ ប្រសិនបើ​អ្នក​បារម្ភ ឬ​មិនច្បាស់​អំពី​ការ​វិល​ត្រឡប់​ចូល​ទៅធ្វើការ​វិញ អ្នក​គួរ​តែទាក់ទង​ទៅ​និយោជក់របស់​អ្នក។

សម្រាប់​ព័ត៌មានបន្ថែម៖  https://www.wa.gov.au/organisation/department-of-the-premier-and-cabinet/covid-19-coronavirus-business-and-industry-advice#returning-to-work។

នៅក្នុង​កន្លែងធ្វើការ

  • អនុវត្ត​អនាម័យល្អ និង​រក្សាគម្លាត
  • កុំចាប់​ដៃ
  • ជូតសម្អាតផ្ទៃ​ដែល​ប៉ះពាល់​ញឹក​ឲ្យ​បាន​ទៀងទាត់
  • ទទួលទាន​អាហារ​នៅ​តុធ្វើការរបស់អ្នក ឬនៅខាងក្រៅ ជំនួសឲ្យ​ការ​ទទួលទាននៅ​ក្នុង​បន្ទប់បាយ។
  • កម្រិត​ការ​ចែកចាយ​ម្ហូប​នៅ​ក្នុង​កន្លែង​ធ្វើការ។

ព័ត៌មានបន្ថែម៖ 

https://www.wa.gov.au/organisation/department-of-the-premier-and-cabinet/covid-19-coronavirus-advice-community-service-providers

សាលារៀន

  • សិស្ស​សាលា​ទាំងអស់ត្រូវត្រឡប់ចូលរៀនវិញជាដាច់ខាត លើកលែង​តែ​អ្នក​ដែល​មាន​បញ្ហាសុខភាព​ដែល​ងាយ​រងគ្រោះថ្នាក់ ឬអ្នកដែល​មានសមាជិកគ្រួសារ​មានបញ្ហាសុខភាពងាយរងគ្រោះថ្នាក់
  • ឳពុកម្តាយ ឬអាណាព្យបាល អាច​ចូលក្នុងទីធ្លាសាលា​ដើម្បី​ទម្លាក់ ឬទទួលកូន​ៗ​របស់​ពួកគេបាន។

ព័ត៌មានបន្ថែម៖ 

https://www.wa.gov.au/organisation/department-of-the-premier-and-cabinet/covid-19-coronavirus-education-and-family-advice#advice-for-schools។

ការធ្វើដំណើរ​និង​ការ​ដឹកជញ្ជូន៖

  • រដ្ឋអូស្រ្តាលី​ខាង​លិច​ស្ថិតក្នុងអន្តរកាល​​ឆ្ពោះទៅ​ការ​ចាត់​ចែង​ព្រំដែន​ដែល​អាចគ្រប់គ្រងបាន​ដោយសុវត្ថិភាព ផ្អែកលើ​ដំបូន្មាន​សុខភាពសាធារណ​ចុងក្រោយបំផុត។

  • ការគ្រប់គ្រងព្រំដែន​រវាងរដ្ឋ​នៅ WA គឺ​អាស្រ័យ​លើ​ កំណត់ត្រា​ជាមធ្យម​រយៈពេល​១៤ថ្ងៃនៃការ​ឆ្លងកូវីដ-19​នៅ​ក្នុង​សហគមន៍របស់​រដ្ឋ​និង​ដែន​ដីនិមួយៗ​ក្នុង​ប្រទេស​អូស្រ្តាលី ឲ្យ​នៅ​ក្រោម​៥ករណីក្នុងមួយ​ថ្ងៃ។

  • ការធ្វើដំណើរ​ត្រូវ​បាន​អនុញ្ញាតិ​នៅ​ទូទាំង​រដ្ឋ​អូស្រ្តាលីខាង​លិច រួមទាំង​តំបន់ Kimberleyផងដែរ។ ការ​ចូល​ទៅ​ក្នុងសហគមន៍ជនជាតិដើមនៅ​តំបន់ដាច់ស្រយាលត្រូវ​បាន​ហាមឃាត់នៅឡើយ។

  • ស្វែងយល់បន្ថែម​ពីការលើកលែង​សម្រាប់​អ្នកដំណើរ​របស់​រដ្ឋWA៖ https://www.wa.gov.au/government/document-collections/covid-19-coronavirus-state-of-emergency-declarations#travel-and-border-state-wide 

អាជីវកម្ម​និង​ការ​កម្សាន្ត៖

  • មិនមានកំណត់ចំនួន​ភ្ញៀវ​នៅ​ក្នុងហាងនោះទេ តែត្រូវ​អនុវត្ត​តាម​ច្បាប់​២ម៉ែត្រការ៉េ និង​រក្សា​គម្លាត។ នេះមានន័យថា ហាងនិមួយៗ​អាច​ដាក់​ភ្ញៀវបាន​ច្រើនបំផុត​ទៅតាម​ទំហំហាង​។
  • កន្លែង​បដិសណ្ឋារកិច្ច​ធំៗ​ដែល​អាច​ដាក់​មនុស្ស​បាន​លើសពី​៥០០នាក់ ត្រូវ​រាប់​បញ្ចូល​ទាំង​បុគ្គលិក​ខ្លួនឯង​នៅ​ក្នុង​ចំនួននោះផងដែរ។
  • កន្លែងលេងល្បែងក្នុងកាស៊ីណូ​បើកឡើង​វិញ​ក្រោម​ការ​រឹតបន្តឹងដែលបាន​យល់​ស្របគ្នាជាបណ្តោះអាសន្ន។
  • មិនតម្រូវ​ឲ្យ​មាន​ការ​កត់ឈ្មោះ​ភ្ញៀវ​នៅ​ក្នុង​ភោជនីយដ្ឋាន ហាងកាហ្វេ ឬបារនោះទេ។
  • ព្រឹត្តិការណ៍ទាំង​អស់ត្រូវបាន​អនុញ្ញាតិ លើកលែងតែ ទ្រង់ទ្រាយ​ធំ ពិធីបុណ្យ​ដែល​មាន​ឆាក​តន្រ្តី​ច្រើន។
  • Optus Stadium, HBF Park និង RAC Arena មានលទ្ធភាព​ទទួលភ្ញៀវបាន​៥០%
  • ការ​សម្តែងដែល​មិន​អង្គុយចុះ​ត្រូវ​បាន​អនុញ្ញាតិ​នៅ​កន្លែង​ដូចជា រោង​ប្រគុំតន្រ្តី កន្លែងដែលមានតន្រ្តីលេងបន្តផ្ទាល់ បារ ផាប់ និង​ក្លឹបរាត្រី។
  • ចំនួនច្រើនបំផុត​ដែល​អង្គុយនៅ​កន្លែង​កម្សាន្ត​គឺ ៦០%។

ព័ត៌មានបន្ថែម៖ https://www.wa.gov.au/government/document-collections/covid-19-coronavirus-food-businesses-and-licensed-premises

ការ​ផាកពិន័យ៖

  • ការផាកពិន័យកើតមានឡើង​នៅ​ពេល​ដែល​មានការ​ល្មើស​ការ​រឹតត្បឹតផ្សេងៗ ដូចជា ​ការ​ជួបជុំគ្នា​ដែល​ខុសច្បាស់ ឬមិនពាក់ម៉ាស​នៅ​ពេល​ដែល​ត្រូវ​ពាក់ជាកំហិត។

សម្រាប់​ព័ត៌មានបន្ថែម៖ https://www.wa.gov.au/organisation/department-of-the-premier-and-cabinet/covid-19-coronavirus-latest-updates

 

រដ្ឋ​តាសម៉ាញៀ

ការជួបជុំ

  • នៅតាមផ្ទះ៖ ម្តងៗអាច​ជួបជុំ​គ្នាបាន​រហូត​ដល់ 40នាក់ ដោយ​មិនរាប់​បញ្ចូល​សមាជិក​ដែល​រស់នៅ​ក្នុង​ផ្ទះ​នោះឡើយ។
  • ពិធីមង្គលការ កន្លែង​គោរពបូជា និង​កន្លែង​ពាណិជ្ចកម្ម៖ ចំនួន​មនុស្ស​សម្រេចដោយ​ដង់ស៊ីតេនៃ​កន្លែងនោះ ច្រើនបំផុត ២៥០នាក់នៅ​ទីខាងក្នុងអគារ និង ១០០០នាក់នៅ​ទីខាងក្រៅអគារ។
  • ការ​ទៅសួរសុខទុក្ខនៅ​មន្ទីពេទ្យ៖ ភ្ញៀវ​កម្រិត​ត្រឹមម្តង​ម្នាក់​សម្រាប់​អ្នកជំងឺ​ម្នាក់។

ការងារ

ប្រជាជន​ត្រូវបាន​លើកទឹកចិត្ត​ឲ្យ​ធ្វើ​ការ​ពីផ្ទះ​បើអាច​ធ្វើ​ទៅបាន ដើម្បី​ជួយ​ដល់​វិធានការ​រក្សា​គម្លាត និង​ចំនួន​កំណត់នៃការ​ទាក់ទងគ្នារវាង​មនុស្ស​ម្នាក់ទៅម្នាក់ទៀត។

សាលារៀន

  • សិស្ស​ទាំង​អស់​ដែលមានសុខភាពល្អ​នឹង​បន្ត​ទៅរៀននៅ​សាលា
  • សិស្ស​ដែល​មានបញ្ហា​សុខភាព​ដែល​អាច​ប្រឈម​នឹង​គ្រោះថ្នាក់ខ្ពស់​នៃ​ជំងឺ​កូវីដ-19 នឹង​ត្រូវ​គាំទ្រ​ឲ្យ​បន្ត​រៀន​ពីផ្ទះ​តាម​ដែល​អាច​ធ្វើ​ទៅបាន។ ដើម្បី​រៀបចំការ​រៀនពីផ្ទះនេះ សូម​ពិភាក្សា​ជាមួយ​សាលារៀន​របស់​អ្នក​អំពី​ជំនួយ​គាំទ្រ​ដែល​ពួកគេ​អាច​ផ្តល់​ជូន។

ព័ត៌មានបន្ថែម៖ https://coronavirus.tas.gov.au/families-community/schools-and-childcare ។

ការ​ធ្វើ​ដំណើរ និង​ការ​ដឹកជញ្ជូន

  • លោកអ្នក​អាច​ធ្វើ​ដំណើរ​ និង​ស្នាក់នៅ​កន្លែង​ណា​ក៏បាន​នៅ​ក្នុង​រដ្ឋ​តាសម៉ាញៀ ប៉ុន្តែ​អ្នកត្រូវតែ​អនុលោម​តាម​បទបញ្ញត្តនៃ​ការ​ជួបជុំ និង​ភ្ញៀវ​មកលេងផ្ទះ។
  • អ្នកដំណើរ​ចូលទៅ​រដ្ឋ​តាសម៉ាញៀ​ត្រូវ​តែផ្តល់​​ព័ត៌មាន​លំអិត​សម្រាប់​ទំនាក់ទំនង និង​ការ​ធ្វើ​ដំណើររបស់​ពួកគេ​នៅ​មុន​ពេលចូល​មក​ក្នុង​រដ្ឋ​នេះ ដើម្បី​ជួយ​គ្រប់គ្រង​ហនិភ័យ​កូវីដ-19នៅ​ព្រំដែន​រដ្ឋ​តាសម៉ាញៀ។
  • តំបន់​ដែល​អ្នកដំណើរ​បាន​ចំណាយ​ពេល​នៅ​មុន​ពេល​មកដល់​រដ្ឋ​តាសម៉ាញៀ សម្រេច​ពី​លក្ខខណ្ឌ​សម្រាប់​ការ​ចូល​មក​ក្នុង​រដ្ឋ​នេះរបស់​ពួកគេ។
  • ថ្លៃចំណាយ​ធ្វើ​ចត្តាឡីស័ក​អនុវត្ត​សម្រាប់​អ្នក​ដែល​ត្រូវ​ធ្វើ​ចត្តាឡីស័ក​នៅ​ក្នុង​កន្លែង​ដែល​ចាត់ចែង​ដោយរដ្ឋាភិបាល (មាន​ការ​លើកលែង)។

ព័ត៌មានបន្ថែម៖ https://coronavirus.tas.gov.au/travellers-and-visitors/coming-to-tasmania

អាជីវកម្មនិងការកំសាន្ត

  • រាល់អាជីវកម្ម និងកន្លែងធ្វើការ​ទាំង​​អស់ត្រូវ​បាន​អនុញ្ញាតិ​ឲ្យ​ដំណើរការ​ហើយឥឡូវនេះ ប៉ុន្តែ​ត្រូវ​អនុវត្ត​តាម​វិធានការ​ស្តង់ដា​អប្បបរមា​សុវត្ថិភាពកូវីដ និង​កាត់ត្រា​នៅ​ក្នុង​ផែនការ COVID-19​ Safety plan។
  • កម្រិតដង់ស៊ីតេ​ខ្ពស់​បំផុត​គឺ​​មនុស្ស​ម្នាក់​ក្នុង​២ម៉ែត្រក្រឡា
  • ក្លឹបហាត់ប្រាណ​បើកឡើង​វិញហើយនៅពេលនេះ ជាមួយ​នឹង​ផែនការ​ COVID-Safe ដោយ​ផ្តោត​លើដង់ស៊ីតេ ការ​រក្សាគម្លាត ការតាមដាន​ទំនាក់ទំនង លាង​សម្អាត និង​អនាម័យ។

ព័ត៌មាន​បន្ថែម​៖  https://coronavirus.tas.gov.au/families-community/current-restrictions#:~:text=Gatherings%20at%20households%20%E2%80%93%20including%20shacks,on%20gatherings%20and%20household%20visits

ការ​ផាកពិន័យ៖

  • ការផាកពិន័យកើតមានឡើង​នៅ​ពេល​ដែល​មានការ​ល្មើស​ការ​រឹតត្បឹតផ្សេងៗ ដូចជា ​ការ​ជួបជុំគ្នា​ដែល​ខុសច្បាស់ ឬមិនពាក់ម៉ាស​នៅ​ពេល​ដែល​ត្រូវ​ពាក់ជាកំហិត។

សម្រាប់​ព័ត៌មានបន្ថែម៖ https://coronavirus.tas.gov.au/

 

ដែនដីភាគខាង​ជើង

ការជួបជុំ៖

  • មិនមាន​ចំនួន​កំណត់​ក្នុងការ​ជួបជុំ​នោះទេ ទាំង​ក្នុងនិង​ក្រៅអគារ ប៉ុន្តែ​ប្រជាជន​ត្រូវ​គោរព​តាម​ច្បាប់​រក្សាគម្លាត​១,៥ម៉ែត្រ​ពីគ្នា។
  • ពិធីមង្គលការ និង​បុណ្យសពត្រូវបាន​អនុញ្ញាតិ
  • ការជួបជុំគ្នា​លើស​ពី​១០០នាក់ នឹងតម្រូវ​ឲ្យ​បំពេញ​បញ្ជីឈ្មោះ Covid-19 checklist។

 ព័ត៌មានបន្ថែម៖  https://coronavirus.nt.gov.au/business-and-work/business/guidelines-for-events-and-gatherings

កាងារ​

ក្រោម​ការ​កំណត់​ទិសដៅ​របស់​ប្រធានមន្រ្តី​សុខាភិបាល អាជីវកម្ម អង្គភាព ឬ​ក្រុមសហគមន៍ត្រូវតែ៖

  • មាន COVID-19 Safety Plan ដែល​ពួកគេត្រូវតែ​អនុវត្តតាម ហើយ​ពិនិត្យ​សើរើ​រាល់​៦ខែម្តង។
  • ត្រូវ​មាន​ដាក់​ទឹកអាល់កុលលាងដៃឲ្យ​ភ្ញៀវ លើកលែង​តែ​មាន​កន្លែង​លាងដៃត្រឹមត្រូវ។ 
  • ដាក់សញ្ញានៅ​កន្លែង​បើកចំហរ​ដល់​សាធារណជន និង​បុគ្គលិក ដោយបញ្ជាក់​ថា​បុគ្គលម្នាក់ៗត្រូវ​ពិចារណា​ដូចខាងក្រោមនេះ៖

 * រក្សា​គម្លាត​១,៥ម៉ែត្រ

 * រក្សា​ទំនាក់​ទំនង​ជិតស្និត​កុំ​ឲ្យ​លើស​ពី​១៥នាទី ប្រសិនបើ​មិនអាច​រក្សា​គម្លាត​១,៥ម៉ែត្រ​ពីគ្នាបាន​ទេ។

 * អនុវត្តអនាម័យ​ដៃដោយ​ការ​លាង​សំអាតដៃ ឬប្រើ​ទឹកអាល់កុលលាងដៃ

 * នៅផ្ទះប្រសិនបើ​មិន​ស្រួលខ្លួន និង​ទៅធ្វើតេស្ត

ព័ត៌មានបន្ថែម៖  https://coronavirus.nt.gov.au/business-and-work/safety-supervisors-and-contact-tracing

សាលារៀន

គេរំពឹងថា សិស្សសាលា​នៅ​ក្នុង​ដែនដីភាគខាងជើងទាំងអស់​​​ត្រឡប់ចូល​ទៅរៀន​នៅ​ក្នុងសាលាវិញ។

ព័ត៌មានបន្ថែម៖ https://education.nt.gov.au/publications/information-for-term-2-2020?SQ_VARIATION_814972=0

ការធ្វើដំណើរ​និង​ការ​ដឹកជញ្ជូន៖

  • ប្រសិនបើមិន​បាន​មកពីកន្លែង​ដែល​គេ​ប្រកាសថា​ជាចំណុចឆ្លងខ្លាំង Hotspot ទេនោះ មិនចាំបាច់​ត្រូវ​ផ្តាច់​ខ្លួនឯង​ចេញ​ឆ្ងាយ​ពីគេ​ឡើយ។ Hotspots list: https://coronavirus.nt.gov.au/travel/quarantine/hotspots-covid-19
  • រាល់អ្នកដំណើរមកពីរដ្ឋ​ផ្សេងទាំង​អស់ ត្រូវតែ​បំពេញ​បែបបទ​ឆ្លងចូលព្រំដែន រហូត​ដល់​ទៅ​៧២ម៉ោង​ មុន​ពេល​មកដល់។

ព័ត៌មានបន្ថែម៖  https://coronavirus.nt.gov.au/travel/quarantine/mandatory-supervised-quarantine-for-repatriated-australians

អាជីវកម្មនិងការកំសាន្ត

  • សកម្មភាពនៅទីវាលខាងក្រៅ៖ ការហាត់ប្រាណ ការជួបជុំរៅ ហែលទឹក ស្ទូចត្រី និង​ជិះទូក ​ត្រូវ​បាន​អនុញ្ញាតិ
  • Skate Parks អាងហែលទឹក កន្លែងក្មេងលេង កន្លែងហាត់ប្រាណនៅខាង​ក្រៅ ត្រូវ​បាន​អនុញ្ញាតិ​ឲ្យបើក
  • ហាងកាហ្វេ ភោជនីយដ្ឋាន បារ កន្លែងហ្វឹកហាត់កីឡា ផ្សារនៅ​ក្រោមដំបូល ក្លឹបហាត់ប្រាណ បណ្ណាល័យ សារមន្ទី និង​អាជីវកម្ម​ទាំង​អស់​ផ្សេងទៀត​បើកទ្វារ។
  • ការចូលរួម​ការ​ប្រកួត​កីឡា និង​កម្មវិធីសហគមន៍​ដែល​មាន​ភ្ញៀវទស្សនា​អនុញ្ញាតិ​ឲ្យ​មានកន្លែងអង្គុយ។ ប្រសិនបើ​លើស​ពី​៥០០នាក់ ព្រឹត្តិការនោះ​តម្រូវ​ឲ្យ​មាន​ការ​អនុម័តផែនការសុវត្ថិភាពកូវីដ​ដាច់ដោយឡែកមួយ​ផ្សេងទៀត។

សម្រាប់​ព័ត៌មាន​បន្ថែម​៖ https://coronavirus.nt.gov.au/business-and-work/business/guidelines-for-events-and-gatherings

ការ​ផាកពិន័យ

ការផាកពិន័យនឹងត្រូវអនុវត្តនៅពេលមានការរឹតត្បិត ជាឧទាហរណ៍សម្រាប់ការប្រមូលផ្តុំខុសច្បាប់ ឬការ​មិនពាក់​ម៉ាស​នៅ​កន្លែង​ដែល​ត្រូវ​តែពាក់ជាដាច់ខាត។

ព័ត៌មានបន្ថែម៖ https://coronavirus.nt.gov.au

 

ដែនដីរដ្ឋធានី​អូស្រ្តាលី

ការ​ជួប​ជុំ

  • នៅក្នុងផ្ទះ៖ មិនមានការ​កម្រិត​លើការសួរសុខទុក្ខ។
  • ពិធីមង្គលការ និងបុណ្យ​សព៖ ភ្ញៀវរហូត​ដល់​តៅ​៥០០នាក់​អាច​ចូលរួម​បាន កុំ​ឲ្យ​តែលើសពី​កម្រិត មនុស្ស​ម្នាក់​ក្នុង​៤ម៉ែត្រការ៉េ
  • កន្លែងបន់ស្រន់៖ ច្រើនបំផុត​២៥នាក់ មិនរាប់បញ្ចូល​បុគ្គលិក​និង​អ្នក​រៀបចំកម្មវិធី​ នៅ​កន្លែងទាំងមូល។
  • មណ្ឌល​មើលថែទាំមនុស្ស​ចាស់៖ អាចទៅសួរសុខទុក្ខ​សមាជិកក្រុមគ្រួសារ ឬមិត្តភក្តិ​ជិតស្និត​នៅ​ក្នុង​មណ្ឌល​មើលថែទាំមនុស្ស​ចាស់បាន​ ក្នុងគោលបំណង​ផ្តល់​នូវ​ការ​ថែទាំនិង​គាំទ្រ។ មិនមានកម្រិត​ចំនួន​ពេលម៉ោង​ក្នុងការ​សួរសុខទុក្ខឡើយ។
  • ការ​ជួបជុំ​នៅ​ទីសាធារណៈ៖ ទាំងអស់ត្រូវបាន​អនុញ្ញាតិត្រឹម​១០០នាក់ (ម្នាក់ក្នុង​៤ម៉ែត្រការ៉េ សម្រាប់​កន្លែង​នៅ​ខាង​ក្នុងអគារ និង​១ក្នុង​២ម៉ែត្រការ៉េ​សម្រាប់​កន្លែង​នៅ​ទីខាងក្រៅ) ។

ព័ត៌មានបន្ថែម៖ https://www.covid19.act.gov.au/news-articles/cautious-step-in-act-covid-19-restrictions

ការ​ងារ

  • ​វិលត្រឡប់​ចូល​ទៅ​ធ្វើការ​វិញ​ ប្រសិនបើ​សមស្រប​ទាំង​និយោជក់ និង​និយោជិក ជាមួយ​នឹង​ការ​អនុវត្ត​ផែនការសុវត្ថិភាពកូវីដ។
  • ស្នាក់នៅផ្ទះ ប្រសិនបើមានអារម្មណ៍មិនស្រួលខ្លួន ហើយត្រូវធ្វើតេស្តរកកូវីដ-១៩ ប្រសិនបើពួកគេមានរោគសញ្ញាកូវីដ-19។

សាលារៀន

  • សាលារដ្ឋនៅACT​បើកទ្វារឡើងវិញ។ សិស្ស និង​គ្រូ ​ភាគច្រើន​វិលត្រឡប់ចូលសាលារៀនវិញហើយ។
  • សិស្ស​និង​គ្រូ​ដែល​មាន​បញ្ហាសុខភាពរ៉ាំរ៉ៃ ឬ​ប្រព័ន្ធការពាររាងកាយមិនរឹងមាំ​ អាចធ្វើការ​ឬសិក្សា​ពីផ្ទះបាន។
  • ប្រសិនបើ​កូន​ឈឺ សូមកុំបញ្ជូនកូនទៅសាលា។

ព័ត៌មានបន្ថែម៖ https://www.covid19.act.gov.au/community/students-education-childcare

ការ​ធ្វើ​ដំណើរនិងការដឹកជញ្ជូន

  • ករណីកូវីដ-19​ងាំច​ឆ្លង​បាន​យ៉ាង​ឆាប់រហ័ស ហើយ​មិន​មានវិធីងាយស្រួល​ក្នុងការ​ប៉ាន់ស្មានឡើយ។
  • លុះត្រាណាតែមានការ​ហាមឃាត់​ការធ្វើដំណើរ បើមិនដូច្នោះទេ ក្រសួងសុខាភិបាលACT មិន​ប្រកាស​ថាកន្លែង​នោះ​មានសុវត្ថិភាព​ឬអត់​សម្រាប់​ការ​ធ្វើដំណើរនោះទេ។
  • អ្នកដែល​មក​ពី​កន្លែង​ឆ្លង​កូវីដ​ត្រូវ​ជំរុញ​ឲ្យ​ពិចារណាម្តងទៀត​ចំពោះការ​ធ្វើ​ដំណើរ​របស់​ពួកគេ​មក​ACT។
  • កុំ​ប្រើប្រាស់មធ្យោបាយ​ដឹកជញ្ជូនសាធារណៈឲ្យសោះ ប្រសិនបើ​អ្នក​មិន​ស្រួលខ្លួន ឬស្ថិតនៅ​ក្នុង​ការ​ធ្វើចត្តាឡីស័ក ឬផ្តាច់​ខ្លួនឯង​ចេញ​ឆ្ងាយពីគេ។
  • ប្រសិនបើ​អ្នក​ត្រូវ​ការ​ធ្វើ​ដំណើរ​មក​ផ្ទះ​សម្រាប់​ធ្វើ​ចត្តាឡីស័ក សូម​ប្រើប្រាស់​មធ្យោបាយធ្វើ​ដំណើរ​ផ្ទាល់ខ្លួន​បើ​អាច​ធ្វើទៅបាន។

អាជីវកម្មនិងការកំសាន្ត

  • កន្លែងហាត់ប្រាណ ភោជនីយដ្ឋាន ហាងកាហ្វេ និង​បារ នៅ​ទីក្រុង​ខេនបេរ៉ា អាច​ទទួលភ្ញៀវ​បាន​២៥នាក់ 

  • ប្រសិនអាជីវកម្ម និង​ហាង​ដែល​ចង់​ដាក់​ភ្ញៀវ​លើសពី​២៥នាក់ ពួកគេ​អាច​ប្រើ​ច្បាប់​១ម្នាក់​ក្នុង​២ម៉ែត្រការ៉េនៅ​ទីខាង​ក្នុង និង​ខាង​ក្រៅអគារបាន នៅពេល​ដែល​ពួកគេ​ប្រើប្រាស់​កម្មវិធី Check In CBR app។
  • អាជីវកម្ម និង​ហាង​ដែលមិន​ប្រើប្រាស់​កម្មវិធី Check In CBR app អាចបន្តច្បាប់ មនុស្ស​ម្នាក់​ក្នុង​៤ម៉ែត្រការ៉េនៅ​ទីខាង​ក្នុង និង​២ម៉ែត្រការ៉េនៅ​ទីខាង​ក្រៅ។
  • ភ្ញៀវត្រូវអង្គុយចុះ​នៅ​ពេល​ទទួលទានគ្រឿងស្រវឹងនៅ​ទីខាងក្នុងអគារ
  • រោងភាពយន្ត និង​រោងល្ខោន បាន​រហូត​ដល់​ទៅ​៦៥%នៃលទ្ធភាព​កន្លែងនិមួយៗ និងរហូតដល់​ទៅ ៥០០នាក់​ប្រសិនបើ​ប្រើប្រាស់ Check In CBR app។
  • ទីកន្លែង​ធំៗក្នុងអគារ៖ ព្រឹត្តិការណ៍​លក់សំបុត្រ​និង​កន្លែង​អង្គុយអាចដាក់បាន​រហូតដល់​ទៅ​៦៥% ឬរហូត​ដល់ ១៥០០នាក់។
  • ទីវាលខាងក្រៅ​ដែល​ជាប់​ទីកន្លែង​នោះដែល​មាន​កៅអី​អង្គុយ​ជាអចិន្រ្តៃយ៍៖ ព្រឹត្តិការណ៍​លក់សំបុត្រ​និង​កន្លែង​អង្គុយអាចដាក់បាន​រហូតដល់​ទៅ​៦៥% ឬរហូត​ដល់ ១៥០០នាក់។
  • GIO Stadium និង Manuka Oval អាចដាក់បាន​រហូតដល់ទៅ​៦៥%។

ព័ត៌មាន​បន្ថែម៖   https://www.covid19.act.gov.au/business-and-work

ការ​ផាកពិន័យ

ការផាកពិន័យនឹងត្រូវអនុវត្តនៅពេលមានការរឹតត្បិត ជាឧទាហរណ៍សម្រាប់ការប្រមូលផ្តុំខុសច្បាប់ ឬការ​មិនពាក់​ម៉ាស​នៅ​កន្លែង​ដែល​ត្រូវ​តែពាក់ជាដាច់ខាត។

ព័ត៌មានបន្ថែម៖  https://www.covid19.act.gov.au