Coming Up Wed 3:00 PM  AEST
Coming Up Live in 
Live
Khmer radio

បច្ចុប្បន្នភាពកូវីដ-១៩៖ រដ្ឋវិចថូរៀបន្តការបិទខ្ទប់បន្ថែមទៀត ឯរដ្ឋញូសៅវែលមានកំណត់ត្រាករណីថ្មី៩៨ករណី

A person is seen crossing a quiet Flinders Street in Melbourne, Monday, July 19, 2021. Source: AAP Image/Daniel Pockett

នេះគឺជាបច្ចុប្បន្នភាពកូវីដ-១៩របស់លោកអ្នក សម្រាប់ថ្ងៃចន្ទទី ១៩ ខែកក្កដា ឆ្នាំ ២០២១។

  • ការ​បិទខ្ទប់​រយៈពេល​៥ថ្ងៃ​នៅ​ក្នុងរដ្ឋ​វិចថូរៀ​នឹងត្រូវ​បន្ត
  • រដ្ឋញូសៅវែល​មានកំណត់ត្រាករណី​ឆ្លង​ក្នុងស្រុក​ថ្មីចំនួន​៩៨ករណី​នៅ​ថ្ងៃនេះ ជាមួយ​នឹង​២០ករណី​ស្ថិតនៅក្នុងសហគមន៍ក្នុង​អំឡុង​ពេល​ឆ្លង។
  • សេវាកម្មរដ្ឋ​ញូសៅវែល​ (Service NSW) បាន​បើក​ទទួល​ពាក្យ​សុំ​​សម្រាប់ប្រាក់ជំនួយ​ពេល​បិទខ្ទប់កូវីដសម្រាប់​អាជីវកម្មខ្នាតតូចនិង​មធ្យម
  • ថ្នាំវ៉ាក់សាំង Pfizer មួយលានដូស្ត​មកដល់​ប្រទេស​អូស្រ្តាលី​ដើម្បី​ជួយ​បង្កើន​ល្បឿន​ដល់កម្មវិធីចាក់វ៉ាក់សាំងបង្ការកូវីដ

រដ្ឋវិចថូរៀ

ការ​បិទខ្ទប់(lockdown)​នៅ​ក្នុង​រដ្ឋ​វិចថូរៀ​នឹង​មិន​បញ្ចប់​នៅ​យប់​ថ្ងៃអង្គារដូចការ​គ្រោងទុកនោះទេ។ លោករដ្ឋមន្រ្តី​ទីមួយ Daniel Andrews នៅ​មិនទាន់សម្រេច​វិធាន និង​ពេលវេលា​ ដកចេញការ​បិទខ្ទប់នោះនៅឡើយទេ។

រដ្ឋវិចថូរៀ​មានកំណត់ត្រាករណី​ឆ្លង​ថ្មីនៃវីរុសកូរ៉ូណាក្នុងស្រុក​ចំនួន១៣ករណី និង​ពីក្រៅប្រទេស​១ករណី។ ចំនួន​ករណីសកម្មសរុប​ក្នុងរដ្ឋវិចថូរៀមាន ៨១ករណី។

បច្ចុប្បន្ន​មាន​ទំនាក់ទំនង​ជិតស្និត ១៥,៨០០នាក់ ស្ថិតនៅ​ក្នុងការ​ធ្វើចត្តាឡីស័កឬផ្តាច់ខ្លួនឯង​ចេញ​ឆ្ងាយ​ពីគេ ជាមួយ​នឹង​ទីកន្លែង​ប៉ះពាល់ថ្មី ២៥០កន្លែង។ ស្វែងរកនៅទីនេះ ចំពោះ ទីតាំងនៃករណីទាំងនេះ នៅក្នុងបញ្ជីឈ្មោះ ឬនៅក្នុងផែនទី។   

រដ្ឋញូសៅវែល

រដ្ឋញូវសៅវែលបានកត់ត្រាករណីឆ្លងថ្មីនៃវីរុសកូរ៉ូណាក្នុងស្រុក​ចំនួន ៩៨ ករណី ដោយក្នុងនោះ ពីរភាគបីត្រូវបានរកឃើញនៅភាគនិរតីក្រុងស៊ីដនី។ ៦១ ករណីត្រូវបានផ្សារភ្ជាប់ទៅនឹងចង្កោមដែលគេស្គាល់ប្រភពរួចទៅហើយ ប៉ុន្តែ​ ៣៧ ករណី​ទៀត​ កំពុងស្ថិតក្រោមការស៊ើបអង្កេតនៅឡើយ។ ។ ២០ ករណីក្នុងចំណោមករណីឆ្លងថ្មីទាំងនេះបានស្ថិតនៅក្នុងសហគមន៍ អស់រយៈពេលជាងមួយថ្ងៃ​ក្នុង​អំឡុងពេលឆ្លង​របស់​ពួកគេ។

ស្វែងរកនៅទីនេះចំពោះ ទីតាំងនៃករណីទាំងនេះ នៅក្នុងបញ្ជីឈ្មោះឬនៅក្នុងផែនទី។ 

ក្នុង​ក្រុងស៊ីដនី (Greater Sydney) ការរឹតបន្តឹងបន្ថែមនាពេល​ថ្មីៗនេះ​រួមមាន ការហាមឃាត់រាល់ការងារសំណង់ និងការបិទ​ហាងលក់រាយដែលមិនចាំបាច់ លើកលែងតែ ផ្សារទំនើប ឱសថស្ថាន ធនាគារ និងហាងលក់ស្រា។

សេវាកម្មរដ្ឋញូសៅវែល(Service NSW) បានបើកទទួលពាក្យសុំសម្រាប់ប្រាក់ជំនួយ​បិទខ្ទប់កូវីដ សម្រាប់អាជីវកម្មខ្នាតតូចនិងមធ្យម។ អាជីវកម្មដែលទទួលបានប្រាក់ជំនួយកូវីដ-១៩សម្រាប់អាជីវកម្មធុនតូចកាល​ពីមុន រួមទាំងប្រាក់ជំនួយគាំទ្រ​អាជីវកម្មធុនតូច ​2020 Small Business COVID-19 Support និង​ប្រាក់ជំនួយស្តារ​អាជីវកម្មធុនតូច Small Business Recovery អាចដាក់ពាក្យបាន។ ពាក្យសុំបិទនៅម៉ោង ១១:៥៩នាទី យប់ថ្ងៃទី ១៣ ខែកញ្ញាឆ្នាំ ២០២១ ។ សម្រាប់ព័ត៌មានបន្ថែមសូមចូលទៅកាន់៖ 2021 COVID-19 business grant – Guidelines

ការបិទខ្ទប់ (Lockdown)​នាពេលបច្ចុប្បន្ននេះនឹងបន្តរហូតដល់ ​ម៉ោង១១និង៥៩នាទីយប់ ថ្ងៃសុក្រ ទី៣០ ខែកក្កដា។

 

រយៈពេល២៤ម៉ោងចុងក្រោយ នៅជុំវិញប្រទេសអូស្រ្តាលី

  • រដ្ឋ​គ្វីនស្លេន មានកំណត់ត្រា​ឆ្លង​ក្នុង​សហគមន៍​សូន្យករណី​មួយថ្ងៃទៀតហើយ។ 

  • កប៉ាល់ដឹកទំនិញមួយផ្ទុកនាវិក ៧នាក់ ដែលមានអាការៈសង្ស័យថាមានកូវីដ-១៩ បានចូលចតនៅកំពុងផែ Fremantle។

  • ថ្នាំវ៉ាក់សាំង Pfizer ៨០០,០០០ បាន​មកដល់​ក្រុងស៊ីដនី និង​ជិត​ ១០០,០០០ មកដល់ក្រុងម៉ែលប៊ន។

ពិធីបុណ្យសាសនាឥស្លាម Eid al Adha នឹង​ចាប់ផ្តើមនៅ​ថ្ងៃ​ចន្ទ ទី១៩ ខែកក្កដានេះ។ វាមានសារៈសំខាន់ណាស់ក្នុងការការពារខ្លួនអ្នក និងអ្នកដទៃក្នុងពេលប្រារព្ធពិធីបុណ្យនេះដោយ៖

  • ជ្រើសរើសធ្វើការបន់ស្រន់នៅផ្ទះ 
  • លុបចោលការ​ជួបជុំ​ធំៗ
  • ពាក់ម៉ាស្ករបស់អ្នក
  • ប្រើប្រាស់កម្រាល​សម្រាប់​អធិដ្ឋាន​ផ្ទាល់ខ្លួន

ជំនឿមិនពិតនៃកូវីដ-១៩៖

យុវជនក្មេងៗដែលមានសុខភាពល្អ មិនរងផលប៉ះពាល់ដោយសារកូវីដ-១៩ នោះទេ។ វាបង្ករមហន្តរាយ​និងសម្លាប់​តែមនុស្សចាស់ ឬអ្នកជំងឺ​តែប៉ុណ្ណោះ។

ការពិតនៃកូវីដ-១៩៖

វីរុសនេះជះឥទ្ធិពលធ្ងន់ធ្ងរជាង ចំពោះមនុស្សវ័យចំណាស់ និងអ្នកដែលមានជំងឺ ប៉ុន្តែវាក៏បង្កមហន្តរាយ​និងសម្លាប់យុវជនក្មេងៗដែលមានសុខភាពល្អ​​មួយចំនួនផងដែរ។  


ការធ្វើចត្តាឡីស័កការធ្វើដំណើរគ្លីនីកធ្វើតេស្តនិងប្រាក់ជំនួយគ្រោះមហន្តរាយពេលមានរោគរាតត្បាត

លក្ខខណ្ឌនៃការ​ធ្វើចត្តាឡីស័ក និងការ​ធ្វើតេស្ត ត្រូវបាន​គ្រប់គ្រង និង​អនុវត្ត​ដោយ​រដ្ឋាភិបាល​ថ្នាក់រដ្ឋនិងដែនដី៖

រដ្ឋញូសៅវែល ការ​ធ្វើដំណើរ&ដឹកជញ្ជូន និង ការធ្វើចត្តាឡីស័ក
រដ្ឋវិចថូរៀ លិខិតអនុញ្ញាតធ្វើដំណើរអ្នកដំណើរបរទេស និង ការធ្វើចត្តាឡីស័ក
ដែនដីរដ្ឋធានីអូស្រ្តាលី ការ​ដឹកជញ្ជូន និង ការ​ធ្វើចត្តាឡីស័ក
ដែនដីភាគខាងជើង ការ​ធ្វើដំណើរ និង ការធ្វើចត្តាឡីស័ក
រដ្ឋគ្វីនស្លេន ការ​ធ្វើដំណើរ និង ការធ្វើចត្តាឡីស័ក
រដ្ឋអូស្រ្តាលីខាងត្បូង ការ​ធ្វើដំណើរ និង ការធ្វើចត្តាឡីស័ក
រដ្ឋថាសម៉ាញៀ ការធ្វើដំណើរ និង ការធ្វើចត្តាឡីស័ក
រដ្ឋអូស្រ្តាលីខាងលិច ការធ្វើដំណើរ និង ការធ្វើចត្តាឡីស័ក

ប្រសិនបើអ្នកចង់ធ្វើដំណើរទៅបរទេស អ្នកប្រហែលជាអាចដាក់ពាក្យសុំតាមអ៊ិនធរណេតសម្រាប់ករណីលើកលែង។ ចុចទីនេះ សម្រាប់​ព័ត៌មានបន្ថែម​អំពី​លក្ខខណ្ឌ​ក្នុងការចាកចេញ​ពីប្រទេស​អូស្រ្តាលី។ មានវិធានការណ៍បណ្តោះអាសន្នសម្រាប់ជើងហោះហើរអន្ដរជាតិ ដែលត្រូវបានពិនិត្យឡើងវិញជាទៀងទាត់ដោយរដ្ឋាភិបាល និងត្រូវបានធ្វើបច្ចុប្បន្នភាពនៅលើគេហទំព័ររបស់ Smart Traveller ។



ចូលមើលសេវាកម្មទំនាក់ទំនងសុខភាពពហុវប្បធម៌នៃរដ្ឋញូសៅវែលដែលបានបកប្រែរួចសម្រាប់៖  វគ្គស័ព្ទនៃការចាក់វ៉ាក់សាំងបង្ការកូវីដ-១៩ និង ឧបករណ៍ក្រើនរំលឹកសម្រាប់ការណាត់ជួប


គ្លីនីកធ្វើតេស្តនៅក្នុងរដ្ឋនិងដែនដីនីមួយៗ៖

NSW 
Victoria 
Queensland 
South Australia 
ACT 
Western Australia 
Tasmania
Northern Territory 


ព័ត៌មានស្តីអំពីប្រាក់ជំនួយគ្រោះមហន្តរាយពេលមានរោគរាតត្បាតនៅក្នុងរដ្ឋនិងដែនដីនីមួយៗ៖

NSW 
Victoria 
Queensland 
South Australia 
ACT 
Western Australia 
Tasmania
Northern Territory


 

This story is also available in other languages.