Coming Up Mon 4:00 PM  AEST
Coming Up Live in 
Live
Lao radio

ຣັດແລະເຂດປົກຄອງພິເສດໃນອອສເຕຼເລັຍຜ່ອນຄາຍກົດເກນຂໍ້ຫ້າມ ກ່ຽວກັບໂຄໂຣນາໄວຣັສແບບໃດ?

Prime Minister Scott Morrison speaks during a press conference following a National Cabinet meeting. Source: Getty Images AsiaPac

ຣັຖບານອອສເຕຼເລັຍໄດ້ປະກາດ 3 ບາດກ້າວເພື່ອເລີ່ມ ຜ່ອນຄາຍກົດເກນຂໍ້ຫ້າມກ່ຽວກັບໂຄໂຣນາໄວຣັສແລ້ວ. ຕໍ່ໄປນີ້ແມ່ນວິທີການ ທີ່ຣັດແລະເຂດປົກຄອງພິເສດກຳລັງບັນຍັດບາດ ກ້າວຕ່າງໆນັ້ນ.

ສຳ​ລັບຂໍ້​ມູນ​ແຫ່ງ​ຊາດ​ກ່ຽວ​ກັບ SBS COVID-19, ໃຫ້​ຄ​ລິກ​ທີ່​ນີ້ CLICK HERE

ຂໍ້​ມູນນີ້​ໄດ້​ຖືກ​ອັ​ບ​ເດດ​ຢ່າງ​ຕໍ່​ເນື່ອງ​ແຕ່​ວ່າ​ຢ່າງ​ໃດ​ກໍ​ດີ​ເຮົາ​ກໍ​ຂໍ​ແນະ​ນຳ​ໃຫ້​ທ່ານກວດ​ເບິ່ງ ລິ້ງ​ຄ໌​ຂອງ​ທາງ​ການຮັບ​ຜິດ​ຊອບ​ໃນ​ແຕ່​ລະ​ຣັດເພື່ອ​ຣາຍ​ລະ​ອຽດ​ທີ່​ຄົບ​ຖ້ວນ​ແລະ​ຂໍ້​ຍົກ​ເວັ້ນ​ຕ່າງໆ. ໂປຼດ​ສັງ​ເກ​ດ​ດ້ວຍ​ວ່າ​ເວ​ລາທີ່​ຈະ​ກັບ​ຄືນ​ໄປ​ເຂົ້​າ​ໂຮງ​ຮຽນ​ກໍ​ແຕກ​ຕ່າງ​ກັນ​ໄປ​ໃນ​ແຕ່​ລະ​ຣັດ​ແລະ​ແຕ່​ລະ​ໂຮງ​ຮຽນ. ເພື່ອ​ຄວາມ​ແນ່ນອນ​ສຳ​ລັບ​ເວ​ລາ​ກັບ​ໄປ​ເຂົ້າ​ໂຮງ​ຮຽນ​ຂອງ​ລູກ​ທ່ານນັ້ນ, ເຮົາ​ຂໍ​ແນະ​ນຳ​ໃຫ້​ກວດ​ເບິ່ງ​ກັບ​ໂຮງ​ຮຽນ​ນັ້ນ​ໂດຍ​ຕົງ.

ຣັດແລະເຂດ​ປົກ​ຄອງພິ​ເສດ ໃນ ອອສເຕຣເລັຍ ຫລຸດຜ່ອນ ກົດ​ເກນຂໍ້ຫ້າມ ກ່ຽວກັບ ໂຄໂຣນາໄວຣັສ ຢ່າງ​ໃດ?

ວິກຕໍເຣັຍ (Victoria)

ໄດ້​ມີ​ກົດ​ເກນ​ອອກ​ມາ​ໃໝ່​ສຳ​ລັບ​ຣັດ Victoria ນັ​ບແຕ່​ວັ​ນ​​ພຸດ ​ທີ 8  ກໍ​ຣະ​ກະ​ດາ ຈົນ​ເຖິງ ວັນ​ພຸດ ທີ 19 ສິງ​ຫາ.

ເຂດ​ທີ່​ຕ້ອງ​ກັບ​ໄປ​ສູ່​ລະ​ດັບ3 ຊຶ່ງ​ມີ​ກົດ​ເກນ ‘​ໃຫ້ຢູ່​ບ້ານ’ ນັ້ນ​ປະ​ກອບ​ດ້ວຍ​ເຂດ​ຕ່າງໆ​ໃນ​ຕົວ​ເມືອງ​ຂອງ​ຣັ​ຖ​ບານ​ທ້ອງ​ຖິ່ນ​ຂອງ Melbourne (LGAs) 31 ເຂດ ແລະ ເຂດ​ທ້ອງ​ຖິ່ນ Mitchell Shire LGA.

ຂໍ້​ມູນ​ກ່ຽວ​ກັບ Victoria ໃນ​ເຈັ້ຍຂໍ້​ມູນ​ຄວາມ​ຈິງນີ້​ແມ່ນ​ໄດ້​ແບ່ງ​ອອກ​ເປັນ​ສອງ​ພາກ​ສ່ວນຢ່າງ​ລະ​ອຽດ:

  • ເຂດ​ຕົວ​ເມືອງໃນ​ Melbourne ທີ່​ຖືກ​ປິດ​ເມືອງ
  • ​ເຂດ​ຊົນ​ນະ​ບົດ​ຂອງ Victoria, ທີ່ນອກ​ເໜືອ​ໄປ​ຈາກ​ເຂດ​ຣັ​ຖ​ບານ​ທ້ອງ​ຖິ່ນຂອງ Mitchell Shire (LGA)

ເຂດ​ຕົວ​ເມືອງ​ໃນ Melbourne ທີ່​ຖືກ​ປິດ​ເມືອງ

ຕຶກ​ເຮືອນຫຼວງເກົ້າ​ຕຶກ​ທີ່ Flemington ແລະ Kensington: ​ກົດ​ເກນ​ທີ່ໃຫ້​ມີການ ‘ກັກ​ກັນ’ ​ຈະ​ຖືກ​ຍົກ​ເລີກ​ແລະ​ປ່ຽນ​ມາ​ເປັນ ‘ໃຫ້​ຢູ່​ເຮືອນ’

  • ເມື່ອ​ ​ຫົວ​ໜ້າເຈົ້າ​ໜ້າ​ທີ່​ການ​ແພດ ແຈ້ງວ່າ​ເປັນ​ການ​ປອດ​ໄພ​ທີ່​ຈະ​ເຮັດ​ໄດ້ແລ້ວ.
  • ເຂດ​ຣັ​ຖ​ບານ​ທ້ອງ​ຖິ່ນ​ທີ່​ຕ້ອງ​ກັບ​ຄືນ​ໄປ​ສູ່​ລະ​ດັບ 3 ມີ​ດັ່ງ​ນີ້: Banyule, Hume, Moreland, Bayside, Kingston, Mornington Peninsula, Boroondara, Knox, Nillumbik, Brimbank, Manningham, Port Phillip, Cardinia, Maribyrnong, Stonnington, Casey, Maroondah, Whitehorse, Darebin, Melbourne, Whittlesea, Frankston, Melton, Wyndham, Glen Eira, Monash, Yarra, Greater Dandenong , Moonee Valley, Yarra Ranges, Hobsons Bay. 

​ເຫດ​ຜົນ​ໃນ​ການ​ອອກ​ຈາກ​ບ້ານ​ໄດ້

  • ຊື້ສິ່ງ​ຂອງ​ແລະ​ໄປ​ໃຊ້​ບໍ​ຣິ​ການ​ທີ່​ຈຳ​ເປັນ;
  • ໄປ​ເຮັດ​ວຽກ​ແລະ​ໄປ​ໂຮງ​ຮຽນ​ຖ້າ​ຈຳ​ເປັນ;
  • ເຫດ​ຜົນ​ດ້ານ​ສຸ​ຂະ​ພາບຫຼືໄປ​ຊ່ວຍ​ເຫຼືອ​ດ້ວຍ​ຄວາ​ມ​ເຫັນ​ອົກ​ເຫັນ​ໃຈ; ການ​ອອກ​ກຳ​ລັງ​ກາຍ​ແລະ​ການ​ພັກ​ຜ່ອນຢ່ອນ​ໃຈ​ທີ່​ຈັດ​ຢູ່​ໃນເຮືອນ.

​ຂໍ້​ຍົກ​ເວັ້ນ​ແມ່ນ​ອະ​ນຸ​ຍາດ​ໃຫ້ໄປ​ຢ້​ຽມ​ຜູ້​ທີ່​ທ່ານ​ມີ​ຄວາມ​ສຳ​ພັນ​ໃກ້​ຊິດ, ອັນ​ນີ້​ແມ່ນຮວມ​ທັງຜູ້​ທີ່​ຢູ່ນອກ​ເຂດ​ຕົວ​ເມືອງ Melbourne ​ແລະ Mitchell Shire LGA.

ບໍ່​ສາ​ມາດ​ອອກ​ຈາກ​ເຂດ​ທີ່​ຖືກ​​ກົດ​ເກນ​ເພື່ອ​ໄປ​ອອກ​ກຳ​ລັງ​ກາຍຫຼື​ໄປ​ພັກ​ຜ່ອນ​ຢ່ອນ​ໃຈ.

ການ​​ເຕົ້າ​ໂຮມ​ກັນ & ການ​ເດີນ​ທາງ

  • ເຮືອນ​ສ່ວນ​ຕົວ: ​ຫ້າມບໍ່​ໃຫ້​ມີ​ຄົນ​ມາ​ຢ້ຽມ​ຢາມ.
  • ໃນທີ່​ສາ​ທາ​ຣະ​ນະ: ​ໄດ້​ຮອດ 2 ຄົນຫຼື​ຄົນ​ເຮືອນ​ດຽວ​ກັນ​ເທົ່າ​ນັ້ນ
  •  
  • ​ເຮືອນຫຼັງ​ທີ​ສອງ – ທ່ານບໍ່​ສາ​ມາດ​ອອກ​ໄປ​​ນອດ​ເຂດ​ກົດ​ເກນ​ໄດ້​ໂດຍ​ມີ​ບາງຂໍ້​ຍົກ​ເວັ້ນ​ (ເຊັ່ນ ເຫ​ດ​ກາ​ນ​ສຸກ​ເສີນຫຼື​ຕ້ອງ​ມີ​ການ​ສ້ອມ​ແປງ; ການ​ແບ່ງ​ເວ​ລາ​ເບິ່ງ​ລູກ; ການ​ຢູ່​ກັບ​ຄູ່​ຄອງ​ທີ່ບໍ່​ໄດ້​ຢູ່​ເຮືອນ​ດຽວ​ກັບ​ທ່ານ)
  • ພິ​ທີ​ກັມ​ທາງ​ສາ​ສ​ນາ​ແລະ​ການ​ກາບ​ໄຫວ້​ແບບ​ສ່ວນ​ຕົວ: ໃຫ້​ປະ​ຕິ​ບັດ​ແບບ​ອອກ​ອາ​ກາດ​ເທົ່າ​ນັ້ນ.
  • ການ​ແຕ່ງດອງ:  ໄດ້​ເຖິງ 5 ຄົນ (ຄູ່​​ບ່າວ​ສາວ, ພະ​ຍານ​ສອງ​ຄົ​ນ ແລະ ຜູ້​ປະ​ກອບ​ພິ​ທີ).
  • ງານ​ຊາ​ປະ​ນະ​ກິ​ຈ​ສົ​ພ: ໄດ້​ຮອດ 10 ຄົນ, ​ເພີ່ມ​ບັນ​ດາ​ຄົນ​ທີ່​ດຳ​ເນີນ​ການ​ເລື່ອງ​ງານ​ຊາ​ປາ​ນະ​ກິ​ຈ​ສົ​ພ​ໄດ້.

ນາຍ​ຈ້າງ

ຕ້ອງບໍ່​ອະ​ນຸ​ຍາດ​ໃຫ້​ບັນ​ດາ​ພະ​ນັກ​ງານ​ເຮັດ​ວຽກ​ຢູ່​ໂຮງ​ການ​ຖ້າ​ສາ​ມາດ​ເຮັດ​ໄດ້​​ຢ່າງ​ສົມ​ເຫດ​ຜົນ.

ໂຮງ​ຮຽນ

  • ບັນ​ດາ​ນັກ​ຮຽນຫ້ອງ 11 ແລະ 12 ແລະ ຫ້ອງ 10 ​ທີ່​ຮຽນ VCE, ແລະ​ໂຮງ​ຮຽນ​ພິ​ເສດຈະ​ໄດ້​ກັບ​ໄປ​ຮຽນ​ໃນ​ວັນ​ຈັນ 13 ກໍ​ຣະ​ກະ​ດາ ສຳ​ລັບ​ການ​ເລີ່ມ​​ຕົ້ນເທີມທີ 3.
  • ມີ​ການ​ຍືດ​ເວ​ລາອາ​ທິດ​ນຶ່ງ​ໃຫ້​ເປັນ​ມື້​ທີ່ບໍ່​ມີ​ນັກ​ຮຽນ ສຳ​ລັບ ພວກນັກ​ຮຽນ Prep-10.

ການ​ໄປ​ຊື້​ສິ່ງ​ຂອງ, ຮ້ານ​ອາ​ຫານ, ການ​​ບັນ​ເທິງ

ປິດ​ໝົດ, ນອກ​ຈາກ:

ຮ້ານ​ຂາ​ຍ​ອາ​ຫານ​ເທັກ​ອາ​ເວ (take away)

  • ຮ້ານ​ຂາຍ​ເຫຼົ້າ​ເ​ທັກ​ອາ​ເວ (take away)
  • ຮ້ານ​ເຮັດ​ຜົມ
  • ​ຕ​ລາດ​ແລະ​ສູນ​ການ​ຄ້າ: ແມ່ນ​ອີງ​ຕາມ​ຈຳ​ນວນ​ຄວາມ​ໜາ​ແໜ້​ນທີ່​ອະ​ນຸ​ຍາດ​ໃຫ້, ແຕ່​ວ່າ​ຄົນ​ທັງຫຼາຍ​ຈະ​ສາ​ມາດ​ໄປ​ ​ເພື່ອ​ຊື້​ອາ​ຫານ​ແລະ​ໃຊ້​ບໍ​ຣິ​ການ​ທີ່​ຈຳ​ເປັນ​ເທົ່າ​ນັ້ນ.
  • ຫໍ​ສ​ມຸດ​ແລະ​ສູນ​ຊຸມ​ຊົນ​ທຸກ​ແຫ່ງ​​ແມ່ນ​ຖືກ​ປິດ, ນອກ​ຈາກ​ໃຊ້​ເປັນ​ບ່ອນ​ປະ​ກອບ​ພິ​ທີ​ການ​ແຕ່ງດອງຫຼື​ງານ​ຊາ​​ປາ​ນະ​ກິ​ຈ​ສົ​ພ.

ເຂດ​ຊົນ​ນະ​ບົດ Victoria, ນອ​ກ​ເໜືອ​ໄປ​ຈາກ​ເຂດຣັ​ຖ​ບານ​ທ້ອງ​ຖິ່ນ Mitchell Shire (LGA)

ທຸຣະກິດ​ຕ່າງໆແລະການພັກຜ່ອນ

ຄົນທີ່​ຢູ່ໃນ​ ຣັ​​ດວິກ​ຕໍ​ເຣັຍ ຕ້ອງ​ເຮັດ​ວຽກ​​ຢູ່​ເຮືອນ ຫາກ​ເປັນ​ໄປ​ໄດ້.

ຄົນ ວິກຕໍຣຽນ ສາ​ມາດ ຂໍ​ເງິນ $1,500 ໄດ້​ຫາກບໍ່​ສາ​ມາດຂໍ ເອົາ​ເງິນ ​ຄ່າເຈັບ​ປ່ວຍ ​ຈາກ​ທາງນາຍ​ຈ້າງໄດ້ ເມື່ອ​ກວດ​ພົບ​ວ່າ​ຕົນປ່ວຍ​ບໍ່​ສະ​ບາຍ ຍ້ອນ ໂຄໂຣນາໄວຣັສ ຫລື ເມື່ອ​ໄດ້​ຖືກ​ຮຽກ​ຮ້ອງໃ​ຫ້ຢູ່ແຍກ​​ປ່ຽວ-ຕົນ​ເອງ ເພາະ​ໄດ້ ຕິດ​ຕໍ່​ພົວ​​ພັນ​ໃກ້​ຊິດ ກັບ​ຄົນ​ທີ່ ກວດ​ພົບ​ວ່າ​ຕິດ​ເຊື້ອ ໂຄໂຣນາໄວຣັສ ແລ້ວ.

ການ​ເຕົ້າ​ໂຮມ​ກັນ

  • ຈຳ​ນວນ​ຄົນ​ທີ່​ ​ສາ​ມາດ​ມາຢ້​ຽມ​ຢາມ​ເຮືອນ​ທ່ານ ໄດ້​ຖືກຫຼຸດ​ລົງ​ເປັນ​ຈຳ​ນວນ 5 ຄົນ.
  • ການ​ເຕົ້າ​ໂຮມ​ໃນ​ທີ່​ໂລ່ງ​ແຈ້ງ​ໄດ້​ຖືກຫຼຸດ​ລົງ​ເປັນ​ຈຳ​ນວນ​ກຸ່ມ​ນຶ່ງສຸງ​ສຸດ 10 ຄົນ​.
  • ຮ້ານ​ອາ​ຫານ, ຜັບ​ຂາຍ​ເຫຼົ້າ, ​ສ​ະ​ຖານ​ທີ່​ປະ​ມູນ, ​ສູນຊຸມ​ຊົນ, ຫໍ​ ສ​ມຸດ,  ຫໍ​ພິ​ພິ​ທ​ພັນ ແລະ ສະ​ຖານ​ທີ່​ກາບ​ໄຫວ້​ບູ​ຊາ​ຍັງ​ອະ​ນຸ​ຍາດ​ໃຫ້ໄດ້ ​ໃນ​ຈຳ​ນວນ​ສູງ​ສຸດ 20 ຄົນ ໃນ​ແຕ່​ລະ​ສ​ະ​ຖານ​ທີ່​ໃດ​ນຶ່ງ​ຈົນ​ຮອດ​ວັນ​ທີ 12     ກໍຣະ​ກະ​ດາ.
  • ​ທຸ​ຣະ​ກິດຕ່າງໆ​ຮວ​ມ​ທັງ​ສ​ະ​ຖານ​ທີ່​ອອກ​ກຳ​ລັງ​ກາຍ, ໂຮງ​ພາ​ພະ​ຍົນ, ໂຮງ​ລະ​ຄອນ ແລະ ບ່ອນ​ລົງ​​ການພະ​ນັນTABs ​ສາ​ມາດ​ເປີດ​ໄດ້, ໂດຍ​ອະ​ນຸ​ຍາດ​ໃຫ້​ມີ​ຈຳ​ນວນ​ຄົນ​ສູງ​ສຸດ​ໄດ້ 20 ຄົນ​ໃນ​ແຕ່​ລະ​ບ່ອນ.

ອະ​ນຸ​ຍາດ​ໃຫ້​ເປີດ​ໄດ້:

  • ຮ້ານ​ເສີ​ມ​ຄວາມ​ງາມ​ແລ​ະ​ແຕ່ງ​ເລັບ
  • ຮ້ານ​ສະ​ປາ
  • ຮ້ານ​ສັກ​ລາຍ
  • ຜັບ​ຂາຍ​ເຫຼົ້າ
  • ຮ້ານ​ວາງ​ສະ​ແດງ
  • ຫໍ​ພິ​ພິ​ທ​ພັນ
  • ຫໍ​ສ​ມຸດ
  • ສູ​ນ​ຊາວ​ໜຸ່ມ​ແລະ​ສ​ະ​ຖານ​ທີ່​ອຳ​ນວຍ​ຄວາມ​ສະ​ດວກ​ແກ່ຊຸມ​ຊົນ.

​ສ​ະ​ຖານ​ທີ່​ທັງ​ໝົດ​ດັ່ງ​ກ່າວ​ຕ້ອງ​ເຄົາ​ຣົບ​ຕໍ່​ກົດ​ເກນ​ຈຳ​ກັດສູງ​ສຸດ 20ຄົນ​ແລະ​ການ​ຢູ່​ຫ່າງ​ກັນ 1.5 ແມັດ ລະ​ຫວ່າງ​ໂຕະ​ແລະ​ຕ້ອງ​ບັນ​ທຶກ​ ​ຂໍ້​ມູນ​​ຂອງ​ລູກ​ຄ້າ​ທຸກໆ​ຄົນ ເພື່ອ​ຊ່ວຍ​ໃນ​ການ ຕິດ​ຕໍ່​ຫາ ໃຫ້​ໄດ້​ຢ່າງໄວ​ວາ.

ຂໍ້​ຈຳ​ກັດ​​ໃນການ​ເດີນ​ທາງ

  • ບໍ່​ມີ​ກົດ​ເກນ​​ຈຳ​ກັດ​ການ​ເດີນ​ທາງ​ພາຍ​ໃນ​ຣັດ Victoria, ຍົກ​ເວັ້ນ​ເຂດ​ຕ່າງໆ​ທີ່​ເປັນ​ເຂດປິດເມືອງລ​ອັກ​ດາວ​ນ໌ (lock-down).
  • ​ຄົນ​ວິກ​ຕໍ​ເຣັຍ ບໍ່​ສາ​ມາດ​ເດີນ​ທາງ​ໄປ ຣັດ​ນິວ​ເຊົາ​ເວ​ລ ໄດ້ ນັບ​ຈາກ​ທ່ຽງ​ຄືນ​ວັນ​ອັງ​ຄານ​ທີ 7 ກໍ​ຣະ​ກະ​ດາ (ຊາຍ​ແດນ​ປິດ, ຍົກ​ເວັ້ນ​ບຸກ​ຄົນ​ທີ່​ມີ​ໃບ​ອະ​ນຸ​ຍາດ​ພິ​ເສດ)
  • ສາ​ມາດ​ຢູ່​ເຮື​ອນພັກຕ​າກ​ອາ​ກາດ ​ (holiday) ຫຼື ເຮືອນ​ສ່ວນ​ຕົວ​ໄດ້.

​ສາ​ມາດ​ຢູ່​ໃນ​ສ​ະ​ຖານ​ທີ່ພັກ​ສຳ​ລັບ​ນັກ​ທ່ອງ​ທ່ຽວ, ຮວມ​ທັງ​​ລານ​ຈອດ​ຣົດ​ຄາ​ຣາ​ວານ ແລະ ເຂດ​ໃຫ້​ຕັ້ງ​ແຄ້ມ, ຊຶ່ງບໍ່​ມີ​ບ່ອນ​ອຳ​ນວຍ​ຄວາມ​ສະ​ດວກ​ແບບ​ສ່ວນ​ຮວມ.  

ໂຮງ​ຮຽນ

ທຸກໆຫ້ອງ​ຮຽນ​ໄດ້​ສືບ​ຕໍ່, ແລະ ນັກ​ຮຽນ​ທຸກ​ຄົນ​ແມ່ນ​ໄດ້​ກັບ​ໄປ​ໂຮງ​ຮຽນ.  https://www.dhhs.vic.gov.au/gradual-easing-restrictions-covid-19

​ຂໍ້​ມູນ​ເພີ່ມ​ເຕີມ ສຳ​ລັບ Victoria https://www.premier.vic.gov.au/statement-from-the-premier-49/ 

ນີວຊາວແວນລ໌ (New South Wales)

ຂໍ້​ຈຳ​ກັດ​​ໃນການ​ເຕົ້າ​ໂຮມກັນ

​ອະ​ນຸ​ຍາດ​ໃຫ້​ໄດ້​ຮອດ​ຈຳ​ນວນ​ທັງ​ໝົດ 20 ຄົນ​ໃນ​ເຮືອນ, ບໍ່​ນັບ​ຄົນ​ທີ່​ອາ​ສັຍ​ຢູ່​ໃນ​ເຮືອນນັ້ນ. 

ທຸ​ຣະ​ກິດ​ຕ່າງໆ​ແລະ​ກິ​ຈ​ກັມ​ພັກ​ຜ່ອນ​ຢ່ອນ​ໃຈ

ຈຳ​ນວນ​ຄົນ​ທັງ​ໝົດ​ທີ່​ອະ​ນຸ​ຍາດ​ໃຫ້​ສຳ​ລັບ​ສ​ະ​ຖານ​ທີ່​ໃນ​ຮົ່ມ​ແມ່ນ​ອີງ​ຕາມຫຼັກ​ການ ‘ນຶ່ງ​ຄົນ​ຕໍ່ 4 ແມັດ​ມົນ​ທົນ’, ໂດຍບໍ່​ຈຳ​ກັດ​ຈຳ​ນວນ​ສູງ​ສຸດ (​ໃຫ້​ນັ່ງ​ເທົ່າ​ນັ້ນ), ກົດ​ເກນນີ້​ແມ່ນຮວ​ມ​ເຖິງງານ​ຊາ​ປະ​ນະ​ກິ​ຈ​ສົ​ພ.

ພິ​ທີທາງວັ​ທ​ນະ​ທັມ ແລະ ການ​ແຂ່ງ​ຂັນ​ກິ​ລາ ຢູ່ໃນ​ສະ​ຖານ​ທີ່ ໂລ່ງ​ແຈ້ງ ທີ່​ສາ​ມາດ ບັນ​ຈຸ​ຄົນ​ໄດ້ ຮອດ 40,000 ຄົນ ຈະ​ໄດ້​ຮັບ​ອະ​ນຸ​ຍາດ ໃຫ້ ຮັບ​ຄົນ​ໄດ້ 25 ເປີ​ເຊັນ ຂອງ​ປະ​ຣິ​ມານ ທີ່​ຮັບ​ຄົນ​ໄດ້​ຕາມ​ປົກ​ກະ​ຕິ.

ການ​ຫຼິ້ນ​ກິ​ລາ​ເດັກ​ໃນ​ຊຸມ​ຊົນ​ແລະ​ກິ​ລາ​ຜູ້​ໃຫຍ່​ໄດ້​ສືບ​ຕໍ່​ຕາມ​ປົກ​ກະ​ຕິ.

​ບັນ​ດາຜູ້​ປະ​ກອບ​ການ​ທຸ​ຣະ​ກິດ​ແລະ​ຈັດ​ພິ​ທີ​ຕ່າງໆ​ຕ້ອງ​ມີ​ແຜນ​ການ​ຄວ​ບ​ຄຸມ​ຄວາມ​ປອດ​ໄພ​ຈາກ COVID-19 ແລະ​ບັນ​ທຶກ​ການ​ເຂົ້າ​ມາ​ໃນ​ເຂດ​ຂອງ​ທຸກໆ​ຄົນ:​ https://www.nsw.gov.au/covid-19/covid-safe-businesses

ການ​ເດີນ​ທາງ

  • ​ຄົນ​ທີ່​ອາ​ສັຍ​ຢູ່​ໃນ​ຣັດ NSW ທຸກໆ​ຄົນ​ສາ​ມາດ​ເດີນ​ທາງ​ໄປ​ທ່ອງ​ທ່ຽວ​ທີ່​ໃດ​ກໍ​ໄດ້​ພາຍ​ໃນ​ຣັດ NSW ເອງ.
  • ຜູ້​ທີ່​ເດີນ​ທາງ​ມາ​ຈາກ​ຣັດ​ອື່ນ​ສາ​ມາດ​ໄປ​ທ່ອງ​ທ່ຽວ​ໃນ​ຣັດ NSW ໄດ້​ແຕ່​ຕ້ອ​ງ​ປະ​ຕິ​ບັດ​​ຕາມ​ກົດ​ລະບຽບ​ຂອງ ​ຣັດຕົນ​ເອງ​ເມື່ອ​ກັບ​ບ້ານ.
  • ໃນປັດ​ຈຸ​ບັນ NSW ​ໄດ້​ອອກ​ກົດ​ລະ​ບຽບ​ຢ່າງ​ເຄັ່ງ​ຄັດ​ໃນ​ການ​ປັບ​ໄໝ ຄົນ​ທີ່​ອາ​ສັຍ​ຢູ່ ໃນ​ເຂດແພ່​ລະ​ບາດ​ຂອງ Melbourne ທີ່​ຫາ​ຊ່ອງ​ທາງ​ເຂົ້າ​ມາ​ໃນ​ຣັດ NSW ໂດຍ​ການເຮັດ​ຜິດ​ກົດ​ລະ​ບຽບການ​ຫ້າມ​ປາມ ​ທີ່​ທາງ​ກະ​ຊວງ​ສາ​ທາ​ຣະ​ນະ​ສຸກ​ຂອງ​ຣັດ NSW ອອ​ກ​ມາ.
  • ​ກົດ​ການ​ຫ້າມ​ປາມ​ທີ່​ທາງ​ຣັດ NSW ​ອອ​ກ​ມານີ້ ກໍ​ເພື່ອ​ປ້ອງ​ກັນ​ບໍ່​ໃຫ້​ຄົນ​ທີ່​ມາ​ຈາກ ​ເຂດທີ່ ​ພະ​ຍາດ ຊຸຸກ​ຊຸມ​ເດີນ​ທາງ​ເຂົ້າ​ມາ​ຣັດ NSW ນອກ​ຈາກວ່າ​ແມ່ນ​ກໍ​ຣະ​ນີ​ທີ່​ຄົນ NSW ເອງ​ກັບ​ຄືນ​ບ້ານ ຫຼື ຖ້າ​ວ່າ​ມີ​ເຫດ​ຜົນ​ໃນການ​ທີ່​ຕ້ອງ​ເຮັດ​ຍ້ອນ​ຄວາມ​ເຫັນ​ອົກ​ເຫັນ​ໃຈ.
  • ​ບຸກ​ຄົນ​ໃດ​ທີ່​ໄດ້​ຢູ່​ໃນ​ເຂດ​ທີ່​ພະ​ຍາດ​​ຊຸ​ກ​ຊຸມພາຍ​ໃນ 14 ມືີ້​ທີ​ຜ່ານ​ມາ, ​ຮວມ​ທັງ​ຄົນ​ຂອງ ຣັດ NSW ເອງ, ຕ້ອງ​ປະ​ຕິ​ບັດ​ກົດ​ລະ​ບຽບ​ການ​ຢູ່​ເຮືອນ ເປັນ​ເວ​ລາ​ສອງ​ອາ​ທິດ.
  • ການ​ໄປ​ຢ້ຽມ​ຢາມ​ບ້ານ​ພັກ​ຄົນ​ຊຸ​ະ​ຣາຫຼື​ບໍ​ຣິ​ການ​ທາງ​ການ​ແພດ​ແມ່ນ​ກົດ​ເກນ​ຈຳ​ກັດ.
  • ບຸກ​ຄົນ​ໃດ​ທີ່​ຝ່າ​ຝືນ​ຕໍ່​ກົດ​ລະ​ບຽບ​ໃໝ່​ນີ້ ອາດ​ຖືກ​ຈຳ​ຄຸກ​ເປັນ​ເວ​ລາ​ຫົກ​ເດືອນ ຫຼື ຖືກ​ປັບ​ໄໝ​ສູງ​ສຸດ $11,000 ຫຼື​ຖືກ​ໂທດ​ທັງ​ສອງ​ຢ່າງ.
  • ລານຈອດ​ຣົດ​ຄາ​ຣາ​ວານ​ແລະ​ບ່ອນ​ໃຫ້​ຕັ້ງ​ແຄ້ມຫຼາຍ​ແຫ່ງ​ມີ​ການ​ເປີດ​ໃຫ້​ໃຊ້​ບໍ​ຣິ​ການ. ຜູ້​ເດີນ​ທາງ​ຄົນ​ໃດ​ທີ່​ວາງ​ແຜນ​ຈະ​ໄປ​ຢ້ຽມ​ຢາມ​ສວນ​ສາ​ທາ​ຣະ​ນະ​ແຫ່ງ​ຊາດ​ຄວນກວດ​ເບິ່ງ​ຣາຍ​ລະ​ອຽດ​ທີ່ www.nationalparks.nsw.gov.au ເພື່ອ​ເອົາ​ຂໍ້​ມູນ​ເພີ່ມ​ເຕີມ.

ໂຮງ​ຮຽນ

  • ນັກ​ຮຽນ​ໃນ​ຣັດ NSW ກັບ​ໄປ​ຮຽ​ນ​ໃນ​ຫ້ອງ​ຮຽນ​ແບບ​ເຕັມ​ເວ​ລາ​ແລ້ວ.
  • ຜູ້​ບໍ​ຣິ​ການ​ພາຍນອກ​ເຊັ່ນ​ຄ​ຣູ​ສອນ​ດົນ​ຕ​ຣີ​ແລະ​ການ​ສະ​ແດງ​ລະ​ຄອນ​ສາ​ມາດ​ໃຫ້​ການ​ສິດ​ສອນ​ພາຍ​ໃນ​ເຂດ​ໂຮງ​ຮຽນ​ໄດ້.
  • ຊຸມ​ຊົນ​ທີ່​ເຮັດ​ກິ​ຈ​ກັມ​ເຊັ່ນ​ໂຮງ​ຮຽນ​ສອນ​ຟ້ອນ​ສາ​ມາດ​ສືບ​ຕໍ່​ໃຊ້​ຫ້ອງ​ໃນ​ເຂດ​ຂອງ​ໂຮງ​ຮຽນ​ໄດ້.
  • ບໍ​ຣິ​ການ​ອູ້ມ​ຊູ​ຕ່າງໆເຊັ່ນ​ໂຄງ​ການ​ຊ່ວຍ​ເຫຼືອ​ໃນ​ຕອນຕົ້ນ​ແລະ​ການ​ໃຫ້​ຄຳ​ປຶກ​ສາ​ດ້ານ​ຈິດ​ໃຈ​ຈາກ​ທາງນອກ​ສາ​ມາດ​ໃຫ້​ບໍ​ຣິ​ການ​ພາຍ​ໃນ​ເຂດ​ໂຮງ​ຮຽນ​ໄດ້.
  • ​ກິ​ຈ​ກັມ​ກິ​ລາ​ຂອງ​ໂຮງ​ຮຽນ, ຮວມ​ທັງ​ການ​ແຂ່ງ​ຂັນ​ລະ​ຫວ່າງ​ໂຮງ​ຮຽນ ແລະ ກິ​ລາ​ທີ່​ຖືກ​ຕ້ອງ​ຕົວ​ກັນ, ສາ​ມາດ​ສືບ​ຕໍ່​ໄດ້​ເມື່ອ​ເລີ່ມ​ເທີມ​ທີ 3 ໃນ​ວັນ​ທີ 20 ກໍ​ຣະ​ກະ​ດາ 2020, ຊຶ່ງ​ສອດ​ຄ່ອງ​ກັບ​ການ​ເລີ່ມ​ຕົ້ນ​ກິ​ລາ​ໃນ​ຊຸມ​ຊົນ.

​ຂໍ້​ມູນ​ເພີ່ມ​ເຕີມສຳ​ລັບ NSW: 

https://www.nsw.gov.au/covid-19

ຄວີນສະແລນດ໌ (Queensland)

ຂໍ້​ຈຳ​ກັດ​ໃນ​ການ​ເຕົ້າ​ໂຮມ​ກັນ

  • ການ​ເຕົ້າ​ໂຮມ​ລະ​ຫວ່າງ​ຄອບ​ຄົວ, ​ໝູ່​ເພື່ອນ ແລະ ຊຸມ​ຊົນ​ໃຫ້​ໄດ້​ຮອດ 100 ຄົນ​ກັບ​ໝູ່​ເພື່ອນ​ແລະ​ຄອບ​ຄົວ
  • ງານ​ແຕ່ງດອງ​ແລະ​ງານ​ຊາ​ປາ​ນະ​ກິ​ຈ​ສົ​ພ (ສູງ​ສຸດ 100 ຄົນ)

ທຸ​ຣະ​ກິດ​ຕ່າງໆ​ແລະ​ການ​ພັກ​ຜ່ອນ​ຢ່ອນ​ໃຈ

ນັບ​ຈາກ​ເດືອນ​ມິ​ຖຸ​ນາ​ຫາ​ເດືອນ​ທັນ​ວາ 2020 ພະ​ນັກ​ງານ​ຊົ່ວ​ຄາວ​ທີ່ບໍ່​​ມີ​ສິດ​ຂໍ​​ພັກ​​ລາ​ປ່ວຍໄດ້ ຈະ​ໄດ້​ຮັບ​ເງິນ​ກ້ອນເປັນ​ຈຳ​ນວນ $1,500 ຈາກ​ຣັ​ຖ​ບານ​ຣັດ​ Queensland ຖ້າ​ວ່າ​ເຂົາ​ເຈົ້າ​ຖືກກວດ​ພົບ​ວ່າ​ໄດ້​ຕິດ​ເຊື້ອ​ໂຄ​ໂຣ​ນາ​ໄວ​ຣັ​ສ. ເງິນນີ້​ຈະ​ໃຫ້​ແກ່​ບັນ​ດາພະ​ນັກ​ງານ​ທີ່ບໍ່​ມີ​ສິດ​ໄດ້​ຮັບ​ເງິນ​ຈາກ​ໂຄງ​ການ​ຜູ້​ທີ່​ຮັກ​ສາ​ວຽກ​ໄວ້​ (JobKeeper), ຊຶ່ງ​ຈະ​ໃຫ້​ສະ​ເພາ​ະ​ບັນ​ດາ​ພະ​ນັກ​ງານ​ທີ່​ເຮັດ​ວຽກ​ຊົ່ວ​ຄາວ​ແບບ​ລະ​ຍະ​ຍາວ​ເທົ່າ​ນັ້ນ.

ກົດ​ລະ​ບຽບ ນຶ່ງ​ຄົນ​ຕໍ່​ 4ແມັດ​ມົນ​ທົນ ນຳ​ມາ​ໃຊ້​ກັບ:

  • ຈຳ​ນວນ​ຂອງ​ລູກ​ຄ້າ​ໃນ​ທຸ​ຣະ​ກິດ​ນຶ່ງ (ສຳ​ລັບ​ສະ​ຖານ​ທີ່​ນ້ອຍ​ຊຶ່ງ​ຕ່ຳ​ກວ່າ 200 ແມັດ​ມົນ​ທົນ, ຄົນ​ນຶ່ງ​ຕໍ່ 2 ແມັດ​ມົນ​ທົນ​ແລະ​ໃຫ້ຮັບ​ລູກ​ຄ້າ​ໄດ້​ຮອດ 50 ສູງ​ສຸດ)
  • ​ຫໍ​ພິ​ພິ​ທ​ພັນ, ​ສ​ະ​ຖານ​ທີ່​ວາງ​ສະ​ແດງ​ສິ​ລ​ປະ, ຫໍ​ສ​ມຸດ​ແລະ​ສ​ະຖານ​ທີ່​ທາງ​ປ​ວັດ​ສາດ.
  • ​ອົງການ​ກິ​ລາ, ພັ​ກ​ຜ່ອນ​ ແລະ ອອກ​ກຳ​ລັງ​ກາຍ​ເມື່ອ​ປະ​ຕິ​ບັດ​ຕາມ​ແຜນ​ການ​ປອດ​ໄພ​ຈາກ COVID ແບບ​ອຸ​ສາ​ຫະ​ກັມ.
  • ກ​ານ​ແຂ່ງ​ຂັນ​ແລະ​ກິ​ລາ​ທີ່​ມີ​ການ​ຖືກ​ຕ້ອງ​ຮ່າງ​ກາຍກັນ​ໃນ​ສ​ນາມ​ກິ​ລາ
  • ສະ​ຖານ​ທີ່ຫຼິ້ນ​ກິ​ລາ​ໃນ​ຮົ່ມ 
  • ອະ​ນຸ​ຍາດ​ໃຫ້​ມີ​ຄົນ​ເບິ່ງໄດ້​ຮອດ 25,000 ​ຄົນຫຼື 50% ຂອງ
  • ປະ​ຣິ​ມານ (ອັນ​ໃດ​ທີ່​ເປັນ​ຈຳ​ນວນ​ນ້ອຍ​ກວ່າ) ທີ່​ສະ​ຖານ​ກິ​ລາ​ໃຫຍ່ໆ​ຂອງ Queensland, ໂດຍ​ມີ​ແຜນ​ການ​ປອດ​ໄພ​ຈາກ COVID ​ສຳ​ລັບ​ສະ​ຖານ​ທີ່​ຈັດ​ຄອນ​ເສີດ, ໂຮງ​ລະ​ຄອນ​ແລະ ຫ້ອງ​ຊຸມ​ນຸມ​ໃຫຍ່ (ຫຼື​ຮອດ​ 50% ຂອງ​ປະ​ຣິ​ມານ) ໂດຍ​ມີ​ແຜນ​ການ​ ປອດ​ໄພ​ຈາກ COVID

ເຂດ​ຫ່າງ​ໄກຊົນ​ນະ​ບົດ

ອະ​ນຸ​ຍາດ​ໃຫ້​ໄດ້​ຮອດ 50 ຄົນ​ໃນ​ການ​ກິນ​ອາ​ຫານແຕ່​ລະ​ຄັ້ງ​ໃນ​ສະ​ຖານ​ທີ່​ດັ່ງ​ຂ້າງ​ລຸ່ມນີ້: (ໂດຍ​ມີ​ລາຍ​ການ​ປອດ​ໄພ​ຈາກ COVID): 

  • ຮ້າ​ນ​ອາ​ຫານ, ຮ້ານ​ກາ​ເຟ, ຜັບ​ຂາຍ​ເຫຼົ້າ, ຄ​ລັບ​ທີ່​ລົງ​ທະ​ບຽນ​ແລະ​ມີ​ໃບ​ອະ​ນຸ​ຍາດ, ຄ​ລັບ RSL ແລະ ໂຮງ​ແຮມ​ສຳ​ລັບ​ຄົນ​ທ້ອງ​ຖິ່ນ​ເທົ່າ​ນັ້ນ      (ຕ້ອງ​ແຈ້ງຫຼັກ​ຖານ​ທີ່​ຢູ່) – ບໍ່​ໃຫ້​ມີ​ບາ​ຣ໌ຫຼືມີ​ບ່ອນຫຼິ້ນ​ການ​ພະ​ນັນ.
  • ທ່ອງ​ທ່ຽວ​ເພື່ອ​ການ​ພັກ​ຜ່ອນ​ຢ່ອນ​ໃຈ​ພາຍ​ໃນ​ເຂດ​ຫ່າງ​ໄກ​ຊົນ​ນະ​ບົດ​ເທົ່າ​ນັ້ນ​ຖ້າ​ວ່າ​ທ່ານ​ຢູ່​ໃນ​ເຂດ​ຫ່າງ​ໄກ​ຊົນ​ນະ​ບົດ​.

ຊູມ​ຊົນ​ພື້ນ​ເມືອງ - ເຂດ​ຮັກ​ສາ-ຊີ​ວະ​ພາບ

​ຣັ​ຖ​ບານ​ປະ​ຈຳ​ຣັດ​ແລະ​ຜູ້​ນຳ​ຊົນ​ເຜົ່າ​ພື້ນ​ເມືອງ​ໄດ້​ເຫັນ​ດີ​ຕົກ​ລົງ​ກັນ​ໃຫ້​ມີ​ແຜນ​ການ​ສາມ-ຂັ້ນ​ຕອນ​ໃນ​ການ​ຜ່ອນ​ຄາຍ​ກົດ​ເກນການ​ຫ້າມ​ຕ່າງໆ​ໃນ​ເຂດ​ທີ່​ຣັ​ຖ​ບານ​ກາງ​ກຳ​ນົດ​ໄວ້​ວ່າ​ເປັນ​ເຂດ​ຮັກ​ສາ-ຊີ​ວະ​ພາບ.  

ບັນ​ດາ​ຊຸມ​ຊົນ​ທີ່​ຖືກ​ກຳ​ນົດ​ໄວ້​ນີ້​ຈະ​ໄດ້​ປ່ຽນ​ຈາກ​ກົດ​ເກນ​ການ​ຫ້າມ​ໃນ​ການ​ຮັກ​ສາ-ຊີ​ວະ​ພາບ ສຸກ​ເສີນ​ຊຶ່ງ​ຢູ່​ພາຍ​ໃຕ້​ຣັ​ຖ​ບານ​ໃນ​ປັ​ດ​ຈຸ​ບັນ ໄປ​ສູ່​ການ​ຄຸ້ມ​ຄອງ​ຂອງ​ຣັ​ຖ​ບານ​ປະ​ຈຳ​ຣັດ

  • ຂັ້ນ​ຕອນ​ທີ 1: ຄົນ​ໃດ​ທີ່​ເຂົ້າ​ໄປຫຼື​​ກັບເຂົ້າ​ໄປ​ໃນ​ຊຸມ​ຊົນຄືນ ຈະ​ຕ້ອງ​ໄດ້​ແຍກ​ກັກ​ກັນ​-​ຕົນ​ເອງ ເມື່ອ​ໃດ​ທີ່​ເຫັນ​ວ່າ​ເຮັດ​ໄດ້​ຢ່າງ​ປອດ​ໄພ. ຢ່າງ​ໃດ​ກໍ​ຕາມ, ຍັງ​ຈະ​ມີ​ການ​ຍົກ​ເວັ້ນ​ການ​ກັກ​ກັນ​ນີ້​ສຳ​ລັບ​ພະ​ນັກ​ງານ​ທີ່​ເຮັດ​ວຽກ​ຈຳ​ເປັນ, ຜູ້​ໃດ​ທີ່

ເດີນ​ທາງ​ຜ່ານ​ບັນ​ຊຸມ​ຊົນ​ເຫຼົ່າ​ນັ້ນ​ໂດຍບໍ່​ຢຸດ​ພັກ​ແລະ​ຜູ້​ທີ່​ໄດ້​ຮັບ​ອະ​ນຸ​ຍາດ​ໃຫ້​ຖືກ​ຍົກ​ເວັ້ນ​ໄດ້. 

ຂັ້ນ​ຕອນ​ທີ 2: ຫົວ​ໜ້າ​ເຈົ້າ​ໜ້າ​ທີ່​ທາງ​ການ​ແພດ​ຈະ​ອອກ​ກົດ​ເກນ​ໃຫ້​ເພື່ອ​ອະ​ນຸ​ມັດ​ໃຫ້​ຊຸມ​ຊົນ​ດັ່ງ​ກ່າວ​ກາຍ​ມາ​ເປັນ​ພາກ​ສ່ວນ​ນຶ່ງ​ຂອງ ’ເຂດ​ເດີນ​ທາງ​ທີ່​ປອດ​ໄພ’ ເພື່ອ​ວ່າ​ຜູ້​ອາ​ສັຍ​ຢູ່​ເຂດ​ດັ່ງ​ກ່າວ​ຈະ​ສາ​ມາດ​ເດີນ​ທາງ​ໄປ​ມາ​ໄດ້ ​ຢ່າງ​ສະ​ດວກ​ໂດຍ​ອີງ​ຕາມ​ການ​ແນະ​ນຳ​ຂອງ​ທາງ​ການ​ສາ​ທາ​ຣະ​ນະ​ສຸກ.  

ຂັ້ນ​ຕອນ​ທີ 3: ກົດ​ເກນ​ຈຳ​ກັດ​ເລື່ອງ​ກັກ​ກັນ​ເພື່ອ​ການ​ເຂົ້າ​ໄປ​ໃນ​ຊຸມ​ຊົນ​ພື້ນ​ເມືອງ​ທີ່​ຫ່າງ​ໄກ​ສອກຫຼີກ​ຈະ​ໄດ້​ຖືກ​ຍົກ​ເລີກ, ໂດຍ​ທີ່ ເຂດ Burke ແລະ Cook Shires ຈະ​ຖືກ​ຖື​ຢູ່​ໃນ​ເງື່ອນ​ໄຂ​ດຽວ​ກັນ​ກັບ​ເຂດ​ອື່ນໆ​ຂອງ Queensland ພາຍ​ໃຕ້ ເສັ້ນ​ທາງ​ໄປ​ສູ່​ການ​ຜ່ອນ​ຄາຍ​ກົດ​ເກນ​ການ​ຫ້າມ : https://www.covid19.qld.gov.au/government-actions/roadmap-to-easing-queenslands-restrictions

​ຂໍ້​ຫ້າມ​ໃນ​ການ​ເດີນ​ທາງ

  • ບໍ່​ມີ​ການ​ຫ້າມ​ເດີນ​ທາງ​ແລະ​ການ​ນອນ​ຄ້າງ​ຄືນ​ສຳ​ລັບ  ທຸກໆ Queensland# (ຮວມ​ເຖິງ​ຍາມ​ພັກ​ໂຮງ​ຮຽນ) 
  • ຜູ້​ອາ​ສັຍ​ຢູ່​ເຂດ​ຫ່າງ​ໄກ​ຊົນ​ນະ​ບົດ​ຈະ​ສາ​ມາດ​ເດີນ​ທາງໄກ​ໄດ້​ຮອດ 500 km ​ຈາກ​ເຮືອນ​ຂອງ​ຕົນ
  • ຣັ​ຖ​ບານ Queensland ໄດ້​ເຮັດ​ວຽກ​ຮ່ວມ​ກັບ​ຜູ້​ນຳ​ຊົນເຜົ່າ​ພື້ນ​ເມືອງ Aboriginal ແລະ Torres Strait Islander ໃນ​ເຂດ​ຊຸມ​ຊົນ​ຫ່າງ​ໄກ​ສອກຫຼີກ​ເພື່ອ​ນຳ​ໃຊ້​ປະ​ຕິ​ບັດ ແຜນ​ການ​ສາມ​ຂັ້ນ​ຕອນນີ້ ເພື່ອ​ຜ່ອນ​ຄາຍ​ກົດ​ເກນ​ການຈຳ​ກັດ​ໃນ​ເຂດທີ່​ໄດ້​ກຳ​ນົດ​ໄວ້: https://www.datsip.qld.gov.au/resources/datsima/covid/remote-communities-roadmap.pdf 

ໂຮງ​ຮຽນ

  • ​ຫ້ອງ​ຮຽນ​ທັງ​ໝົດ​ໄດ້​ເປີດຄືນ​ແລ້ວ, ແລະ​ນັກ​ຮຽນ​ທຸກ​ຄົນ​ໄດ້​ເຂົ້າ​ໂຮງ​ຮຽນ​ຄືນ.     

​ສຳ​ລັບ​ຂໍ້​ມູນ​ເພີ່ມ​ເຕີມ​ກ່ຽວ​ກັບ​ໂຮງ​ຮຽນ​ໃນ Queensland: https://qed.qld.gov.au/about-us/news-and-media/novel-coronavirus
ຂໍ້​ມູນ​ເພີ່ມ​ເຕີມ: https://www.qld.gov.au/covid-19/government-actions/roadmap-to-easing-queenslands-restrictions

ເຊົາທ໌ອອສເຕ​ຣເລັຍ (South Australia)

South Australia ໄດ້​ເຂົ້າ​ສູ່​ບາດ​ກ້າວ​ທີ 3, ຊື່ງ​ແມ່ນ​ວິ​ທີ​ທີ່​ນຳ​ໃຊ້ ຫຼັກ​ການ-ແບບ​ງ່າຍໆ, ນອກ​ຈາກ​ກິ​ຈ​ກັມ​ບາງ​ຢ່າງ​ທີ່​ຖື​ວ່າ​ມີ​ຄວາມ​ສ່ຽງ​ສູງ.

ຂໍ້​ຈຳ​ກັດ​ໃນ​ການ​ເຕົ້າ​ໂຮມ​ກັນ

ໃນ​ຂະ​ນະ​ທີ່​ຍັງ​ມີ​ການ​ສ​ນັບ​ສ​ນູນຢ່າງ​ແຂງ​ແຮງ​ໃຫ້​ປະ​ຕິ​ບັດ​ການ​ຢູ່​ຫ່າງ​ກັນ  1.5 m ​ຢູ່ນັ້ນ, ເງື່ອນ​ໄຂ​ການ​ຢູ່​ແອ​ອັດ​ກັນ​ພາຍ​ໃນ​ສ​ະ​ຖານ​ທີ່​ຕ່າງໆ​ຈະ​ຖືກ​ຜ່ອນ​ຄາຍ​ລົງ​ເປັນ​ນຶ່ງ​ຄົນ​ຕໍ່​ສອງ​ແມັດ​ມົນ​ທົນ.

ທຸ​ຣະ​ກິດ​ຕ່າງໆ​ແລະ​ການ​ພັກ​ຜ່ອນ​ຢ່ອນ​ໃຈ

ບັນ​ດາ​ທຸ​ຣະ​ກິດ, ກິ​ຈ​ກັມ​ຕ່າງໆ​ແລະ​ການ​ເຕົ້າ​ໂຮມ​ກັນ ພາຍ​ໃຕ້​ບາດ​ກ້າວ​ທີ 3 ໄດ້​ຂຽນ​ໄວ້​ໃນ ກົດ​ເກນ​ການ​ເຮັດ​ກິ​ຈ​ກັມ​ໃນ​ທີ່​ສາ​ທາ​ຣະ​ນະ ເລກ​ທີ   https://www.covid-19.sa.gov.au/emergency-declarations/public-activities

  • ທຸ​ຣະ​ກິດ​ຕ່າງໆ​ແລະ​ກິ​ຈ​ກັມ​ໃນ​ທີ່​ສາ​ທາ​ຣະ​ນະ​ທີ່​ບົ່ງ​ໄວ້ ຊຶ່ງ​ມີ​ແຜນ​ການ ປອດ​ໄພ​ຈາກ-COVID ຢູ່​ແລ້ວບໍ່​ຈຳ​ເປັນ​ຕ້ອງ​ເຮັດ​ແຜນ​ການ​ໃໝ່
  • ຖ້າ​ທ່ານ​ມີ​ແຜນ​ການ​ປອດ​ໄພ​ຈາກ-COVID ແຕ່​ວ່າ​ໃນ​ປັດ​ຈຸ​ບັນ​ທ່ານ​ໄດ້​ເປີດ​ໃຫ້​ມີ​ບ່ອນຫຼື​ສະ​ຖານ​ທີ່ກວ້າງ​ຂວາງ​ຂຶ້ນ, ທ່ານ​ຕ້ອງ​ໄດ້​ສ້າງ​ແຜນ​ການ​ອັນ​ໃໝ່​ຂຶ້ນ.
  • ທຸ​ຣະ​ກິດ​ແລະ​ກິ​ຈ​ກັມ​ໃນ​ທີ່​ສາ​ທາ​ຣະ​ນະ​ທີ່​ບົ່ງ​ໄວ້ ທີ່ຍັງບໍ່​ທັນ​ມີ​ແຜນ​ການ​ປອດ​ໄພ​ຈາກ-COVID ​ຕ້ອງ​ໄດ້​ເຮັດ​ແຜນ​ການນີ້​ກ່ອນ ຈຶ່ງ​ຈະ​ເລີ່ມ​ເປີດ​ດຳ​ເນີນ​ທຸ​ຣະ​ກິດ​ໄດ້:  
  • https://www.covid-19.sa.gov.au/recovery/create-a-covid-safe-plan

ສຳ​ລັບ​ຂໍ້​ມູນ​ເພີ່ມ​ເຕີມ​ກ່ຽວ​ກັບ​ບາດ​ກ້າວ​ທີ 3: https://www.covid-19.sa.gov.au/__data/assets/pdf_file/0016/223072/FAQ-Step-3-01072020.pdf

​ຂໍ້​ຈຳ​ກັດ​ໃນ​ການ​ເດີນ​ທາງ

  • ການ​ເດີນ​ທາງ​ພາຍ​ໃນ​ເຂດ​ຊົນ​ນະ​ບົດ​ໄດ້​ຖືກ​ອະ​ນຸ​ຍາດ​ພາຍ​ໃນ​ຣັດ South Australia
  • ຊາຍ​ແດນ​ຂອງ South Australia ໄດ້​ຖືກ​ເປີດ​ຄືນ​ໃຫ້​ແກ່​ຜູ້​ທີ່​ເດີນ​ທາງ​ມາ​ຈາກ Western Australia, ເຂດ​ປົກ​ຄອງ​ພິ​ເສດ Northern Territory ແລະ Tasmania. ບັນ​ດາຜູ້​ເດີນ​ທາງ​ດັ່ງ​ກ່າວບໍ່​ຈຳ​ເປັນ​ຕ້ອງ​ແຍກ​ປ່ຽວ​ຕົນ​ເອງ​ເປັນ​ເວ​ລາ 14 ມື້ ເມື່ອ​ເຂົາ​ເຈົ້າ​ເຂົ້າ​ມາ​ໃນ South Australia. 

ໂຮງ​ຮຽນ

​ໂຮງ​ຮຽນ​ໃນ ຣັດ South Australia ໄດ້​ເປີດ​ມາ​ແຕ່​ ​ຕົ້ນ​ເທີມ​ທີ 2 ແລະ​ບັນ​ດາ​ນັກ​ຮຽນ​ໄດ້​ຖືກ​ສົ່ງ​ເສີມ​ໃຫ້​ໄປ​ເຂົ້າ​ໂຮງ​ຮຽນ, ພາຍ​ໃຕ້ກົດ​ເກນ​ການ​ແນະ​ນຳ ກ​ານ​ເປີດໂຮງ​ຮຽນ​ ​ເທີມ 2 ສຳ​ລັບໂຮງ​ຮຽນ​ຫຼວງ​ຂອງ  SA ໃນ​ການ​ຕອບ​ໂຕ້​ກັບ ການ​ແພ່​ລະ​ບາດ COVID-19: https://www.education.sa.gov.au/sites/default/files/term-2-operating-guidelines.pdf 

ສຳ​ລັບ​ຂໍ້​ມູນ​ເພີ່ມ​ເຕີມ: https://www.covid-19.sa.gov.au/recovery 

ແວສເຕີນອອສເຕ​ຣເລັຍ (Western Australia)

ຂໍ້​ຈຳ​ກັດ​ໃນ​ການ​ເຕົ້າ​ໂຮມ​ກັນ

ຈຳ​ນວນ​ຂອງ​ຄົນ​ທີ່​ເຕົ້າ​ໂຮມ​ກັນ​ໃນ​ສະ​ພາບ​ທີ່ບໍ່​ແມ່ນ-​ການ​ເຮັດ​ວຽກໄດ້​ເພີ່ມ​ຂຶ້ນ, ແລະ ບັນ​ດາທຸ​ຣະ​ກິດຫຼາຍ​ຂ​ແນງ​ກໍ​ສາ​ມາດ​ເປີດ​ຄືນ​ໄດ້​ແລ້ວ.

ກົດ​ລະ​ບຽບ 4ແມັດ​ມົນ​ທົນ​ໄດ້​ຖືກ​ທົບ​ທວນ​ຄືນ​ມາ​ເປັນ 2 ແມັດ​ມົນ​ທົນ​ຕໍ່​ຄົນ​ນຶ່ງ​ສຳ​ລັບ​ສະ​ຖ​ານ​ທີ່​ທຸກ​ແຫ່ງ​ໃນ WA ແລະ ທຸກ​ໆ​ກິ​ຈ​ກັມ​ທີ່​ໄດ້​ຖືກ​ອະ​ນຸ​ມັດ​ໃນ ຂັ້ນ​ຕ​ອນ​ທີ 3.

ບັນ​ດາ​ທຸ​ຣະ​ກິດໃນ WA ຕ້ອງ​ຍື່ນ​ແຜນ​ການ​ປອດ​ໄພ​ຈາກ-COVID ເຂົ້າ​ໄປ​ກ່ອນ​ຈຶ່ງ​ເປີດ​ຄືນ​ໄດ້. (https://www.wa.gov.au/organisation/department-of-the-premier-and-cabinet/covid-19-coronavirus-business-and-industry-advice

ສະ​ຖານ​ທີ່​ຕ່າງໆ​ທີ່​ໄດ້​ເປີດ​ໃນ​ລະ​ຫວ່າງ​ຂັ້ນ​ຕອນ​ທີ 2 ຕ້ອງ​ໄດ້​ອັບ​ເດດ​ແຜນ​ການ​ປອດ​ໄພ​ຈາກ-COVID ຂອງ​ຕົນ. 

  • ການ​ເຕົ້າ​ໂຮມ​ກັນ​ທີ່ບໍ່​ແມ່ນ-​ການ​ເຮັດ​ວຽກ ໃນ​ຮົ່ມ​ແລະ​ໃນ​ເຂດ​ໂລ່ງ​ແຈ້ງ ໃຫ້​ມີ​ໄດ້​ຮອດ 100 ​ຄົນ​ຕໍ່​ສະ​ຖານ​ທີ່​ ​ໃດ​ນຶ່ງທີ່ບໍ່​ໄດ້​ແບ່ງເປັນ​ເຂດ,  ​ແລະ​ໄດ້​ຮອດ 300 ຄົນ​ເປັນ​ຈຳ​ນ​ວນ​ທັງ​ໝົດ​ຕໍ່​ສະ​ຖານ​ທີ່​ແຫ່ງ​ນຶ່ງ ທີ່​ມີຫຼາຍ​ເຂດ (ກົດ​ລະ​ບຽບ100/300)
  • ງານ​ແຕ່ງດອງ​ແລະ​ງານ​ຊາ​ປະ​ນະ​ກິ​ຈ​ສົ​ພ​ ແມ່ນ ໄດ້​ຮອດ 100 ຄົນ.

ທຸ​ຣະ​ກິດ​ຕ່າງໆ​ແລະ​ການ​ພັກ​ຜ່ອນ​ຢ່ອນ​ໃຈ

  • ທຸ​ຣະ​ກິດ​ຂາຍ​ອາ​ຫານ​ແລະ​ສະ​ຖານ​ທີ່​ທີ່​ມີ​ໃບ​ອະ​ນຸ​ຍາດ​ສາ​ມາດ​ດຳ​ເນີນ​ທຸ​ຣະ​ກິດ​ໄດ້.
  • ອະ​ນຸ​ຍາດ​ໃຫ້​ເສີບ​ເຫຼົ້າ​ໄດ້​ໂດຍບໍ່​ຕ້ອງ​ມີ​ອາ​ຫານ.
  • ສູນ​ຂາຍ​ອາ​ຫານ (food courts) ສາ​ມາດ​ເປີດ​ຄືນ​ໄດ້.

ສະ​ຖານ​ທີ່​ຂາຍ​ອາ​ຫານ​ແລະ​ເຄື່ອງ​ດື່ມ​ທຸກ​ແຫ່ງ​ສາ​ມາດ​ເປີດ​ໄດ້​ຖ້າ​​ບັນ​ດາລູກ​ຄ້າ​ນັ່ງ​ກິນ.

  • ສະ​ຖານ​ບໍ​ຣິ​ການ​ເສີມ​ຄວາມ​ງາມ​ທຸກ​ແຫ່ງ​ຮວມ​ເຖິງ ຮ້ານ​ແຕ່ງ​ເລັບ, ຮ້ານ​ອົບ​​ສີຜິວ​ແລະ​​ຖອນ​ຂົນ​ ​ສາ​ມາດ​ສືບ​ຕໍ່ເປີດ​ໄດ້
  • ​ຫ້ອງ​ອົບ​, ເຮືອນ​ອາບ​ນ້ຳ, ສູນດູ​ແລ​ສຸ​ຂ​ະ​ພາບ, ສູນ​ອົບ​ໂຕ​ແບບ​ຮູ້​ສຶກລອຍ  (float centres), ​ສະ​ປາ​ແລະ​ສູນນ​ວດ ສາ​ມາດ​ເປີດ​ຄືນ​ໄດ້ (ກົດ​ລະ​ບຽບ 100/300).
  • ສະ​ຖານ​ທີ່​ອອກ​ກຳ​ລັງ​ກາຍ, ຄ​ລັບ​ສຸ​ຂ​ະ​ພາບ, ແລະ​ສູນ​ກິ​ລາ​ໃນ​ຮົ່ມ​ສາ ມາດ ​ໃຫ້​ບໍ​ຣິ​ການ​ກິ​ຈ​ກັມ​ແບບ​ທັມ​ມະ​ດາ​ທົ່ວ​ໄປ, ຮ​ວມ​ເຖິງ​ການ​ໃຊ້​ອຸ​ປະ​ກອນ​ອອກ​ແຮງ​ກາຍ​ທຸກ​ຊະ​ນິດ (ສະ​ຖ​ານ​ທີ່​ອອກ​ກຳ​ລັງ​ກາຍ​ຕ້ອງ​ມີ​ພະ​ນັກ​ງານ​ຄວບ​ຄຸມ​ຕ​ລອດ​ເວ​ລາ​ແລະ​ທຳ​ຄວາມ​ສະ​ອາດ​ເປັນ​ປະ​ຈຳ)
  • ກິ​ລາ​ທີ່​ມີ​ການ​ຈັບ​ຕ້ອງ​ຮ່າງ​ກາຍ​ແລະ​ການ​ຝຶກ
  •  ເດີ່ນ​ຫຼິ້ນເດັກ​ນ້ອຍ, ເຄື່ອງ​ອອກ​ແຮງ​ກາຍ​ໃນ​ທີ່​ໂລ່ງ​ແຈ້ງ ແລະ ສວນຫຼິ້ນ​ສະ​ເກັດ ຖືກ​ອະ​ນຸ​ຍາດ​ໃຫ້​ໃຊ້​ໄດ້
  • ສະ​ຖານ​ທີ່​ວາງ​ສະ​ແດງ, ຫໍ​ພິ​ພິ​ທ​ພັນ, ໂຮງ​ລະ​ຄອນ, ຫໍ​ຊຸມ​ນຸມ, ໂຮງ​ພາ​ພະ​ຍົນ ແລະ ສະ​ຖານ​ທີ່​ສະ​ແດງ​ຄອນ​ເສີດ ສາ​ມາດ ເປີດ​ຄືນ​ໄດ້ (ໃນ​ການ​ສະ​ແດງ​ແຕ່​ລະ​ເທື່ອ, ບັນ​ດາຜູ້​ຊົມ​ຕ້ອງ​ໄດ້​ນັ່ງ​ລົງ (ກົດ​ລະ​ບຽບ 100/300)
  • ສວນ​ສັດ​ຢູ່ Perth ຈະ​ໄດ້​ເປີດ​ໂດຍບໍ່​ຈຳ​ກັດ​​ຈຳ​ນວນຜູ້​ມາ​ຢ້ຽ​ມ ​ສຳ​ລັບ​ສະ​ຖານ​ທີ່​ທັງ​ໝົດ (ກົດລະ​ບຽບ 100/300 ຕ້ອງ​ນຳ​ມາ​ໃຊ້​ໃນ​ເຂດ​ໃນ​ຮົ່ມ​ແລະ​ຮ້ານ​ກາ​ເຟ/ຮ້ານ​ອາ​ຫານ)
  • ສວນ​ຊີ​ວິດ​ສັດ​ປ່າ​ແລະ​ສວນ​ສ​ນຸກ​ສາ​ມາດ​ເປີດ​ຄືນ​ໄດ້ (ກົດ​ລະ​ບຽບ 100/300)
  • ບ່ອນຫຼິ້ນ​ເກມ (ຮວມ​ເຖິງ ພຸ​ລ/ສ​ນຸກ​ເກີ້, ແທັນ​ພິນ​ໂບ​ລີ່ງ, Timezone), ເດີ່ນ​ສະ​ເກັດ ແລະ ສູນຫຼິ້ນ​ໃນ​ຮົ່ມ (ກົດ​ລະ​ບຽບ 100/300)
  • Rottnest Island ຈະ​ເປີດ​ໃຫ້​ປະ​ຊາ​ຊົນ​ເຂົ້າ​ໄປ​ຄືນ.
  • TABs ແລະ Pub TABs ອາ​ດ​ຈະ​ເປີດ​ຄືນ​ສຳ​ລັບ​ ​ການ​ລົງ​ພະ​ນັນ​ແລະ​ຊົມ​ການ​ແຂ່ງ​ຂັນ.
  • ຊັ້ນຫຼີ້ນ​ເກມ​ພ​ະ​ນັນ​ຂອງ Crown Casino ຈະ​ຍັງຖືກ​ປິດບໍ່​ໃຫ້ຫຼິ້ນ​ການ​ພະ​ນັນ​ໃນ​ລະ​ຫວ່າງ ຂັ້ນ​ຕອນ​ທີ 3.

​​ຂໍ້​ຈຳ​ກັດ​ໃນ​ການ​ເດີນ​ທາງ

  • ການ​ເດີນ​ທາງ​ໄດ້​ຖືກ​ອະ​ນຸ​ຍາດ​ໃນ​ທົ່ວ​ຣັດ Western Australia, ຮວມ​ເຖິ​ງ​ເຂດ Kimberley. ການ​ເຂົ້າ​ໄປ​ໃນ​ເຂດ​ຫ່າງ​ໄກ​ສອກຫຼີກຊຸມ​ຊົນ​ພື້ນ​ເມືອງ​ຊາວ Aboriginal ​ຍັງ​ຈ​ະ​ຖືກ​ຫ້າມ.
  • ຖ້າ​ທ່ານ​ໄປ​ທ່ຽວ​ຮໍ​ລີ​ເດ, ຈົ່ງ​ສືບ​ຕໍ່​ປະ​ຕິ​ບັດ​ການ​ຢູ່​ຫ່າງ​ກັນ​ແລະ​ປະ​ຕິ​ບັດ​ສຸ​ຂະ​ອະ​ນາ​ມັຍ. ຢ່າ​ໄປ​ທ່ຽວ​ຮໍ​ລີ​ເດ​ຖ້າ​ທ່ານ​ຮູ້​ສຶກບໍ່​ສະ​ບາຍ.

ໂຮງ​ຮຽນ

  • ໂຮງ​ຮຽນຫຼວງ​ຂອງ Western Australian ໄດ້​ເປີດ​ແຕ່​ຕົ້ນ​ເທີມ​ 2 ສຳ​ລັບ​ທຸກ​ຄອບ​ຄົວ​​ຊື່ງ​ເລືອກ​ທີ່​ຈະ​ສົ່ງ​ລູກ​ໄປ​ໂຮງ​ຮຽນ.
  • ສຳ​ລັບ​ບັນ​ດາ​ນັກ​ຮຽນ​ທີ່​ຮຽນ​ຢູ່​ບ້ານ, ​ແບບ​ຮຽນ​​ເປັນ​ຊຸດ​ທາງ​ໄກແລະ  ບົ​ດ​ຮຽນຕ່າງໆ​ໄດ້​ຖືກ​ຈັດ​ສົ່ງ​ໃຫ້. 
  • ພໍ່​ແມ່/ຜູ້​ປົກ​ຄອງ​ສາ​ມາດ​ເຂົ້າ​ໄປ​ໃນ​ເດີ່ນ​ໂຮງ​ຮຽນໄດ້​ເພື່ອ​ມາ​ສົ່ງ​ແລະ​ມາ​ຮັບ​ລູກ.  

​ຂໍ້​ມູນ​ເພີ່ມ​ເຕີມ​ສຳ​ລັບໂຮງ​ຮຽນ ໃນ​ຣັດ Western Australia: https://www.wa.gov.au/organisation/department-of-the-premier-and-cabinet/covid-19-coronavirus-education-and-family-advice
ຂໍ້​ມູນ​ເພີ່ມ​ເຕີມ: http://www.wa.gov.au/covid19roadmap

ທັສມາເນັຍ (Tasmania)

ຂໍ້​ຈຳ​ກັດ​ໃນ​ການ​ເຕົ້າ​ໂຮມ​ກັນ

  • ການ​ເຕົ້າ​ໂຮມ​ກັນ​ຈະ​ໃຫ້​ເພີ່ມ​ຂຶ້ນ​ເປັນ 20 ຄົນ​ໃນ​ແຕ່​ລະ​ຄັ້ງ​ສຳ​ລັບ​ໃນ​ຮົ່ມ​ແລະ​ໃນ​ທີ່​ໂລ່ງ​ແຈ້ງ​ຮ​ວມ​ເຖິງ​ຮ້ານ​ອາ​ຫານ/ຮ້ານ​ກາ​ເຟ, ໂຮງ​ພາ​ພະ​ຍົນ, ຫໍ​ພິ​ພິ​ທ​ພັນ, ສະ​ຖານ​ທີ່​ວາງ​ສະ​ແດງ, ເຂດ​ແດນ​ປ​ວັດ​ສາດ, ການ​ເຕົ້າ​ໂຮມ​ທາງ​ສາ​ສ​ນາ​ແລະ​ການ​ແຕ່ງດອງ;
  • ງານ​ຊາ​ປະ​ນາ​ກິ​ຈ​ສົ​ພ​ອະ​ນຸ​ຍາດ​ໃຫ້ມີ​ຜູ້​ມາ​ຮ່ວມ​ໄດ້ ຮອດ 50 ຄົນ;

ທຸ​ຣະ​ກິດ​ຕ່າງໆ​ແລະ​ການ​ພັກ​ຜ່ອນ​ຢ່ອນ​ໃຈ

ສະ​ຖານ​ທີ່​ພັກ​ເຊົາ​ບໍ່​ຈຳ​ກັດ

  • ການ​ຕັ້ງ​ແຄ້ມ, ລ່ອງ​ເຮືອ​ຍາມ​ກາງ​ຄືນ ແລະ ກ​ະ​ຕູ​ບ ອະ​ນຸ​ຍາດ​ໃຫ້​ເປີດ
  • ການ​ເປີດ​ໃຫ້​ຊົມ​ເຮືອນ​ແລະ​ການ​ປະ​ມູນ​ສາ​ມາດ​ສືບ​ຕໍ່​ໄດ້​ໂດຍ​ໃຫ້​ມີຮອດ​ສູງ​ສຸດ 20 ​ຄົນ
  • ​ສ​ະ​ຖານ​ອອກ​ແຮງ​ກາຍ​ແລະ​ອອກ​ແຮງ​ກາຍ​ໃນ​ທີ່​ໂລ່ງ​ແຈ້ງ​ອະ​ນຸ​ຍາດ​ໃຫ້​ໄດ້​ຮອດ 20 ຄົນ
  • ບໍ​ຣິ​ການ​ເສີມ​ຄວາມ​ງາມ (ຮວມ​ເຖິງ ການ​ສັກ​ລາຍ, ແຕ່ງ​ເລັບ, ຖອນ​ຂົນ, ນວດ​ໜ້າ​ແລະ​ອົບ​ສີ​ຜິວ) ສ​າ​ມາດ​ເປີດ​ຮັບ​ໄດ້​ຮອດ​ສູງ​ສຸດ 20 ຄົນ;
  • ​ອຸ​ປະ​ກອນ​ການ​ອອກ​ແຮງ​ກາຍ​ໃນ​ສວນ​ແລະ​ເດີ່ນຫຼິ້ນ​ເປີດ​ຮັບ​ໄດ້​ຮອດ 20 ຄົນ;
  • ກິ​ລາ​ຊຸມ​ຊົນ​ໃນ​ທີ່​ໂລ່ງ​ແຈ້ງ​ສາ​ມາດ​ສືບ​ຕໍ່​ໄດ້, ໂດຍ​ໃຫ້​ມີ​ຮອດ​ສູງ​ສຸດ 20 ຄົນ​ທີ່​ເປັນ​ນັກ​ກິ​ລາ/ຜູ້​ເຮັດ​ວຽກ
  • ກິ​ລາ​ໃນ​ຮົ່ມ​ແລະ​ການ​ພັກ​ຜ່ອນ​ຢ່ອນ​ໃຈ^, ຮວມ​ເຖິງ​ສະ​ລອຍ​ນ້ຳ​ອະ​ນຸ​ຍາດ​ໃຫ້​ຮັບ​ໄດ້​ຮອດ 20 ຄົນ​ໂດຍບໍ່​ໃຫ້​ມີ​ຄົນ​ນັ່ງ​ເບິ່ງ.

​ຂໍ້​​ຈຳ​ກັດ​ໃນ​ການ​ເດີນ​ທາງ

  • ການຄວບ​ຄຸມ​ຊາຍ​ແດນ​ໂດຍ​ການ​ແຍກ​ກັກ​ກັນ​ໂຕ14 ມື້ ​ຍັງ​ຕ້ອງ​ປະ​ຕິ​ບັດ​ຕໍ່​ໄປ, ແຕ່​ວ່າ​ຜູ້​ອາ​ສັຍ​ຢູ່​ໃນ​ຣັດ​ສາ​ມາດ​ແຍກ​ກັກ​ກັນ​ຢູ່​ເຮືອນ​ຕົນ​ເອງ​ໄດ້​ຖ້າ​ມີ​ຄວາມ​ເໝາະ​ສົມ

ໂຮງ​ຮຽນ

ຫ້ອງ​ຮຽນ​ທຸກ​ແຫ່ງ​ໄດ້​ເຂົ້າ​ຄືນ, ແລະບັນ​ດາ​ນັກ​ຮຽນ​ທັງ​ໝົດ​ໄດ້​ໄປ​ເຂົ້າ​ໂຮ​ງ​ຮຽນ.  

ຂໍ້​ມູນ ເພີ່ມຕີມ: http://www.premier.tas.gov.au/releases/tasmanias_roadmap_to_recovery

ນໍເທີນເທຣິຕໍຣີ (Northern Territory)

ຂໍ້​ຈຳ​ກັດໃນ​ການ​ເຕົ້າ​ໂຮມກັນ

  • ບໍ່​ມີ​ກົດ​ເກນ​ຂໍ້​ຫ້າມ​ຈຳ​ກັດ​ໃນ​ NT, ແຕ່​ວ່າ​ປະ​ຊາ​ຊົນ​ໄດ້​ຖືກ​ຮຽກ​ຮ້ອງ​ໃຫ້​ເຄົາ​ຣົບ​ຕໍ່​ລະ​ບຽບການ​ຢູ່​ຫ່າງ​ກັນ 1.5 ແມັດ
  • ​ງານ​ແຕ່ງດອງ​ແລະ​ງານ​ຊາ​ປະ​ນະ​ກິ​ຈ​ສົ​ພ​ອະ​ນຸ​ຍາດ​ໃຫ້​ຈັດ​ໄດ້

​ທຸ​ຣະ​ກິດ​ຕ່າງໆ​ແລະ​ການ​ພັກ​ຜ່ອນ​ຢ່ອນ​ໃຈ

  • ການ​ອອກ​ແຮງ​ກາຍ, ການ​ເຕົ້າ​ໂຮມ​ໃນ​ທີ່​ໂລ່ງ​ແຈ້ງ, ການ​ລອຍ​ນ້ຳ, ຕຶກ​ປາ ແລະ ຂີ່​ເຮືອ​ອະ​ນຸ​ຍາດ​ໃຫ້​ເຮັດ​ໄດ້
  • ສວນຫຼິ້ນ​ສະ​ເກັດ, ສະ​ລອຍ​ນ້ຳ, ເດີ່ນຫຼິ້ນ​ແລະ ການ​ອອກ​ແຮງ​ກາຍ​ໃນ​ທີ່​ໂລ່ງ​ແຈ້ງ​ອະ​ນຸ​ຍາດ​ໃຫ້​ເປີດ​ໄດ້
  • ນັບ​ຈາກ​ເດືອນ​ພຶ​ສ​ພາ 15 ຮ້ານ​ກາ​ເຟ, ຮ້ານ​ອາ​ຫານ, ບາ​ຣ໌​ເຫຼົ້າ, ການ​ຝຶກ​ແອບ​ກິ​ລາ, ຕ​ລາດ​ໃນ​ຮົ່ມ, ສະ​ຖານ​ອອກ​ແຮງ​ກາຍ, ຫໍ​ສ​ມຸດ, ສ​ະ​ຖານ​ທີ່​ວາງ​ສະ​ແດງ ແລະ ຫໍ​ພິ​ພິ​ທ​ພັນ​ໄດ້​ຖືກ​ອະ​ນຸ​ຍາດ​ໃຫ້​ເປີດ​ໄດ້
  • ໃຫ້​ດຳ​ເນີນ​ກິ​ຈ​ກັມ​ການຫຼິ້ນ​ເກມ​ທີ່​ໄດ້​ຖືກ​ລົງ​ທະ​ບ​ຽນ​ໄດ້ ຮວມ​ເຖິງ TAB.
  • ກິ​ລາ​ເປັນ​ທິມ​ເຊັ່ນ ຟຸດ​ບອ​ລ, ບາ​ສ​ເກັດ​ບອ​ລ, ເຕະ​ບານແລະເນັດ​ບອ​ລ.
  • ໂຮງ​ພາ​ພະ​ຍົນຫຼື​ໂຮງ​ລະ​ຄອນ, ຫໍ​ສະ​ແດງຄອນ​ເສີດ, ຫໍ​ສະ​ແດງ​ດົນ​ຕ​ຣີ, ໂຮງ​ເຕັ້ນ​ລຳ, ໄນ​ຄ​ລັບ
  • ​ໄປ​ບາ​ຣ໌​ເຫຼົ້າ​ໂດຍບໍ່​ຕ້ອງ​ກິນ​ອາ​ຫານ​ພ້ອມ.
  • ບໍ​ຣິ​ການຕ່າງ​ໆ​ທີ່​ຖືກ​ຫ້າມໃນ​ເມື່ອ​ກ່ອນ ທີ່ ບ່ອນ​ປິ່ນ​ປົວເສີມ​ຄວາມ​ງາມ ແລະ/ຫຼື ​ບໍ​ຣິ​ການ​ຜ່າ​ຕັດ​ເສີມ​ຄວາມ​ງາມ
  • ບໍ​ຣິ​ການຕ່າງ​ໆ​ທີ່​ຖືກ​ຫ້າມໃນ​ເມື່ອ​ກ່ອນ ​ທີ່​ສະ​ຖານ​ທີ່​ສັກ​ລາຍຫຼື​ແຕ້ມ  ​ສິ​ລ​ປະ​ຕາມຮ່າງ​ກາຍ​ແລະ​ບໍ​ຣິ​ການ​ເຈາະ​ຕາມ​ພາກ​ສ່ວນ​ຮ່າງ​ກາຍ
  • ໄປ​ທ່ຽວ​ສວນ​ສ​ນຸກ, ສູນ​ຊູມ​ຊົນ, ສູນ​ພັກ​ຜ່ອນ​ຢ່ອນ​ໃຈຫຼື​ສູນ​ລະຫຼິ້ນ​ຕ່າງໆ.
  • ​ໄປ​ຮ່ວມ​ການ​ແຂ່ງ​ຂັນ​ໃນ​ຊຸມ​ຊົນ​ແລະ​ແຂ່ງ​ຂັນ​ກິ​ລາ​ໂດຍ​ມີ​ຜູ້​ຊົມ​ໃນ​ທີ່​ນັ່ງ​​ທີ່​ຈັດ​ໄວ້​ຕາມ​ທີ່​ໄດ້​ຮັບ​ອະ​ນຸ​ຍາດ.  ຖ້າ​ເກີນ 500 ຄົນ​ຂຶ້ນ​ໄປ ງານນັ້ນ​ຕ້ອງ​ມີ​ແຜນ​ການ​ປອດ​ໄພ​ຈາກ-COVID-19 ​ຊຶ່ງ​ໄດ້ຮັບ​ການ​ອະ​ນຸ​ຍາດ​ຕ່າງ​ຫາກ.
  • ບັນ​ດາທຸ​ຣະ​ກິດ, ສະ​ຖາ​ນ​ທີ່​ອຳ​ນວຍ​ຄວາມ​ສະ​ດວກ ແລະ ບໍ​ຣິ​ການ​ທັງ​ໝົດ​ທີ່​ໄດ້​ຖືກ​ກົດ​ເກນ​ຂໍ້​ຫ້າ​ມ​ໃນ​ເມື່ອ​ກ່ອນ ປັດ​ຈຸ​ບັນ​ສາ​ມາດ​ສືບ​ຕໍ່​ໄດ້ ໂດຍ​ການ​ຮັບ​ປະ​ກັນ​ວ່າ​ຕ້ອງ​ປະ​ຕິ​ບັດ​ຕາມຫຼັກການ​ທີ່​ສຳ​ຄັນ.
  • ​ການ​ຈັດ​ພິ​ທີ​ໃຫຍ່ໆ​ຈະ​ຖືກ​ອະ​ນຸ​ຍາດ​ຕາມ​ແຕ່​ລະກໍ​ຣະ​ນີ​ໄປ.

ຂໍ້​​ຈຳ​ກັດ​ໃນ​ການ​ເດີນ​ທາງ

ເຂດ​ແດນ​ທີ່​ຖືກ​ກຳ​ນົດ​ໃຫ້​ເປັນ​ເຂດ​ຮັກ​ສາ​ຊີ​ວະ​ພາບ ໄດ້​ຖືກ​ຍົກ​ເລີກ. ນອກ​ຈາກວ່າ​ຕ້ອງ​ປິດ​ຕາມ​ລະ​ດູ​ການ​ທີ່​ເຄີຍ​ປິດມາ​ກ່ອນ, ສວນ​ແລະ​ເຂດ​ປ່າ​ສງວນ​ຈະ​ໄດ້​ເປີດ​ແລະ​ໃຫ້​ຄົນ​ທີ່​ຢູ່​ໃນ​ເຂດ​ປົກ​ຄອງ​ພິ​ເສດ​ເຂົ້າ​ໄປ​ຊົມ​ໃຊ້​ໄດ້. 

ເງື່ອນ​ໄຂ​ແລະ​ການ​ເຂົ້າ​ໄປ​ໃນ​ສວນ​ຕ່າງໆ​ໃນ Northern Territory (NT) ອາດ​ຈະ​ຖືກ​ປ່ຽນ​ແປງ​ໂດຍ​ການ​ເຕືອນ​ໃນລະ​ຍະ​ສັ້ນ. ​ຂໍ​ໃຫ້​ກວດ​ເບິ່ງ​ເວັບ​ໄຊ້​ຂ້າງ​ລຸ່ມນີ້​ກ່ອນ​ໄປ​ຢ້ຽມ​ຢາມ: 

ກົດ​ເກນໃໝ່​ໃນ​ການ​ແຍກ​ກັກ​ກັນ-​ຕົນ​ເອງ

ເຂດ​ປົກ​ຄອງ​ພິ​ເສດ Northern Territory (NT) ໄດ້​ປ່ຽນ​ຈາກ​ການ​ໃຫ້​ແຍກ​ກັກ​ກັນ-​ຕົນ​ເອງແບບ​ບັງ​ຄັບ​ເປັນ​ເວ​ລາ 14 ມື້​ພາຍ​ໃຕ້​ການ​ຕິດ​ຕາມກວດ​ຂັນ​ມາ​ເປັນ​ກ​ານ​ກັກ​ກັນ-​ຕົນ​ເອງ​ແບບ​ບັງ​ຄັບເປັນ​ເວ​ລາ 14 ມື້​ຢູ່​ໃນ​ເຮືອນ​ຕົນ​ເອງ; ໃນ​​ທີ່​ຢູ່ສ່ວນ​ຕົວ; ຫຼື​ໃນ​ທີ່​ຢູ່​ແບບ​​ເສັຍ​​ເງິນ​ທີ່​ເໝາະ​ສົມ​ໂດຍ​ຕ້ອງ​ຈ່າຍ​ເອງ. ໃຫ້​ກວດ​ເບິ່ງ​ກົດ​ເກນ​ຂໍ້​ແນະ​ນຳ​ ທີ່ນີ້: https://coronavirus.nt.gov.au/__data/assets/pdf_file/0013/889987/self-quarantine-guidelines.pdf 

ຜູ້​ທີ່​ມາ​ຈາກ​ຕ່າງ​ປະ​ເທດ​ຍັງ​ຈະ​ຕ້ອງ​ໄດ້​ເຮັດ​ການ​ກັກ​ກັນ​ແບບ​ບັງ​ຄັບເປັນ​ລະ​ຍະ​ເວ​ລາ 14 ມື້​ຢູ່​ໃນ​ສະ​ຖານ​ທີ່​ພັກ​ເຊົາ​ທີ່​ເສັຍ​ເງິນ​ໂດຍ​ຕ້ອງ​ຈ່າຍ​ເອງ, ເນື່ອງ​ຈາກວ່າ​ມີ​ຄວາມ​ສ່ຽງ​ສູງ​ຂຶ້ນ​ຈາກ​ການ​ເດີນ​ທາງມາ​ຈາກ​ຕ່າງ​ປ​ະ​ເທດ.

ໂຮງ​ຮຽນ

  • ນັບ​ຈາກວັນ​ທີ 20 ເມ​ສາ 2020, ບັນ​ດາ​ນັກ​ຮຽນ​ທຸກ​ຄົ​ນ​ໃນ  Northern Territory ຖືກ​ຄາດ​ຫວັງ​ໃຫ້​ກັບ​ໄປ​ເຂົ້າ​​ຮຽນ​ໂດຍ​ມີ​ໜ້າ​ຢູ່​ທີ່​ໂຮງ​ຮຽນ
  • ໃນ​ກໍ​ຣະ​ນີ​ທີ່​ຄອບ​ຄົວ​ເລືອກ​ທີ່​ຈະ​ບໍ່​ສົ່ງ​ລູກ​ໄປ​ໂຮງ​ຮຽນ. ເດັກ​ນ້ອຍ​ຕ້ອງ​ໄດ້​ຮຽນ​ຢູ່​ເຮືອນ

ຂໍ້​ມູນ​ເພີ່ມ​ເຕີມ​ກ່ຽວ​ກັບ​ຂໍ້​ມູນ ​ເຣື່ອງໂຮງ​ຮຽນ​ທີ່ Northern Territory: https://education.nt.gov.au/publications/information-for-term-2-2020?SQ_VARIATION_814972=0
ເສັ້ນ​ທາງ​ຂອງ NT: https://coronavirus.nt.gov.au/steps-to-restart/roadmap-new-normal

ຄຳ​ຖາມ​ທີ່​ຖືກ​ຖາມ​ເລື້ອຍໆ:​https://coronavirus.nt.gov.au/__data/assets/pdf_file/0007/819106/roadmap-faqs.pdf

ເອຊີທີ (Australian Capital Territory)

ຂໍ້​ຈຳ​ກັດ​ໃນ​ການ​ເຕົ້າ​ໂຮມ​ກັນ

  • ບໍ່​ມີ​ການ​ຈຳ​ກັດ​ໃນ​ການ​ໄປ​ຢ້ຽມ​ຢາມ​ກັນ​ຢູ່​ເຮືອນ.
  • ການ​ເຕົ້າ​ໂຮມ​ໃນ​ທີ່​ສາ​ທາ​ຣະ​ນະ​ທຸກ​ແຫ່ງ​ແມ່ນ​ອະ​ນຸ​ຍາດ​ໃຫ້​ໄດ້​ສູງ​ສຸດຮອດ 100 ​ຄົນ (1 ຄົນ​ຕໍ່ 4 ແມັດ​ມົນ​ທົນສຳ​ລັບ​ບ່ອນ​ໃນ​ຮົ່ມ​ແລະ​ໃນ​ທີ່​ໂລ່ງ​ແຈ້ງ), ຮວ​ມ​ທັງ ງານ​ຊາ​ປານະ​ກິ​ຈ​ສົ​ພ.

ຂໍ້​ມູນ​ເພີ່ມ​ເຕີມ​ກ່ຽວ​ກັບ​ການ ເຕົ້າ​ໂຮມ ກັນ: https://www.covid19.act.gov.au/protecting-yourself-and-others/groups-and-gatherings

ການ​ເດີນ​ທາງ 

ນັບ​ຈາກວັນ​ທີ  1 ມິ​ຖູ​ນາ 2020 ຄົນ​ທີ່​ອາ​ສັຍ​ຢູ່​ແຄນ​ເບີ​ຣາ​ຖືກ​ອະ​ນຸ​ຍາດ​ໃຫ້​ໄປ​ ທ່ອງ​ທ່ຽວ​ຮໍ​ລີ​ເດ​ໃນຣັດ NSW ໄດ້. 

ທຸ​ຣະ​ກິດ​ຕ່າງໆ​ແລະ​ການ​ພັກ​ຜ່ອນ​ຢ່ອນ​ໃຈ

ສຳ​ລັບ​ຂ​ແນງ​ບໍ​ຣິ​ການ (ຮ້ານ​ກາ​ເຟ, ຮ້ານ​ອາ​ຫານ, ບາ​ຣ໌​ຂາຍ​ເຫຼົ້​າ, ຜັບ​ແລະຄ​ລັບ) ການ​ເຕົ້າ​ໂຮມ​ຈະ​ໄດ້​ຖືກ​ອະ​ນຸ​ຍາດ​ໃຫ້ ຮັບ​ແຂກ​ໄດ້ 100 ຄົນ​ສຳ​ລັບ​ບ່ອນ​ໃນ​ຮົ່ມ​ແລະ​ໃນ​ທີ່​ໂລ່ງ​ແຈ້ງ, ຫຼື

  • ນຶ່ງ​ຄົນ​ຕໍ່ 4 ແມັດ​ມົນ​ທົນ, ​ອັນ​ໃດ​ກໍ​ໄດ້​ທີ່​ຈຳ​ນວນນ້ອຍ​ກວ່າ.  ​ການ​ຈຳ​ກັດ​ນີ້ບໍ່​ນັບເອົາ​ຈຳ​ນວນ​ພະ​ນັກ​ງານ.
  • ​ບາ​ຣ໌​ຂາຍ​ເຫຼົ້າ, ຜັບ, ແລະ ຄ​ລັບ ສາ​ມາດ​ເສີບ​ເຫຼົ້າ​ໃຫ້​ແຂກ​ເປັນ​ກຸ່ມ​ໄດ້​ຮອດກຸ່ມ​ລະ 10ຄົນ​ຕໍ່​ການ​ຈອງ​ຄັ້ງ​ນຶ່ງຫຼື​ໂຕະ​ນຶ່ງໂດຍບໍ່​ຕ້ອງ​ເສີບ​ອາ​ຫານ​ພ້ອມ. 
  • ການ​ຝຶກ​ແບບ​ຈັບ​ຕ້ອງ​ຮ່າງ​ກາຍ​-ແບບ​ເຕັມ ສຳ​ລັບ​ກິ​ລາ, ເຕັ້ນ​ລຳ ແລະ ສິ​ລ​ປະ​ ມວຍ ໃນ​ປັດ​ຈຸ​ບັນ​ໄດ້​ຖືກ​ອະ​ນຸ​ຍາດ​ແລ້ວ.
  • ສະ​ຖານ​ທີ່​ດັ່ງ​ກ່າວ​ຂ້າງ​ລຸ່ມນີ້​ສາ​ມາດ​ເປີດ​ໄດ້, ໂດຍ​ການ​ປະ​ຕິ​ບັດ​ຕາມ​ກົດ​ລະ​ບຽບ​ນຶ່ງ​ຄົນ​ຕໍ່ 4ແມັດ​ມົນ​ທົນ ສຳ​ລັບ​ຮອດ 100 ຄົນ (ຮວມ​ທັງ​ພະ​ນັກ​ງານ):
  • ສະ​ຖານ​ທີ່​ກາບ​ໄຫວ້​ບູ​ຊາ​ແລະ​ພິ​ທີ​ທາງ​ສາ​ສ​ນາ.
  • ໂຮງ​ພາ​ພະ​ຍົນ​ແລະ​ໂຮງ​ໜັງ
  • ​ສວນ​ສ​ນຸກ​ໃນ​ຮົ່ມ​ແລະ​ໃນ​ທີ່​ໂລ່ງ​ແຈ້ງ, ບ່ອນຫຼິ້ນ​ເກມ, ແລະ ສູນ​ລະຫຼິ້ນ​ຕ່າງໆ
  • ສະ​ຖານ​ທີ່​ອອກ​ແຮງ​ກາຍ, ຄ​ລັບ​ສຸ​ຂ​ພາບ, ສ​ະ​ຖານ​ທີ່​ຟິດ​ຮ່າງ​ກາຍ, ບ່ອນ​ເຕັ້ນ​ລຳ
  • ສະ​ລອຍນ້ຳ
  • ກິ​ລາ​ຊຸມ​ຊົນ​ແລະ​ກິ​ຈ​ກັມ​ກິ​ລາ​ທີ່​ຈັດ​ຂຶ້ນ
  • ກຸ່ມ​ຮ້ອງ​ເພງ​ປະ​ສານ​ສຽງ, ວົງ​ດົນ​ຕ​ຣີ​ແລະ​ວົງ​ດຸ​ຣິ​ຍາງ
  • ບໍ​ຣິ​ການ​ສ່ວນ​ຕົວ (ເຊັ່ນ​ຮ້ານ​ເສີມ​ຄວາມ​ງາມ​ແລະ​ແຕ່ງ​ເລັບ, ບ່ອນ​ສັກ​ລາຍ, ຮ້ານນວດ, ຯ​ລຯ.)
  • ສວນ​ຈອດ​ຣົດ​ຄາ​ຣາ​ວານ, ເດີ່ນ​ຕັ້ງ​ແຄ້ມ ແລະ ເຂດ​ໃຫ້​ຕັ້ງ​ແຄ້ມ

ການ​ສຶກ​ສາ 

  • ຫ້ອງ​ຮຽນ​ທຸກ​ຫ້ອງ​ໃນ​ໂຮງ​ຮຽນຫຼວງ​ໄດ້​ກັບ​ຄືນ​ໄປ​ຮຽນ​ແບບ​ຢູ່​ໃນ​ວິ​ທ​ຍາ​ເຂດ.  
  • ACT ແມ່ນ​ຣັດ​ທຳ​ອິດ​ໃນ​ການ​ສ​ເນີ​ ໃຫ້​ນັກ​ຮຽນ​ຕ່າງ​ປະ​ເທດ​ກັບຄືນ​ມາ​ຮຽນ​ໃນ​ເດືອນ​ກໍ​ຣະ​ກະ​ດາ 2020, ໂດຍ​ສອດ​ຄ່ອງ​ກັບ​ວາ​ຣະ​ການ​ກັບ​ມາ​ຂອ​ງ​ບັນ​ດາ​ນັກ​ຮຽນ​ຕ່າງ​ປະ​ເທດ​ທີ່​ທາງ​ຣັ​ຖ​ບານ​ກາງ​ບົ່ງ​ໄວ້. 

ຂໍ້​ມູນ ເພີ່ມເຕີມ: https://www.covid19.act.gov.au/updates

…………………………………………………………………………..

ປະ​ຊາ​ຊົນ​ໃນ​ປະ​ເທດອອ​ສ​ເຕ​ຣ​ເລັຍ​ຕ້ອງ​ຢູ່​ຫ່າງຈາກ​ຄົນ​ອື່ນ​ຢ່າງ​ນ້ອຍ 1.5 ແມັດ. ໃຫ້​ກວດ​ເບິ່ງ​ກົດ​ເກນ​ຂໍ້​ບັງ​ຄັບ​ຂອງ​ຣັດ​ຂອງ​ທ່ານ​ກ່ຽວ​ກັບ​ການ​ຈຳ​ກັດ​ການ​ເຕົ້າ​ໂຮມ​ກັນ.  

ຖ້າ​ທ່ານ​ຮູ້​ສຶກວ່າ​ມີ​ອາ​ການ​ເປັນ​ຫວັດຫຼື​ໄຂ້​ຫວັດ​ໃຫຍ່, ໃຫ້​ຢູ່​ເຮືອນ​ແລະ​ຈັດ​ການ​ເຣື່ອງ​ໄປ​ກວດ​ໂດຍ​ໂທ​ຣະ​ສັບ​ຫາ​ທ່ານ​ໝໍ​ຂອງ​ທ່ານຫຼື​ຕິດ​ຕໍ່​ຫາ​ສາຍ​ດ່ວນ​ຂໍ້​ມູນ​ສຸ​ຂ​ະ​ພາບ​ໂຄ​ໂຣ​ນາ​ໄວ​ຣັ​ສ ທີ່​ເລກ​ໂທ 1800 020 080.

ມີຂ່າວ ແລະ ຂໍ້ມູນໄວ້ບໍຣິການ ​ເປັນທັ​ງ​ໝົດ 63 ພາສາ ຢູ່ sbs.com.au/coronavirus