Coming Up Mon 9:00 PM  AEDT
Coming Up Live in 
Live
Punjabi radio

64-ਸਾਲਾ ਜੀਤ ਸਿੰਘ ਨੇ ਗੱਡੀ ਜਿੱਤ ਦੀ ਝੰਡੀ, ਵਿਕਟੋਰੀਅਨ ਚੈਂਪੀਅਨਸ਼ਿਪ ਵਿੱਚ ਸੋਨ ਤਮਗਾ ਤੇ ਲੀਗ ਵਿੱਚ ਸਭ ਤੋਂ ਅੱਗੇ

Jeet Singh won gold medal at Victorian Country Championship, Ballarat. Source: Supplied

ਮੈਲਬੌਰਨ ਦੇ ਵਸਨੀਕ ਜੀਤ ਸਿੰਘ ਨੇ ਬੇਲਾਰਟ ਵਿੱਚ ਹੋਈ ਵਿਕਟੋਰੀਅਨ ਕੰਟਰੀ ਚੈਂਪੀਅਨਸ਼ਿਪ ਦੌਰਾਨ 100 ਮੀਟਰ ਦੌੜ ਵਿਚ ਸੋਨ ਤਗਮਾ ਜਿੱਤਿਆ ਹੈ। ਆਪਣੀ ਇਸ ਪ੍ਰਾਪਤੀ ਅਤੇ ਹੋਰ ਖੇਡਾਂ ਵਿੱਚ ਵੀ ਹਜ਼ਾਰਾਂ ਪੁਆਇੰਟ ਹਾਸਿਲ ਕਰਦਿਆਂ ਹੁਣ ਉਹ ਸਥਾਨਿਕ ਲੀਗ ਦੇ ਪੰਜ ਰਾਉਂਡ ਖਤਮ ਹੋਣ ਪਿੱਛੋਂ ਚੋਟੀ ਦੇ ਸਥਾਨ ਉੱਤੇ ਬਣੇ ਹੋਏ ਹਨ।

64-ਸਾਲਾ ਅਥਲੀਟ ਜੀਤ ਸਿੰਘ ਨੇ 22 ਤੋਂ 24 ਜਨਵਰੀ ਤੱਕ ਹੋਈ ਬੈਲਾਰਟ ਚੈਂਪੀਅਨਸ਼ਿਪ ਵਿੱਚ ਵਿਕਟੋਰੀਅਨ ਮਾਸਟਰਜ਼ ਅਥਲੈਟਿਕਸ (ਵੀਐਮਏ) ਕਲੱਬ ਵੱਲੋਂ ਭਾਗ ਲੈਂਦਿਆਂ ਕਈ ਖੇਡਾਂ ਵਿੱਚ ਹਿੱਸਾ ਲਿਆ। 

ਉਨ੍ਹਾਂ 13.34 ਸੈਕਿੰਡ ਵਿੱਚ 100 ਮੀਟਰ ਰੇਸ ਮੁਕੰਮਲ ਕਰਦਿਆਂ 60 ਸਾਲ ਤੋਂ ਜ਼ਿਆਦਾ ਉਮਰ ਦੇ ਵਰਗ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ।

100 ਮੀਟਰ ਦਾ ਸੋਨ ਤਗ਼ਮਾ ਜਿੱਤਣ ਪਿੱਛੋਂ ਉਨ੍ਹਾਂ ਐਸ ਬੀ ਐਸ ਪੰਜਾਬੀ ਨਾਲ਼ ਗੱਲ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਆਪਣੀ ਇਸ ਪ੍ਰਾਪਤੀ ’ਤੇ ਬਹੁਤ ਮਾਣ ਹੈ।

ਉਨ੍ਹਾਂ ਕਿਹਾ, “ਇਹ ਮੇਰੇ ਖੇਡ ਕਰੀਅਰ ਦਾ ਇੱਕ ਵੱਡਾ ਪਲ ਹੈ। ਆਸਟ੍ਰੇਲੀਆ ਵਿੱਚ ਵਿਕਟਰੀ ਸਟੈਂਡ ਉੱਤੇ ਖੜ੍ਹਕੇ ਸੋਨ ਤਗਮਾ ਪਵਾਉਣਾ ਮੇਰੇ ਲਈ ਇੱਕ ਵੱਡੇ ਮਾਣ ਵਾਲ਼ੀ ਗੱਲ ਹੈ। ਮੈਨੂੰ ਖੁਸ਼ੀ ਹੈ ਕਿ ਮੇਰੀ ਮਿਹਨਤ ਅਤੇ ਅਥਲੈਟਿਕਸ ਪ੍ਰਤੀ ਜਨੂੰਨ ਇਸ ਇਨਾਮ ਵਿਚ ਤਬਦੀਲ ਹੋਇਆ ਹੈ।”

Veteran Indian athlete Jeet Singh at the Casey Fields Athletic Centre, Melbourne.
Veteran Indian athlete Jeet Singh at the Casey Fields Athletic Centre, Melbourne.
Supplied

ਜੀਤ ਸਿੰਘ ਨੇ ਪਿਛਲੇ ਕੁਝ ਮਹੀਨਿਆਂ ਵਿੱਚ ਵਿਕਟੋਰੀਆ ਵਿੱਚ ਆਯੋਜਿਤ ਵੱਖ-ਵੱਖ ਟ੍ਰੈਕ ਅਤੇ ਫੀਲਡ ਖੇਡਾਂ ਵਿੱਚ ਹਿੱਸਾ ਲਿਆ ਅਤੇ ਹੁਣ ਪੰਜ ਗੇੜ ਬਾਅਦ ਸਟੇਟ ਅਥਲੈਟਿਕ ਲੀਗ ਦੇ ਟੇਬਲ ਵਿੱਚ ਵੀ ਚੋਟੀ ਦੇ ਸਥਾਨ ਉੱਤੇ ਬਣੇ ਹੋਏ ਹਨ।

"100 ਅਤੇ 200 ਮੀਟਰ ਦੀ ਦੌੜ ਤੋਂ ਇਲਾਵਾ, ਮੈਂ ਜੈਵਲਿਨ ਥ੍ਰੋ, ਸ਼ਾਟਪੁੱਟ ਅਤੇ ਲੰਬੀ ਛਾਲ ਮੁਕਾਬਲਿਆਂ ਵਿੱਚ ਵੀ ਭਾਗ ਲੈਂਦਾ ਹਾਂ। ਮੇਰੇ ਹੁਣ ਤੱਕ ਦੇ ਟਰੈਕ ਰਿਕਾਰਡ ਨੇ ਇਸ ਸਟੇਟ ਲੀਗ ਵਿੱਚ ਸਿਖਰ 'ਤੇ ਪਹੁੰਚਣ ਵਿੱਚ ਮਦਦ ਕੀਤੀ ਹੈ।"

ਜੀਤ ਸਿੰਘ ਜੋ ਮੈਲਬੌਰਨ ਦੇ ਦੱਖਣ-ਪੂਰਬ ਵਿੱਚ ਕ੍ਰੈਨਬਰਨ ਇਲਾਕੇ ਵਿੱਚ ਰਹਿੰਦੇ ਹਨ, ਨੂੰ ਅਕਸਰ ਕੇਸੀ ਫੀਲਡਜ਼ ਅਥਲੈਟਿਕ ਸੈਂਟਰ ਵਿਖੇ ਅਭਿਆਸ ਕਰਦਿਆਂ ਦੇਖਿਆ ਜਾ ਸਕਦਾ ਹੈ।

ਇਸ ਅਭਿਆਸ ਵਿੱਚ ਉਨ੍ਹਾਂ ਦੇ ਸਾਥੀ ਦੌੜਾਕ ਅਤੇ ਵੀਐੱਮਏ ਕਲੱਬ ਦੇ ਮੈਂਬਰ ਕੁਲਦੀਪ ਸਿੰਘ ਔਲਖ ਨੇ ਕਿਹਾ ਕਿ ਸ੍ਰੀ ਸਿੰਘ ਆਪਣੀ ਉਮਰ-ਵਰਗ ਦੇ ਲੋਕਾਂ ਲਈ ਪ੍ਰੇਰਣਾ ਸਰੋਤ ਹਨ।

“ਉਹ ਇੱਕ ਬੇਹਤਰੀਨ ਅਤੇ ਮੇਹਨਤੀ ਖਿਡਾਰੀ ਹਨ। ਆਪਣੀ ਇਸ ਜਿੱਤ ਅਤੇ ਸਥਾਨਕ ਭਾਈਚਾਰੇ ਦੀ ਮਿਲੀ ਸ਼ਾਬਾਸ਼ੇ ਸਦਕੇ ਉਹ ਹੁਣ ਇਸਤੋਂ ਵੀ ਬੇਹਤਰ ਕਰਨ ਲਈ ਤਿਆਰ ਹਨ।

"ਸਾਨੂੰ ਉਨ੍ਹਾਂ ਦੀਆਂ ਖੇਡ ਪ੍ਰਾਪਤੀਆਂ ‘ਤੇ ਬਹੁਤ ਮਾਣ ਹੈ। ਅਸੀਂ ਉਨ੍ਹਾਂ ਨੂੰ ਇਸ ਜਿੱਤ ਉੱਤੇ ਵਧਾਈ ਦਿੰਦੇ ਹਾਂ," ਸ੍ਰੀ ਔਲਖ ਨੇ ਕਿਹਾ।

Jeet Singh and Kuldeep Singh Aulakh.
Jeet Singh and Kuldeep Singh Aulakh.

ਜੀਤ ਸਿੰਘ ਪੰਜਾਬ ਦੇ ਮੋਹਾਲੀ ਜਿਲੇ ਦੇ ਰਹਿਣ ਵਾਲ਼ੇ ਹਨ ਅਤੇ ਉਹ ਸੂਬਾ ਚੈਂਪੀਅਨ ਹੋਣ ਦੇ ਨਾਲ਼-ਨਾਲ਼ ਭਾਰਤ ਵਿੱਚ 4X100 ਮੀਟਰ ਰਿਲੇਅ ਦੌੜ ਦੇ ਸੋਨ ਤਗਮਾ ਜੇਤੂ ਵੀ ਹਨ।

ਹੁਣ ਉਨ੍ਹਾਂ ਦਾ ਧਿਆਨ ਆਸਟ੍ਰੇਲੀਆ ਵਿੱਚ ਕੌਮੀ ਪੱਧਰ ਉੱਤੇ ਨਾਮਣਾ ਖੱਟਣ ਵੱਲ ਹੋਵੇਗਾ।

ਇਸ ਸਬੰਧੀ ਹੋਰ ਵੇਰਵੇ ਜਾਨਣ ਲਈ ਜੀਤ ਸਿੰਘ ਨਾਲ਼ ਕੀਤੀ ਇਹ ਆਡੀਓ ਇੰਟਰਵਿਊ ਸੁਣੋ:

64-year-old Jeet Singh wins gold at Victorian Country Championship, claims top spot in Athletic League
00:00 00:00
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
64-ਸਾਲਾ ਜੀਤ ਸਿੰਘ ਨੇ ਗੱਡੀ ਜਿੱਤ ਦੀ ਝੰਡੀ, ਵਿਕਟੋਰੀਅਨ ਚੈਂਪੀਅਨਸ਼ਿਪ ਵਿੱਚ ਸੋਨ ਤਮਗਾ ਤੇ ਲੀਗ ਵਿੱਚ ਸਭ ਤੋਂ ਅੱਗੇ 28/01/2021 06:15 ...
SBS Punjabi Australia News: Friday 3 Dec 2021 03/12/2021 11:50 ...
'83' is not just a movie, but a tribute to the iconic moment in cricket history, says Ranveer Singh 03/12/2021 05:00 ...
India Diary: Akali Dal leader Manjinder Singh Sirsa joins BJP, resigns as Delhi gurdwara body chief 03/12/2021 08:15 ...
'The evolution of a cricket fan': Professor explores his immigrant journey through the sport 03/12/2021 11:10 ...
ਸੰਯੁਕਤ ਰਾਜ ਵਿੱਚ ਐਚ ਆਈ ਵੀ ਦੀ ਖੋਜ ਹੋਣ ਤੋਂ 40 ਸਾਲ ਬਾਅਦ ਦੇ ਹਾਲਾਤ 03/12/2021 08:00 ...
SBS Punjabi Australia News: Thursday 2 Dec 2021 02/12/2021 10:54 ...
Report reveals in children growing up in Australia at a financial, economic, and linguistic disadvantage 02/12/2021 07:50 ...
SBS Punjabi Australia News: Wednesday 1st Dec 2021 01/12/2021 10:00 ...
Canberra's workplace culture revealed in new report 01/12/2021 07:33 ...
View More