Coming Up Tue 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

'ਖਰੀਦੋ ਹੁਣ ਤੇ ਭੁਗਤਾਨ ਬਾਅਦ ਵਿੱਚ ਕਰੋ' ਯੋਜਨਾਵਾਂ ਦੇ ਲੁਕਵੇਂ ਵਿੱਤੀ ਨੁਕਸਾਨ

In 2018-19, buy now, pay later providers earned $43 million in revenue from late payment charges. Source: Getty Images

'ਹੁਣ ਖਰੀਦੋ ਅਤੇ ਬਾਅਦ ਵਿੱਚ ਭੁਗਤਾਨ ਕਰੋ' ਯੋਜਨਾਵਾਂ ਆਸਟ੍ਰੇਲੀਆ ਵਿੱਚ ਖਰੀਦਦਾਰਾਂ ਦਰਮਿਆਨ ਤੇਜ਼ੀ ਨਾਲ ਮਸ਼ਹੂਰ ਹੋ ਰਹੀਆਂ ਹਨ ਅਤੇ 2018-19 ਵਿੱਚ ਖਰੀਦਾਰੀ ਦਾ ਕੁਲ ਅੰਕੜਾ 5.6 ਅਰਬ ਡਾਲਰ ਤੋਂ ਵੀ ਵੱਧ ਹੋ ਗਿਆ ਹੈ। ਪਰ ਇਸ ਨਾਲ਼ ਇਹ ਚਿੰਤਾਵਾਂ ਵੀ ਵਧ ਰਹੀਆਂ ਹਨ ਕਿ ਇੱਕੋ ਸਮੇਂ 'ਤੇ ਵਧੇਰੇ ਖਰੀਦਾਰੀ ਕਰਨ ਵਾਲੇ ਆਪਣੇ ਲੋਕ ਕਰਜ਼ੇ ਦੇ ਪ੍ਰਬੰਧਨ ਦਾ ਨਿਯੰਤਰਣ ਗੁਆ ਸਕਦੇ ਹਨ ਅਤੇ ਵਿੱਤੀ ਤੰਗੀ ਵਿੱਚ ਫਸ ਸਕਦੇ ਹਨ।

 

ਬਹੁਤੇ ਕਾਗਜਾਂ 'ਤੇ ਦਸਤਖਤ ਕੀਤੇ ਬਗੈਰ ਜੀਨਸ ਦੀ ਜੋੜੀ ਜਾਂ ਸਮਾਰਟਵਾਚ ਵਰਗੀਆਂ ਚੀਜ਼ਾਂ 'ਤੇ ਵਿਆਜ ਮੁਕਤ ਹਫਤਾਵਾਰੀ ਜਾਂ ਮਹੀਨਾਵਾਰ ਅਦਾਇਗੀ ਕਾਫੀ ਪ੍ਰਸਿੱਧ ਹੋ ਰਹੀ ਹੈ।

ਆਸਟ੍ਰੇਲੀਅਨ ਸਿਕਉਰਟੀਜ਼ ਐਂਡ ਇਨਵੈਸਟਮੈਂਟ ਕਮਿਸ਼ਨ ਦੇ ਅਨੁਸਾਰ, ਆਸਟ੍ਰੇਲੀਆ ਵਿੱਚ ਖਪਤਕਾਰਾਂ ਨੇ 2018-19 ਵਿੱਚ 'ਬਾਇ ਨਾਓ ਪੇਅ ਲੇਟਰ' ਪ੍ਰਦਾਤਾਵਾਂ ਦੁਆਰਾ 5.6 ਬਿਲੀਅਨ ਡਾਲਰ ਤੋਂ ਵੱਧ ਖਰਚ ਕੀਤੇ, ਅਤੇ ਲਗਭਗ 25 ਮਿਲੀਅਨ ਲੋਕਾਂ ਦੀ ਵੱਸੋਂ ਵਾਲੇ ਆਸਟ੍ਰੇਲੀਆ ਵਿੱਚ ਸਰਗਰਮ ਖਾਤਿਆਂ ਦੀ ਗਿਣਤੀ 6 ਮਿਲੀਅਨ ਤੋਂ ਵੀ ਵੱਧ ਹੋ ਗਈ।

ਫਿਓਨਾ ਗਥਰੀ ਵਿੱਤੀ ਕਾਊਂਸਲਿੰਗ ਆਸਟ੍ਰੇਲੀਆ ਦੀ ਸੀਈਓ ਹੈ ਅਤੇ ਇਨ੍ਹਾਂ ਸੇਵਾਵਾਂ ਬਾਰੇ ਨਿਯਮਾਂ ਦੀ ਵਕਾਲਤ ਕਰ ਰਹੀ ਹੈ।

ਹਾਲਾਂਕਿ ਵਿਆਜ ਰਹਿਤ ਕਿਸ਼ਤਾਂ ਖਰੀਦਦਾਰਾਂ ਲਈ ਕਾਫ਼ੀ ਆਕਰਸ਼ਕ ਹੁੰਦੀਆਂ ਹਨ, ਪਰ ਉਹਨਾਂ ਦੇ ਭੁਗਤਾਨ ਵਿੱਚ ਦੇਰੀ ਹੋਣ 'ਤੇ ਖਰੀਦਦਾਰਾਂ ਕੋਲੋਂ ਭਾਰੀ ਫੀਸਾਂ ਲਈਆਂ ਜਾਂਦੀਆਂ ਹਨ।

ਨਵੰਬਰ 2020 ਵਿੱਚ ਜਾਰੀ ਕੀਤੀ ਗਈ ਇੱਕ ਰਿਪੋਰਟ ਦੇ ਅਨੁਸਾਰ, ਪਿਛਲੇ 12 ਮਹੀਨਿਆਂ ਵਿੱਚ 21 ਪ੍ਰਤੀਸ਼ਤ ਲੋਕ ਭੁਗਤਾਨ ਕਰਨ ਤੋਂ ਖੁੰਝ ਗਏ ਉਨ੍ਹਾਂ ਨੂੰ ਦੇਰੀ ਦੀਆਂ ਫੀਸਾਂ ਅਦਾ ਕਰਨੀਆਂ ਪਾਈਆਂ।

ਡੈਬ ਸ਼ਰੂਟ ਰਾਸ਼ਟਰੀ ਕਰਜ਼ਾ ਹੈਲਪਲਾਈਨ ਨਾਲ ਇੱਕ ਕੈਨਬਰਾ-ਅਧਾਰਤ ਵਿੱਤੀ ਸਲਾਹਕਾਰ ਹੈ। ਉਹ ਕਹਿੰਦੀ ਹੈ ਕਿ 'ਬਾਇ ਨਾਓ ਪੇਅ ਲੇਟਰ' ਪ੍ਰਦਾਤਾਵਾਂ ਦੀਆਂ ਵੱਖੋ-ਵੱਖਰੀਆਂ ਸ਼ਰਤਾਂ ਹੁੰਦੀਆਂ ਹਨ।

ਵਿੱਤੀ ਕਾਊਂਸਲਿੰਗ ਆਸਟ੍ਰੇਲੀਆ ਤੋਂ ਫਿਓਨਾ ਗਥਰੀ ਕਹਿੰਦੀ ਹੈ ਕਿ ਇੱਕ ਧਿਆਨ ਰੱਖਣ ਯੋਗ ਗੱਲ ਇਹ ਵੀ ਹੈ ਕਿ ਤੁਸੀਂ ਆਪਣੇ ਉੱਤੇ ਸਮੁੱਚੇ ਵਿੱਤੀ ਪ੍ਰਭਾਵ ਨੂੰ ਵਿਚਾਰੇ ਬਗੈਰ ਉਸ ਨਾਲੋਂ ਵੱਧ ਖਰਚ ਕਰ ਸਕਦੇ ਹੋ।

ਵਿੱਤੀ ਸਲਾਹਕਾਰ ਡੈਬ ਸ਼ਰੂਟ ਦਾ ਕਹਿਣਾ ਹੈ ਕਿ ਉਹ ਲੋਕ ਜੋ ਹੁਣ ਖਰੀਦ ਦੇ ਅਧੀਨ ਕਈ ਅਦਾਇਗੀਆਂ ਕਰਨ ਲਈ ਵਚਨਬੱਧ ਹਨ, ਬਾਅਦ ਵਿੱਚ ਭੁਗਤਾਨ ਕਰਨ 'ਤੇ ਆਪਣੇ ਆਪ ਨੂੰ ਮਕਾਨ ਜਾਂ ਕਾਰ ਲਈ ਬੈਂਕ ਲੋਨ ਸੁਰੱਖਿਅਤ ਕਰਨ ਵਿੱਚ ਅਸਮਰਥ ਹੋ ਸਕਦੇ ਹਨ।

ਕ੍ਰਿਸਟੀ ਰੌਬਸਨ ਨੈਸ਼ਨਲ ਕਰਜ਼ਾ ਹੈਲਪਲਾਈਨ ਦੀ ਵਿੱਤੀ ਸਲਾਹਕਾਰ ਹੈ। ਉਹ ਕਹਿੰਦੀ ਹੈ ਕਿ 'ਬਾਇ ਨਾਓ ਪੇਅ ਲੇਟਰ' ਦੇ ਖਪਤਕਾਰਾਂ ਕੋਲ ਉਹ ਸੁਰੱਖਿਆ ਨਹੀਂ ਹੈ ਜੋ ਉਨ੍ਹਾਂ ਕੋਲ ਹੋਣੀ ਚਾਹੀਦੀ ਹੈ।

ਆਸਟ੍ਰੇਲੀਅਨ ਸਿਕਉਰਟੀਜ਼ ਐਂਡ ਇਨਵੈਸਟਮੈਂਟ ਕਮਿਸ਼ਨ ਦੀ ਰਿਪੋਰਟ ਨੇ ਪਾਇਆ ਕਿ ਜਿਹੜੇ ਲੋਕ ਆਪਣੀ ਅਦਾਇਗੀ ਤੋਂ ਵਾਂਝੇ ਰਹਿ ਗਏ ਸਨ ਉਹ ਕੁਝ ਜ਼ਰੂਰੀ ਚੀਜ਼ਾਂ ਜਿਵੇਂ ਕਿ ਖਾਣਾ, ਬਿੱਲਾਂ ਅਤੇ ਕਿਰਾਏ ਦੇ ਭੁਗਤਾਨ ਵਿੱਚੋਂ ਕਟੌਤੀ ਕਰ ਰਹੇ ਸਨ ਜਾਂ ਕੁਝ ਹੋਰ ਕਰਜ਼ੇ ਲੈ ਚੁੱਕੇ ਸਨ। ਮਿਸ ਰੌਬਸਨ ਨੇ ਅਜਿਹੇ ਮਾਮਲੇ ਅਕਸਰ ਹੀ ਦੇਖੇ ਹਨ।

ਮਿਸ ਰੌਬਸਨ ਦਾ ਕਹਿਣਾ ਹੈ ਕਿ ਇਹ ਸੁਣਨਾ ਬੜਾ ਹੀ ਆਮ ਹੁੰਦਾ ਜਾ ਰਿਹਾ ਹੈ ਕਿ ਲੋਕ ਰੋਜ਼ਾਨਾ ਦੀਆਂ ਜਰੂਰੀ ਚੀਜ਼ਾਂ ਅਤੇ ਸਹੂਲਤਾਂ ਅਤੇ ਬਿੱਲਾਂ ਆਦਿ ਦੀ ਅਦਾਇਗੀ ਲਈ ਵੀ ਹੁਣ 'ਬਾਇ ਨਾਓ ਪੇਅ ਲੇਟਰ' ਦੀ ਇਸ ਘੁੰਮਣਘੇਰੀਆਂ ਭਰੀ ਸਥਿਤੀ ਵਿੱਚ ਫਸ ਰਹੇ ਹਨ।

ਕ੍ਰਿਸਟੀ ਰੌਬਸਨ ਨੇ ਸੁਝਾਅ ਦਿੱਤਾ ਹੈ ਕਿ ਜੇ ਤੁਸੀਂ ਅਜਿਹੀ ਹੀ ਸਥਿਤੀ ਵਿੱਚ ਹੋ ਜਾਂ ਤੁਹਾਨੂੰ ਆਪਣੇ ਕਰਜ਼ੇ ਦਾ ਪ੍ਰਬੰਧਨ ਕਰਨਾ ਮੁਸ਼ਕਲ ਹੋ ਰਿਹਾ ਹੈ ਤਾਂ ਸਹਾਇਤਾ ਦੀ ਮੰਗ ਕਰੋ।

ਤੁਸੀਂ ਇਸ ਸਬੰਧੀ ਸਰਕਾਰ ਦੀ ਮਨੀ ਸਮਾਰਟ ਵੈਬਸਾਈਟ 'ਤੇ ਵੀ ਵਧੇਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ।

ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।

ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀਆਂ 63 ਭਾਸ਼ਾਵਾਂ ਵਿੱਚ sbs.com.au/coronavirus ਉੱਤੇ ਉਪਲੱਬਧ ਹਨ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
'ਖਰੀਦੋ ਹੁਣ ਤੇ ਭੁਗਤਾਨ ਬਾਅਦ ਵਿੱਚ ਕਰੋ' ਯੋਜਨਾਵਾਂ ਦੇ ਲੁਕਵੇਂ ਵਿੱਤੀ ਨੁਕਸਾਨ 22/07/2021 07:45 ...
ਸੰਯੁਕਤ ਰਾਜ ਵਿੱਚ ਐਚ ਆਈ ਵੀ ਦੀ ਖੋਜ ਹੋਣ ਤੋਂ 40 ਸਾਲ ਬਾਅਦ ਦੇ ਹਾਲਾਤ 03/12/2021 08:00 ...
ਤੁਸੀਂ ਆਸਟ੍ਰੇਲੀਆ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਆਪਣੇ ਨਾਲ ਕੀ ਲਿਆ ਸਕਦੇ ਹੋ ਅਤੇ ਕੀ ਨਹੀਂ 01/12/2021 10:35 ...
ਭਾਰਤ ਵਿੱਚ ਅੰਤਰਜਾਤੀ ਜੋੜਿਆਂ ਦੁਆਰਾ ਦਰਪੇਸ਼ ਜੋਖਮ 01/12/2021 10:00 ...
ਮਹਾਂਮਾਰੀ ਕਾਰਨ ਲੱਗੀਆਂ ਬੰਦਸ਼ਾਂ ਦੌਰਾਨ ਤੈਰਾਕੀ ਸਿੱਖਣ ਤੋਂ ਪੱਛੜੇ ਛੋਟੇ ਬੱਚਿਆਂ ਲਈ ਗਰਮੀਆਂ ਦਾ ਮੌਸਮ ਹੋ ਸਕਦਾ ਹੈ ਖਤਰਨਾਕ 01/12/2021 22:00 ...
ਵਹਿਮ ਭਰਮ ਅਤੇ ਲੋਕ ਵਿਸ਼ਵਾਸ ਦੀਆਂ ਗੱਲਾਂ 26/11/2021 07:30 ...
ਡਾਇਬੀਟੀਜ਼ ਇੱਕ ਅਜਿਹਾ ਰੋਗ ਹੈ ਜਿਸ ਨੂੰ ਜੀਵਨਸ਼ੈਲੀ ਵਿੱਚ ਮਾਮੂਲੀ ਤਬਦਲੀਆਂ ਦੁਆਰਾ ਅਸਾਨੀ ਨਾਲ ਕਾਬੂ ਵਿੱਚ ਕੀਤਾ ਜਾ ਸਕਦਾ ਹੈ 24/11/2021 21:00 ...
ਕੰਮ ਵਾਲੀ ਥਾਂ 'ਤੇ ਹੋਣ ਵਾਲਾ ਵਿਤਕਰਾ ਕੀ ਹੈ ਅਤੇ ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਤੁਸੀਂ ਵਿਤਕਰੇ ਦੇ ਪੀੜਤ ਹੋ ਤਾਂ ਤੁਸੀਂ ਕੀ ਕਰ ਸਕਦੇ ਹੋ? 24/11/2021 09:18 ...
ਆਸਟ੍ਰੇਲੀਆ ਦੇ ਔਰਫਨ ਰਿਲੇਟਿਵ ਵੀਜ਼ੇ ਬਾਰੇ ਵਿਸ਼ੇਸ ਜਾਣਕਾਰੀ 23/11/2021 07:06 ...
ਸ੍ਰੀ ਨਨਕਾਣਾ ਸਾਹਿਬ ਦੇ ਦਰਸ਼ਨਾਂ ਲਈ ਵੱਡੀ ਗਿਣਤੀ ‘ਚ ਪਹੁੰਚੀਆਂ ਭਾਰਤੀ ਸੰਗਤਾਂ 19/11/2021 09:08 ...
View More