Coming Up Mon 9:00 PM  AEDT
Coming Up Live in 
Live
Punjabi radio

ਅਮੇਜ਼ਿੰਗ ਰੇਸ ਆਸਟ੍ਰੇਲੀਆ ਵਿੱਚ 'ਸੁਪਰ ਸਿੱਖਸ' ਵਜੋਂ ਹਿੱਸਾ ਲੈ ਰਹੇ ਹਨ ਸਿਡਨੀ ਦੇ ਵਸਨੀਕ ਜਸਕੀਰਤ ਅਤੇ ਅਨੁਰਾਗ

The Amazing Race Australia contestants Jaskirat Dhingra and Anurag Sobti Source: Supplied

ਰਿਐਲਿਟੀ ਸ਼ੋਅ ‘ਅਮੇਜ਼ਿੰਗ ਰੇਸ ਆਸਟ੍ਰੇਲੀਆ’ ਦੇ ਪ੍ਰਤੀਯੋਗੀਆਂ ਜਸਕੀਰਤ ਸਿੰਘ ਢੀਂਗਰਾ ਅਤੇ ਅਨੁਰਾਗ ਸਿੰਘ ਸੋਬਤੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਪਣੀ ਸਿੱਖ ਪਛਾਣ 'ਤੇ ਮਾਣ ਹੈ ਅਤੇ ਉਹ ਆਪਣੀ 'ਕਦੇ ਵੀ ਹੋਂਸਲਾ' ਨਾ ਹਾਰਨ ਵਾਲ਼ੀ ਭਾਵਨਾ ਨੂੰ ਕੌਮੀ ਟੀ ਵੀ ਉੱਤੇ ਪ੍ਰਦਰਸ਼ਿਤ ਕਰਨ ਲਈ ਬੇਤਾਬ ਹਨ।

ਸਿਡਨੀ ਵਾਸੀ ਜਸਕੀਰਤ ਅਤੇ ਅਨੁਰਾਗ ਜੋ ਤਕਰੀਬਨ ਦਸ ਸਾਲ ਪਹਿਲਾਂ 'ਸਿੱਖ ਸਮਰ ਕੈਂਪ' ਵਿੱਚ ਪਹਿਲੀ ਵਾਰ ਮਿਲ਼ੇ ਸਨ, ਹੁਣ ਆਪਣੀ ਦੋਸਤੀ ਨੂੰ ਇੱਕ ਨਵੇਂ ਪੱਧਰ 'ਤੇ ਲਿਜਾਣ ਲਈ ਤਿਆਰ ਹਨ।

ਇਹ ਜੋੜੀ ਚੈਨਲ 10 ਦੇ 'ਦਿ ਅਮੇਜ਼ਿੰਗ ਰੇਸ ਆਸਟ੍ਰੇਲੀਆ' ਲਈ 'ਸੁਪਰ ਸਿੱਖਸ' ਵਜੋਂ ਸ਼ਾਮਲ ਹੋਈ ਹੈ, ਜਿਸ ਦਾ ਪ੍ਰੀਮੀਅਰ 1 ਫਰਵਰੀ ਨੂੰ ਟੀ ਵੀ ਉੱਤੇ ਹੋਣਾ ਹੈ।  

ਸ਼੍ਰੀ ਸੋਬਤੀ ਨੇ ਐਸ ਬੀ ਐਸ ਪੰਜਾਬੀ ਨੂੰ ਦੱਸਿਆ, “ਅਸੀਂ ਦੋਹਾਂ ਨੂੰ ਆਪਣੀ ਸਿੱਖ ਪਛਾਣ 'ਤੇ ਬਹੁਤ ਮਾਣ ਹੈ। ਸਾਡੀਆਂ ਪੱਗਾਂ ਸਾਨੂੰ ਵੱਖਰੀ ਹਸਤੀ ਵਜੋਂ ਪੇਸ਼ ਕਰਦੀਆਂ ਹਨ ਅਤੇ ਅਸੀਂ ਇਸ ਮੰਚ ਦੀ ਵਰਤੋਂ ਆਪਣੀ ਪਹਿਚਾਣ ਅਤੇ ਕਦਰਾਂ ਕੀਮਤਾਂ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਲਈ ਕਰਨਾ ਚਾਹੁੰਦੇ ਹਾਂ।

“ਅਸੀਂ ਆਪਣੀ ਹਿੰਮਤ ਅਤੇ ਹੌਂਸਲੇ ਨੂੰ ਵਰਤਦੇ ਹੋਏ ਛੇਤੀ ਹਾਰ ਨਹੀਂ ਮੰਨਦੇ! ਇਸੇ ਲਈ ਅਸੀਂ ਆਪਣੇ ਆਪ ਨੂੰ ‘ਸੁਪਰ ਸਿੱਖਸ’ ਕਹਿਣਾ ਚਾਹੁੰਦੇ ਹਾਂ,” ਉਨ੍ਹਾਂ ਕਿਹਾ।

Jaskirat Dhingra (left) and Anurag Sobti have teamed up as 'Super Sikhs' for Channel 10's 'The Amazing Race Australia'.
Jaskirat Dhingra (left) and Anurag Sobti have teamed up as 'Super Sikhs' for Channel 10's 'The Amazing Race Australia'.
Supplied

ਸ੍ਰੀ ਸੋਬਤੀ ਦੱਸਦੇ ਹਨ ਕਿ ਉਹ 13 ਸਾਲਾਂ ਦੇ ਸਨ ਜਦ ਉਨ੍ਹਾਂ ਦਾ ਪਰਿਵਾਰ ਦਿੱਲੀ ਤੋਂ ਆਸਟ੍ਰੇਲੀਆ ਆ ਗਿਆ ਸੀ।

"ਉਸ ਸਮੇਂ ਸਿਡਨੀ ਵਿੱਚ ਆਪਣੇ ਸਕੂਲ ਵਿੱਚ ਪੱਗ ਬੰਨ੍ਹਣ ਵਾਲਾ ਮੈਂ ਇਕਲੌਤਾ ਵਿਦਿਆਰਥੀ ਸੀ। ਮੈਂ ਆਪਣੀ ਵੱਖਰੀ ਦਿੱਖ ਨੂੰ ਇੱਕ ਚੁਣੌਤੀ ਵਜੋਂ ਲਿਆ ਅਤੇ ਕਦੇ ਵੀ ਇਸਨੂੰ ਇੱਕ ਮਜਬੂਰੀ ਵਜੋਂ ਨਹੀਂ ਦੇਖਿਆ।

“ਮੈਂ ਵਾਲੀਬਾਲ ਖੇਡਦਾ ਹਾਂ ਅਤੇ ਕਈ ਵਾਰ ਸਿੱਖ ਗੇਮਜ਼ ਵਿਚ ਭਾਗ ਲੈ ਚੁੱਕਾ ਹਾਂ। ਸਾਡਾ ਭਾਈਚਾਰਾ ਇਕ ਵੱਡੇ ਖੁਸ਼ਹਾਲ ਪਰਿਵਾਰ ਦੀ ਤਰ੍ਹਾਂ ਹੈ ਜੋ ਮਨੁੱਖਤਾ ਦੀ ਨਿਰਸਵਾਰਥ ਸੇਵਾ, ਪਿਆਰ ਅਤੇ ਆਪਸੀ ਸਤਿਕਾਰ ਕਾਇਮ ਰੱਖਣ ਵਿੱਚ ਵਿਸ਼ਵਾਸ ਰੱਖਦਾ ਹੈ,” ਉਨ੍ਹਾਂ ਕਿਹਾ।

29 ਸਾਲ ਦੇ ਇਸ ਜੀਓਟੈਕਨੀਕਲ ਇੰਜੀਨੀਅਰ ਨੇ ਕਿਹਾ -

"ਅਸੀਂ ਬਹੁਤ ਮਿਹਨਤੀ ਲੋਕ ਹਾਂ। ਸਾਡੇ ਵਿੱਚੋਂ ਬਹੁਤ ਸਾਰੇ ਟੈਕਸੀ ਚਲਾਉਣ ਅਤੇ 7/11 ਸਟੋਰਾਂ ਵਿੱਚ ਕੰਮ ਕਰਨ ਵਾਲੇ ਵੀ ਹਨ। ਸਾਨੂੰ ਇਸ ਕੰਮ 'ਤੇ ਮਾਣ ਹੈ, ਪਰ ਨਾਲ ਹੀ ਅਸੀਂ ਇਹ ਵੀ ਦੱਸਣਾ ਚਾਹੁੰਦੇ ਹਾਂ ਕਿ ਅਸੀਂ ਸਿਰਫ ਇਹੀ ਕੰਮ ਨਹੀਂ ਕਰਦੇ।"

The Dhingra family is based in Sydney. They moved to Australia from India about 25 years ago.
The Dhingra family is based in Sydney. They moved to Australia from India about 25 years ago.
Supplied

ਦਿੱਲੀ ਦੇ ਪਿਛੋਕੜ ਵਾਲ਼ੇ ਸ੍ਰੀ ਢੀਂਗਰਾ ਮਹਿਜ਼ ਤਿੰਨ ਸਾਲ ਦੇ ਸਨ ਜਦ ਉਹ ਆਪਣੇ ਪਰਿਵਾਰ ਨਾਲ਼ ਆਸਟ੍ਰੇਲੀਆ ਆ ਗਏ ਸਨ।

29 ਸਾਲ ਦੇ ਸ੍ਰੀ ਢੀਂਗਰਾ ਸਿਡਨੀ ਵਿਚ ਇਕ ਫਰਮ ਨਾਲ ਪ੍ਰਬੰਧਨ ਸਲਾਹਕਾਰ ਵਜੋਂ ਕੰਮ ਕਰਦੇ ਹਨ।

ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੇ ਸਿੱਖ ਪਛਾਣ ਅਤੇ ਇਸ ਨਾਲ ਜੁੜੀਆਂ ਗਲਤ ਧਾਰਨਾਵਾਂ ਨੂੰ ਸੰਬੋਧਿਤ ਕਰਨ ਲਈ ਰਿਐਲਿਟੀ ਸ਼ੋਅ ਵਿੱਚ ਹਿੱਸਾ ਲੈਣ ਦਾ ਫੈਸਲਾ ਕੀਤਾ ਸੀ।

ਆਪਣੇ ਦੋਸਤ ਵਾਂਗ ਉਨ੍ਹਾਂ ਦਾ ਵੀ ਮੰਨਣਾ ਹੈ ਕਿ ਇਸ ਟੀ ਵੀ ਸ਼ੋ ਵਿੱਚ ਉਨ੍ਹਾਂ ਦਾ ਪੇਸ਼ ਹੋਣਾ ਨੌਜਵਾਨ ਸਿੱਖਾਂ ਨੂੰ ਆਪਣੀ ਪਹਿਚਾਣ ‘ਤੇ ਮਾਣ ਮਹਿਸੂਸ ਕਰਨ ਵਿੱਚ ਸਹਾਇਤਾ ਕਰੇਗਾ, ਜੋ ਕਈ ਵਾਰੀ ਵੱਖਰੀ ਦਿੱਖ ਕਾਰਨ 'ਨਸਲਵਾਦ' ਮਹਿਸੂਸ ਕਰਦੇ ਹਨ।

'Super Sikhs' are one of the 14 teams competing on this Channel 10 reality show.
'Super Sikhs' are one of the 14 teams competing on Channel 10's 'The Amazing Race Australia'.
Supplied

ਸ਼੍ਰੀ ਢੀਂਗਰਾ ਨੇ ਕਿਹਾ ਕਿ ਇਸ ਵਾਰ ਸ਼ੋਅ ਦੀ ਸ਼ੂਟਿੰਗ ਕਰੋਨਾਵਾਇਰਸ ਕਰਕੇ ਆਸਟ੍ਰੇਲੀਆ ਤੱਕ ਹੀ ਸੀਮਤ ਰਹੀ ਜਦਕਿ ਪਹਿਲਾਂ ਇਸਨੂੰ ਵਿਦੇਸ਼ਾਂ ਵਿੱਚ ਵੀ ਫਿਲਮਾਇਆ ਜਾਂਦਾ ਸੀ।

ਦੋਵੇਂ ਮਿੱਤਰ ਉਨ੍ਹਾਂ 14 ਟੀਮਾਂ ਵਿੱਚੋਂ ਇੱਕ ਹਨ ਜੋ 250,000 ਡਾਲਰ ਦੀ ਇਨਾਮੀ ਰਾਸ਼ੀ ਜਿੱਤਣ ਦਾ ਇਰਾਦਾ ਰੱਖਦੇ ਹਨ।

‘ਦਿ ਅਮੇਜ਼ਿੰਗ ਰੇਸ ਆਸਟ੍ਰੇਲੀਆ’ ਟੀ ਵੀ ਸ਼ੋ 1 ਫਰਵਰੀ ਸੋਮਵਾਰ ਸ਼ਾਮ 7:30 ਵਜੇ ਚੈਨਲ 10 ‘ਤੇ ਆਉਣਾ ਸ਼ੁਰੂ ਹੋਵੇਗਾ।

ਇਸ ਸਬੰਧੀ ਹੋਰ ਵੇਰਵੇ ਜਾਨਣ ਲਈ ਇਹ ਆਡੀਓ ਇੰਟਰਵਿਊ ਸੁਣੋ:

Amazing Race Australia contestants Jaskirat and Anurag hope to highlight ‘Sikh identity’ on national TV
00:00 00:00
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
ਅਮੇਜ਼ਿੰਗ ਰੇਸ ਆਸਟ੍ਰੇਲੀਆ ਵਿੱਚ 'ਸੁਪਰ ਸਿੱਖਸ' ਵਜੋਂ ਹਿੱਸਾ ਲੈ ਰਹੇ ਹਨ ਸਿਡਨੀ ਦੇ ਵਸਨੀਕ ਜਸਕੀਰਤ ਅਤੇ ਅਨੁਰਾਗ 01/02/2021 11:00 ...
SBS Punjabi Australia News: Friday 3 Dec 2021 03/12/2021 11:50 ...
'83' is not just a movie, but a tribute to the iconic moment in cricket history, says Ranveer Singh 03/12/2021 05:00 ...
India Diary: Akali Dal leader Manjinder Singh Sirsa joins BJP, resigns as Delhi gurdwara body chief 03/12/2021 08:15 ...
'The evolution of a cricket fan': Professor explores his immigrant journey through the sport 03/12/2021 11:10 ...
ਸੰਯੁਕਤ ਰਾਜ ਵਿੱਚ ਐਚ ਆਈ ਵੀ ਦੀ ਖੋਜ ਹੋਣ ਤੋਂ 40 ਸਾਲ ਬਾਅਦ ਦੇ ਹਾਲਾਤ 03/12/2021 08:00 ...
SBS Punjabi Australia News: Thursday 2 Dec 2021 02/12/2021 10:54 ...
Report reveals in children growing up in Australia at a financial, economic, and linguistic disadvantage 02/12/2021 07:50 ...
SBS Punjabi Australia News: Wednesday 1st Dec 2021 01/12/2021 10:00 ...
Canberra's workplace culture revealed in new report 01/12/2021 07:33 ...
View More