Coming Up Mon 9:00 PM  AEST
Coming Up Live in 
Live
Punjabi radio

ਕੋਵਿਡ-19 ਸੰਕਟ: ਭਾਰਤ 'ਚ ਫਸੇ ਆਸਟ੍ਰੇਲੀਅਨ ਲੋਕਾਂ ਦੀ ਚਾਰਟਰ ਉਡਾਣਾਂ ਰਾਹੀਂ ਘਰ-ਵਾਪਸੀ ਸ਼ੁਰੂ

Out of thousands of Australians stranded in India, close to 1800 have returned home. Source: Supplied

ਕਰੋਨਾਵਾਇਰਸ ਕਰਕੇ ਭਾਰਤ ਵਿੱਚ ਪੈਦਾ ਹੋਈ ਸਥਿਤੀ ਪਿੱਛੋਂ ਹਜ਼ਾਰਾਂ ਆਸਟ੍ਰੇਲੀਅਨ ਲੋਕ ਓਥੋਂ ਵਾਪਿਸ ਆਉਣ ਲਈ ਕੋਸ਼ਿਸ਼ਾਂ ਕਰ ਰਹੇ ਹਨ। ਹੁਣ ਕੁਝ ਉੱਦਮੀ ਲੋਕਾਂ ਦੇ ਸਾਂਝੇ ਉਪਰਾਲੇ ਤਹਿਤ ਉਨ੍ਹਾਂ ਦੀ ਘਰ-ਵਾਪਸੀ ਸੰਭਵ ਹੋ ਰਹੀ ਹੈ।

ਭਾਰਤ ਵਿਚਲੇ ਦੇਸ਼ ਵਿਆਪੀ ਬੰਦ ਪਿੱਛੋਂ ਵੱਖੋ-ਵੱਖਰੇ ਰਾਜਾਂ 'ਚ ਫਸੇ 444 ਆਸਟ੍ਰੇਲੀਅਨ ਲੋਕ ਜਿਨ੍ਹਾਂ ਵਿੱਚ 33 ਬੱਚੇ ਵੀ ਸ਼ਾਮਿਲ ਹਨ, ਇੱਕ ਪ੍ਰਾਈਵੇਟ ਉਡਾਣ ਰਾਹੀਂ ਦਿੱਲੀ ਤੋਂ ਰਵਾਨਾ ਹੋ ਕੇ ਅੱਜ (12 ਅਪ੍ਰੈਲ) ਮੈਲਬਰਨ ਪਹੁੰਚ ਰਹੇ ਹਨ।

ਇਹ ਚਾਰਟਰ ਉਡਾਣ ਕੁਝ ਸਾਬਕਾ ਹਵਾਬਾਜ਼ੀ ਅਧਿਕਾਰੀਆਂ ਤੇ ਭਾਰਤੀ ਅਤੇ ਆਸਟ੍ਰੇਲੀਅਨ ਭਾਈਚਾਰੇ ਦੇ ਨੁਮਾਇੰਦਿਆਂ ਦੇ ਸਾਂਝੇ ਉਪਰਾਲੇ ਤਹਿਤ ਸੰਭਵ ਹੋਈ ਹੈ।

Arvinder Pal Singh
ਹਵਾਈ ਜਹਾਜ਼ ਦੀ ਪੁਰਾਣੀ ਤਸਵੀਰ; ਇਨਸੈੱਟ ਤਸਵੀਰ ਅਰਵਿੰਦਰ ਪਾਲ ਸਿੰਘ
Photo courtesy Aldo Bidini/Wikipedia

ਅਰਵਿੰਦਰ ਪਾਲ ਸਿੰਘ ਜੋ 'ਲਾਇਨ' ਕੰਪਨੀ ਦੀ ਹਵਾਈ ਉਡਾਣ ਰਾਹੀਂ ਵਾਪਸ ਪਰਤ ਰਹੇ ਨੇ, ਜਹਾਜ਼ ਰਵਾਨਾ ਹੋਣ ਤੋਂ ਪਹਿਲਾਂ ਐੱਸ ਬੀ ਐੱਸ ਪੰਜਾਬੀ ਨਾਲ਼ ਵਿਸ਼ੇਸ਼ ਤੌਰ ਤੇ ਗੱਲਬਾਤ ਕੀਤੀ – “ਇਸ ਹਵਾਈ ਉਡਾਣ ਲਈ ਕਾਫੀ ਜਦੋ-ਜਹਿਦ ਕਰਨੀ ਪਈ ਪਰ ਅਸੀਂ ਖੁਸ਼ ਹਾਂ ਕਿ ਇਨ੍ਹਾਂ ਕੋਸ਼ਿਸ਼ਾਂ ਨੂੰ ਹੁਣ ਬੂਰ ਪਿਆ ਹੈ।

ਅਸੀਂ ਵਿਸ਼ੇਸ਼ ਤੌਰ ਤੇ ਸਾਈਮਨ ਅਤੇ ਡਾ ਜਗਵਿੰਦਰ ਵਿਰਕ ਦਾ ਧੰਨਵਾਦ ਕਰਨਾ ਚਾਹੁੰਦੇ ਹਾਂ ਜਿਨ੍ਹਾਂ ਨੇ ਸਮੁੱਚੇ ਤੌਰ ਤੇ ਇਸ ਕਾਰਜ ਨੂੰ ਸਿਰੇ ਲਾਉਣ ਵਿੱਚ ਮੋਢੀ ਭੂਮਿਕਾ ਨਿਭਾਈ।

“ਮੈਂ ਇਸ ਹਵਾਈ ਸਫ਼ਰ ਲਈ ਤਕਰੀਬਨ 2300 ਡਾਲਰ ਦਿੱਤੇ ਹਨ ਜੋ ਕਿ ਉਹਨਾਂ ਲੋਕਾਂ ਵੱਲੋਂ ਦਿੱਤੇ ਪੈਸਿਆਂ ਨਾਲ਼ੋਂ ਬਹੁਤ ਘੱਟ ਹਨ ਜੋ ਦੱਖਣੀ ਅਮਰੀਕੀ ਮੁਲਕਾਂ ਤੋਂ ਆਸਟ੍ਰੇਲੀਆ ਵਾਪਿਸ ਪਰਤ ਰਹੇ ਹਨ। ਸਾਨੂੰ ਪਤਾ ਲੱਗਿਆ ਹੈ ਕਿ ਕਈ ਮੁਲਕਾਂ ਵਿੱਚੋਂ ਫਸੇ ਹੋਏ ਲੋਕ 6 ਤੋਂ 7,000 ਡਾਲਰ ਵੀ ਹਵਾਈ ਉਡਾਣਾਂ ਲਈ ਦੇਣ ਲਈ ਮਜਬੂਰ ਹੋ ਰਹੇ ਹਨ।"

Jagvinder Singh Virk, Chairman, India Australia Strategic Alliance.
Jagvinder Singh Virk, Chairman, India Australia Strategic Alliance.
Supplied

ਇੰਡੀਆ ਆਸਟ੍ਰੇਲੀਆ ਸਟਰੀਟੀਜਿੱਕ ਅਲਾਇੰਸ ਦੇ ਚੇਅਰਮੈਨ ਡਾ ਜਗਵਿੰਦਰ ਸਿੰਘ ਵਿਰਕ ਨੇ ਐੱਸ ਬੀ ਐੱਸ ਪੰਜਾਬੀ ਨੂੰ ਦੱਸਿਆ – “ਇਹ ਸਭ ਆਸਟ੍ਰੇਲੀਆ ਅਤੇ ਭਾਰਤ ਦੇ ਪ੍ਰਸ਼ਾਸਨਿਕ ਅਧਿਕਾਰੀਆਂ, ਡਿਪਲੋਮੈਟਸ ਤੇ ਪੁਲਿਸ ਕਰਮਚਾਰੀਆਂ ਤੇ ਡਿਪਲੋਮੈਟਸ ਦੇ ਸਾਂਝੇ ਸਹਿਯੋਗ ਨਾਲ ਸੰਭਵ ਹੋ ਸਕਿਆ ਹੈ।

"ਅਸੀਂ ਇਸ ਪ੍ਰਾਈਵੇਟ ਕੰਪਨੀ ਦੇ ਵੀ ਧੰਨਵਾਦੀ ਹਾਂ ਜਿਨ੍ਹਾਂ ਨੇ ਬਹੁਤ ਹੀ ਵਾਜਬ ਮੁੱਲ ਤੇ ਇਹ ਫਲਾਈਟਸ ਫਸੇ ਹੋਏ ਲੋਕਾਂ ਨੂੰ ਉਪਲਬਧ ਕਰਵਾਈਆਂ ਹਨ।"

ਡਾ ਵਿਰਕ ਨੇ ਦੱਸਿਆ ਕਿ ਇੱਕ ਅੰਦਾਜ਼ੇ ਮੁਤਾਬਕ ਇਸ ਵੇਲੇ ਭਾਰਤ ਵਿੱਚ 7,000 ਦੇ ਕਰੀਬ ਆਸਟ੍ਰੇਲੀਅਨ ਲੋਕ ਹਨ ਜਿਹੜੇ ਵਾਪਸ ਪਰਤਣਾ ਚਾਹੁੰਦੇ ਹਨ - “ਹੁਣ ਸਾਡਾ ਧਿਆਨ ਉਨ੍ਹਾਂ ਨੂੰ ਇਨ੍ਹਾਂ ਹਵਾਈ ਉਡਾਣਾਂ ਰਾਹੀਂ ਵਾਪਸ ਲਿਆਉਣ ‘ਤੇ ਹੋਵੇਗਾ।"

ਡਾ  ਵਿਰਕ ਅਤੇ ਕੈਪਟਨ ਅਰਵਿੰਦਰ ਪਾਲ ਸਿੰਘ ਨਾਲ਼ ਪੰਜਾਬੀ ਵਿੱਚ ਗੱਲਬਾਤ ਸੁਣਨ ਲਈ ਉੱਪਰ ਫੋਟੋ 'ਤੇ ਆਡੀਓ ਲਿੰਕ ਉੱਤੇ ਕਲਿੱਕ ਕਰੋ...

ਆਸਟ੍ਰੇਲੀਆ ਵਿੱਚ ਜਾਰੀ ਨਿਯਮਾਂ ਤਹਿਤ ਇਹਨਾਂ ਲੋਕਾਂ ਨੂੰ ਆਉਣ ਵਾਲ਼ੇ 14 ਦਿਨਾਂ ਲਈ ਕਿਸੇ ਨਿਰਧਾਰਤ ਰਿਹਾਇਸ਼ ਵਿੱਚ ਕੁਆਰੰਟੀਨ ਵਿੱਚ ਬਿਤਾਉਣੇ ਪੈਣਗੇ।

ਪ੍ਰਬੰਧਕਾਂ ਵੱਲੋਂ ਦੱਸਿਆ ਗਿਆ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਭਾਰਤ ਵਿੱਚ ਫਸੇ ਲੋਕਾਂ ਨੂੰ ਆਸਟ੍ਰੇਲੀਆ ਲਿਆਉਣ ਲਈ ਘੱਟੋ-ਘੱਟ 4 ਹੋਰ ਹਵਾਈ ਉਡਾਣਾਂ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ।

ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ ਅਤੇ ਹੁਣ ਇਕੱਠ ਸਿਰਫ ਦੋ ਲੋਕਾਂ ਤੱਕ ਸੀਮਤ ਹੈ ਪਰ ਇਹ ਨਿਯਮ ਆਪਣੇ ਘਰ ਪਰਿਵਾਰ ਵਿੱਚ ਵਿਚਰਦਿਆਂ ਲਾਗੂ ਨਹੀਂ ਹੁੰਦਾ ।

ਜੇ ਤੁਸੀਂ ਵਿਦੇਸ਼ ਤੋਂ ਵਾਪਸ ਆਉਣ ਦੇ 14 ਦਿਨਾਂ ਦੇ ਅੰਦਰ-ਅੰਦਰ ਕੋਵਿਡ-19 ਦੇ ਲੱਛਣ ਵਧਦੇ ਹੋਏ ਵੇਖਦੇ ਹੋ ਤਾਂ ਤੁਹਾਨੂੰ ਡਾਕਟਰੀ ਸਹਾਇਤਾ ਲੈਣੀ ਚਾਹੀਦੀ ਹੈ।

ਜੇ ਤੁਹਾਨੂੰ ਕੋਈ ਵੀ ਲੱਛਣ ਨਹੀਂ ਹਨ ਪਰੰਤੂ ਤੁਸੀਂ ਕੋਵਿਡ-19 ਦੇ ਕਿਸੇ ਪੀੜ੍ਹਤ ਨਾਲ ਸੰਪਰਕ ਵਿੱਚ ਰਹੇ ਹੋ ਤਾਂ ਵੀ ਤੁਹਾਨੂੰ ਡਾਕਟਰੀ ਸਹਾਇਤਾ ਲੈਣੀ ਚਾਹੀਦੀ ਹੈ।

ਜੇ ਤੁਹਾਨੂੰ ਵਿਸ਼ਵਾਸ ਹੈ ਕਿ ਤੁਹਾਨੂੰ ਟੈਸਟ ਕਰਵਾਉਣ ਦੀ ਲੋੜ ਹੋ ਸਕਦੀ ਹੈਆਪਣੇ ਡਾਕਟਰ ਨੂੰ ਸਹੂਲਤ ਲਈ ਸਿਰਫ ਕਾਲ ਕਰੋਪਰ ਉਸ ਕੋਲ਼ ਨਾ ਜਾਓਜਾਂ ਰਾਸ਼ਟਰੀ ਕਰੋਨਾਵਾਇਰਸ ਸਿਹਤ ਜਾਣਕਾਰੀ ਹਾਟਲਾਈਨ ਨਾਲ 1800 020 080 'ਤੇ ਸੰਪਰਕ ਕਰੋ।

ਜੇ ਤੁਸੀਂ ਸਾਹ ਲੈਣ ਵਿੱਚ ਔਖਿਆਈ ਮਹਿਸੂਸ ਕਰਦੇ ਹੋ ਜਾਂ ਤੁਹਾਨੂੰ ਮੈਡੀਕਲ ਐਮਰਜੈਂਸੀ ਦੇ ਚਲਦਿਆਂ ਲੋੜ ਹੈ ਤਾਂ 000 ਨੂੰ ਕਾਲ ਕਰੋ।

ਐਸ ਬੀ ਐਸਆਸਟ੍ਰੇਲੀਆ ਦੇ ਵੱਖੋ-ਵੱਖਰੇ ਭਾਈਚਾਰਿਆਂ ਨੂੰ ਕਰੋਨਾਵਾਇਰਸ/ਕੋਵਿਡ-19 ਬਾਰੇ ਸਮੁੱਚੀ ਅਤੇ ਤਾਜ਼ਾ-ਤਰੀਨ ਜਾਣਕਾਰੀ ਦੇਣ ਲਈ ਵਚਨਬੱਧ ਹੈ। ਜ਼ਿਆਦਾ ਜਾਣਕਾਰੀ ਲਈ sbs.com.au/coronavirus 'ਤੇ ਜਾਓ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
ਕੋਵਿਡ-19 ਸੰਕਟ: ਭਾਰਤ 'ਚ ਫਸੇ ਆਸਟ੍ਰੇਲੀਅਨ ਲੋਕਾਂ ਦੀ ਚਾਰਟਰ ਉਡਾਣਾਂ ਰਾਹੀਂ ਘਰ-ਵਾਪਸੀ ਸ਼ੁਰੂ 12/04/2020 08:57 ...
SBS Punjabi Australia News: Friday 1 July 2022 01/07/2022 10:50 ...
Here's how major visa and immigration changes will impact skilled migrants, international students from 1 July 01/07/2022 11:04 ...
ਏਜ ਕੇਅਰ ਨਰਸਾਂ ਵੱਲੋਂ ਤਨਖ਼ਾਹ 'ਚ ਵਾਧੇ ਦੀ ਮੰਗ ਹੋਈ ਤੇਜ਼ 01/07/2022 09:05 ...
Census reflects the shifting shape of multicultural Australia 01/07/2022 04:50 ...
ਬਹੁ-ਸੱਭਿਆਚਾਰਕ ਆਸਟਰੇਲੀਆ ਦੀ ਬਦਲਦੀ ਨੁਹਾਰ ਪੇਸ਼ ਕਰਦੀ ਹੈ 2021 ਦੀ ਮਰਦਮਸ਼ੁਮਾਰੀ 01/07/2022 04:50 ...
ਇੰਡੀਆ ਡਾਇਰੀ: ਪੰਜਾਬ ਬਜਟ ਸੈਸ਼ਨ ਦੌਰਾਨ ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਭਰਿਸ਼ਟ ਸਿਆਸਤਦਾਨਾਂ ਪ੍ਰਤੀ ਸਖਤ ਰਵੱਈਆ 01/07/2022 07:36 ...
SBS Punjabi Australia News: Thursday 30 June 2022 30/06/2022 11:45 ...
Punjabi actress Mandy Takhar shares what kept her connected to her roots 30/06/2022 06:59 ...
‘Don't let online fame compromise your ethics', says this Punjabi vlogger 30/06/2022 14:36 ...
View More