Coming Up Thu 9:00 PM  AEST
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਕੁਕਿੰਗ ਆਇਲ ਸੰਕਟ ਕਾਰਨ ਖਾਣੇ ਦੀਆਂ ਕੀਮਤਾਂ 'ਚ ਵਾਧਾ

Tarihi Balikca restaurant worker Mahsun Aktas says customers cannot afford oil-driven price rises. Source: AP

ਦੁਨੀਆ ਭਰ ਦੇ ਰੈਸਟੋਰੈਂਟ ਅਤੇ ਪ੍ਰਚੂਨ ਵਿਕਰੇਤਾ ਰੂਸ-ਯੂਕਰੇਨ ਜੰਗ ਕਾਰਨ, ਰਸੋਈ 'ਚ ਵਰਤੇ ਜਾਂਦੇ ਤੇਲ ਦੀ ਕਮੀ ਨਾਲ ਪ੍ਰਭਾਵਿਤ ਹੋਏ ਹਨ। ਯੂਕਰੇਨ ਤਕਰੀਬਨ ਦੁਨੀਆ ਦੇ ਅੱਧੇ ਹਿੱਸੇ ਨੂੰ ਸੂਰਜਮੁਖੀ ਦਾ ਤੇਲ ਸਪਲਾਈ ਕਰਦਾ ਹੈ।

ਦੁਨੀਆ ਦੇ ਹੋਰ ਰੈਸਟੋਰੈਂਟਸ ਦੇ ਵਾਂਗ ਇਸਤਾਂਬੁਲ ਦਾ ਰੈਸਟੋਰੈਂਟ 'ਤਾਰੀਹੀ ਬਾਲਿਕਾ' ਮੱਛੀ, ਕੈਲਾਮਾਰੀ ਆਦਿ ਨੂੰ ਤਲਣ ਲਈ ਸੂਰਜਮੁਖੀ ਦਾ ਤੇਲ ਵਰਤਦਾ ਹੈ। ਪਰ ਅਪ੍ਰੈਲ ਦੇ ਸ਼ੁਰੂ ਵਿੱਚ, ਤੇਲ ਦੀਆਂ ਕੀਮਤਾਂ 2019 ਦੇ ਮੁਕਾਬਲੇ ਲਗਭਗ ਚਾਰ ਗੁਣਾ ਵੱਧ ਹੋਣ ਦੇ ਨਾਲ, ਰੈਸਟੋਰੈਂਟ ਨੇ ਆਪਣੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ।

ਵੇਟਰ ਅਤੇ ਰਸੋਈਏ ਮਹਸੂਨ ਅਕਤਾਸ ਦਾ ਕਹਿਣਾ ਹੈ ਕਿ "ਜਿੰਨਾ ਚਿਰ ਹੋ ਸਕਿਆ , ਉਹ ਕੀਮਤਾਂ ਵਧਾਉਣ ਲਈ ਰੁਕੇ ਰਹੇ। ਪਰ ਕੀਮਤਾਂ ਵਧਾਉਣ ਨਾਲ ਹੁਣ ਗਾਹਕ ਮੈਨਿਊ ਨੂੰ ਦੇਖਦੇ ਹਨ ਅਤੇ ਚਲੇ ਜਾਂਦੇ ਹਨ।"

ਦੱਖਣੀ ਅਮਰੀਕਾ ਵਿੱਚ ਕੋਰੋਨਾਵਾਇਰਸ, ਮਜ਼ਦੂਰਾਂ ਦੀ ਘਾਟ, ਅਤੇ ਬਾਇਓਫਿਊਲ ਉਦਯੋਗ ਤੋਂ ਲਗਾਤਾਰ ਵਧਦੀ ਮੰਗ ਕਾਰਨ ਕੋਵਿਡ-19 ਮਹਾਂਮਾਰੀ ਸ਼ੁਰੂ ਹੋਣ ਤੋਂ ਬਾਅਦ ਵਿਸ਼ਵ ਪੱਧਰ 'ਤੇ ਰਸੋਈ ਦੇ ਤੇਲ ਦੀਆਂ ਕੀਮਤਾਂ ਵਧ ਰਹੀਆਂ ਹਨ।

ਯੂਕਰੇਨ ਦੁਨੀਆ ਦੇ ਸੂਰਜਮੁਖੀ ਤੇਲ ਦਾ ਲਗਭਗ ਅੱਧਾ ਹਿੱਸਾ ਸਪਲਾਈ ਕਰਦਾ ਹੈ, ਪਰ ਯੂਕਰੇਨ ਵਿੱਚ ਯੁੱਧ ਨੇ ਸ਼ਿਪਮੈਂਟ ਵਿੱਚ ਵਿਘਨ ਪਾਇਆ ਅਤੇ ਰਸੋਈ ਦੇ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ।

ਇਹ ਗਲੋਬਲ ਫੂਡ ਸਪਲਾਈ ਲਈ ਤਾਜ਼ਾ ਝਟਕਾ ਹੈ ਅਤੇ ਇੱਕ ਹੋਰ ਵਧਦੀ ਲਾਗਤ ਹੈ ਜੋ ਵਧਦੀ ਮਹਿੰਗਾਈ ਦੇ ਵਿਚਕਾਰ ਘਰਾਂ ਅਤੇ ਕਾਰੋਬਾਰਾਂ ਨੂੰ ਪ੍ਰਭਾਵਿਤ ਕਰ ਰਹੀ ਹੈ।

ਪਹਿਲਾਂ ਹੀ ਭੋਜਨ ਅਤੇ ਊਰਜਾ ਦੇ ਵੱਧ ਰਹੇ ਖਰਚਿਆਂ ਕਾਰਨ ਸੰਗਰਸ਼ ਚਲ ਰਿਹਾ ਸੀ , ਇਹ ਕੀਮਤਾਂ ਵਧਣ ਨਾਲ ਗਰੀਬ ਲੋਕਾਂ ਨੂੰ ਇਸ ਦੀ ਸਭ ਤੋਂ ਵੱਧ ਸੱਟ ਵੱਜ ਰਹੀ ਹੈ।

ਯੁੱਧ ਨੇ ਯੂਕਰੇਨ ਅਤੇ ਰੂਸ ਤੋਂ ਅਨਾਜ ਦੀ ਬਰਾਮਦ ਵਿੱਚ ਵਿਘਨ ਪਾ ਦਿੱਤਾ ਹੈ ਅਤੇ ਵਿਸ਼ਵਵਿਆਪੀ ਖਾਦ ਦੀ ਕਮੀ ਨੂੰ ਵਿਗਾੜ ਦਿੱਤਾ ਹੈ, ਨਤੀਜੇ ਵਜੋਂ ਮਹਿੰਗੇ ਅਤੇ ਨਿਊਟ੍ਰੀਐਂਟ ਵਜੋਂ ਘੱਟ ਭਰਪੂਰ ਭੋਜਨ ਪੈਦਾ ਹੋਏ ਹਨ।

ਕਣਕ, ਜੌਂ ਅਤੇ ਹੋਰ ਅਨਾਜਾਂ ਦੀ ਕਿਫਾਇਤੀ ਸਪਲਾਈ ਦਾ ਨੁਕਸਾਨ, ਅਫ਼ਰੀਕੀ ਅਤੇ ਕੁਝ ਏਸ਼ੀਆਈ ਦੇਸ਼ਾਂ ਵਿੱਚ ਭੋਜਨ ਦੀ ਕਮੀ ਅਤੇ ਸਿਆਸੀ ਅਸਥਿਰਤਾ ਦੀ ਸੰਭਾਵਨਾ ਨੂੰ ਹੋਰ ਵਧਾਉਂਦਾ ਹੈ। ਇੱਥੇ ਲੱਖਾਂ ਲੋਕ ਸਬਸਿਡੀ ਵਾਲੀ ਰੋਟੀ ਅਤੇ ਸਸਤੇ ਨੂਡਲਜ਼ 'ਤੇ ਨਿਰਭਰ ਕਰਦੇ ਹਨ।

ਸੰਯੁਕਤ ਰਾਸ਼ਟਰ ਫੂਡ ਐਂਡ ਐਗਰੀਕਲਚਰ ਆਰਗੇਨਾਈਜ਼ੇਸ਼ਨ ਦਾ ਕਹਿਣਾ ਹੈ ਕਿ ਬਨਸਪਤੀ ਤੇਲ ਦੀਆਂ ਉੱਚੀਆਂ ਕੀਮਤਾਂ ਫਰਵਰੀ ਵਿਚ ਰਿਕਾਰਡ ਪੱਧਰ 'ਤੇ ਪਹੁੰਚ ਗਈਆਂ, ਅਤੇ ਫਿਰ ਮਾਰਚ ਵਿਚ 23 ਫੀਸਦੀ ਹੋਰ ਵਧੀਆਂ।

ਅਤੇ ਵਿਸ਼ਵ ਬੈਂਕ ਦਾ ਕਹਿਣਾ ਹੈ ਕਿ 2019 ਤੋਂ ਸੋਇਆਬੀਨ ਤੇਲ ਦੀ ਕੀਮਤ ਲੱਗਭਗ ਦੋ ਗੁਣਾ ਵੱਧ ਹੋ ਗਈ ਹੈ [2019 ਵਿੱਚ $765 ਅਮਰੀਕੀ ਪ੍ਰਤੀ ਮੀਟ੍ਰਿਕ ਟਨ, ਹੁਣ ਮਾਰਚ 2022 ਵਿੱਚ ਔਸਤ $1,957 ਪ੍ਰਤੀ ਮੀਟ੍ਰਿਕ ਟਨ ਹੈ]।

ਚੋਟੀ ਦੇ ਉਤਪਾਦਕ ਇੰਡੋਨੇਸ਼ੀਆ ਨੇ ਘਰੇਲੂ ਸਪਲਾਈ ਨੂੰ ਸੁਰੱਖਿਅਤ ਰੱਖਣ ਲਈ ਪਿਛਲੇ ਹਫਤੇ ਨਿਰਯਾਤ 'ਤੇ ਪਾਬੰਦੀ ਲਗਾ ਦਿਤੀ ਜਿਸ ਤੋਂ ਬਾਅਦ ਪਾਮ ਤੇਲ ਦੀਆਂ ਕੀਮਤਾਂ ਹੋਰ ਵਾਧੇ ਲਈ ਤਿਆਰ ਹਨ।

ਉਦਯੋਗ ਮਾਹਿਰਾਂ ਦਾ ਕਹਿਣਾ ਹੈ ਕਿ ਜਦੋਂ ਉੱਤਰੀ ਹੈਮਿਸਫ਼ੀਏਰ ਵਿੱਚ ਕਿਸਾਨ ਮੱਕੀ, ਸੋਇਆਬੀਨ ਅਤੇ ਹੋਰ ਫਸਲਾਂ ਦੀ ਵਾਢੀ ਕਰਨਗੇ, ਉਦੋਂ ਤੱਕ ਕੀਮਤਾਂ ਮੱਧਮ ਹੋ ਸਕਦੀਆਂ ਹਨ। ਪਰ ਖਰਾਬ ਮੌਸਮ ਦਾ ਖ਼ਤਰਾ ਹਮੇਸ਼ਾ ਰਹਿੰਦਾ ਹੈ।

ਪਿਛਲੇ ਸਾਲ, ਸੋਕੇ ਨੇ ਕੈਨੇਡਾ ਦੀ ਕੈਨੋਲਾ ਅਤੇ ਬ੍ਰਾਜ਼ੀਲ ਦੀ ਸੋਇਆਬੀਨ ਫਸਲਾਂ ਨੂੰ ਨੁਕਸਾਨ ਪਹੁੰਚਾਇਆ ਸੀ, ਜਦੋਂ ਕਿ ਭਾਰੀ ਮੀਂਹ ਨੇ ਮਲੇਸ਼ੀਆ ਵਿੱਚ ਪਾਮ ਤੇਲ ਦੇ ਉਤਪਾਦਨ ਨੂੰ ਪ੍ਰਭਾਵਿਤ ਕੀਤਾ ਸੀ।

ਗਰੋ ਇੰਟੈਲੀਜੈਂਸ ਦੇ ਮਿਸਟਰ ਮੈਥਿਊਜ਼ ਦਾ ਕਹਿਣਾ ਹੈ ਕਿ ਯੂਕਰੇਨ ਜਾਂ ਰੂਸ ਤੋਂ ਕਿਸਾਨ ਘਾਟਾਂ ਨੂੰ ਪੂਰਾ ਕਰਨ ਲਈ ਲੋੜੀਂਦੀਆਂ ਫਸਲਾਂ ਬੀਜਣ ਤੋਂ ਝਿਜਕ ਰਹੇ ਹਨ ਕਿਉਂਕਿ ਉਹ ਨਹੀਂ ਜਾਣਦੇ ਕਿ ਯੁੱਧ ਕਦੋਂ ਖਤਮ ਹੋਵੇਗਾ।

ਪੂਰੀ ਰਿਪੋਰਟ ਸੁਨਣ ਲਈ ਉੱਪਰ ਫੋਟੋ ‘ਤੇ ਦਿੱਤੇ ਆਡੀਓ ਆਈਕਨ ਉੱਤੇ ਕਲਿਕ ਕਰੋ। 

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।

Coming up next

# TITLE RELEASED TIME MORE
ਕੁਕਿੰਗ ਆਇਲ ਸੰਕਟ ਕਾਰਨ ਖਾਣੇ ਦੀਆਂ ਕੀਮਤਾਂ 'ਚ ਵਾਧਾ 28/04/2022 09:55 ...
ਜਾਣੋ ਕਿ ਵੀਜ਼ਾ ਅਤੇ ਇਮੀਗ੍ਰੇਸ਼ਨ ਵਿੱਚ ਵੱਡੇ ਬਦਲਾਅ 1 ਜੁਲਾਈ ਤੋਂ ਹੁਨਰਮੰਦ ਪ੍ਰਵਾਸੀਆਂ ਤੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਕਿਵੇਂ ਪ੍ਰਭਾਵਿਤ ਕਰਨਗੇ 07/07/2022 11:04 ...
ਕੀ ਦੂਜਾ ਬੂਸਟਰ ਸ਼ੋਟ ਲਗਵਾਉਣ ਲਈ ਇਹ ਸਹੀ ਸਮ੍ਹਾਂ ਹੈ? 07/07/2022 05:27 ...
ਪਾਕਿਸਤਾਨ ਡਾਇਰੀ: ਈਦ ਦੀਆਂ ਤਿਆਰੀਆਂ ਜ਼ੋਰਾਂ 'ਤੇ, ਲੋਕਾਂ 'ਚ ਭਾਰੀ ਉਤਸ਼ਾਹ 07/07/2022 08:13 ...
ਆਸਟ੍ਰੇਲੀਆ ਵਿੱਚ ਧਰਮ ਨੂੰ ਨਾ ਮੰਨਣ ਵਾਲੇ ਲੋਕਾਂ ਦੀ ਆਬਾਦੀ 'ਚ ਵੱਡਾ ਵਾਧਾ 06/07/2022 05:31 ...
ਆਸਟ੍ਰੇਲੀਆ ਨੇ ਟੀਕਾਕਰਨ ਰਹਿਤ ਯਾਤਰੀਆਂ ਲਈ ਮੁੜ ਖੋਲੀਆਂ ਆਪਣੀਆਂ ਸਰਹੱਦਾਂ 06/07/2022 03:14 ...
ਮਰੀਜ਼ਾਂ ਅਤੇ ਡਾਕਟਰਾਂ ਵਿੱਚਕਾਰ ਭਾਸ਼ਾ ਦੀਆਂ ਰੁਕਾਵਟਾਂ ਦੀ ਸਮੱਸਿਆ 06/07/2022 08:05 ...
ਪੰਜਾਬੀ ਡਾਇਰੀ: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਕੈਬਨਿਟ ਦਾ ਵਿਸਥਾਰ, 5 ਵਿਧਾਇਕਾਂ ਨੇ ਮੰਤਰੀ ਵਜੋਂ ਚੁੱਕੀ ਸਹੁੰ 05/07/2022 08:15 ...
ਏਜ ਕੇਅਰ ਨਰਸਾਂ ਵੱਲੋਂ ਤਨਖ਼ਾਹ 'ਚ ਵਾਧੇ ਦੀ ਮੰਗ ਹੋਈ ਤੇਜ਼ 01/07/2022 09:05 ...
ਬਹੁ-ਸੱਭਿਆਚਾਰਕ ਆਸਟਰੇਲੀਆ ਦੀ ਬਦਲਦੀ ਨੁਹਾਰ ਪੇਸ਼ ਕਰਦੀ ਹੈ 2021 ਦੀ ਮਰਦਮਸ਼ੁਮਾਰੀ 01/07/2022 04:50 ...
View More