Coming Up Wed 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਡਾਕਟਰਾਂ ਵਲੋਂ ਗਰਭਵਤੀ ਔਰਤਾਂ ਨੂੰ ਕੋਵਿਡ-19 ਵੈਕਸੀਨੇਸ਼ਨ ਕਰਵਾਉਣ ਲਈ ਅਪੀਲ

Doctors urge pregnant women to get vaccinated Source: Getty

ਜਦੋਂ ਕੋਵਿਡ-19 ਦੀ ਸ਼ੁਰੂਆਤ ਹੋਈ ਸੀ ਤਾਂ ਉਸ ਸਮੇਂ ਡਾਕਟਰ ਗਰਭਵਤੀ ਔਰਤਾਂ ਅਤੇ ਉਹਨਾਂ ਦੇ ਅਣਜਨਮੇ ਬੱਚਿਆਂ ਦੀ ਸਿਹਤ ਨੂੰ ਲੈਕੇ ਖਾਸ ਫਿਕਰ ਵਿੱਚ ਸਨ। ਪਰ ਤਕਰੀਬਨ ਇੱਕ ਸਾਲ ਬਾਅਦ ਜਦੋਂ ਟੀਕਿਆਂ ਨੇ ਕਈ ਕਮਜ਼ੋਰ ਲੋਕਾਂ ਦੀ ਸਿਹਤ-ਸੰਭਾਲ ਵਿੱਚ ਮਦਤ ਕੀਤੀ ਹੈ ਤਾਂ ਡਾਕਟਰ, ਗਰਭਵਤੀ ਅਤੇ ਗਰਭ ਧਾਰਨ ਕਰਨ ਜਾ ਰਹੀਆਂ ਔਰਤਾਂ ਨੂੰ ਲਾਗ-ਰੋਕੂ ਟੀਕੇ ਲਗਵਾਉਣ ਦੀ ਪੁਰਜ਼ੋਰ ਅਪੀਲ ਕਰ ਰਹੇ ਹਨ।

ਆਮ ਤੌਰ ਉੱਤੇ ਗਰਭਵਤੀ ਔਰਤਾਂ ਨੂੰ ਆਪਣੀ ਸਿਹਤ ਦਾ ਖਾਸ ਧਿਆਨ ਰੱਖਣ ਲਈ ਕਿਹਾ ਜਾਂਦਾ ਹੈ ਪਰ ਸੰਸਾਰ ਭਰ ਵਿੱਚ ਫੈਲੇ ਕਰੋਨਾਵਾਇਰਸ ਕਾਰਨ ਮਾਹਰ ਉਨ੍ਹਾਂ ਨੂੰ ਜਰੂਰਤ ਤੋਂ ਵੀ ਜਿਆਦਾ ਸਾਵਧਾਨੀਆਂ ਵਰਤਣ ਦੀ ਅਪੀਲ ਕਰ ਰਹੇ ਹਨ।

ਡਾਕਟਰਾਂ ਦੇ ਇੱਕ ਸਮੂਹ ਦੇ ਪ੍ਰਧਾਨ ਡਾ ਵਿਜੇ ਰੋਸ਼ ਕਹਿੰਦੇ ਹਨ ਕਿ ਕੋਵਿਡ-19 ਦੀ ਵੈਕਸੀਨ ਲਗਵਾਉਣ ਨਾਲ ਮਾਂ ਅਤੇ ਜਨਮ ਲੈਣ ਵਾਲੇ ਬੱਚੇ ਦੋਹਾਂ ਨੂੰ ਹੀ ਕੁਝ ਸਿਹਤ ਮਸਲਿਆਂ ਤੋਂ ਛੁੱਟਕਾਰਾ ਮਿਲ ਸਕਦਾ ਹੈ।

ਯੂਨਿਵਰਸਿਟੀ ਆਫ ਮੈਲਬਰਨ ਦੇ ਖੋਜਕਰਤਾ ਡਾ ਕਲੇਅਰ ਵਾਈਟਹੈੱਡ ਅਨੁਸਾਰ ਪਿਛਲੇ ਸਾਲ ਕਰੋਨਾਵਾਇਰਸ ਦੇ ਫੈਲਾਅ ਤੋਂ ਹੀ ਸਿਹਤ ਮਾਹਰਾਂ ਨੇ ਗਰਭਵਤੀ ਔਰਤਾਂ ਉੱਤੇ ਆਪਣਾ ਧਿਆਨ ਕੁੱਝ ਜਿਆਦਾ ਹੀ ਕੇਂਦਰਤ ਕਰ ਦਿੱਤਾ ਸੀ।

ਡਾ ਵਾਈਟਹੈੱਡ ਕਹਿੰਦੇ ਹਨ ਕਿ ਜਿਹੜੇ ਲੋਕ ਕਿਸੇ ਇੱਕ ਖਾਸ ਕਾਰਨ ਕਰਕੇ ਹਸਪਤਾਲਾਂ ਵਿੱਚ ਦਾਖਲ ਹੁੰਦੇ ਹਨ, ਉਹਨਾਂ ਵਿੱਚ ਕਈ ਹੋਰ ਮਸਲੇ ਵੀ ਪੈਦਾ ਹੋ ਜਾਂਦੇ ਹਨ।

ਤਿੰਨਾਂ ਵਿੱਚੋਂ ਇੱਕ ਔਰਤ ਨੂੰ ਹਸਪਤਾਲ ਵਿੱਚ ਦਾਖਲ ਹੋਣ ਤੋਂ ਬਾਅਦ ਸਾਹ ਲੈਣ ਲਈ ਆਕਸੀਜਨ ਦੀ ਜਰੂਰਤ ਪੈਂਦੀ ਹੈ ਅਤੇ ਸੱਤਾਂ ਵਿੱਚੋਂ ਇੱਕ ਔਰਤ ਨੂੰ ਤਾਂ 'ਇੰਟੈਨਸਿਵ ਕੇਅਰ ਯੂਨਿਟ' ਵਿੱਚ ਵੀ ਜਾਣਾ ਪੈਂਦਾ ਹੈ।

ਡਾ ਰੋਸ਼ ਇਸ ਗੱਲ 'ਤੇ ਵੀ ਹੈਰਾਨ ਹਨ ਕਿ ਪ੍ਰਵਾਸੀ ਔਰਤਾਂ ਵਿੱਚ ਸਿਹਤ ਵਾਲੇ ਖਤਰੇ ਜਿਆਦਾ ਕਿਉਂ ਹੁੰਦੇ ਹਨ?

ਉਹ ਨਾਲ ਹੀ ਸੁਝਾਅ ਵਜੋਂ ਕਹਿੰਦੇ ਹਨ ਕਿ ਗੱਲਬਾਤ ਅਤੇ ਜਾਣਕਾਰੀ ਫੈਲਾਉਣ ਵਾਲੇ ਤਰੀਕਿਆਂ ਨੂੰ ਸੁਧਾਰਨ ਨਾਲ ਹਾਲਾਤ ਪਹਿਲਾਂ ਨਾਲੋਂ ਚੰਗੇ ਹੋ ਸਕਦੇ ਹਨ।

African American female doctor preparing a pregnant woman for vaccination
Doctor preparing a pregnant woman for vaccination. Pregnant woman getting a covid-19 vaccine.
Getty Images

ਮੋਨਾਸ਼ ਯੂਨਿਵਰਸਿਟੀ ਦੀ ਲਾਗਾਂ ਵਾਲੇ ਰੋਗਾਂ ਦੀ ਮਾਹਰ ਪ੍ਰੋ ਮਿਸ਼ਲ ਗਾਈਲਸ ਕਹਿੰਦੀ ਹੈ ਕਿ ਹਸਤਪਾਲਾਂ ਵਿੱਚ ਦਾਖਲ ਹੋਣ ਵਾਲੀਆਂ ਜਿਆਦਾਤਰ ਔਰਤਾਂ ਨੇ ਲਾਗ ਰੋਕੂ ਟੀਕੇ ਨਹੀਂ ਲਗਵਾਏ ਹੁੰਦੇ।

ਫੈਡਰਲ ਸਿਹਤ ਵਿਭਾਗ ਦੀ ਵੈਬਸਾਈਟ ਅਨੁਸਾਰ ਗਰਭਵਤੀ ਔਰਤਾਂ ਨੂੰ ਜਿਆਦਾਤਰ 'ਐਮ ਆਰ ਐਨ ਏ' ਵਾਲੇ ਟੀਕੇ ਹੀ ਲਗਾਏ ਜਾਣੇ ਚਾਹੀਦੇ ਹਨ ਜਿਹਨਾਂ ਵਿੱਚ ਫਾਈਜ਼ਰ ਦਾ ਟੀਕਾ ਸਭ ਤੋਂ ਉੱਪਰ ਰਿਹਾ ਹੈ।

ਇਸ ਸਮੇਂ ਜਦੋਂ ਮੋਡੈਰਨਾ ਟੀਕਾ ਵੀ ਉਪਲਬੱਧ ਹੋ ਚੁੱਕਾ ਹੈ, ਪ੍ਰੋ ਗਾਈਲਜ਼ ਕਹਿੰਦੀ ਹੈ ਕਿ ਗਰਭਵਤੀ ਔਰਤਾਂ ਨੂੰ ਇਸ ਟੀਕੇ ਦੇ ਵੀ 'ਸਾਈਡ-ਇਫੈਕਟਸ' ਬਾਰੇ ਜਿਆਦਾ ਫਿਕਰਮੰਦ ਨਹੀਂ ਹੋਣਾ ਚਾਹੀਦਾ।

ਪ੍ਰੋ ਗਾਈਲਜ਼ ਨੇ ਸਪਸ਼ਟ ਕੀਤੀ ਕਿ 'ਐਮ ਆਰ ਐਨ ਏ' ਟੀਕੇ ਆਪਣੇ ਆਪ ਵਿੱਚ ਲਾਗ ਫੈਲਾਉਣ ਵਾਲੇ ਨਹੀਂ ਹੁੰਦੇ। ਨਾਲ ਹੀ ਉਨ੍ਹਾਂ ਇਹ ਵੀ ਦੱਸਿਆ ਕਿ ਬੇਸ਼ਕ ਕੋਵਿਡ-19 ਦੀਆਂ ਦਵਾਈਆਂ ਅਜੇ ਨਵੀਆਂ ਹਨ ਪਰ ਇਹਨਾਂ ਦੀ ਕਾਰਜਸ਼ੈਲੀ ਬਾਰੇ ਮਾਹਰਾਂ ਨੂੰ ਕਾਫੀ ਹੱਦ ਤੱਕ ਗਿਆਨ ਹੋ ਚੁੱਕਾ ਹੈ।

ਉਹ ਇਹ ਵੀ ਸਾਫ ਤੌਰ 'ਤੇ ਦਸਣਾ ਚਾਹੁੰਦੇ ਹਨ ਕਿ ਮਾਂ ਦੇ ਗਰਭ ਵਿਚਲੇ ਬੱਚੇ ਵਿੱਚ ਸਿਰਫ ਮਾਂ ਦੇ ਸ਼ਰੀਰ ਤੋਂ ਹੀ 'ਐਂਟੀ-ਬੋਡੀਜ਼' ਤਬਦੀਲ ਹੁੰਦੀਆਂ ਹਨ।

How does COVID-19 impact pregnant women?
How does COVID-19 impact pregnant women?
Photo by freestocks on Unsplash

ਵਿਦੇਸ਼ਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਕੋਵਿਡ-19 ਨਾਲ ਪੀੜਤ ਗਰਭਵਤੀ ਔਰਤਾਂ ਵਿੱਚ 'ਪ੍ਰੀ-ਮਿਚਿਓਰ ਡਲਿਵਰੀ ਅਤੇ ਸਟਿੱਲਬਰਥ' ਵਰਗੀਆਂ ਸਮੱਸਿਆਵਾਂ ਜਿਆਦਾ ਪਾਈਆਂ ਜਾਂਦੀਆਂ ਹਨ। ਜਣੇਪੇ ਸਮੇਂ ਵੀ ਬੱਚਿਆਂ ਵਿੱਚ ਜਿਆਦਾ ਪ੍ਰੇਸ਼ਾਨੀ ਪੈਦਾ ਹੋ ਜਾਂਦੀ ਹੈ ਜਾਂ ਉਹਨਾਂ ਨੂੰ ਜਨਮ ਤੋਂ ਬਾਅਦ 'ਇੰਟੈਨਸਿਵ ਕੇਅਰ' ਵਿੱਚ ਰੱਖਣਾ ਪੈਂਦਾ ਹੈ।

ਇੱਕ ਮਾਹਰ ਡਾ ਨਿਸ਼ਾ ਖੋਟ ਕਹਿੰਦੀ ਹੈ ਕਿ ਆਸਟ੍ਰੇਲੀਅਨ ਮਾਵਾਂ ਬਹੁਤ ਕਿਸਮਤ ਵਾਲੀਆਂ ਹਨ ਕਿਉਂਕਿ ਉਹਨਾਂ ਨੇ ਸੰਸਾਰ ਦੇ ਬਾਕੀ ਹਿੱਸਿਆਂ ਵਾਂਗ ਫੈਲੀ ਭਿਆਨਕ ਮਹਾਂਮਾਰੀ ਦਾ ਸਾਹਮਣਾ ਨਹੀਂ ਕੀਤਾ ਹੈ।

ਉਹ ਇਹ ਵੀ ਕਹਿੰਦੀ ਹੈ ਕਿ ਲੱਗਭੱਗ ਸਾਰੇ ਹੀ ਟੀਕਿਆਂ ਤੋਂ ਬਾਅਦ ਕੁੱਝ ਨਾ ਕੁੱਝ ਪ੍ਰੇਸ਼ਾਨੀਆਂ ਜਿਵੇਂ, ਬਾਂਹ ਵਿੱਚ ਦਰਦ, ਬੁਖਾਰ, ਸਿਰ ਦਰਦ, ਮਾਂਸਪੇਸ਼ੀਆਂ ਅਤੇ ਜੋੜਾਂ ਵਿੱਚ ਦਰਦ ਆਦਿ ਤਾਂ ਹੁੰਦੀਆਂ ਹੀ ਹਨ ਪਰ ਇਹ ਮਰਜ਼ਾਂ ਟੀਕੇ ਲਗਵਾਉਣ ਤੋਂ 48 ਘੰਟਿਆਂ ਬਾਅਦ ਠੀਕ ਵੀ ਹੋ ਜਾਂਦੀਆਂ ਹਨ।

ਇਹ ਵੀ ਗੌਰ ਕਰਨ ਵਾਲ਼ੀ ਗੱਲ ਹੈ ਕਿ ਸਿਰਫ ਗਰਭਵਤੀ ਔਰਤਾਂ ਨੂੰ ਹੀ ਟੀਕੇ ਲਗਵਾਉਣੇ ਜਰੂਰੀ ਨਹੀਂ ਹੁੰਦੇ ਬਲਿਕ ‘ਮਰਸੀ ਹਸਪਤਾਲ ਫੋਰ ਵਿਮੈਨ’ ਦੀ ਡਾ ਐਲੀਸਨ ਫੂੰਗ ਕਹਿੰਦੀ ਹੈ ਕਿ ਉਹਨਾਂ ਸਾਰੇ ਜੋੜਿਆਂ ਨੂੰ ਵੀ ਟੀਕੇ ਲਗਵਾਉਣੇ ਚਾਹੀਦੇ ਹਨ ਜੋ ਭਵਿੱਖ ਵਿੱਚ ਗਰਭਧਾਰਨ ਕਰਨ ਦੇ ਇਛੁੱਕ ਹਨ।

ਅਜਿਹਾ ਉਹਨਾਂ ਨਵੀਆਂ ਬਣੀਆਂ ਮਾਵਾਂ ਲਈ ਵੀ ਜ਼ਰੂਰੀ ਹੁੰਦਾ ਹੈ ਜੋ ਆਪਣੇ ਬਾਲਾਂ ਨੂੰ ਦੁੱਧ ਚੁੰਘਾ ਰਹੀਆਂ ਹਨ ਜਿਸ ਨਾਲ ਉਹਨਾਂ ਦੇ ਸ਼ਰੀਰ ਵਿੱਚੋਂ ਦੀ ਹੋਕੇ 'ਐਂਟੀਬੋਡੀਜ਼' ਨਵੇਂ ਘਰ ਆਏ ਮਹਿਮਾਨ ਤੱਕ ਵੀ ਪਹੁੰਚ ਜਾਂਦੀਆਂ ਹਨ।


ਐਸ ਬੀ ਐਸ ਆਸਟ੍ਰੇਲੀਆ ਭਰ ਵਿਚਲੇ ਵਿਆਪਕ ਭਾਈਚਾਰੇ ਨੂੰ ਕੋਵਿਡ-19 ਬਾਰੇ ਤਾਜ਼ਾ ਜਾਣਕਾਰੀ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। 63 ਭਾਸ਼ਾਵਾਂ ਵਿੱਚ ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀ SBS.com.au/coronavirus ਉੱਤੇ ਉਪਲਬਧ ਹੈ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ। 

Coming up next

# TITLE RELEASED TIME MORE
ਡਾਕਟਰਾਂ ਵਲੋਂ ਗਰਭਵਤੀ ਔਰਤਾਂ ਨੂੰ ਕੋਵਿਡ-19 ਵੈਕਸੀਨੇਸ਼ਨ ਕਰਵਾਉਣ ਲਈ ਅਪੀਲ 13/10/2021 10:00 ...
ਤੁਸੀਂ ਆਸਟ੍ਰੇਲੀਆ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਆਪਣੇ ਨਾਲ ਕੀ ਲਿਆ ਸਕਦੇ ਹੋ ਅਤੇ ਕੀ ਨਹੀਂ 01/12/2021 10:35 ...
ਭਾਰਤ ਵਿੱਚ ਅੰਤਰਜਾਤੀ ਜੋੜਿਆਂ ਦੁਆਰਾ ਦਰਪੇਸ਼ ਜੋਖਮ 01/12/2021 10:00 ...
ਮਹਾਂਮਾਰੀ ਕਾਰਨ ਲੱਗੀਆਂ ਬੰਦਸ਼ਾਂ ਦੌਰਾਨ ਤੈਰਾਕੀ ਸਿੱਖਣ ਤੋਂ ਪੱਛੜੇ ਛੋਟੇ ਬੱਚਿਆਂ ਲਈ ਗਰਮੀਆਂ ਦਾ ਮੌਸਮ ਹੋ ਸਕਦਾ ਹੈ ਖਤਰਨਾਕ 01/12/2021 22:00 ...
ਵਹਿਮ ਭਰਮ ਅਤੇ ਲੋਕ ਵਿਸ਼ਵਾਸ ਦੀਆਂ ਗੱਲਾਂ 26/11/2021 07:30 ...
ਡਾਇਬੀਟੀਜ਼ ਇੱਕ ਅਜਿਹਾ ਰੋਗ ਹੈ ਜਿਸ ਨੂੰ ਜੀਵਨਸ਼ੈਲੀ ਵਿੱਚ ਮਾਮੂਲੀ ਤਬਦਲੀਆਂ ਦੁਆਰਾ ਅਸਾਨੀ ਨਾਲ ਕਾਬੂ ਵਿੱਚ ਕੀਤਾ ਜਾ ਸਕਦਾ ਹੈ 24/11/2021 21:00 ...
ਕੰਮ ਵਾਲੀ ਥਾਂ 'ਤੇ ਹੋਣ ਵਾਲਾ ਵਿਤਕਰਾ ਕੀ ਹੈ ਅਤੇ ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਤੁਸੀਂ ਵਿਤਕਰੇ ਦੇ ਪੀੜਤ ਹੋ ਤਾਂ ਤੁਸੀਂ ਕੀ ਕਰ ਸਕਦੇ ਹੋ? 24/11/2021 09:18 ...
ਆਸਟ੍ਰੇਲੀਆ ਦੇ ਔਰਫਨ ਰਿਲੇਟਿਵ ਵੀਜ਼ੇ ਬਾਰੇ ਵਿਸ਼ੇਸ ਜਾਣਕਾਰੀ 23/11/2021 07:06 ...
ਸ੍ਰੀ ਨਨਕਾਣਾ ਸਾਹਿਬ ਦੇ ਦਰਸ਼ਨਾਂ ਲਈ ਵੱਡੀ ਗਿਣਤੀ ‘ਚ ਪਹੁੰਚੀਆਂ ਭਾਰਤੀ ਸੰਗਤਾਂ 19/11/2021 09:08 ...
ਨਨਕਾਣਾ ਸਾਹਿਬ ਵਿਖੇ ਉਤਸ਼ਾਹ ਨਾਲ ਗੁਰਪੁਰਬ ਦੇ ਸਮਾਗਮਾਂ ਦਾ ਆਗਮਨ 18/11/2021 07:01 ...
View More