Coming Up Mon 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

'ਕੀ ਹਾਲ ਚਾਲ ਹੈ': ਬਹੁਪੱਖੀ ਸਖਸ਼ੀਅਤ ਬੌਬੀ ਸੰਧੂ ਦੇ ਪੰਜਾਬ ਤੋਂ ਪਰਥ ਤੱਕ ਦੇ ਸਫਰ ਬਾਰੇ ਦਿਲਚਸਪ ਗੱਲਾਂ

Bobby Sandhu captures action packed off-roading championships in Australia for his Punjabi audience. Source: Supplied by Bobby Sandhu

ਬੌਬੀ ਸੰਧੂ ਨੂੰ ਇੱਕ ਮਮਿਕਰੀ ਆਰਟਿਸਟ, ਟੀ.ਵੀ ਮੇਜ਼ਬਾਨ, ਪੰਜਾਬੀ ਫ਼ਿਲਮਾਂ ਦੇ ਸੰਵਾਦ ਅਤੇ ਪਟਕਥਾ ਲੇਖਕ, ਸਕੈਚ ਚਿਤ੍ਰਕਾਰ, ਆਟੋਮੋਟਿਵ ਡਰਾਇੰਗ ਆਰਟਿਸਟ ਵਜੋਂ ਜਾਣਿਆ ਜਾਂਦਾ ਹੈ। ਆਸਟ੍ਰੇਲੀਆ ਦੇ ਵਸਨੀਕ ਬਣਨ ਪਿੱਛੋਂ ਉਹ ਅੱਜਕੱਲ 'ਫੋਰ-ਵੀਲ ਡਰਾਈਵ' ਗੱਡੀਆਂ ਦੀਆਂ ਰੇਸਾਂ ਦੇ ਫਿਲਮਾਂਕਣ ਵਿੱਚ ਰੁਝੇ ਹੋਏ ਹਨ। ਪੇਸ਼ ਹੈ ਪੰਜਾਬ ਦੇ ਇੱਕ ਮਸ਼ਹੂਰ ਟੀ.ਵੀ ਹੋਸਟ ਤੋਂ ਪੱਛਮੀ ਆਸਟ੍ਰੇਲੀਆ ਦੇ ਮੁਸ਼ਕਿਲ ਰੇਸ ਟਰੈਕਾਂ ਦੀ ਸ਼ੂਟਿੰਗ ਤੱਕ ਦੇ ਇਸ ਸਫਰ ਬਾਰੇ ਉਨ੍ਹਾਂ ਨਾਲ ਇੱਕ ਵਿਸ਼ੇਸ਼ ਇੰਟਰਵਿਊ।

ਪਰਥ ਦੇ ਵਸਨੀਕ ਬੌਬੀ ਸੰਧੂ ਤਕਰੀਬਨ ਇੱਕ ਦਹਾਕਾ ਪਹਿਲਾਂ ਪੰਜਾਬੀ ਟੀਵੀ ਚੈਨਲ ਈ ਟੀ ਸੀ ਉੱਤੇ ਚੱਲਣ ਵਾਲੇ ਮਸ਼ਹੂਰ ਟੀ. ਵੀ ਸ਼ੋਅ 'ਕੀ ਹਾਲ ਚਾਲ ਹੈ ' ਦੀ ਮੇਜ਼ਬਾਨੀ ਕਰ ਚੁੱਕੇ ਹਨ ਜਿਸ ਤਹਿਤ ਉਨ੍ਹਾਂ ਪੰਜਾਬ ਦੀਆਂ ਕਈ ਨਾਮਵਰ ਸ਼ਖਸੀਅਤਾਂ ਨਾਲ ਇੰਟਰਵਿਊ ਕੀਤੀ ਸੀ।

ਉਨ੍ਹਾਂ ਨੂੰ ਪੰਜਾਬੀ ਦੀਆਂ ਕਈ ਸੁਪ੍ਰਸਿੱਧ ਹਸਤੀਆਂ ਸਤਿੰਦਰ ਸਰਤਾਜ, ਸੁਰਜੀਤ ਪਾਤਰ, ਜਸਵਿੰਦਰ ਭੱਲਾ, ਸਰਦੂਲ ਸਿਕੰਦਰ, ਦੇਬੀ ਮਖਸੂਸਪੁਰੀ, ਗਿੱਪੀ ਗਰੇਵਾਲ, ਸ਼ੈਰੀ ਮਾਨ, ਆਦਿ ਨੂੰ ਆਪਣੇ ਸ਼ੋਅ ਵਿੱਚ ਲਿਆਉਣ ਦਾ ਮੌਕਾ ਮਿਲਿਆ।

ਇੱਕ ਪਟਕਥਾ ਲੇਖਕ ਹੋਣ ਤਹਿਤ ਬੌਬੀ 'ਗੱਦਾਰ: ਦਾ ਟਰੇਟਰ (2015), ਬਿੱਕਰ ਬਾਈ ਸੇਂਟੀਮੈਂਟਲ (2013), ਐਵੇਂ ਰੌਲਾ ਪੈ ਗਿਆ (2012) ਵਰਗੀਆਂ ਪੰਜਾਬੀ ਫ਼ਿਲਮਾਂ ਦੇ ਸੰਵਾਦ ਵੀ ਕਲਮਬੰਦ ਕਰ ਚੁੱਕੇ ਹਨ।

Bobby Sandhu
Bobby Sandhu has covered Kalgoorie Desert Race, Three Springs, Gas Dash, Bencubbin, Perenjori off road racing in Western Australia
Supplied by Bobby Sandhu

'ਆਸਟ੍ਰੇਲੀਅਨ ਆਊਟਬੈਕ ਦੇ ਤਜ਼ੁਰਬੇ'
ਸੱਤ ਸਾਲ ਪਹਿਲਾਂ ਸ਼ੌਹਰਤ ਦਾ ਸਫਰ ਛੱਡ ਕੇ ਆਸਟ੍ਰੇਲੀਆ ਨੂੰ ਹੁਣ ਆਪਣਾ ਘਰ ਬਣਾ ਚੁੱਕੇ ਬੌਬੀ ਨੇ ਆਪਣੇ ਤਜ਼ਰਬੇ ਅਧਾਰਤ ਜੀਵਨ ਦੀ ਮਹੱਤਤਾ ਬਾਰੇ ਵੀ ਦੱਸਿਆ।

"ਹੁਣ ਤਕ ਦਾ ਮੇਰਾ ਆਸਟ੍ਰੇਲੀਅਨ ਜ਼ਿੰਦਗੀ ਦਾ ਸਫਰ ਬਹੁਤ ਚੰਗਾ ਰਿਹਾ ਹੈ। ਮੈਂ ਹਮੇਸ਼ਾਂ ਤੋਂ ਹੀ 4 ਡਬਲਯੂ ਡੀ ਵਾਹਨਾਂ ਅਤੇ ਆਫ਼-ਰੋਡਿੰਗ ਨੂੰ ਪਸੰਦ ਕਰਦਾ ਰਿਹਾ ਹਾਂ," ਉਨ੍ਹਾਂ ਕਿਹਾ।

"ਇਸ ਦਿਲਚਸਪੀ ਵੱਸ ਬਚਪਨ ਵਿੱਚ ਮੇਰੇ ਪਿਤਾ ਜੀ ਮੇਰੇ ਲਈ ਦਿੱਲੀ ਤੋਂ ਕਿੱਲੋਆਂ ਦੇ ਹਿਸਾਬ ਨਾਲ਼ ਕਾਰਾਂ ਦੇ ਪੁਰਾਣੇ ਮੈਗਜ਼ੀਨ ਲਿਆਉਂਦੇ ਸੀ ਤੇ ਉਨ੍ਹਾਂ ਵਿੱਚ ਕਈ ਆਸਟਰੇਲੀਆਈ ਪ੍ਰਕਾਸ਼ਨਾਂ ਦੇ ਰਸਾਲੇ ਵੀ ਹੁੰਦੇ ਸਨ.... ਮੈਂ ਓਦੋਂ ਤੋਂ ਹੀ ਇਨ੍ਹਾਂ ਗੱਡੀਆਂ ਦੇ ਸੁਪਨੇ ਲੈਣੇ ਸ਼ੁਰੂ ਕਰ ਦਿੱਤੇ ਸੀ।"

ਵੀਡੀਓ ਬਣਾਉਣ ਦਾ ਕੰਮ ਬੌਬੀ ਉਨ੍ਹਾਂ ਵੇਲਿਆਂ ਤੋਂ ਕਰ ਰਹੇ ਨੇ ਜਦ ਯੂਟਿਊਬ ਬਿਲਕੁਲ ਇੱਕ ਨਵਾਂ ਮਾਧਿਅਮ ਹੋਇਆ ਕਰਦਾ ਸੀ।

"ਜਦ ਮੈਂ ਆਸਟ੍ਰੇਲੀਆ ਆਇਆ ਤਾਂ ਮੈਂ ਸੋਚ ਲਿਆ ਸੀ ਕਿ ਮੈਂ ਫੋਰ ਵੀਲ ਡਰਾਈਵ ਵਿੱਚ ਹੀ ਵੀਡੀਓ ਫਿਲਮਾਂਕਣ ਦਾ ਕੰਮ ਕਰਾਂਗਾ, " ਉਨ੍ਹਾਂ ਕਿਹਾ।

"ਆਸਟ੍ਰੇਲੀਆ ਵਿੱਚ ਫੋਰ ਵੀਲ ਡਰਾਈਵ ਬਹੁਤ ਵੱਡੀ ਇੰਡਸਟਰੀ ਹੈ ਅਤੇ ਇੱਥੇ ਸਭ ਤੋਂ ਵੱਧ ਇਨ੍ਹਾਂ ਗੱਡੀਆਂ ਦੀ ਹੀ ਸੇਲ ਹੁੰਦੀ ਹੈ।"

ਵੈਸਟਰਨ ਆਸਟ੍ਰੇਲੀਆ ਦੀ ਆਫ਼ ਰੋਡ ਰੇਸਿੰਗ ਚੈਂਪੀਅਨਸ਼ਿਪ ਦੇ ਮੀਡਿਆ ਪਾਰਟਨਰ ਹੋਣ ਬਾਰੇ ਦੱਸਦਿਆਂ ਬੌਬੀ ਨੇ ਕਿਹਾ - "ਮੈਂ ਸਾਲ ਦੀਆਂ ਪ੍ਰਮੁੱਖ ਰੇਸਾਂ: ਕਲਗੁਰਲੀ ਡੇਜ਼ਰਟ (ਮਾਰੂਥਲ) ਰੇਸ, ਥ੍ਰੀ ਸਪ੍ਰਿੰਗਸ, ਗੈਸ ਡੈਸ਼ , ਬੇਨਕੁਬਿਨ, ਪੈਰਨਜੋਰੀ ਆਫ-ਰੋਡ ਰੇਸਿੰਗ ਆਦਿ ਦਾ ਫਿਲਮਾਂਕਣ ਕਰ ਚੁੱਕਿਆ ਹਾਂ। ਇਸ ਤਹਿਤ 7-8 ਦਿਨਾਂ ਦੇ ਸ਼ੂਟ ਹੁੰਦੇ ਨੇ ਤੇ ਬਹੁਤ ਸੋਹਣੇ ਤੇ ਵਿਲੱਖਣ ਤਜੁਰਬੇ ਮਹਿਸੂਸ ਕਰਨ ਨੂੰ ਮਿਲਦੇ ਹਨ।"

Bobby Sandhu
Bobby Sandhu explains Australian off road racing in Punjabi on one of his Youtube channel
Supplied by Bobby Sandhu

ਇਸਤੋਂ ਇਲਾਵਾ ਬੌਬੀ ਸੰਧੂ ਦੀ ਕਲਾਕਾਰੀ ਵਿਚ ਪੈਨਸਿਲ ਸਕੈਚ ਅਤੇ ਆਟੋਮੋਟਿਵ ਡਰਾਇੰਗ ਵੀ ਸ਼ਾਮਲ ਹਨ।

“ਮੇਰੀ ਆਟੋਮੋਟਿਵ ਸਕੈਚ ਕਲਾ ਹੁਣ ਸੋਸ਼ਲ ਮੀਡੀਆ 'ਤੇ ਪਛਾਣ ਪਾਉਣ ਲੱਗ ਪਈ ਹੈ।

“ਮੈਂ ਜੋ ਕੰਮ ਕਰਦਾ ਹਾਂ ਉਸਨੂੰ ਮਾਣਦਾ ਵੀ ਹਾਂ ਤੇ ਇਹ ਸਾਰੀ ਪ੍ਰਕਿਰਿਆ ਮੈਨੂੰ ਖੁਸ਼ੀ ਦਿੰਦੀ ਹੈ," ਉਨ੍ਹਾਂ ਕਿਹਾ।

ਪੂਰੀ ਇੰਟਰਵਿਊ ਪੰਜਾਬੀ ਵਿਚ ਸੁਣਨ ਲਈ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰੋ।

Coming up next

# TITLE RELEASED TIME MORE
'ਕੀ ਹਾਲ ਚਾਲ ਹੈ': ਬਹੁਪੱਖੀ ਸਖਸ਼ੀਅਤ ਬੌਬੀ ਸੰਧੂ ਦੇ ਪੰਜਾਬ ਤੋਂ ਪਰਥ ਤੱਕ ਦੇ ਸਫਰ ਬਾਰੇ ਦਿਲਚਸਪ ਗੱਲਾਂ 28/07/2021 14:00 ...
ਸੰਯੁਕਤ ਰਾਜ ਵਿੱਚ ਐਚ ਆਈ ਵੀ ਦੀ ਖੋਜ ਹੋਣ ਤੋਂ 40 ਸਾਲ ਬਾਅਦ ਦੇ ਹਾਲਾਤ 03/12/2021 08:00 ...
ਤੁਸੀਂ ਆਸਟ੍ਰੇਲੀਆ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਆਪਣੇ ਨਾਲ ਕੀ ਲਿਆ ਸਕਦੇ ਹੋ ਅਤੇ ਕੀ ਨਹੀਂ 01/12/2021 10:35 ...
ਭਾਰਤ ਵਿੱਚ ਅੰਤਰਜਾਤੀ ਜੋੜਿਆਂ ਦੁਆਰਾ ਦਰਪੇਸ਼ ਜੋਖਮ 01/12/2021 10:00 ...
ਮਹਾਂਮਾਰੀ ਕਾਰਨ ਲੱਗੀਆਂ ਬੰਦਸ਼ਾਂ ਦੌਰਾਨ ਤੈਰਾਕੀ ਸਿੱਖਣ ਤੋਂ ਪੱਛੜੇ ਛੋਟੇ ਬੱਚਿਆਂ ਲਈ ਗਰਮੀਆਂ ਦਾ ਮੌਸਮ ਹੋ ਸਕਦਾ ਹੈ ਖਤਰਨਾਕ 01/12/2021 22:00 ...
ਵਹਿਮ ਭਰਮ ਅਤੇ ਲੋਕ ਵਿਸ਼ਵਾਸ ਦੀਆਂ ਗੱਲਾਂ 26/11/2021 07:30 ...
ਡਾਇਬੀਟੀਜ਼ ਇੱਕ ਅਜਿਹਾ ਰੋਗ ਹੈ ਜਿਸ ਨੂੰ ਜੀਵਨਸ਼ੈਲੀ ਵਿੱਚ ਮਾਮੂਲੀ ਤਬਦਲੀਆਂ ਦੁਆਰਾ ਅਸਾਨੀ ਨਾਲ ਕਾਬੂ ਵਿੱਚ ਕੀਤਾ ਜਾ ਸਕਦਾ ਹੈ 24/11/2021 21:00 ...
ਕੰਮ ਵਾਲੀ ਥਾਂ 'ਤੇ ਹੋਣ ਵਾਲਾ ਵਿਤਕਰਾ ਕੀ ਹੈ ਅਤੇ ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਤੁਸੀਂ ਵਿਤਕਰੇ ਦੇ ਪੀੜਤ ਹੋ ਤਾਂ ਤੁਸੀਂ ਕੀ ਕਰ ਸਕਦੇ ਹੋ? 24/11/2021 09:18 ...
ਆਸਟ੍ਰੇਲੀਆ ਦੇ ਔਰਫਨ ਰਿਲੇਟਿਵ ਵੀਜ਼ੇ ਬਾਰੇ ਵਿਸ਼ੇਸ ਜਾਣਕਾਰੀ 23/11/2021 07:06 ...
ਸ੍ਰੀ ਨਨਕਾਣਾ ਸਾਹਿਬ ਦੇ ਦਰਸ਼ਨਾਂ ਲਈ ਵੱਡੀ ਗਿਣਤੀ ‘ਚ ਪਹੁੰਚੀਆਂ ਭਾਰਤੀ ਸੰਗਤਾਂ 19/11/2021 09:08 ...
View More