Coming Up Tue 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਭਾਰਤ ਵਿੱਚ ਕਰੋਨਾਵਾਇਰਸ ਮਹਾਂਮਾਰੀ ਕਰਕੇ ਹਾਲਾਤ ਕਾਫੀ ਗੰਭੀਰ, ਮੌਤਾਂ ਦਾ ਅੰਕੜਾ ਦੋ ਲੱਖ ਤੋਂ ਪਾਰ

Relatives mourning next to pyres of Covid-19 deceased people at a crematorium in New Delhi. Source: LightRocket

ਜਿਥੇ ਅਮਰੀਕਾ ਵੱਲੋਂ ਕਰੋਨਾਵਾਇਰਸ 'ਤੇ ਕਾਬੂ ਪਾਉਂਦਿਆਂ ਮਾਸਕ ਪਾਉਣ ਤੋਂ ਛੋਟ ਦਿੱਤੀ ਜਾ ਰਹੀ ਹੈ ਉਥੇ ਭਾਰਤ ਵਿੱਚ ਮਹਾਂਮਾਰੀ ਖਿਲਾਫ ਇਹ ਜੰਗ ਹੋਈਆਂ ਦੋ ਲੱਖ ਮੌਤਾਂ ਪਿੱਛੋਂ ਭਿਆਨਕ ਮੋੜ ਉੱਤੇ ਪਹੁੰਚ ਗਈ ਹੈ। ਕੋਵਿਡ-19 ਦੇ ਕਈ ਨਵੇਂ ਰੂਪ ਸਥਿਤੀ ਨੂੰ 'ਹਾਲੋਂ-ਬੇਹਾਲ' ਬਣਾ ਰਹੇ ਹਨ।

ਇਸ ਸਮੇਂ ਭਾਰਤ ਵਿੱਚ ਕਰੋਨਾਵਾਇਰਸ ਦੀ ਸਥਿਤੀ 'ਬਦ ਤੋਂ ਬਦਤਰ' ਹੋ ਚੁੱਕੀ ਹੈ। ਭਾਰਤੀ ਸਿਹਤ ਮੰਤਰਾਲੇ ਅਨੁਸਾਰ ਹਰ ਘੰਟੇ 115 ਭਾਰਤੀ ਮੌਤ ਦੇ ਮੂੰਹ ਵਿੱਚ ਜਾ ਰਹੇ ਹਨ।

ਮਹਾਂਮਾਰੀ ਸ਼ੁਰੂ ਹੋਣ ਤੋਂ ਲੈ ਕਿ ਹੁਣ ਤੱਕ 17.6 ਮਿਲੀਅਨ ਲਾਗਾਂ ਕਾਗਜ਼ਾਂ ਵਿੱਚ ਰਿਪੋਰਟ ਹੋ ਚੁੱਕੀਆਂ ਹਨ ਜਦਕਿ ਅਸਲ ਮਾਤਰਾ 30 ਗੁਣਾ ਤੋਂ ਵੀ ਜਿਆਦਾ ਹੋਣ ਦਾ ਸ਼ੱਕ ਕੀਤਾ ਜਾ ਰਿਹਾ ਹੈ।

ਇਸ ਸਮੇਂ ਜਦੋਂ ਸਥਿਤੀ ਕਾਬੂ ਤੋਂ ਬਾਹਰ ਹੋ ਚੁੱਕੀ ਹੈ, ਰੈੱਡ ਕਰੋਸ ਵੀ ਮੱਦਦ ਲਈ ਅੱਗੇ ਆਈ ਹੈ। ਖੇਤਰ ਦੇ ਰੈੱਡ ਕਰਾਸ ਮੁਖੀ ਉਦਿਆ ਰੈਜਮੀ ਦਾ ਕਹਿਣਾ ਹੈ ਭਾਰਤ ਦੀ ਸਥਿਤੀ ਬਹੁਤ ਤੇਜ਼ੀ ਨਾਲ ਨਿੱਘਰ ਰਹੀ ਹੈ।

ਲੋਕ, ਹਾਲਾਤ ਨੂੰ ਆਪਣੇ ਹੱਥਾਂ ਵਿੱਚ ਲੈਣ ਤੇ ਮਜ਼ਬੂਰ ਹੋਏ ਪਏ ਹਨ ਅਤੇ ਉਹ ਕੁੱਝ ਆਪ ਕਰ ਰਹੇ ਹਨ ਜੋ ਸਰਕਾਰਾਂ ਨੂੰ ਬਹੁਤ ਪਹਿਲਾਂ ਕਰਨਾ ਚਾਹੀਦਾ ਸੀ।

ਜਿੱਥੇ ਹਸਪਤਾਲਾਂ ਵਿੱਚ ਆਕਸੀਜਨ ਦੀ ਭਾਰੀ ਕਮੀ ਦੇਖੀ ਜਾ ਰਹੀ ਹੈ, ਉੱਥੇ ਹਸਪਤਾਲ ਪੂਰੀ ਤਰਾਂ ਨਾਲ ਭਰ ਗਏ ਦੱਸੇ ਜਾ ਰਹੇ ਹਨ ਅਤੇ ਸਾਰੇ ਹੀ ਵੈਂਟੀਲੇਟਰਸ ਨੂੰ ਵਰਤੋਂ ਵਿੱਚ ਲਿਆਂਦਾ ਜਾ ਚੁੱਕਿਆ ਹੈ।

ਯੂਨਾਇਟੇਡ ਸਟੇਟਸ ਦੇ ਰਾਸ਼ਟਰਪਤੀ ਜੋਅ ਬਾਈਡਨ ਨੇ ਦਵਾਈਆਂ ਤੋਂ ਅਲਾਵਾ ਹੋਰ ਮੱਦਦ ਭੇਜਦੇ ਹੋਏ ਕਿਹਾ ਹੈ ਕਿ ਇਸ ਨਾਲ ਕੁੱਝ ਰਾਹਤ ਤਾਂ ਜਰੂਰ ਹੀ ਮਿਲੇਗੀ।

ਬੇਸ਼ਕ ਕਿਹਾ ਜਾ ਰਿਹਾ ਹੈ ਕਿ ਭੇਜੀ ਜਾਣ ਵਾਲੀ ਇਹ ਮੱਦਦ ਕਾਫੀ ਦੇਰੀ ਨਾਲ ਦਿੱਤੀ ਜਾ ਰਹੀ ਹੈ, ਪਰ ਨਾਲ ਹੀ ਜਰਮਨੀ ਵਲੋਂ ਵੀ ਅਜਿਹਾ ਹੀ ਕੀਤਾ ਜਾ ਰਿਹਾ ਹੈ।

ਗੁਆਂਢੀ ਦੇਸ਼ ਪਾਕਿਸਤਾਨ ਨੇ ਵੀ ਵੈਂਟੀਲੇਟਰ, ਆਕਸੀਜਨ, ਡਿਜੀਟਲ ਐਕਸ-ਰੇਅ ਮਸ਼ੀਨਾਂ ਅਤੇ ਹੋਰ ਸਾਵਧਾਨੀਆਂ ਵਾਲੇ ਸਮਾਨ ਭੇਜਣ ਬਾਰੇ ਕਿਹਾ ਹੈ।

ਕਨੇਡਾ, ਹੋਰਨਾਂ ਰਾਹਤ ਸਮੱਗਰੀਆਂ ਦੇ ਨਾਲ ਭਾਰਤੀ ਰੈੱਡ ਕਰਾਸ ਨੂੰ 10 ਮਿਲੀਅਨ ਡਾਲਰ ਦੇਣ ਜਾ ਰਿਹਾ ਹੈ।

ਫਰਾਂਸ ਵਲੋਂ ਸਾਹ ਵਾਲੀਆਂ ਮਸ਼ੀਨਾਂ, ਆਕਸੀਜਨ ਬਨਾਉਣ ਵਾਲੀਆਂ ਮਸ਼ੀਨਾਂ ਅਤੇ ਹੋਰ ਸਮਾਨ ਭੇਜ ਦਿੱਤਾ ਗਿਆ ਹੈ ਜੋ ਕਿ ਅਗਲੇ ਹਫਤੇ ਤੱਕ ਉੱਥੇ ਪਹੁੰਚ ਵੀ ਜਾਵੇਗਾ।

ਬਰਤਾਨੀਆ ਨੇ ਵੀ 100 ਵੈਂਟੀਲੇਟਰਾਂ ਸਮੇਤ 95 ਆਕਸੀਜਨ ਬਨਾਉਣ ਵਾਲੀਆਂ ਮਸ਼ੀਨਾਂ ਭਾਰਤ ਭੇਜ ਦਿੱਤੀਆਂ ਹਨ।

ਪਰ ਲੋਕਾਂ ਤੱਕ ਇਹ ਸਮਾਨ ਕਦੋਂ ਪਹੁੰਚੇਗਾ ਇਸ ਬਾਰੇ ਯਕੀਨ ਨਾਲ ਕਹਿਣਾ ਔਖਾ ਹੈ।

ਭਾਰਤ ਸਰਕਾਰ ਸਥਿਤੀ ਨੂੰ ਕਾਬੂ ਵਿੱਚ ਰੱਖਣ ਲਈ ਫੌਜ ਦੀ ਮੱਦਦ ਲੈ ਰਹੀ ਹੈ।

ਹਵਾਈ ਜਹਾਜਾਂ ਦੀ ਮੱਦਦ ਨਾਲ ਫੌਜ ਸੂਬਿਆਂ ਵਿੱਚ ਆਕਸੀਜਨ ਦੇ ਸਿਲੰਡਰ ਪਹੁੰਚਾ ਰਹੀ ਹੈ।

ਰੇਲ ਗੱਡੀਆਂ ਦੇ ਡੱਬਿਆਂ ਨੂੰ ਮਰੀਜ਼ਾਂ ਨੂੰ ਸਾਂਭਣ ਲਈ ਵਰਤਿਆ ਜਾ ਰਿਹਾ ਹੈ।

ਦਿੱਲੀ ਨੇੜਲੇ ਸ਼ਹਿਰ ਗੁਰੂਗਰਾਮ ਵਿੱਚ ਕਈ ਸਮਾਜ ਸੇਵੀ ਸੰਸਥਾਵਾਂ ਨੇ ਮੈਦਾਨਾਂ ਵਿੱਚ ਹੀ ਮੱਦਦ ਲਈ ਕੈਂਪ ਲਗਾ ਦਿੱਤੇ ਹਨ।

ਹੇਮਕੁੰਟ ਫਾਂਊਂਡੇਸ਼ਨ ਦੇ ਇਸ਼ਾਨ ਸਿੰਘ ਕਹਿੰਦੇ ਹਨ ਕਿ ਉਹ ਕਰੋਨਾ ਮਰੀਜ਼ਾਂ ਲਈ ਹਰ ਪ੍ਰਕਾਰ ਦੀ ਮੱਦਦ ਪ੍ਰਦਾਨ ਕਰਨ ਦਾ ਯਤਨ ਕਰ ਰਹੇ ਹਨ।

ਇਸ ਦੇ ਨਾਲ ਹੀ ਆਸਟ੍ਰੇਲੀਆ ਵਿੱਚ ਰਹਿ ਰਹੇ ਭਾਰਤੀ ਲੋਕਾਂ ਨੇ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਉਹ ਭਾਰਤ ਨਾਲ ਹਵਾਈ ਉਡਾਣਾ ਮੁੜ ਸ਼ੁਰੂ ਕਰਨ ਦੇ ਨਾਲ ਹੀ, ਇੱਥੇ ਇੱਕ 'ਕਾਰਗਰ ਕੂਆਰਨਟੀਨ ਸਿਸਟਮ' ਲਾਗੂ ਕਰਨ ਲਈ ਹੁਣ ਤੋਂ ਹੀ ਉਪਰਾਲੇ ਕਰੇ।

ਭਾਰਤ ਤੋਂ ਹਟਕੇ ਯੂ ਐਸ ਵਿੱਚ ਕਰੋਨਾਵਾਇਰਸ ਦੀ ਸਥਿਤੀ ਕੁੱਝ ਵੱਖਰੀ ਹੈ। ਉਹਨਾਂ ਲੋਕਾਂ ਨੂੰ ਬਾਹਰੀ ਥਾਵਾਂ ਉੱਤੇ ਮਾਸਕ ਪਾਉਣ ਲਈ ਢਿੱਲ ਦੇ ਦਿੱਤੀ ਹੈ ਜਿਹਨਾਂ ਨੇ ਕਰੋਨਾਵਾਇਰਸ ਦੇ ਦੋਵੇਂ ਟੀਕੇ ਲਗਵਾ ਲਏ ਹਨ।

ਸਿਹਤ ਵਿਭਾਗ ਦੇ ਡਾਕਟਰ ਰੋਸ਼ੇਲ ਵਲੈਂਸਕੀ ਦਾ ਕਹਿਣਾ ਹੈ ਕਿ ਖੋਜ ਤੋਂ ਪਤਾ ਚੱਲ ਰਿਹਾ ਹੈ ਕਿ ਲਾਗ ਅੰਦਰੂਨੀ ਥਾਵਾਂ 'ਤੇ ਹੀ ਜਿਆਦਾ ਫੈਲ ਰਹੀ ਹੈ ਨਾ ਕਿ ਬਾਹਰੀ ਥਾਵਾਂ ‘ਤੋਂ।

ਰਾਸ਼ਟ੍ਰਪਤੀ ਜੋਅ ਬਾਈਡਨ ਨੇ ਕਿਹਾ ਹੈ ਕਿ ਮਾਸਕ ਪਾਉਣ ਵਿੱਚ ਮਿਲੀ ਛੋਟ ਨਾਲ, ਉਹਨਾਂ ਦਾ ਦੇਸ਼ 4 ਜੂਲਾਈ ਵਾਲੇ ਪੂਰਨ ਕਰੋਨਾਵਾਇਰਸ ਮੁਕਤੀ ਵਾਲੇ ਟੀਚੇ ਵਲ ਇੱਕ ਕਦਮ ਹੋਰ ਅੱਗੇ ਵਧਿਆ ਹੈ।

ਇਹ ਜਾਣਕਾਰੀ ਮਿਤੀ 28 ਅਪ੍ਰੈਲ ਤੱਕ ਮਿਲੇ ਹਾਲਾਤਾਂ ‘ਤੇ ਅਧਾਰਿਤ ਹੈ।

ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ਸਪੀਕਰਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।

ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ। ਤੁਸੀਂ ਸਾਨੂੰ ਟਵਿੱਟਰ 'ਤੇ ਵੀ ਫ਼ਾਲੋ ਕਰ ਸਕਦੇ ਹੋ।   

ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ ਇਕੱਠਾਂ ਉੱਤੇ ਲੱਗੀਆਂ ਪਾਬੰਦੀਆਂ ਬਾਰੇ ਆਪਣੇ ਰਾਜ ਅਤੇ ਪ੍ਰਦੇਸ਼ ਦੇ ਨਿਯਮਾਂ ਬਾਰੇ ਜਾਣੋ

ਕਰੋਨਾਵਾਇਰਸ ਦੀ ਜਾਂਚ ਹੁਣ ਆਸਟ੍ਰੇਲੀਆ ਭਰ ਵਿੱਚ ਵਿਆਪਕ ਤੌਰ 'ਤੇ ਉਪਲੱਬਧ ਹੈ।

ਜੇਤੁਸੀਂ ਠੰਡ ਜਾਂ ਫਲੂ ਦੇ ਲੱਛਣਾਂ ਦਾ ਸਾਹਮਣਾ ਕਰ ਰਹੇ ਹੋ ਤਾਂ ਆਪਣੇ ਡਾਕਟਰ ਨੂੰ ਫੋਨਕਰਕੇ ਟੈਸਟ ਦਾ ਪ੍ਰਬੰਧ ਕਰੋ ਜਾਂ ਕਰੋਨਾਵਇਰਸ ਸਿਹਤ ਜਾਣਕਾਰੀ ਨੂੰ 1800 020 080 ਤੇਸੰਪਰਕ ਕਰੋ।

ਐਸ ਬੀ ਐਸ, ਆਸਟ੍ਰੇਲੀਆ ਦੇ ਵਿਭਿੰਨ ਭਾਈਚਾਰਿਆਂ ਨੂੰ ਕੋਵਿਡ-19 ਦੇ ਵਿਕਾਸ ਬਾਰੇ ਤਾਜ਼ਾ ਜਾਣਕਾਰੀ ਦੇਣ ਲਈ ਵਚਨਬੱਧ ਹੈ।

ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀਆਂ 63 ਭਾਸ਼ਾਵਾਂ ਵਿੱਚ sbs.com.au/coronavirus ਉੱਤੇ ਉਪਲੱਬਧ ਹਨ।

Coming up next

# TITLE RELEASED TIME MORE
ਭਾਰਤ ਵਿੱਚ ਕਰੋਨਾਵਾਇਰਸ ਮਹਾਂਮਾਰੀ ਕਰਕੇ ਹਾਲਾਤ ਕਾਫੀ ਗੰਭੀਰ, ਮੌਤਾਂ ਦਾ ਅੰਕੜਾ ਦੋ ਲੱਖ ਤੋਂ ਪਾਰ 29/04/2021 07:00 ...
ਸੰਯੁਕਤ ਰਾਜ ਵਿੱਚ ਐਚ ਆਈ ਵੀ ਦੀ ਖੋਜ ਹੋਣ ਤੋਂ 40 ਸਾਲ ਬਾਅਦ ਦੇ ਹਾਲਾਤ 03/12/2021 08:00 ...
ਤੁਸੀਂ ਆਸਟ੍ਰੇਲੀਆ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਆਪਣੇ ਨਾਲ ਕੀ ਲਿਆ ਸਕਦੇ ਹੋ ਅਤੇ ਕੀ ਨਹੀਂ 01/12/2021 10:35 ...
ਭਾਰਤ ਵਿੱਚ ਅੰਤਰਜਾਤੀ ਜੋੜਿਆਂ ਦੁਆਰਾ ਦਰਪੇਸ਼ ਜੋਖਮ 01/12/2021 10:00 ...
ਮਹਾਂਮਾਰੀ ਕਾਰਨ ਲੱਗੀਆਂ ਬੰਦਸ਼ਾਂ ਦੌਰਾਨ ਤੈਰਾਕੀ ਸਿੱਖਣ ਤੋਂ ਪੱਛੜੇ ਛੋਟੇ ਬੱਚਿਆਂ ਲਈ ਗਰਮੀਆਂ ਦਾ ਮੌਸਮ ਹੋ ਸਕਦਾ ਹੈ ਖਤਰਨਾਕ 01/12/2021 22:00 ...
ਵਹਿਮ ਭਰਮ ਅਤੇ ਲੋਕ ਵਿਸ਼ਵਾਸ ਦੀਆਂ ਗੱਲਾਂ 26/11/2021 07:30 ...
ਡਾਇਬੀਟੀਜ਼ ਇੱਕ ਅਜਿਹਾ ਰੋਗ ਹੈ ਜਿਸ ਨੂੰ ਜੀਵਨਸ਼ੈਲੀ ਵਿੱਚ ਮਾਮੂਲੀ ਤਬਦਲੀਆਂ ਦੁਆਰਾ ਅਸਾਨੀ ਨਾਲ ਕਾਬੂ ਵਿੱਚ ਕੀਤਾ ਜਾ ਸਕਦਾ ਹੈ 24/11/2021 21:00 ...
ਕੰਮ ਵਾਲੀ ਥਾਂ 'ਤੇ ਹੋਣ ਵਾਲਾ ਵਿਤਕਰਾ ਕੀ ਹੈ ਅਤੇ ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਤੁਸੀਂ ਵਿਤਕਰੇ ਦੇ ਪੀੜਤ ਹੋ ਤਾਂ ਤੁਸੀਂ ਕੀ ਕਰ ਸਕਦੇ ਹੋ? 24/11/2021 09:18 ...
ਆਸਟ੍ਰੇਲੀਆ ਦੇ ਔਰਫਨ ਰਿਲੇਟਿਵ ਵੀਜ਼ੇ ਬਾਰੇ ਵਿਸ਼ੇਸ ਜਾਣਕਾਰੀ 23/11/2021 07:06 ...
ਸ੍ਰੀ ਨਨਕਾਣਾ ਸਾਹਿਬ ਦੇ ਦਰਸ਼ਨਾਂ ਲਈ ਵੱਡੀ ਗਿਣਤੀ ‘ਚ ਪਹੁੰਚੀਆਂ ਭਾਰਤੀ ਸੰਗਤਾਂ 19/11/2021 09:08 ...
View More