Coming Up Mon 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਦੱਖਣੀ ਏਸ਼ੀਆਈਆਂ ਵਿੱਚੋਂ ਭਾਰਤੀਆਂ ਨੂੰ ਸ਼ੂਗਰ ਰੋਗ ਦਾ ਖਤਰਾ ਸਭ ਤੋਂ ਜਿਆਦਾ

Purva Gulyani, a Melbourne-based dietitian

ਮੈਲਬਰਨ ਸਥਿਤ ਖੁਰਾਕ ਮਾਹਰ ਪੂਰਵਾ ਗੂਲੀਆਨੀ ਨੇ ਕਿਹਾ ਹੈ ਕਿ ਸ਼ੂਗਰ ਰੋਗ ਨੂੰ ਰੋਜ਼ਮਰਾ ਦੀਆਂ ਆਦਤਾਂ ਬਦਲਣ ਨਾਲ ਕਾਬੂ ਵਿੱਚ ਕੀਤਾ ਜਾ ਸਕਦਾ ਹੈ। ਪੂਰਵਾ ਨੇ ਚਿਤਵਾਨੀ ਵਜੋਂ ਦਸਿਆ ਕਿ ਭਾਰਤ ਨੂੰ ਵਿਸ਼ਵ ਦੀ ਸ਼ੂਗਰ ਰਾਜਧਾਨੀ ਮੰਨਿਆ ਜਾਣ ਲਗ ਪਿਆ ਹੈ। ਇਸ ਲਈ ਆਸਟ੍ਰੇਲੀਆ ਵਿੱਚ ਰਹਿੰਦੇ ਭਾਰਤੀਆਂ ਨੂੰ ਇਸ ਤੋਂ ਚੌਕਸ ਰਹਿੰਦੇ ਹੋਏ ਸਾਰੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ।

14 ਨਵੰਬਰ ਨੂੰ ‘ਵਰਲਡ ਡਾਇਬੀਟੀਜ਼ ਡੇਅ’ ਮਨਾਇਆ ਗਿਆ ਸੀ, ਅਤੇ ਖੁਰਾਕ ਮਾਹਰ ਪੂਰਵਾ ਗੂਲੀਆਨੀ ਸਾਰੇ ਹੀ ਆਸਟ੍ਰੇਲੀਅਨ ਭਾਰਤੀਆਂ ਨੂੰ ਇਸ ਬਾਬਤ ਜਾਗਰੂਕ ਕਰਵਾਉਣਾ ਚਾਹੁੰਦੀ ਹੈ।

‘ਇੰਟਰਨੈਸ਼ਨਲ ਡਾਇਬੀਟੀਜ਼ ਫੈਡੇਰੇਸ਼ਨ ਵਲੋਂ ਸਾਲ 2017 ਵਿੱਚ ਪਤਾ ਚਲਿਆ ਹੈ ਕਿ ਸਾਰੇ ਹੀ ਦੱਖਣੀ ਏਸ਼ੀਆਈਆਂ ਵਿੱਚੋਂ ਭਾਰਤੀਆਂ ਵਿੱਚ ਸ਼ੂਗਰ ਰੋਗ ਸਭ ਤੋਂ ਜਿਆਦਾ ਫੈਲ ਰਿਹਾ ਹੈ’, ਕਿਹਾ ਪੂਰਵਾ ਨੇ।

ਇਕ ਹੋਰ ਖੋਜ ਵਿੱਚ ਦਰਸਾਇਆ ਗਿਆ ਹੈ ਕਿ ਭਾਰਤੀ ਪ੍ਰਵਾਸੀਆਂ ਨੂੰ ਇਸ ਦੀ ਰੋਕਥਾਮ ਲਈ ਸਾਰੇ ਲੌੜੀਂਦੇ ਉਪਾਅ ਕਰਨੇ ਚਾਹੀਦੇ ਹਨ।

ਸਭ ਤੋਂ ਜਿਆਦਾ ਖਤਰੇ ਵਾਲੀ ਗਲ ਇਹ ਹੈ ਕਿ ਹਰ ਦੋ ਵਿੱਚੋਂ ਇਕ ਨੂੰ ਤਾਂ ਇਹੀ ਪਤਾ ਨਹੀਂ ਹੁੰਦਾ ਕਿ ਉਸ ਨੂੰ ਵੀ ਸ਼ੂਗਰ ਰੋਗ ਹੈ।

‘ਜਿਹੜੇ ਵਿਅਕਤੀਆਂ ਦੇ ਪੇਟ ਦਾ ਆਕਾਰ ਵੱਡਾ ਹੁੰਦਾ ਹੈ, ਉਹਨਾਂ ਨੂੰ ਸਿਰਫ ਸ਼ੂਗਰ ਹੋਣ ਦਾ ਹੀ ਨਹੀਂ ਬਲਕਿ ਦਿਲ ਦੀਆਂ ਬਿਮਾਰੀਆਂ ਹੋਣ ਦਾ ਖਤਰਾ ਵੀ ਬਾਕੀਆਂ ਨਾਲੋਂ ਛੇ ਗੁਣਾ ਜਿਆਦਾ ਹੁੰਦਾ ਹੈ। ਅਤੇ ਭਾਰਤੀਆਂ ਦੇ ਪੇਟ ਅਕਸਰ ਹੀ ਭਾਰੇ ਹੁੰਦੇ ਹਨ’। 

ਇਸ ਲਈ ਭਾਈਚਾਰੇ ਨੂੰ ਇਸ ਬਾਬਤ ਸੰਜੀਦਾ ਹੋਣਾ ਪਵੇਗਾ।

‘ਇਹਨਾਂ ਆਂਕੜਿਆਂ ਵਿੱਚ ਕੁਝ ਤਾਂ ਉਹ ਲੋਗ ਹਨ ਜਿਨ੍ਹਾਂ ਦੇ ਪਰਿਵਾਰ ਵਿਚ ਪੀੜੀ ਦਰ ਪੀੜੀ ਇਹ ਰੋਗ ਚਲਿਆ ਆ ਰਿਹਾ ਹੈ, ਪਰ ਬਹੁਤਾਤ ਉਹਨਾਂ ਲੋਗਾਂ ਦੀ ਹੈ ਜੋ ਸੰਤੁਲਤ ਖਾਣਾ ਨਹੀਂ ਲੈਂਦੇ, ਕਸਰਤ ਤੋਂ ਭਜਦੇ ਹਨ ਅਤੇ ਜੋ ਸੋਚਦੇ ਹਨ ਕਿ ਇਹ ਬਿਮਾਰੀ ਸਾਨੂੰ ਤਾਂ ਹੋ ਹੀ ਨਹੀਂ ਸਕਦੀ’।

ਸ਼ੂਗਰ ਦੇ ਕਈ ਚਿੰਨਾਂ ਵਿੱਚੋਂ ਇੱਕ ਇਹ ਵੀ ਹੈ ਕਿ ਇਸ ਕਾਰਨ ਜਖਮ ਜਲਦ ਨਹੀਂ ਭਰਦੇ। ਇਸ ਦੀ ਪਹਿਚਾਣ ਜਲਦ ਹੀ ਕਰ ਲੈਣੀ ਲਾਹੇਵੰਦ ਹੁੰਦੀ ਹੈ। ਜਿਆਦਾਤਰ ਥਕਾਵਟ ਨਾਲ ਪਿਆਸੇ ਮਹਿਸੂਸ ਕਰਨਾ ਅਤੇ ਪਿਸ਼ਾਬ ਦਾ ਬਾਰ ਬਾਰ ਆਉਣਾ ਵੀ ਇਸ ਦੀ ਪਛਾਣ ਕਰਵਾ ਸਕਦੇ ਹਨ।

ਅਗਰ ਤੁਹਾਨੂੰ ਅਜਿਹਾ ਮਹਿਸੂਸ ਹੋ ਰਿਹਾ ਹੈ ਤਾਂ ਤੁਰੰਤ ਆਪਣੇ ਜੀਪੀ ਨਾਲ ਸੰਪਰਕ ਕਰੋ ਅਤੇ ਸਾਰੇ ਲੌੜੀਂਦੇ ਟੈਸਟ ਕਰਵਾਉ।

‘ਵਰਲਡ ਡਾਇਬੀਟੀਜ਼ ਡੇਅ ਦਾ ਇਸ ਸਾਲ ਦਾ ਮੰਤਵ ਸੀ – ਇਸ ਤੋਂ ਬਚਾਅ।

‘ਇਸ ਲਈ ਮੇਰਾ ਸੁਨੇਹਾ ਵੀ ਇਹੀ ਹੈ ਕਿ ਇਕ ਨਿਯਮਤ ਅਤੇ  ਸੰਤੁਲਿਤ ਖੁਰਾਕ ਦਾ ਸੇਵਨ ਕਰੋ, ਕਸਰਤ ਨਾਲ ਜੁੜੋ, ਅਤੇ ਸਭ ਤੋਂ ਜਰੂਰੀ ਇਹ ਕਿ ਆਪਣੇ ਹਫਤੇ ਭਰ ਦੀ ਖੁਰਾਕ ਦੀ ਸੂਚੀ ਬਣਾਉ,’ ਮਿਸ ਗੂਲੀਆਨੀ ਨੇ ਕਿਹਾ।

Listen to SBS Punjabi Monday to Friday at 9 pm. Follow us on Facebook and Twitter

Coming up next

# TITLE RELEASED TIME MORE
ਦੱਖਣੀ ਏਸ਼ੀਆਈਆਂ ਵਿੱਚੋਂ ਭਾਰਤੀਆਂ ਨੂੰ ਸ਼ੂਗਰ ਰੋਗ ਦਾ ਖਤਰਾ ਸਭ ਤੋਂ ਜਿਆਦਾ 18/11/2019 21:43 ...
ਪਰਦੇਸਾਂ ਵਿੱਚ ਬੈਠੇ ਨਹੀਂ ਭੁੱਲਦਾ ਅੰਮੀਏ ਤੇਰਾ ਮੋਹ 12/12/2019 12:08 ...
ਵਿਕਟੋਰੀਆ ਵਿੱਚ 2001 ਤੋਂ ਸੈਂਕੜੇ ਬਚੇ ਸਿੱਖ ਰਹੇ ਹਨ ਮਾਂ-ਬੋਲੀ ਪੰਜਾਬੀ 10/12/2019 11:14 ...
ਆਸਟ੍ਰੇਲੀਅਨ ਸਿੱਖ ਐਸੋਸ਼ਿਏਸ਼ਨ ਵਲੋਂ ਬੁੱਸ਼ਫਾਇਰ ਪੀੜਤਾਂ ਦੀ ਮਦਦ ਲਈ 30 ਹਜਾਰ ਡਾਲਰਾਂ ਦਾ ਦਾਨ 10/12/2019 06:11 ...
NSW ਵਿਚ ਪਾਣੀ ਵਰਤਣ ਉੱਤੇ ਲੈਵਲ-2 ਦੀਆਂ ਪਾਬੰਦੀਆਂ 10 ਦਸੰਬਰ ਤੋਂ 09/12/2019 06:52 ...
ਨਿਊ ਸਾਊਥ ਵੇਲਜ਼ ਦੇ ਸਕੂਲਾਂ ਦੀਆਂ ਸਾਰੀਆਂ ਜਮਾਤਾਂ ਵਿੱਚ ਪੜਾਈ ਜਾਵੇਗੀ ਪੰਜਾਬੀ 06/12/2019 11:13 ...
‘ਵਾਕਿੰਗ ਫੁੱਟਬਾਲ’: ਸਿਹਤਮੰਦ ਰਖਣ ਵਾਲੀ ਨਿਵਕੇਲੀ ਖੇਡ 05/12/2019 07:36 ...
8 ਸਾਲਾ ਗੁਰਮੰਨਤ ਕੌਰ ਦੀ ਪੇਂਟਿੰਗ ਨੇ ਜਿੱਤਿਆ ਪਹਿਲਾ ਸਥਾਨ 04/12/2019 10:43 ...
ਵਿਦੇਸ਼ੀ ਵਿਦਿਆਰਥੀ ਤੇ ਹੋਇਆ ਹਮਲਾ; ਭਾਰਤ ਵਾਪਸ ਜਾਣ ਨੂੰ ਕਿਹਾ ਹਮਲਾਵਰਾਂ ਨੇ 29/11/2019 13:53 ...
ਨਵੇਂ ਦੇਸ਼ ਵਿੱਚ ਇਕੱਲਤਾ ਨੂੰ ਦੂਰ ਕਰਨ ਦੇ ਉਪਾਅ 28/11/2019 08:03 ...
View More