Coming Up Wed 9:00 PM  AEDT
Coming Up Live in 
Live
Punjabi radio

‘ਮਾਣ ਵਾਲ਼ੀ ਗੱਲ’: ਮੈਲਬੌਰਨ ਵਿਕਟਰੀ ਅਕੈਡਮੀ ਲਈ ਚੁਣਿਆ ਗਿਆ ਹੈ ਇਹ ਉੱਭਰਦਾ ਪੰਜਾਬੀ ਖਿਡਾਰੀ

Jahan Sanghera Source: Supplied

12-ਸਾਲ ਦੇ ਜਹਾਨ ਸੰਘੇੜਾ ਦਾ ਮੈਲਬੌਰਨ ਵਿਕਟਰੀ ਅਕੈਡਮੀ ਲਈ ਚੁਣਿਆ ਜਾਣਾ ਉਸਦਾ ਆਪਣੇ ਸੁਪਨੇ ਸਕਾਰ ਕਰਨ ਵੱਲ ਵਧਦੇ ਇੱਕ ਕਦਮ ਵਜੋਂ ਦੇਖਿਆ ਜਾ ਸਕਦਾ ਹੈ।

ਮੈਲਬੌਰਨ ਵਿਕਟਰੀ ਆਸਟ੍ਰੇਲੀਆ ਦੀ ਕੌਮੀ ਲੀਗ ਵਿੱਚ ਖੇਡਣ ਵਾਲੀ ਪ੍ਰਮੁੱਖ ਸਾਕਰ ਟੀਮ ਹੈ।

ਇਸ ਟੀਮ ਵਿੱਚ ਖੇਡਣ ਵਾਲੇ ਬਹੁਤ ਸਾਰੇ ਖਿਡਾਰੀਆਂ ਦੀ ਪਨੀਰੀ ਸਥਾਨਿਕ ਪੱਧਰ ਉੱਤੇ ਵੱਖੋ-ਵੱਖਰੇ ਪੱਧਰ 'ਤੇ ਚਲਾਈ ਜਾਂਦੀ ਅਕੈਡਮੀ ਵਿੱਚ ਤਿਆਰ ਕੀਤੀ ਜਾਂਦੀ ਹੈ।

ਹਾਲ ਹੀ ਵਿੱਚ ਇਸਦੀ ਪਰੀ-ਅਕੈਡਮੀ ਵਿਚਲੇ 80 ਖਿਡਾਰੀਆਂ ਵਿਚੋਂ 18 ਖਿਡਾਰੀ ਅਗਲੇ ਗੇੜ ਲਈ ਚੁਣੇ ਗਏ ਹਨ ਜਿਨ੍ਹਾਂ ਨੂੰ ਮੁਖ ਟੀਮ ਵਿੱਚ ਸ਼ਾਮਿਲ ਹੋਣ ਲਈ ਸਿਖਲਾਈ ਦਿੱਤੀ ਜਾਣੀ ਹੈ।

ਪੰਜਾਬੀ ਖਿਡਾਰੀ ਜਹਾਨ ਸੰਘੇੜਾ ਇਹਨਾਂ ਖਿਡਾਰੀਆਂ ਵਿੱਚੋਂ ਇੱਕ ਹੈ ਜੋ ਇਸ ਕਲੱਬ ਦੀ ‘ਸਖ਼ਤ ਅਤੇ ਚੋਣਵੀਂ’ ਪ੍ਰਕਿਰਿਆ ਵਿੱਚੋਂ ਅੱਗੇ ਪਹੁੰਚਿਆ ਹੈ। 

Jahan Sanghera with his father Satinder Sanghera
Jahan Sanghera with his father Satinder Sanghera
Supplied

ਉਸਦੀ ਇਸ ਚੋਣ ਉੱਤੇ ਉਸਦੇ ਪਿਤਾ ਸਤਿੰਦਰ ਸੰਘੇੜਾ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ ਹੈ। 

ਐਸ ਬੀ ਐਸ ਨਾਲ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਜਹਾਨ ਦਾ ਇਸ ਕਲੱਬ ਲਈ ਫੁਟਬਾਲ ਖੇਡਣ ਦਾ ਸੁਪਨਾ ਸੀ ਜੋ ਹੁਣ ਪੂਰਾ ਹੋ ਰਿਹਾ ਹੈ।

"ਇਹ ਅਕੈਡਮੀ ਵੱਖੋ-ਵੱਖਰੇ ਭਾਈਚਾਰਕ ਕਲੱਬਾਂ ਵਿੱਚੋਂ ਛੋਟੀ ਉਮਰ ਦੇ ਖਿਡਾਰੀ ਚੁਣਦੀ ਹੈ ਜਿੰਨਾ ਨੂੰ ਬਹੁਤ ਹੀ ਵਧੀਆ ਸਾਧਨਾਂ ਦੇ ਚਲਦਿਆਂ ਸਿਖਲਾਈ ਦਾ ਮੌਕਾ ਮਿਲਦਾ ਹੈ।“

“ਇਹ ਸਾਡੇ ਪਰਿਵਾਰ ਅਤੇ ਸਿੰਘ ਸਭਾ ਸਪੋਰਟਸ ਕਲੱਬ ਨਾਲ਼ ਜੁੜੇ ਸਾਰੇ ਲੋਕਾਂ ਲਈ ਮਾਣ ਵਾਲ਼ੀ ਗੱਲ ਹੈ,” ਉਨ੍ਹਾਂ ਕਿਹਾ।

Jahan Sanghera during his trip to England.
Jahan Sanghera during his trip to England.
Supplied

ਉਨ੍ਹਾਂ ਦੱਸਿਆ ਕਿ ਜਹਾਨ ਨੇ ਆਪਣੇ ਸਕੂਲ ਵਿੱਚੋਂ ਹੀ ਬਹੁਤ ਹੀ ਛੋਟੀ ਉਮਰੇ ਸਾਕਰ ਖੇਡਣਾ ਸ਼ੁਰੂ ਕਰ ਦਿੱਤਾ ਸੀ।

ਉਹ 2013 ਤੋਂ 2015 ਤੱਕ ਸੌਕਰ ਪ੍ਰੋ ਅਕੈਡਮੀ, 2015 ਤੋਂ 2016 ਤੱਕ ਪੁਆਇੰਟ ਕੁੱਕ ਸੌਕਰ ਕਲੱਬ, 2017 ਤੋਂ ਅਲਟੋਨਾ ਸਿਟੀ ਸੌਕਰ ਕਲੱਬ, 2018 ਤੋਂ ਟੋਟਲ ਫੁਟਬਾਲ ਅਕੈਡਮੀ ਤੇ ਗਰੀਨ ਗਲੀ ਸੌਕਰ ਕਲੱਬ ਲਈ ਵੀ ਫੁਟਬਾਲ ਖੇਡਦਾ ਰਿਹਾ ਹੈ। 

2019 ਵਿੱਚ ਉਸਦੀ ਚੋਣ ਮੈਲਬੌਰਨ ਵਿਕਟਰੀ ਦੀ ਪ੍ਰੀ ਅਕੈਡਮੀ ਲਈ ਹੋਈ ਸੀ ਜਿਸ ਪਿੱਛੋਂ ਉਸਨੇ ਕਦਮ ਵਧਾਉਂਦਿਆਂ ਹੁਣ ਅਗਲੇ 18 ਵਿੱਚ ਜਗਾਹ ਬਣਾਈ ਹੈ।

Jahan Sanghera started playing soccer under the guidance of his father.
Jahan Sanghera started playing soccer under the guidance of his father.
Supplied

ਸੰਘੇੜਾ ਪਰਿਵਾਰ ਉਨੀ ਸੌ ਸੱਤਰਵਿਆਂ ਦਰਮਿਆਨ ਪਰਵਾਸ ਕਰ ਕੇ ਭਾਰਤ ਦੇ ਪੰਜਾਬ ਸੂਬੇ ਤੋਂ ਆਸਟ੍ਰੇਲੀਆ ਆਇਆ ਸੀ।

ਫੁੱਟਬਾਲ ਤੇ ਕਬੱਡੀ ਵਿਚਲੀਆਂ ਰੁਚੀਆਂ ਦੇ ਚੱਲਦਿਆਂ ਪਰਿਵਾਰ ਦੇ ਕਈ ਮੈਂਬਰ ਖੇਡਾਂ ਨਾਲ ਹਮੇਸ਼ਾਂ ਤੋਂ ਜੁੜੇ ਰਹੇ ਹਨ।

"ਅਸੀਂ ਆਪਣੇ ਆਪ ਨੂੰ ਬੜੀ ਕਿਸਮਤ ਵਾਲੀ ਮੰਨਦੇ ਹਾਂ ਕਿ ਸਾਨੂੰ ਆਸਟ੍ਰੇਲੀਆ ਵਰਗੇ ਖੂਬਸੂਰਤ ਮੁਲਕ ਵਿੱਚ ਰਹਿੰਦਿਆਂ ਇੱਥੋਂ ਦੇ ਖੇਡ ਕਲਚਰ ਨਾਲ ਜੁੜਨ ਦਾ ਮੌਕਾ ਮਿਲਿਆ।

“ਸਾਡੇ ਲਈ ਇਥੋਂ ਦੇ ਖੇਡ ਮੈਦਾਨ ਭਾਈਚਾਰਕ ਅਤੇ ਮੁੱਖਧਾਰਾ ਵਿੱਚ ਸ਼ਾਮਲ ਆਸਟ੍ਰੇਲੀਅਨ ਲੋਕਾਂ ਨਾਲ ਮੇਲ ਮਿਲਾਪ ਦਾ ਇਕ ਜ਼ਰੀਆ ਬਣਿਆ,” ਉਨ੍ਹਾਂ ਕਿਹਾ।

Jahan Sanghera
Jahan Sanghera (orange jersey)
Supplied

ਸ੍ਰੀ ਸੰਘੇੜਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪੁੱਤਰ ਜਹਾਨ ਨੇ ਸਭ ਤੋਂ ਪਹਿਲਾਂ  ਸਿੰਘ ਸਭਾ ਸਪੋਰਟਸ ਕਲੱਬ ਲਈ ਖੇਡਣਾ ਸ਼ੁਰੂ ਕੀਤਾ ਤੇ ਉਹ ਅਕਸਰ ਸਿੱਖ ਖੇਡਾਂ ਵਿੱਚ ਵੀ ਸ਼ਮੂਲੀਅਤ ਪਾਉਂਦਾ ਰਿਹਾ ਹੈ।  

"ਇਸ ਕਲੱਬ ਦੀਆਂ ਜੂਨੀਅਰ ਟੀਮਾਂ ਵਿੱਚ ਖੇਡਦਿਆਂ ਕਈ ਮਸ਼ਹੂਰ ਸੌਕਰ ਖਿਡਾਰੀਆਂ ਦੀ ਪਨੀਰੀ ਤਿਆਰ ਹੋਈ ਹੈ ਤੇ ਮੈਨੂੰ ਮਾਣ ਹੈ ਕਿ ਜਹਾਨ ਉਨ੍ਹਾਂ ਖਿਡਾਰੀਆਂ ਵਿੱਚੋਂ ਇੱਕ ਹੈ," ਉਨ੍ਹਾਂ ਕਿਹਾ।  

ਸ੍ਰੀ ਸੰਘੇੜਾ ਜੋ ਸਿੰਘ ਸਭਾ ਸਪੋਰਟਸ ਕਲੱਬ ਦੇ ਸਾਕਰ ਵਿੰਗ ਨੂੰ ਇੱਕ ਕੋਚ ਵਜੋਂ ਨੁਮਾਇੰਦਗੀ ਦੇ ਰਹੇ ਹਨ, ਨੇ ਦੱਸਿਆ ਕਿ 1990 ਵਿੱਚ ਇਸ ਕਲੱਬ ਦੀ ਸਥਾਪਨਾ ਦਾ ਮੁੱਖ ਮਕਸਦ ਭਾਈਚਾਰੇ ਵਿਚ ਖੇਡ ਕਲਚਰ ਨੂੰ ਪ੍ਰਫੁੱਲਤ ਕਰਨਾ ਸੀ ਤੇ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਉਹ ਇਸ ਮਕਸਦ ਵਿੱਚ ਕਾਫੀ ਹੱਦ ਤੱਕ ਕਾਮਯਾਬ ਹੋਏ ਹਨ।

ਇਸ ਸਬੰਧੀ ਹੋਰ ਵੇਰਵੇ ਜਾਨਣ ਲਈ ਸਤਿੰਦਰ ਸੰਘੇੜਾ ਨਾਲ਼ ਕੀਤੀ ਇਹ ਆਡੀਓ ਇੰਟਰਵਿਊ ਸੁਣੋ:

‘Proud moment’: Punjabi soccer player Jahan Sanghera handpicked by Melbourne Victory Academy
00:00 00:00
ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ। ਇਕੱਠਾਂ ਉੱਤੇ ਲੱਗੀਆਂ ਪਾਬੰਦੀਆਂ ਬਾਰੇ ਆਪਣੇ ਰਾਜ ਅਤੇ ਪ੍ਰਦੇਸ਼ ਦੇ ਨਿਯਮਾਂ ਬਾਰੇ ਜਾਣੋ

ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀਆਂ 63 ਭਾਸ਼ਾਵਾਂ ਵਿੱਚ sbs.com.au/coronavirus ਉੱਤੇ ਉਪਲੱਬਧ ਹਨ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
‘ਮਾਣ ਵਾਲ਼ੀ ਗੱਲ’: ਮੈਲਬੌਰਨ ਵਿਕਟਰੀ ਅਕੈਡਮੀ ਲਈ ਚੁਣਿਆ ਗਿਆ ਹੈ ਇਹ ਉੱਭਰਦਾ ਪੰਜਾਬੀ ਖਿਡਾਰੀ 19/01/2021 18:00 ...
SBS Punjabi Australia News: Tuesday 30 Nov 2021 30/11/2021 12:07 ...
Punjabi Diary: Farmers celebrate one year of protests at New Delhi borders 30/11/2021 08:00 ...
SBS Punjabi Australia News: Monday 29th Nov 2021 29/11/2021 09:00 ...
COVID has made grieving more complex 29/11/2021 09:24 ...
Most Australians say racism is a 'very big' problem: Scanlon Foundation 29/11/2021 07:29 ...
Might Europe's current COVID surge be seen in Australia in 2022? 29/11/2021 06:30 ...
Pakistani Punjabi poetry book review: 'Ghar Da Buha' by Ghulam Rasool Shouq 29/11/2021 12:09 ...
SBS Punjabi Australia News: Friday 26 Nov 2021 26/11/2021 11:23 ...
ਵਹਿਮ ਭਰਮ ਅਤੇ ਲੋਕ ਵਿਸ਼ਵਾਸ ਦੀਆਂ ਗੱਲਾਂ 26/11/2021 07:30 ...
View More