Coming Up Thu 9:00 PM  AEST
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਆਸਟ੍ਰੇਲੀਆ ਵਿੱਚ ਸਥਾਪਤ ਹੋਣ ਸਮੇਂ ਪ੍ਰਵਾਸੀ ਮਰਦਾਂ ਦੀ ਮਾਨਸਿਕ ਸਿਹਤ ਉੱਤੇ ਪੈ ਸਕਦਾ ਹੈ ਅਸਰ

Man alone at train station Source: Getty Images_Cebas

ਮਰਦਾਂ ਨੂੰ ਅਕਸਰ 'ਮਜ਼ਬੂਤ' ਬਣੇ ਰਹਿਣ ਦੀ ਸਿਖਲਾਈ ਦਿੱਤੀ ਜਾਂਦੀ ਹੈ, ਬੇਸ਼ਕ ਉਹ ਜ਼ਿੰਦਗੀ ਦੀਆਂ ਸਖਤ ਮੁਸ਼ਕਲਾਂ ਦਾ ਸਾਹਮਣਾ ਕਿਉਂ ਨਾ ਕਰ ਰਹੇ ਹੋਣ। ਪਰ ਆਸਟ੍ਰੇਲੀਆ ਵਿੱਚ ਰਹਿੰਦੇ ਹੋਏ ਹਾਲਾਤ ਕਈ ਵਾਰ ਇੰਨੇ ਬਦਲ ਜਾਂਦੇ ਹਨ ਕਿ ਭਾਵਨਾਵਾਂ ਨਿਯੰਤਰਣ ਤੋਂ ਬਾਹਰ ਹੋ ਜਾਂਦੀਆਂ ਹਨ ਅਤੇ ਪਰਿਵਾਰਕ ਸਬੰਧ ਟੁੱਟ ਜਾਂਦੇ ਹਨ। ਮਾਹਰਾਂ ਦਾ ਮੰਨਣਾ ਹੈ ਕਿ ਭਾਵਨਾਵਾਂ ਨੂੰ ਸਾਂਝਾਂ ਕਰਨਾ ਕੋਈ ਕਮਜ਼ੋਰੀ ਨਹੀਂ ਹੁੰਦੀ ਬਲਕਿ ਇਹ ਤਾਂ ਤਾਕਤ ਦੀ ਨਿਸ਼ਾਨੀ ਹੈ।

ਆਸਟ੍ਰੇਲੀਆ ਵਿੱਚ ਆ ਕੇ ਚੰਗੀ ਜ਼ਿੰਦਗੀ ਦੀ ਸਥਾਪਨਾ ਕਰਨਾ ਹਰ ਇੱਕ ਦਾ ਸੁਪਨਾ ਹੁੰਦਾ ਹੈ ਜਿਸ ਨੂੰ ਬਹੁਤ ਸਾਰੇ ਨਵੇਂ ਆਉਣ ਵਾਲੇ ਲੋਕਾਂ ਵਲੋਂ ਸਾਂਝਾ ਕੀਤਾ ਜਾਂਦਾ ਹੈ। ਪਰ ਇਹ ਸੁਪਨਾ ਕਈ ਰੁਕਾਵਟਾਂ ਦਾ ਵੀ ਸਾਹਮਣਾ ਕਰਦਾ ਹੈ ਅਤੇ ਨਤੀਜੇ ਵਜੋਂ ਰਿਸ਼ਤਿਆਂ ਦੇ ਟੁੱਟਣ ਦਾ ਕਾਰਨ ਵੀ ਬਣਦਾ ਹੈ।

ਸੈਟਲਮੈਂਟ ਸਰਵਿਸਿਸ ਇੰਟਰਨੈਸ਼ਨਲ ਸੰਸਥਾ ਵਲੋਂ ਰਿਲੇਸ਼ਨਸ਼ਿਪਸ ਆਸਟ੍ਰੇਲੀਆ ਇਨ ਨਿਊ ਸਾਊਥ ਵੇਲਜ਼ ਨਾਲ ਮਿਲ ਕੇ 18 ਸਾਲਾਂ ਤੋਂ ਉੱਪਰ ਦੀ ਉਮਰ ਦੇ ਮਰਦਾਂ ਵਾਸਤੇ ‘ਬਿਲਡਿੰਗ ਸਟਰੋਂਗਰ ਫੈਮਲੀਜ਼’ ਨਾਮੀ ਪਰੋਗਰਾਮ ਚਲਾਇਆ ਜਾਂਦਾ ਹੈ, ਜਿਹਨਾਂ ਨੇ ਘਰੇਲੂ ਸਬੰਧਾਂ ਵਿੱਚ ਹਿੰਸਾ ਜਾਂ ਅਪਮਾਨਜਨਕ ਵਿਵਹਾਰਾਂ ਨੂੰ ਹੰਢਾਇਆ ਹੁੰਦਾ ਹੈ।

ਇਸ ਸੰਸਥਾ ਦੀ ਜੈਸਿਕਾ ਹਰਕਿਨਸ ਆਖਦੀ ਹੈ ਕਿ ਪਿਛਲੇ 20 ਸਾਲਾਂ ਤੋਂ ਮਰਦਾਂ ਦੇ ਵਿਵਹਾਰਾਂ ਵਿੱਚ ਤਬਦੀਲੀ ਲਿਆਉਣ ਲਈ ਕਈ ਪਰੋਗਰਾਮ ਚਲਾਏ ਜਾ ਰਹੇ ਹਨ।

Man and seas
Getty Images_Benjamin Lee_EyeEm

ਲੈਬਨਾਨ ਦੇ ਜਨਮੇ ਹੋਏ ਘਸਾਨ ਨੂਜਾਮ ਕਹਿੰਦੇ ਹਨ ਕਿ ਕਈ ਭਾਈਚਾਰਿਆਂ ਵਿੱਚ ਮਰਦਾਂ ਨੂੰ ਪਰਿਵਾਰ ਦਾ ਮੁਖੀਆ ਮੰਨਿਆ ਜਾਂਦਾ ਹੈ। ਇਹ ਮਰਦ ਆਪਣੇ ਆਪ ਨੂੰ ਕਈ ਪਰਤਾਂ ਵਿੱਚ ਫਸੇ ਹੋਏ ਮਹਿਸੂਸ ਕਰਦੇ ਹਨ ਜਿਨ੍ਹਾਂ ਵਿੱਚ ਸਭਿਆਚਾਰ, ਰੀਤੀ ਰਿਵਾਜ, ਸੋਚਾਂ ਆਦਿ ਸ਼ਾਮਲ ਹੁੰਦੇ ਹਨ। ਪਰ ਕਿਸੇ ਵੀ ਹਾਲਾਤ ਵਿੱਚ ਹਿੰਸਾ ਦਾ ਸਾਹਮਣਾ ਕਰਨ ਦੀ ਨੌਬਤ ਨਹੀਂ ਆਉਣੀ ਚਾਹੀਦੀ।

ਇਸੇ ਤਰਾਂ ਹੀ ਸਾਊਥ ਆਸਟ੍ਰੇਲੀਆ ਵਿੱਚ ਵੀ ‘ਦਾ ਗੁੱਡ ਲਾਈਫ ਪਰੋਜੈਕਟ’ ਨਾਮੀ ਪਰੋਗਰਾਮ ਚਲਾਇਆ ਜਾਂਦਾ ਹੈ ਜਿਸ ਦੁਆਰਾ ਅਫਰੀਕੀ ਮੂਲ ਦੇ ਲੋਕਾਂ ਨੂੰ ਘਰੇਲੂ ਹਿੰਸਾ ਅਤੇ ਪਰਿਵਾਰਕ ਰਿਸ਼ਤਿਆਂ ਦੀ ਮਹੱਤਤਾ ਬਾਰੇ ਜਾਗਰੂਕ ਕੀਤਾ ਜਾਂਦਾ ਹੈ।

ਇਸ ਦੇ ਸੰਚਾਲਕ ਡਾ ਸੁੰਬੋ ਨਾਡੀ ਕਹਿੰਦੇ ਹਨ ਕਿ ਪਰਿਵਾਰਕ ਰਿਸ਼ਤਿਆਂ ਨੂੰ ਮਜ਼ਬੂਤ ਬਨਾਉਣ ਲਈ ਲੋਕਾਂ ਨੂੰ ਇੱਕ ਦੂਸਰੇ ਦੇ ਦ੍ਰਿਸ਼ਟੀਕੋਣਾਂ ਅਤੇ ਤਜੁਰਬਿਆਂ ਨੂੰ ਸਮਝਣਾ ਚਾਹੀਦਾ ਹੈ। ਆਸਟ੍ਰੇਲੀਆ ਵਿੱਚ ਸਥਾਪਤ ਹੋਣ ਸਮੇਂ ਕਈ ਵਾਰ ਲਿੰਗ-ਅਧਾਰਤ ਭੂਮਿਕਾਵਾਂ ਵੀ ਬਦਲਣੀਆਂ ਪੈਂਦੀਆਂ ਹਨ।

Father and child
Getty Images_Jose Luis Pelaez

ਗੁੱਡ ਲਾਈਫ ਪਰੋਜੈਕਟ ਨਾਲ ਜੁੜੇ ਹੋਏ ਇਸਾਕ ਦਾ ਮੰਨਣਾ ਹੈ ਕਿ ਯੂਰਪ ਤੋਂ ਐਡੀਲੇਡ ਆ ਕੇ ਵਸਣ ਤੋਂ ਬਾਅਦ ਉਸ ਦੀ ਮਰਦਾਂ ਵਾਲੀ ਭੂਮਿਕਾ ਕਾਫੀ ਬਦਲ ਗਈ ਹੈ। ਇਸ ਪਰੋਗਰਾਮ ਦੁਆਰਾ ਮਰਦਾਂ ਨੂੰ ਆਪਸ ਵਿੱਚ ਗਲਬਾਤ ਕਰਨ ਲਈ ਪ੍ਰੇਰਤ ਕੀਤਾ ਜਾਂਦਾ ਹੈ ਤਾਂ ਕਿ ਉਹ ਆਸਟ੍ਰੇਲੀਆ ਵਿੱਚ ਆਕੇ ਵਸਣ ਵਾਲੀਆਂ ਆਪਣੀਆਂ ਚੁਣੋਤੀਆਂ ਨੂੰ ਨਵੇਂ ਆਏ ਲੋਕਾਂ ਨਾਲ ਬਿਨਾ ਕਿਸੇ ਝਿਜਕ ਤੋਂ ਸਾਝਾਂ ਕਰ ਸਕਣ।

Child on shoulders in sunset
Getty Images_Aliyev Alexei Sergeevich

ਰਿਲੇਸ਼ਨਸ਼ਿਪ ਆਸਟ੍ਰੇਲੀਆ ਦੇ ਐਂਡਰੀਊ ਕਿੰਗ ਕਹਿੰਦੇ ਹਨ ਕਿ ਮਰਦਾਂ ਦੀਆਂ ਭਾਵਨਾਵਾਂ ਉਹਨਾਂ ਦੇ ਬਚਪਨ ਅਤੇ ਰਹਿਣ-ਸਹਿਣ ਵਾਲੇ ਵਾਤਾਵਰਣ ਨਾਲ ਜੁੜੀਆਂ ਹੁੰਦੀਆਂ ਹਨ। ਇਹਨਾਂ ਭਾਵਨਾਵਾਂ ਨੂੰ ਲੰਬੇ ਸਮੇਂ ਤੱਕ ਦਬਾਉਣ ਨਾਲ ਇਹ ਇੱਕ ਜਵਾਲਾਮੁੱਖੀ ਵਾਂਗ ਵੀ ਫਟ ਸਕਦੀਆਂ ਹਨ।

ਕਿੰਗ ਸਲਾਹ ਦਿੰਦੇ ਹਨ ਕਿ ਹਾਲਾਤ ਕਾਬੂ ਤੋਂ ਬਾਹਰ ਹੋਣ ਤੋਂ ਪਹਿਲਾਂ ਹੀ ਮਾਹਰਾਂ ਦੀ ਮਦਦ ਲੈ ਲੈਣੀ ਚਾਹੀਦੀ ਹੈ। ਇੱਕ ਦੂਜੇ ਦੇ ਵਿਚਾਰਾਂ ਦੀ ਕਦਰ ਕਰਨ ਦੇ ਨਾਲ ਉਹਨਾਂ ਪ੍ਰਤੀ ਇੱਜ਼ਤ ਵਿੱਚ ਵਾਧਾ ਹੁੰਦਾ ਹੈ ਅਤੇ ਨਾਲ ਹੀ ਆਪਣੀਆਂ ਨਿਜੀ ਸੋਚਾਂ ਅਤੇ ਭਾਵਨਾਵਾਂ ਦੀ ਵੀ ਉਚਿਤ ਕਦਰ ਹੋ ਪਾਉਂਦੀ ਹੈ।

ਨੂਜਾਮ ਕਹਿੰਦੇ ਹਨ ਕਿ ‘ਬਿਲਡਿੰਗ ਸਟਰੋਂਗਰ ਫੈਮਲੀਜ਼’ ਵਰਗੇ ਪਰੋਗਰਾਮਾਂ ਨਾਲ ਬਹੁਤ ਸਾਰੇ ਸਕਾਰਾਤਮਕ ਬਦਲਾਅ ਦੇਖਣ ਵਿੱਚ ਆਏ ਹਨ।

ਇਸਾਕ ਦਸਦੇ ਹਨ ਕਿ ਜਿਹੜੇ ਮਰਦ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੇ ਹਨ, ਉਹਨਾਂ ਲਈ ਆਸਟ੍ਰੇਲੀਆ ਵਿੱਚ ਮਦਦ ਉਪਲਬਧ ਹੈ।

Dad with laundry
Getty Images_MoMo Productions

ਰਿਲੇਸ਼ਨਸ਼ਿਪ ਆਸਟ੍ਰੇਲੀਆ ਵਲੋਂ ਚਲਾਏ ਜਾਂਦੇ ਪਰੋਗਰਾਮਾਂ ਬਾਰੇ ਵਧੇਰੇ ਜਾਣਕਾਰੀ ਉਹਨਾਂ ਦੀ ਵੈਬਸਾਈਟ ਤੋਂ ਜਾਂ 1300 363 277 ਉੱਤੇ ਫੋਨ ਕਰ ਕੇ ਲਈ ਜਾ ਸਕਦੀ ਹੈ।

ਇਸ ਤੋਂ ਅਲਾਵਾ ਮੈਨਸ-ਲਾਈਨ ਆਸਟ੍ਰੇਲੀਆ ਨੂੰ ਵੀ 1300 78 99 78 ਉੱਤੇ ਫੋਨ ਕੀਤਾ ਜਾ ਸਕਦਾ ਹੈ।

ਆਪਣੀ ਭਾਸ਼ਾ ਵਿੱਚ ਮਦਦ ਅਤੇ ਜਾਣਕਾਰੀ ਲੈਣ ਲਈ ਦੇਸ਼ ਵਿਆਪੀ ਟਰਾਂਸਲੇਟਿੰਗ ਐਂਡ ਇੰਟਰਪਰੈੱਟਿੰਗ ਆਸਟ੍ਰੇਲੀਆ ਨੂੰ 13 14 50 ਤੇ ਫੋਨ ਕਰ ਕੇ ਆਪਣੀ ਭਾਸ਼ਾ ਦੇ ਦੁਭਾਸ਼ੀਏ ਦੀ ਮੰਗ ਕੀਤੀ ਜਾ ਸਕਦੀ ਹੈ।

ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ਸਪੀਕਰਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।

ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ ਇਕੱਠਾਂ ਉੱਤੇ ਲੱਗੀਆਂ ਪਾਬੰਦੀਆਂ ਬਾਰੇ ਆਪਣੇ ਰਾਜ ਅਤੇ ਪ੍ਰਦੇਸ਼ ਦੇ ਨਿਯਮਾਂ ਬਾਰੇ ਜਾਣੋ

ਕਰੋਨਾਵਾਇਰਸ ਦੀ ਜਾਂਚ ਹੁਣ ਆਸਟ੍ਰੇਲੀਆ ਭਰ ਵਿੱਚ ਵਿਆਪਕ ਤੌਰ 'ਤੇ ਉਪਲੱਬਧ ਹੈ।

ਜੇਤੁਸੀਂ ਠੰਡ ਜਾਂ ਫਲੂ ਦੇ ਲੱਛਣਾਂ ਦਾ ਸਾਹਮਣਾ ਕਰ ਰਹੇ ਹੋ ਤਾਂ ਆਪਣੇ ਡਾਕਟਰ ਨੂੰ ਫੋਨਕਰਕੇ ਟੈਸਟ ਦਾ ਪ੍ਰਬੰਧ ਕਰੋ ਜਾਂ ਕਰੋਨਾਵਇਰਸ ਸਿਹਤ ਜਾਣਕਾਰੀ ਨੂੰ 1800 020 080 ਤੇਸੰਪਰਕ ਕਰੋ।

ਐਸ ਬੀ ਐਸ, ਆਸਟ੍ਰੇਲੀਆ ਦੇ ਵਿਭਿੰਨ ਭਾਈਚਾਰਿਆਂ ਨੂੰ ਕੋਵਿਡ-19 ਦੇ ਵਿਕਾਸ ਬਾਰੇ ਤਾਜ਼ਾ ਜਾਣਕਾਰੀ ਦੇਣ ਲਈ ਵਚਨਬੱਧ ਹੈ।

ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀਆਂ 63 ਭਾਸ਼ਾਵਾਂ ਵਿੱਚ sbs.com.au/coronavirus ਉੱਤੇ ਉਪਲੱਬਧ ਹਨ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
ਆਸਟ੍ਰੇਲੀਆ ਵਿੱਚ ਸਥਾਪਤ ਹੋਣ ਸਮੇਂ ਪ੍ਰਵਾਸੀ ਮਰਦਾਂ ਦੀ ਮਾਨਸਿਕ ਸਿਹਤ ਉੱਤੇ ਪੈ ਸਕਦਾ ਹੈ ਅਸਰ 04/08/2020 08:00 ...
'ਕੋਵਿਡ -19 ਰਿਆਇਤਾਂ': ਸਰਕਾਰ ਵਲੋਂ ਆਰਜ਼ੀ ਵੀਜ਼ਾ ਧਾਰਕਾਂ ਤੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ ਖ਼ਾਸ ਛੋਟਾਂ ਦਾ ਐਲਾਨ 23/09/2020 05:00 ...
ਪੰਜਾਬ ਦੇ ਢਾਬਿਆਂ ਤੇ ਵੀ ਮਿਲਦੀ ਹੈ ਕਦੀ-ਕਦੀ ਪੰਜਾਬੀਆਂ ਨੂੰ ਰੂਹ ਦੀ ਖ਼ੁਰਾਕ 22/09/2020 10:00 ...
ਸਥਾਪਿਤ ਗੀਤਕਾਰ ਵਜੋਂ ਪਛਾਣ ਬਣਾ ਚੁੱਕੇ ਸੁਰਜੀਤ ਸੰਧੂ ਦੀ ਪਲੇਠੀ ਬਾਲ ਪੁਸਤਕ 'ਨਿੱਕੇ ਨਿੱਕੇ ਤਾਰੇ' 21/09/2020 17:00 ...
ਐਡੀਲੇਡ ਅੰਤਰਰਾਸ਼ਟਰੀ ਵਿਦਿਆਰਥੀ ਮਾਮਲੇ ਦੀ ਗੂੰਜ ਹੁਣ ਸੰਸਦ ਵਿੱਚ, ਗ੍ਰੀਨਜ਼ ਸਾਂਸਦ ਵੱਲੋਂ ਪੁਲਿਸ ਤੋਂ ਮਾਫ਼ੀ ਦੀ ਮੰਗ 17/09/2020 07:00 ...
ਯੂ-ਟਿਊਬ ਉੱਤੇ ਪਛਾਣ ਲਈ ਯਤਨਸ਼ੀਲ ਮੈਲਬੌਰਨ ਦੇ ਇਸ ਪਤੀ-ਪਤਨੀ ਲਈ 'ਲਾਕਡਾਊਨ' ਬਣਿਆ ਆਮਦਨ ਦਾ ਜ਼ਰੀਆ 16/09/2020 11:00 ...
ਪ੍ਰੇਰਣਾਦਾਇਕ ਹੱਡਬੀਤੀ: ਮੈਲਬੌਰਨ ਦੀ ਇਸ ਪੰਜਾਬਣ ਨੇ ਗੰਭੀਰ ਸਿਹਤ ਸਮੱਸਿਆਵਾਂ ਦੇ ਬਾਵਜੂਦ ਘਟਾਇਆ 38 ਕਿਲੋ ਭਾਰ 16/09/2020 23:00 ...
ਆਸਟ੍ਰੇਲੀਆ ਦੀਆਂ ਬੰਦ ਸਰਹੱਦਾਂ ਨੇ ਭਾਰਤ ਵਿਚ ਫੱਸੇ ਸਥਾਈ ਵੀਜ਼ਾ ਧਾਰਕ ਸ਼ਰਨਾਰਥੀ ਪਰਿਵਾਰਾਂ ਨੂੰ ਕੀਤਾ ਬੇਠਿਕਾਣੇ 16/09/2020 04:00 ...
ਆਓ, ਬਣੀਏ ਸਿਆਣੇ ਤੋਂ ਨਿਆਣੇ 15/09/2020 07:21 ...
ਆਸਟ੍ਰੇਲੀਆ ਨੂੰ ਕਰੋਨਾਵਾਇਰਸ 'ਰਿਕਵਰੀ' ਲਈ ਸ਼ੁਰੂ ਕਰਨਾ ਚਾਹੀਦਾ ਹੈ ਨਵਾਂ ਸਕਿਲਡ ਪ੍ਰਵਾਸੀ ਵੀਜ਼ਾ, ਇੱਕ ਰਿਪੋਰਟ 15/09/2020 05:00 ...
View More