Coming Up Wed 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਸਿੰਗਾਪੁਰ ਦੇ ਉੱਦਮੀ ਜੋੜੇ ਨੇ ਬਣਾਈ ਗੁਰੂ ਨਾਨਕ ਦੇਵ ਜੀ ਦੀਆਂ ਉਦਾਸੀਆਂ ਉੱਤੇ ਇੱਕ ਦਸਤਾਵੇਜ਼ੀ ਫਿਲਮ

Singaporean couple chronicles the vast expanse of sites visited by Guru Nanak during his lifetime. Source: Supplied by Amardeep Singh

ਲੱਗਭੱਗ 550 ਸਾਲ ਪਹਿਲਾਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਦੋ ਦਹਾਕਿਆਂ ਤੋਂ ਵੀ ਵੱਧ ਸਮੇਂ ਲਈ ਦੁਨੀਆ ਭਰ ਦੇ ਦੂਰ-ਦੁਰਾਡੇ ਦੇਸ਼ਾਂ ਦੀ ਯਾਤਰਾ ਕੀਤੀ। ਸਿੰਗਾਪੁਰ ਦੇ ਰਹਿਣ ਵਾਲ਼ੇ ਅਮਰਦੀਪ ਸਿੰਘ ਅਤੇ ਉਹਨਾਂ ਦੀ ਪਤਨੀ ਵਿਨਿੰਦਰ ਕੌਰ ਦੀ ਅਗਵਾਈ ਵਾਲੀ ਟੀਮ ਨੇ ਉਨ੍ਹਾਂ ਦੇਸ਼ਾਂ ਦੀ ਯਾਤਰਾ ਕਰਦਿਆਂ 24-ਭਾਗਾਂ ਦੀ ਇੱਕ ਦਸਤਾਵੇਜ਼ੀ ਫਿਲਮ ਤਿਆਰ ਕੀਤੀ ਹੈ।

ਤਕਰੀਬਨ 550 ਸਾਲ ਪਹਿਲਾਂ ਸਿੱਖ ਧਰਮ ਦੇ ਪਹਿਲੇ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਲੱਗਭਗ ਵੀਹ ਸਾਲ ਪਾਕਿਸਤਾਨ, ਅਫਗਾਨਿਸਤਾਨ, ਇਰਾਨ, ਇਰਾਕ, ਸਾਊਦੀ ਅਰਬ, ਤਿੱਬਤ, ਬੰਗਲਾਦੇਸ਼, ਭਾਰਤ ਅਤੇ ਸ੍ਰੀ ਲੰਕਾ ਵਰਗੇ ਕਈ ਦੇਸ਼ਾਂ ਦੀ ਯਾਤਰਾ ਕੀਤੀ ਸੀ ਤਾਂ ਕਿ ਵਿਆਪਕ ਭਾਈਚਾਰੇ ਦੇ ਲੋਕਾਂ ਨਾਲ ਧਾਰਮਿਕ ਅਤੇ ਦਾਰਸ਼ਨਿਕ ਸੰਵਾਦ ਰਚਿਆ ਜਾ ਸਕੇ।

ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਸੰਵਾਦ ਦਾ ਮਾਧਿਅਮ ਗੱਲਬਾਤ ਅਤੇ ਸੰਗੀਤ ਸੀ। ਉਨ੍ਹਾਂ ਅਧਿਆਤਮਕ ਸੂਝ ਪ੍ਰਦਾਨ ਕਰਦੇ ਹੋਏ ਨਿਡਰਤਾ ਨਾਲ ਦੁਵੱਲੀਆਂ ਸੋਚਾਂ ਵਾਲੇ ਢਾਂਚੇ ਨੂੰ ਚੁਣੌਤੀ ਦਿੰਦੇ ਹੋਏ, ਲਿੰਗਕ, ਧਾਰਮਿਕ, ਨਸਲੀ ਅਤੇ ਜਮਾਤੀ ਅਸਮਾਨਤਾਵਾਂ ਦਾ ਵਿਰੋਧ ਕੀਤਾ।

Allegory - A tapestry of Guru Nanak's Travels
Produced in over three and half years, this docuseries by Amardeep is available to watch from 14th October.
Supplied by Amardeep Singh

21ਵੀਂ ਸਦੀ ਦੇ ਇਸ ਸਮੇਂ ਜਦੋਂ ਇਹਨਾਂ ਮੁਲਕਾਂ ਦੀ ਯਾਤਰਾ ਕਰਨੀ ਇੰਨੀ ਔਖੀ ਨਹੀਂ ਪਰ ਫੇਰ ਵੀ ਅਮਰਦੀਪ ਸਿੰਘ, ਵਿਨਿੰਦਰ ਕੌਰ ਅਤੇ ਉਹਨਾਂ ਦੀ ਟੀਮ ਨੂੰ ਧਾਰਮਿਕ ਵਖਰੇਵਿਆਂ ਵਾਲੇ ਦੇਸ਼ਾਂ ਵਿੱਚ ਵਿਚਰਨ ਲਈ, ਪ੍ਰਮਾਣਕ ਖੋਜ, ਸੰਪਰਕ ਬਨਾਉਣ, ਇਜਾਜ਼ਤਾਂ ਲੈਣ, ਔਖੀਆਂ ਥਾਵਾਂ ਉੱਤੇ ਜਾਕੇ ਫਿਲਮਾਉਣ ਵਾਲੇ ਕਾਰਜਾਂ ਲਈ ਕਈ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ।

ਅਮਰਦੀਪ ਸਿੰਘ ਇਸ ਤੋਂ ਪਹਿਲਾਂ ਦੋ ਕਿਤਾਬਾਂ 'ਗੁਆਚੇ ਸਭਿਆਚਾਰ' ਉੱਤੇ ਲਿੱਖ ਚੁੱਕੇ ਹਨ ਜਿਹਨਾਂ ਦੇ ਨਾਮ ‘ਲੋਸਟ ਹੈਰਿਟੇਜ’ ਅਤੇ ‘ਦਾ ਕੂਐਸਟ ਕਾਂਟੀਨਿਊਜ਼’ ਹਨ ਅਤੇ ਇਹ ਪਾਕਿਸਤਾਨ ਵਿੱਚ ਸਿੱਖ ਧਾਰਮਿਕ ਵਿਰਸੇ ਦੀ ਖੋਜ ਕਰਦੇ ਹੋਏ ਤਿਆਰ ਕੀਤੀਆਂ ਗਈਆਂ ਹਨ।

ਵਿਰਸੇ ਨੂੰ ਅਗਲੀ ਪੀੜ੍ਹੀ ਵਾਸਤੇ ਸੰਭਾਲਣ ਵਾਲੀ ਸੋਚ ਨੂੰ ਜਾਰੀ ਰਖਦੇ ਹੋਏ ਅਮਰਦੀਪ ਸਿੰਘ ਅਤੇ ਉਨ੍ਹਾਂ ਦੀ ਟੀਮ ਨੇ ਗੁਰੂ ਨਾਨਕ ਦੇਵ ਜੀ ਦੀਆਂ 9 ਦੇਸ਼ਾਂ ਵਿੱਚ ਕੀਤੀਆਂ ਯਾਤਰਾਵਾਂ ਨੂੰ ਫਿਲਮਾਉਣ ਦਾ ਕੰਮ ਸ਼ੁਰੂ ਕੀਤਾ ਸੀ।

ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦੇ ਹੋਏ ਉਨ੍ਹਾਂ ਕਿਹਾ, “ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਫਲਸਫਾ ਵਿਸ਼ਵਵਿਆਪੀ ਹੈ ਅਤੇ ਕਿਸੇ ਇੱਕ ਵਿਸ਼ੇਸ਼ ਧਰਮ ਜਾਂ ਵਿਸ਼ਵਾਸ਼ ਤੱਕ ਹੀ ਸੀਮਤ ਨਹੀਂ ਹੈ”।

“ਸਾਡੀ ਟੀਮ ਨੇ ਇਹ ਕਾਰਜ ਤਕਰੀਬਨ ਸਾਢੇ ਤਿੰਨ ਸਾਲਾਂ ਵਿੱਚ ਪੂਰਾ ਕਰਦੇ ਹੋਏ ਹੁਣ ਇਸ ਨੂੰ 24 ਭਾਗਾਂ ਵਾਲੀ ਇੱਕ ਡਾਕੂਸੀਰੀਜ਼ ਵਿੱਚ ਤਿਆਰ ਕਰ ਲਿਆ ਹੈ। ਇਸਨੂੰ ਮੁਫਤ ਦੇਖਿਆ ਜਾ ਸਕਦਾ ਹੈ।"

ਸ਼੍ਰੀ ਸਿੰਘ ਨੇ ਦੱਸਿਆ ਕਿ ਇਸ ਕਾਰਜ ਲਈ ਉਨ੍ਹਾਂ ਸੰਸਾਰ ਭਰ ਦੇ ਕਈ ਨਾਮਵਰ ਡਾਕੂਮੈਂਟਰੀ ਬਨਾਉਣ ਵਾਲਿਆਂ ਤੱਕ ਪਹੁੰਚ ਕੀਤੀ ਪਰ ਇਸ ਲਈ ਮੰਗਿਆ ਗਿਆ ਸਮਾਂ ਅਤੇ ਖਰਚ ਉਨ੍ਹਾਂ ਦੀ ਪਹੁੰਚ ਤੋਂ ਬਾਹਰੀ ਸੀ।

ਇਸ ਪਿੱਛੋਂ ਸ਼੍ਰੀ ਸਿੰਘ ਨੇ ਆਪ ਹੀ ਇੱਕ ਟੀਮ ਬਣਾਕੇ ਅਤੇ ਕੁੱਝ ਉੱਦਮੀਆਂ ਤੋਂ ਮਾਲੀ ਮੱਦਦ ਲੈਂਦੇ ਹੋਏ ਇਸ ਪਰੋਜੈਕਟ ਨੂੰ ਪੂਰਾ ਕਰਨ ਦਾ ਪ੍ਰਣ ਕੀਤਾ।

Allegory - A tapestry of Guru Nanak's Travels
Amardeep and his team travelled from the deserts of Mecca in Saudi Arabia to Mount Kailash in Tibet,
Supplied by Amardeep Singh

ਇਸ ਦਸਤਾਵੇਜ਼ੀ ਦਾ ਪਹਿਲਾ ਭਾਗ 14 ਅਕਤੂਬਰ ਨੂੰ ਜਾਰੀ ਕੀਤਾ ਜਾਵੇਗਾ ਅਤੇ ਇਸ ਤੋਂ ਬਾਅਦ 24 ਹਫਤਿਆਂ ਲਈ ਹਰ ਹਫਤੇ ਇੱਕ ਨਵਾਂ ਭਾਗ ਜਾਰੀ ਹੁੰਦਾ ਰਹੇਗਾ।

ਸ਼੍ਰੀ ਸਿੰਘ ਨੇ ਦੱਸਿਆ ਕਿ ਇਹ ਕਾਰਜ ਨੇਪਰੇ ਚਾੜ੍ਹਨ ਲਈ ਉਨ੍ਹਾਂ ਦੀ ਟੀਮ ਨੂੰ ਕਈ ਮੁਸ਼ਕਿਲਾਂ ਆਈਆਂ - ਇਸ ਵਿੱਚ ਵਿਦੇਸ਼ੀ ਵਿਭਾਗਾਂ ਤੋਂ ਇਜਾਜਤਾਂ ਲੈਂਦੇ ਹੋਏ, ਸਾਊਦੀ ਅਰਬ ਦੇ ਮੱਕੇ ਵਾਲੇ ਮਾਰੂਥਲਾਂ ਤੋਂ, ਤਿੱਬਤ ਦੇ ਕੈਲਾਸ਼ ਪਹਾੜਾਂ ਤੱਕ, ਅਫਗਾਨਿਸਤਾਨ ਦੇ ਖਤਰਨਾਕ ਇਲਾਕਿਆਂ ਦੀ ਖੋਜ, ਇਰਾਕ ਵਿੱਚ ਤਪਦੀ ਗਰਮੀ ਦਾ ਤਜ਼ਰਬਾ, ਪਾਕਿਸਤਾਨ ਦੇ ਬਲੋਚੀ ਪਹਾੜਾਂ ਨੂੰ ਪਾਰ ਕਰਨਾ, ਸ੍ਰੀ ਲੰਕਾ ਤੱਕ ਪਹੁੰਚਣ ਲਈ ਹਿੰਦ ਮਹਾਂਸਾਗਰ ਵਿੱਚ ਉਤਰਨ ਵਰਗੀਆਂ ਚੁਣੌਤੀਆਂ ਸ਼ਾਮਿਲ ਹਨ।

ਇਸ ਦਸਤਾਵੇਜ਼ੀ ਫਿਲਮ ਦੇ ਹਫਤਾਵਾਰੀ ਅੰਕ ਮਿਤੀ 14 ਅਕਤੂਬਰ ਤੋਂ TheGuruNanak.com ਉੱਤੇ ਮੁਫਤ ਦੇਖੇ ਜਾ ਸਕਣਗੇ।

ਸ਼੍ਰੀ ਸਿੰਘ ਦਾ ਅਗਲਾ ਪਰੋਜੈਕਟ ਇਸ ਸੀਰੀਜ਼ ਨੂੰ ਪੰਜਾਬੀ ਅਤੇ ਹਿੰਦੀ ਵਿੱਚ ਪੇਸ਼ ਕਰਨ ਦਾ ਹੈ।

ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ਸਪੀਕਰਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।

Coming up next

# TITLE RELEASED TIME MORE
ਸਿੰਗਾਪੁਰ ਦੇ ਉੱਦਮੀ ਜੋੜੇ ਨੇ ਬਣਾਈ ਗੁਰੂ ਨਾਨਕ ਦੇਵ ਜੀ ਦੀਆਂ ਉਦਾਸੀਆਂ ਉੱਤੇ ਇੱਕ ਦਸਤਾਵੇਜ਼ੀ ਫਿਲਮ 13/10/2021 25:00 ...
ਤੁਸੀਂ ਆਸਟ੍ਰੇਲੀਆ ਵਿੱਚ ਦਾਖਲ ਹੋਣ ਤੋਂ ਪਹਿਲਾਂ ਆਪਣੇ ਨਾਲ ਕੀ ਲਿਆ ਸਕਦੇ ਹੋ ਅਤੇ ਕੀ ਨਹੀਂ 01/12/2021 10:35 ...
ਭਾਰਤ ਵਿੱਚ ਅੰਤਰਜਾਤੀ ਜੋੜਿਆਂ ਦੁਆਰਾ ਦਰਪੇਸ਼ ਜੋਖਮ 01/12/2021 10:00 ...
ਮਹਾਂਮਾਰੀ ਕਾਰਨ ਲੱਗੀਆਂ ਬੰਦਸ਼ਾਂ ਦੌਰਾਨ ਤੈਰਾਕੀ ਸਿੱਖਣ ਤੋਂ ਪੱਛੜੇ ਛੋਟੇ ਬੱਚਿਆਂ ਲਈ ਗਰਮੀਆਂ ਦਾ ਮੌਸਮ ਹੋ ਸਕਦਾ ਹੈ ਖਤਰਨਾਕ 01/12/2021 22:00 ...
ਵਹਿਮ ਭਰਮ ਅਤੇ ਲੋਕ ਵਿਸ਼ਵਾਸ ਦੀਆਂ ਗੱਲਾਂ 26/11/2021 07:30 ...
ਡਾਇਬੀਟੀਜ਼ ਇੱਕ ਅਜਿਹਾ ਰੋਗ ਹੈ ਜਿਸ ਨੂੰ ਜੀਵਨਸ਼ੈਲੀ ਵਿੱਚ ਮਾਮੂਲੀ ਤਬਦਲੀਆਂ ਦੁਆਰਾ ਅਸਾਨੀ ਨਾਲ ਕਾਬੂ ਵਿੱਚ ਕੀਤਾ ਜਾ ਸਕਦਾ ਹੈ 24/11/2021 21:00 ...
ਕੰਮ ਵਾਲੀ ਥਾਂ 'ਤੇ ਹੋਣ ਵਾਲਾ ਵਿਤਕਰਾ ਕੀ ਹੈ ਅਤੇ ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਤੁਸੀਂ ਵਿਤਕਰੇ ਦੇ ਪੀੜਤ ਹੋ ਤਾਂ ਤੁਸੀਂ ਕੀ ਕਰ ਸਕਦੇ ਹੋ? 24/11/2021 09:18 ...
ਆਸਟ੍ਰੇਲੀਆ ਦੇ ਔਰਫਨ ਰਿਲੇਟਿਵ ਵੀਜ਼ੇ ਬਾਰੇ ਵਿਸ਼ੇਸ ਜਾਣਕਾਰੀ 23/11/2021 07:06 ...
ਸ੍ਰੀ ਨਨਕਾਣਾ ਸਾਹਿਬ ਦੇ ਦਰਸ਼ਨਾਂ ਲਈ ਵੱਡੀ ਗਿਣਤੀ ‘ਚ ਪਹੁੰਚੀਆਂ ਭਾਰਤੀ ਸੰਗਤਾਂ 19/11/2021 09:08 ...
ਨਨਕਾਣਾ ਸਾਹਿਬ ਵਿਖੇ ਉਤਸ਼ਾਹ ਨਾਲ ਗੁਰਪੁਰਬ ਦੇ ਸਮਾਗਮਾਂ ਦਾ ਆਗਮਨ 18/11/2021 07:01 ...
View More