Coming Up Mon 9:00 PM  AEST
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਸਿੱਖ ਯੂਥ ਆਸਟ੍ਰੇਲੀਆ ਵੱਲੋਂ 20 ਸਾਲਾਂ ਦੀਆਂ ਪ੍ਰਾਪਤੀਆਂ ਦਾ ਰੰਗੀਨ ਕਿਤਾਬਚਾ ਲੋਕ-ਅਰਪਣ

Source:

ਇੱਕ ਛੋਟੇ ਜਿਹੇ ਭਾਈਚਾਰਕ ਇਕੱਠ ਤੋਂ ਸ਼ੁਰੂ ਹੋ ਕਿ ਸਿੱਖ ਯੂਥ ਆਸਟ੍ਰੇਲੀਆ ਅਦਾਰਾ ਇਸ 20 ਸਾਲਾਂ ਦੇ ਸਫਰ ਦੌਰਾਨ ਸਲਾਨਾਂ ਕੈਂਪਾਂ ਦੁਆਰਾ ਹਜ਼ਾਰਾਂ ਨੌਜਵਾਨਾਂ ਦੀ ਸ਼ਖਸ਼ੀਅਤ ਸੁਧਾਰਨ ਦੇ ਨਾਲ-ਨਾਲ ਭਾਈਚਾਰੇ ਲਈ ਵੀ ਨਿਵੇਕਲੇ ਕਾਰਜ ਕਰਦਾ ਆ ਰਿਹਾ ਹੈ।

ਪੱਤਰਕਾਰੀ ਤੋਂ ਲੇਖਣੀ ਵੱਲ ਮੁੜੇ ਸੁਰਿੰਦਰਜੀਤ ਸਿੰਘ ਨੇ ਇੱਕ ਪੁਸਤਕ ਸਿਰਜਦੇ ਹੋਏ ਸਿੱਖ ਯੂਥ ਆਸਟ੍ਰੇਲੀਆ ਦੀਆਂ ਪਿਛਲੇ 20 ਸਾਲਾਂ ਦੀਆਂ ਪ੍ਰਾਪਤੀਆਂ ਨੂੰ ਤਸਵੀਰਾਂ ਸਮੇਤ ਕਲਮਬੱਧ ਕੀਤਾ ਹੈ। 

ਐਸ ਬੀ ਐਸ ਪੰਜਾਬੀ ਨਾਲ ਗਲ ਕਰਦੇ ਹੋਏ ਸ਼੍ਰੀ ਸਿੰਘ ਨੇ ਕਿਹਾ, “ਮੈਨੂੰ ਇਹ ਕਿਤਾਬ ਤਿਆਰ ਕਰਨ ਦਾ ਖਿਆਲ ਸਾਲ 2017 ਵਿੱਚ ਆਇਆ ਸੀ ਜਦੋਂ ਇਸ ਸੰਸਥਾ ਦੇ ਬਹੁਤ ਸਾਰੇ ਮੌਢੀ ਸੰਸਥਾਪਕ ਸੇਵਾ ਮੁਕਤੀ ਵਲ ਵਧ ਰਹੇ ਸਨ”।

“ਇਸ ਲਈ ਮੈਂ ਜਰੂਰੀ ਸਮਝਿਆ ਕਿ ਇਹਨਾਂ ਸੰਸਥਾਪਕਾਂ ਅਤੇ 20 ਸਾਲਾਂ ਦੇ ਸਫਰ ਦੌਰਾਨ ਇਸ ਨਾਲ ਜੁੜਦੇ ਰਹੇ ਸੇਵਾਦਾਰਾਂ ਸਮੇਤ ਕੈਂਪਾਂ ਵਿੱਚ ਭਾਗ ਲੈਣ ਵਾਲਿਆਂ ਦੇ ਵਿਚਾਰ ਅਤੇ ਤਸਵੀਰਾਂ ਸੰਭਾਲ ਲਈਆਂ ਜਾਣ।”

ਇਸ ਪੁਸਤਕ ਨੂੰ ਤਿਆਰ ਕਰਨ ਵਾਸਤੇ ਸ਼੍ਰੀ ਸਿੰਘ ਨੂੰ ਦੂਰ-ਦੁਰਾਡੇ ਦੇ ਇਲਾਕਿਆਂ ਵਿੱਚ ਜਾ ਕੇ ਲੋਕਾਂ ਨੂੰ ਮਿਲਣਾ ਅਤੇ ਉਹਨਾਂ ਦੇ ਵਿਚਾਰ ਰਿਕਾਰਡ ਕਰਨੇ ਪਏ। 

SYA
Camp activities
SYA

ਸਿੱਖ ਯੂਥ ਆਸਟ੍ਰੇਲੀਆ ਦਾ ਸਭ ਤੋਂ ਪਹਿਲਾ ਇਕੱਠ (ਕੈਂਪ) 1998 ਵਿੱਚ ਸਿਡਨੀ ਦੇ ਆਸਟਰਲ ਗੁਰੂਦੁਆਰਾ ਸਾਹਿਬ ਵਿੱਚ ਲਾਇਆ ਗਿਆ ਸੀ ਜਿਸ ਵਿੱਚ ਉਂਗਲਾਂ 'ਤੇ ਗਿਣੇ ਜਾ ਸਕਣ ਵਾਲੇ ਬੱਚਿਆਂ ਨੇ ਹੀ ਭਾਗ ਲਿਆ ਸੀ।

ਪਰ ਇਸ 20 ਸਾਲਾਂ ਦੇ ਸਫਰ ਦੌਰਾਨ ਗਰਮੀਆਂ ਵਿੱਚ ਲਗਾਏ ਜਾਣ ਵਾਲੇ ਕੈਂਪ ਹੁਣ 4 ਤੋਂ 5 ਦਿਨ ਚਲਦੇ ਹਨ ਅਤੇ ਇਸ ਵਿੱਚ 300 ਦੇ ਕਰੀਬ ਨੌਜਵਾਨ, ਬੱਚੇ ਅਤੇ ਉਹਨਾਂ ਦੇ ਪਰਿਵਾਰ ਭਾਗ ਲੈਂਦੇ ਹਨ।

“ਨੌਜਵਾਨਾਂ ਲਈ ਸ਼ੁਰੂ ਕੀਤੇ ਗਏ ਇਹ ਕੈਂਪ ਹੁਣ ਪਰਿਵਾਰਕ ਕੈਂਪ ਬਣ ਚੁੱਕੇ ਹਨ”, ਸ਼੍ਰੀ ਸਿੰਘ ਨੇ ਕਿਹਾ।

ਇਹਨਾਂ ਸਲਾਨਾਂ ਕੈਂਪਾਂ ਤੋਂ ਅੱਗੇ ਵਧਦੇ ਹੋਏ ਹੁਣ ਸਿੱਖ ਯੂਥ ਆਸਟ੍ਰਲੀਆ ਕਈ ਪ੍ਰਕਾਰ ਦੇ ਹੋਰ ਨਿਵੇਕਲੇ ਅਤੇ ਉੱਦਮ ਭਰੇ ਯਤਨ ਵੀ ਕਰ ਰਿਹਾ ਹੈ ਜਿਹਨਾਂ ਵਿੱਚ 'ਯੰਗ ਸਿੱਖ ਪਰੋਫੈਸ਼ਨਲ ਨੈੱਟਵਰਕ, ਸਿੱਖੀ ਟੂ ਗਿਵ, ਕਲਚਰ ਕੇਅਰ, ਇਕੋ-ਸਿੱਖ ਅਤੇ ਮਾਈਟੀ ਖਾਲਸਾ' ਪ੍ਰਮੁੱਖ ਹਨ।

ਸੁਰਿੰਦਰਜੀਤ ਸਿੰਘ ਨੂੰ ਇਸ ਕਿਤਾਬ ਨੂੰ ਪੂਰਾ ਕਰਨ ਵਿੱਚ ਦੋ ਸਾਲ ਦਾ ਸਮਾਂ ਲੱਗਿਆ ਪਰ ਕੋਵਿਡ-19 ਮਹਾਂਮਾਰੀ ਕਾਰਨ ਇਸ ਦੀ ਘੁੰਡ-ਚੁਕਾਈ ਅੱਗੇ ਪਾਉਣੀ ਪਈ ਸੀ।

160 ਪੰਨਿਆਂ ਵਾਲੀ ਇਸ ਰੰਗੀਨ ਤਸਵੀਰਾਂ ਨਾਲ ਜੜੀ ਪੁਸਤਕ ਨੂੰ ਸਿੱਖ ਯੂਥ ਆਸਟ੍ਰੇਲੀਆ ਦੀ ਵੈੱਬਸਾਈਟ ਨਾਲ ਸੰਪਰਕ ਕਰਦੇ ਹੋਏ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।

ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸਾਡਾ ਪੰਜਾਬੀ ਪ੍ਰੋਗਾਮ ਸੁਣੋ ਤੇ ਸਾਨੂੰ ਫੇਸਬੁੱਕ ਤੇ ਟਵਿੱਟਰ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
ਸਿੱਖ ਯੂਥ ਆਸਟ੍ਰੇਲੀਆ ਵੱਲੋਂ 20 ਸਾਲਾਂ ਦੀਆਂ ਪ੍ਰਾਪਤੀਆਂ ਦਾ ਰੰਗੀਨ ਕਿਤਾਬਚਾ ਲੋਕ-ਅਰਪਣ 18/03/2022 11:00 ...
'ਜੋ ਗੱਲਾਂ ਲੋਕਾਂ ਨਾਲ ਜੁੜੀਆਂ ਹਨ, ਸਦਾ ਓਹੀ ਗਾਈਆਂ ਤੇ ਫਿਲਮਾਈਆਂ': ਕੁਲਵਿੰਦਰ ਬਿੱਲਾ 24/06/2022 09:59 ...
ਆਸਟ੍ਰੇਲੀਆ ਦਾ ਅੰਤਰਰਾਸ਼ਟਰੀ ਵਿਦਿਆਰਥੀ ਖੇਤਰ ਮੰਦੀ ਤੋਂ ਜਲਦ ਉਭਰਨ ਦੀ ਉਮੀਦ ਵਿੱਚ 24/06/2022 06:00 ...
ਘੱਟ ਤਨਖਾਹ ਵਾਲੇ ਕਾਮਿਆਂ ਦੀ ਤਨਖ਼ਾਹ ਵਿੱਚ ਵਾਧਾ, ਲੱਗਭਗ 2.2 ਮਿਲੀਅਨ ਲੋਕਾਂ ਨੂੰ ਫਾਇਦਾ ਮਿਲਣ ਦੀ ਉਮੀਦ 23/06/2022 07:14 ...
ਮੈਲਬੌਰਨ ਵਿੱਚ ਹੋਣ ਜਾ ਰਹੀ ਮਲਟੀਕਲਚਰਲ ਅਥਲੈਟਿਕਸ ਮੀਟ ਲਈ ਤਿਆਰੀਆਂ ਜ਼ੋਰਾਂ 'ਤੇ 22/06/2022 09:49 ...
ਹਰ ਸਾਲ ਫਲੂ ਦਾ ਟੀਕਾ ਲਗਵਾਉਣਾ ਕਿਉਂ ਹੈ ਜ਼ਰੂਰੀ? ਕੀ 'ਇਮਿਊਨਿਟੀ' ਵਧਾਉਣ ਵਾਲੀਆਂ ਦਵਾਈਆਂ ਹੋ ਸਕਦੀਆਂ ਹਨ ਕਾਰਗਰ? 22/06/2022 16:50 ...
ਪੰਜਾਬੀ ਡਾਇਰੀ: ਸੰਗਰੂਰ ਜ਼ਿਮਨੀ ਚੋਣ ਲਈ ਫਸਵਾਂ ਮੁਕਾਬਲਾ, ਆਪ ਲਈ ਬਣਿਆ ਵੱਕਾਰ ਦਾ ਸੁਆਲ 21/06/2022 08:06 ...
'ਮਾਣ ਵਾਲੀ ਗੱਲ': ਭਾਈਚਾਰਕ ਸੇਵਾਵਾਂ ਲਈ ਪਿੰਕੀ ਸਿੰਘ ਨੂੰ ਮਿਲਿਆ 'ਆਰਡਰ ਆਫ ਆਸਟ੍ਰੇਲੀਆ' ਸਨਮਾਨ 20/06/2022 09:16 ...
ਵਿਆਜ਼ ਦਰਾਂ ‘ਚ ਵਾਧੇ ਕਾਰਨ ਲੋਕ ਪਰੇਸ਼ਾਨ, ਜਾਣੋਂ ਨਵੀਂ ਪ੍ਰਾਪਰਟੀ ਖਰੀਦਣ ਵਾਲਿਆਂ ਉੱਤੇ ਕੀ ਹੋਵੇਗਾ ਇਸਦਾ ਅਸਰ 17/06/2022 14:53 ...
ਗੈਸਟਰੋ ਕੀ ਹੈ ਤੇ ਬੱਚਿਆਂ ਵਿੱਚ ਇਸਦੀ ਲਾਗ ਪਿਛਲੇ ਕੀ ਕਾਰਨ ਹਨ? ਜਾਣੋ ਬਚਾਅ ਲਈ ਖਾਸ ਨੁਕਤੇ 17/06/2022 13:30 ...
View More