Coming Up Mon 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਆਸਟ੍ਰੇਲੀਆ ਵਿੱਚ 1500 ਏਕੜ ਵਿੱਚੋਂ 60,000 ਟਨ ਗੰਨੇ ਦੀ ਰਿਕਾਰਡ-ਤੋੜ ਪੈਦਾਵਾਰ ਨਾਲ਼ ਸਫਲਤਾ ਦਰਜ਼ ਕਰ ਰਿਹਾ ਹੈ ਇਹ ਪੰਜਾਬੀ ਪਰਿਵਾਰ

(L to R) Cane farmers Rajinder Singh, Andrew Ranbir Singh and Don Daleep Singh. Source: Supplied by Andrew R Singh Bains

ਇਹ ਆਸਟ੍ਰੇਲੀਆ ਦੇ ਕੇਰਨਜ਼ ਇਲਾਕੇ ਵਿੱਚ ਵਸਦੇ ਬੈਂਸ ਪਰਿਵਾਰ ਦੀ ਕਹਾਣੀ ਹੈ ਜੋ ਆਪਣੀ ਮਿਹਨਤ ਤੇ ਲਗਨ ਸਦਕਾ ਖੇਤੀਬਾੜੀ ਵਿੱਚ ਸਫ਼ਲਤਾ ਦੀਆਂ ਨਵੀਆਂ ਬੁਲੰਦੀਆਂ ਦਰਜ਼ ਕਰ ਰਿਹਾ ਹੈ। ਖੇਤ-ਮਜ਼ਦੂਰੀ ਤੋਂ ਲੈਕੇ ਆਸਟ੍ਰੇਲੀਆ ਦੇ ਨਾਮਵਰ ਕਿਸਾਨ ਬਣਨ ਦੇ ਇਸ ਸਫ਼ਰ ਵਿੱਚ ਬੈਂਸ ਪਰਿਵਾਰ ਦੀਆਂ ਪੰਜ ਪੁਸ਼ਤਾਂ ਦਾ ਖੂਨ-ਪਸੀਨਾ ਡੁੱਲ੍ਹਿਆ ਹੈ।

37-ਸਾਲਾ ਰਣਬੀਰ ਸਿੰਘ ਬੈਂਸ ਕੁਈਨਜ਼ਲੈਂਡ ਵਿਚਲੇ ਕੇਰਨਜ਼ ਤੇ ਲਾਗਲੇ ਇਲਾਕਿਆਂ ਵਿੱਚ ਐਂਡਰਿਊ ਦੇ ਨਾਂ ਨਾਲ ਜਾਣਿਆ ਜਾਂਦਾ ਇੱਕ ਮਿਹਨਤੀ ਨੌਜਵਾਨ ਹੈ।  

ਉਹ ਬੈਂਸ ਪਰਿਵਾਰ ਦੀ ਆਸਟ੍ਰੇਲੀਆ ਵਸਦੀ ਪੰਜਵੀਂ ਪੁਸ਼ਤ ਵਿੱਚੋਂ ਹੈ ਜਿਸਨੇ ਖੇਤੀਬਾੜੀ ਵਿੱਚ ਆਪਣੀ ਲਗਨ ਸਦਕਾ ਇੱਕ ਵੱਖਰਾ ਮੁਕਾਮ ਸਿਰਜਿਆ ਹੈ।

Andrew Ranbir Singh Bains is a fourth-generation sugarcane farmer in Cairns in Far North Queensland.
Andrew Ranbir Singh Bains is a fourth-generation sugarcane farmer in Cairns in Far North Queensland.
Supplied

ਇਸ ਵੇਲ਼ੇ ਬੈਂਸ ਪਰਿਵਾਰ ਦੀ ਖੇਤੀਬਾੜੀ, ਜੋ ਮਰੀਬਾ, ਗੋਰਡਨਵੇਲ ਤੇ ਟਾਲੀ ਜ਼ਿਲ੍ਹਿਆਂ ਦੇ 1500 ਏਕੜ ਵਿੱਚ ਫੈਲੀ ਹੋਈ ਹੈ, ਵਿੱਚੋਂ ਸਾਲਾਨਾ 60,000 ਟਨ ਗੰਨੇ ਦਾ ਝਾੜ ਨਿਕਲਦਾ ਹੈ।

ਐਂਡਰਿਊ ਦੇ ਅੰਕਲ ਸਰਦਾਰ ਰਾਜਿੰਦਰ ਸਿੰਘ ਬੈਂਸ ਨੇ ਕੁਈਨਜ਼ਲੈਂਡ ਦੇ 'ਕੇਨਗਰੋਅਰਜ਼ ਬੋਰਡ ਆਫ਼ ਡਾਇਰੈਕਟਰਜ਼' ਵਿੱਚ 10 ਸਾਲਾਂ ਤੋਂ ਵੀ ਵੱਧ ਸਮੇਂ ਲਈ ਜਿੰਮੇਵਾਰੀ ਨਿਭਾਈ ਹੈ ਤੇ ਇਸ ਵੇਲੇ ਉਹ ‘ਫਾਰ ਨੌਰਥ ਸ਼ੂਗਰ ਮਿਲਿੰਗ’ ਦੇ ਡਾਇਰੈਕਟਰ ਹਨ।

The sugarcane cultivation in Australia is dependent on heavy machinery.
The sugarcane cultivation in Australia is dependent on heavy machinery.
Supplied
ਆਸਟ੍ਰੇਲੀਆ ਵਿੱਚ ਸਥਾਪਤੀ ਦਾ ਮੁਢਲਾ ਸਮਾਂ

ਬੈਂਸ ਪਰਿਵਾਰ ਦੀ ਆਸਟ੍ਰੇਲੀਆ ਵਿੱਚ ਜੜ੍ਹ ਲਾਉਣ ਵਾਲੇ ਸਰਦਾਰ ਮੰਗਲ ਸਿੰਘ ਬੈਂਸ 1893 ਵਿੱਚ ਆਸਟ੍ਰੇਲੀਆ ਆਏ ਸਨ। 

ਉਨ੍ਹਾਂ ਦਾ ਸਭ ਤੋਂ ਪਹਿਲਾਂ ਮੈਲਬੌਰਨ ਵਿੱਚ ਆਉਣਾ ਹੋਇਆ ਜਿਥੋਂ ਉਨ੍ਹਾਂ ਖੇਤਰੀ ਵਿਕਟੋਰੀਆ ਦਾ ਰੁਖ਼ ਕੀਤਾ ਜਿਸ ਦੌਰਾਨ ਉਹ ਕਾਫ਼ੀ ਸਮਾਂ ਇਕ ਹਾਕਰ (ਘੋੜਾ-ਗੱਡੀ ਦੁਕਾਨਦਾਰ) ਵਜੋਂ ਵਿਚਰਦੇ ਰਹੇ।  

ਇਸ ਉਪਰੰਤ ਸਨ 1925 ਵਿੱਚ ਮੰਗਲ ਸਿੰਘ ਆਪਣੇ ਪੁੱਤਰ 'ਡੌਨ' ਦਲੀਪ ਸਿੰਘ ਨੂੰ ਵੀ ਭਾਰਤ ਤੋਂ ਲੈ ਆਏ।

A file photo of Mangal Singh Bains who came to Australia in 1893.
A file photo of Mangal Singh Bains who came to Australia in 1893.
Supplied

ਖੇਤ-ਮਜਦੂਰ ਤੋਂ ਖੇਤ-ਮਾਲਿਕ ਬਣਨ ਦਾ ਸਫ਼ਰ

ਦਲੀਪ ਸਿੰਘ 1939 ਵਿੱਚ ਕੁਈਨਜ਼ਲੈਂਡ ਦੇ ਗੋਰਡਨਵੇਲ ਇਲਾਕੇ ਵਿੱਚ ਚਲੇ ਗਏ ਜਿਥੇ ਉਨ੍ਹਾਂ ਕਾਫੀ ਸਮਾਂ ਗੰਨਾ ਕੱਟਦਿਆਂ ਖੇਤ-ਮਜ਼ਦੂਰੀ ਕੀਤੀ।

1948 ਵਿੱਚ ਉਨ੍ਹਾਂ ਆਪਣੇ ਖੇਤ-ਮਾਲਕ ਜੌਰਜ ਪੈਰੀ ਤੋਂ 100 ਏਕੜ ਜ਼ਮੀਨ ਦੀ ਸਹਿ-ਮਾਲਕੀ ਲਈ ਜਿਸ ਪਿੱਛੋਂ ਬੈਂਸ ਪਰਿਵਾਰ ਦੇ ਖੇਤੀਬਾੜੀ ਵਿੱਚ 'ਪੈਰ ਲੱਗਣੇ' ਸ਼ੁਰੂ ਹੋ ਗਏ।

1951 ਵਿੱਚ ਦਲੀਪ ਸਿੰਘ ਆਪਣੇ ਜਲੰਧਰ ਜ਼ਿਲ੍ਹੇ ਵਿਚਲੇ ਜੱਦੀ ਪਿੰਡ ਬਿਲਗਾ ਤੋਂ ਆਪਣੇ ਪੁੱਤਰ (ਐਂਡਰਿਊ ਦੇ ਦਾਦਾ ਜੀ) ਗਿਆਨ ਸਿੰਘ ਬੈਂਸ ਨੂੰ ਆਸਟ੍ਰੇਲੀਆ ਲੈ ਆਏ।   

ਗਿਆਨ ਸਿੰਘ ਬੈਂਸ ਨੇ ਆਪਣੇ ਪੁੱਤਰ ਰਾਜਿੰਦਰ ਸਿੰਘ ਤੇ ਸੁਰਿੰਦਰ ਸਿੰਘ ਨਾਲ ਮਿਲਕੇ ਖੇਤੀ ਲਈ ਜ਼ਮੀਨ ਖ਼ਰੀਦਣੀ ਜਾਰੀ ਰੱਖੀ ਅਤੇ ਇਸ ਤਰਾਂਹ ਸਮਾਂ ਪੈਂਦਿਆਂ ਖੇਤੀਬਾੜੀ ਵਿੱਚ ਆਪਣੀ ਨਿਰੰਤਰ ਮਿਹਨਤ ਸਦਕਾ ਬੈਂਸ ਪਰਿਵਾਰ ਖੇਤ-ਮਜ਼ਦੂਰ ਤੋਂ ਖੇਤ-ਮਾਲਕ ਬਣ ਗਿਆ ਸੀ।

A file photo of Don Daleep Singh with Qld canefarmer George Parry
A file photo of Don Daleep Singh with Qld cane farmer George Parry.
Supplied

ਗੰਨੇ ਦੀ ਕਾਸ਼ਤ ਵਿੱਚ ਰਿਕਾਰਡ-ਤੋੜ ਸਫਲਤਾ

1989 ਵਿੱਚ ਉਨ੍ਹਾਂ ਕੇਰਨਜ਼ ਤੋਂ 100 ਕਿਲੋਮੀਟਰ ਪੱਛਮ ਵਿੱਚ ਮਰੀਬਾ ਜ਼ਿਲ੍ਹੇ ਵਿੱਚ ਇੱਕ ਸੁੰਨਸਾਨ ਜੰਗਲੀ ਜ਼ਮੀਨ ਖਰੀਦੀ ਤੇ ਉਸ ਨੂੰ ਖੂਨ-ਪਸੀਨੇ ਨਾਲ ਬੁਲਡੋਜ਼ਰਾਂ ਦੀ ਵਰਤੋਂ ਕਰਕੇ ਖੇਤੀ ਯੋਗ ਬਣਾਇਆ ਤੇ ਫਿਰ ਓਥੇ ਗੰਨੇ ਦੀ ਕਾਸ਼ਤ ਸ਼ੁਰੂ ਕੀਤੀ।  

1960 ਤੋਂ 1980 ਦੌਰਾਨ ਖੇਤੀਬਾੜੀ ਵਿੱਚ ਮਸ਼ੀਨੀਕਰਨ ਨੇ ਭਾਰੀ ਤਬਦੀਲੀ ਲਿਆਂਦੀ ਤੇ 1990ਵਿਆਂ ਤੱਕ ਆਉਂਦਿਆਂ ਗੰਨੇ ਦੀ ਕਟਾਈ ਵਿਚ ਬਹੁਤ ਸਾਰੀਆਂ ਨਵੀਆਂ ਤਕਨੀਕਾਂ ਵਿਕਸਤ ਹੋਈਆਂ ਜਿਸ ਨੂੰ ਬੈਂਸ ਪਰਿਵਾਰ ਸਮੇਂ-ਸਮੇਂ ਉੱਤੇ ਅਪਣਾਉਂਦਾ ਰਿਹਾ।

ਆਪਣੇ ਕੰਮ-ਕਾਰੋਬਾਰ ਨੂੰ ਵਧਾਉਣ ਲਈ ਬੈਂਸ ਪਰਿਵਾਰ ਨੇ 1993 ਤੋਂ ਠੇਕੇ ਉੱਤੇ ਗੰਨੇ ਦੀ ਕਟਾਈ ਕਰਨੀ ਵੀ ਸ਼ੁਰੂ ਕੀਤੀ।

ਪਰਿਵਾਰ ਦੇ ਦੱਸਣ ਮੁਤਾਬਿਕ 1995 ਵਿੱਚ 22 ਹਫਤਿਆਂ ਦੇ ਕਟਾਈ ਸੀਜ਼ਨ ਵਿੱਚ ਉਨ੍ਹਾਂ 150,000 ਟਨ ਗੰਨੇ ਦੀ ਕਟਾਈ ਕਰਕੇ ਇਲਾਕੇ ਵਿੱਚ ਇਕ ਨਵਾਂ ਰਿਕਾਰਡ ਸਥਾਪਤ ਕੀਤਾ।  

ਪਰ ਖੇਤੀਬਾੜੀ ਵਿਚਲੀ ਸਫ਼ਲਤਾ ਹਮੇਸ਼ਾ ਇਕਸਾਰ ਨਹੀਂ ਹੁੰਦੀ, ਬੈਂਸ ਪਰਿਵਾਰ ਉੱਤੇ ਔਖੇ-ਸੌਖੇ ਵੇਲੇ ਆਉਂਦੇ ਰਹੇ ਪਰ ਉਹ ਇਨ੍ਹਾਂ ਚੁਣੌਤੀਆਂ ਨੂੰ ਪਰਿਵਾਰਕ ਸਾਂਝ, ਮਿਹਨਤ ਤੇ ਸਬਰ ਨਾਲ ਨਜਿੱਠਦੇ ਰਹੇ।  

Gian Singh Bains with his sons Rajinder Singh and Srinder Singh (photo taken in 1990)
Gian Singh Bains with his sons Rajinder Singh and Srinder Singh (photo taken in 1990).
Supplied

ਨੌਜਵਾਨ ਪੀੜ੍ਹੀ ਦੀ ਖੇਤੀਬਾੜੀ ਵਿਚਲੀ ਸ਼ਮੂਲੀਅਤ

1990ਵਿਆਂ ਦੌਰਾਨ ਗੰਨੇ ਦੀਆਂ ਕੀਮਤਾਂ ਵਿੱਚ ਆਈ ਭਾਰੀ ਗਿਰਾਵਟ ਪਿੱਛੋਂ ਬੈਂਸ ਪਰਿਵਾਰ ਨੇ ਆਪਣੀ ਨੌਜਵਾਨ ਪੀੜ੍ਹੀ ਨੂੰ ਉੱਚ-ਵਿੱਦਿਆ ਪ੍ਰਾਪਤ ਕਰਨ ਤੇ ਸ਼ਹਿਰਾਂ ਵਿੱਚ ਨੌਕਰੀਆਂ ਕਰਨ ਲਈ ਉਤਸ਼ਾਹਤ ਕੀਤਾ।

ਇਸੇ ਕੋਸ਼ਿਸ਼ ਤਹਿਤ ਐਂਡਰਿਊ ਨੇ ਕਾਮਰਸ ਦੀ ਪੜ੍ਹਾਈ ਪਿੱਛੋਂ ਵੈਸਟਪੈਕ ਬੈਂਕ ਦੇ ਗਰੈਜੂਏਸ਼ਨ ਪ੍ਰੋਗਰਾਮ ਵਿੱਚ ਦਾਖਲਾ ਲੈਂਦਿਆਂ ਦੋ ਸਾਲ ਨੌਕਰੀ ਵੀ ਕੀਤੀ ਪਰ ਉਸਦਾ ਧਿਆਨ ਖੇਤੀਬਾੜੀ ਤੋਂ ਨਾ ਹਟਿਆ ਤੇ ਉਸਨੇ ਮੁੜ ਉਸੇ ਕਿੱਤੇ ਵਿੱਚ ਵਾਪਸੀ ਕੀਤੀ ਜਿਸ ਵਿੱਚ ਉਸਦੇ ਬਾਪ-ਦਾਦਿਆਂ ਨੇ ਪਰਿਵਾਰ ਦਾ ਪਾਲਣ-ਪੋਸ਼ਣ ਕੀਤਾ ਸੀ।

2016 ਵਿੱਚ ਐਂਡਰਿਊ ਦੇ ਭਰਾ ਨੇ ਆਸਟ੍ਰੇਲੀਅਨ ਡਿਫੈਂਸ ਫੋਰਸਜ਼ ਵਿੱਚ ਪੰਜ ਸਾਲ ਨੌਕਰੀ ਕਰਨ ਉਪਰੰਤ ਖੇਤੀਬਾੜੀ ਵਿੱਚ ਵਾਪਸੀ ਕੀਤੀ।

ਬੈਂਸ ਪਰਿਵਾਰ ਲਈ ਇਹ ਸਮਾਂ ਹੁਣ ਖੇਤੀਬਾੜੀ ਵਿੱਚ ਕੁਝ ਵਖਰੇਵਾਂ ਲਿਆਉਣ ਦਾ ਸੀ।

ਇਸੇ ਮਕਸਦ ਤਹਿਤ ਉਨ੍ਹਾਂ ਕੇਰਨਜ਼ ਤੋਂ 150 ਕਿਲੋਮੀਟਰ ਦੂਰ ਦੱਖਣ ਵਿੱਚ ਟਾਲੀ ਦੇ ਇਲਾਕੇ ਵਿੱਚ ਕੇਲੇ ਦੀ ਪੈਦਾਵਾਰ ਵਿੱਚ ਵੀ ਪੈਰ ਪਸਾਰਨੇ ਸ਼ੁਰੂ ਕਰ ਦਿੱਤੇ ਜਿਸ ਲਈ ਉਹ ਮੌਜੂਦਾ ਦੌਰ ਵਿੱਚ 'ਕਾਮਯਾਬ ਕਿਸਾਨ' ਵਜੋਂ ਜਾਣੇ ਜਾ ਰਹੇ ਹਨ।

In a day’s work at banana plantations, near Cairns, FNQ.
In a day’s work at banana plantations, near Cairns, FNQ.
Supplied

ਸਿੱਖ ਵਿਰਸੇ-ਵਿਰਾਸਤ ਨਾਲ ਸਾਂਝ ਰੱਖੀ ਬਰਕਰਾਰ

ਕੁਈਨਸਲੈਂਡ ਦੇ ਉਤਰੀ ਖੇਤਰੀ ਇਲਾਕਿਆਂ ਵਿੱਚ ਰਹਿੰਦਾ ਬੈਂਸ ਪਰਿਵਾਰ ਆਪਣੀਆਂ ਸਿੱਖ ਕਦਰਾਂ-ਕੀਮਤਾਂ, ਪੰਜਾਬੀ ਪਿਛੋਕੜ ਅਤੇ ਭਾਰਤੀ ਸੱਭਿਆਚਾਰ ਨੂੰ ਹਮੇਸ਼ਾਂ ਨਾਲ ਲੈਕੇ ਚੱਲਦਾ ਰਿਹਾ ਹੈ।

ਆਸਟ੍ਰੇਲੀਆ ਵੱਸਦੇ ਸਿੱਖ ਭਾਈਚਾਰੇ ਵਿੱਚ ਐਂਡ੍ਰਿਊ ਦੇ ਦਾਦਾ ਜੀ ਗਿਆਨ ਸਿੰਘ ਬੈਂਸ ਦਾ ਨਾਂ ਇੱਕ ਸਫਲ ਕਿਸਾਨ ਤੇ ਸਮਾਜ ਸੇਵੀ ਵਜੋਂ ਸਤਿਕਾਰ ਨਾਲ ਲਿਆ ਜਾਂਦਾ ਹੈ।

ਉਨ੍ਹਾਂ ਦੁਆਰਾ ਦਿੱਤੀ ਜ਼ਮੀਨ ਤੇ ਮਾਇਕ ਸਹਾਇਤਾ ਨਾਲ ਹੀ ਕੁਈਨਜ਼ਲੈਂਡ ਵਿੱਚ ਪਹਿਲਾ ਗੁਰਦੁਆਰਾ ਬਣਾਇਆ ਗਿਆ ਸੀ।

ਉਨ੍ਹਾਂ ਆਪਣੇ ਜਲੰਧਰ ਜ਼ਿਲ੍ਹੇ ਵਿਚਲੇ ਜੱਦੀ ਪਿੰਡ ਬਿਲਗਾ ਵਿੱਚ ਬੜੂ ਸਾਹਿਬ ਅਕੈਡਮੀ ਸਥਾਪਤ ਕਰਨ ਵਿੱਚ ਵੀ ਅਹਿਮ ਯੋਗਦਾਨ ਪਾਇਆ।

Members of Bains family during Andrew's marriage ceremony.
Some members of Bains family during Andrew's marriage ceremony.
Supplied

ਆਸਟ੍ਰੇਲੀਆ ਵਸਦੇ ਪੰਜਾਬੀ ਪਰਿਵਾਰਾਂ ਲਈ ਸਫਲਤਾ ਦੀ ਮਿਸਾਲ ਪੈਦਾ ਕਰਨ ਵਾਲ਼ਾ ਇਹ ਪ੍ਰਵਾਸੀ ਪਰਿਵਾਰ ਖੇਤਰੀ ਕੁਈਨਜ਼ਲੈਂਡ ਵਿੱਚ ਰਹਿੰਦਿਆਂ ਆਪਣੇ-ਆਪ ਨੂੰ ਕਾਫੀ ਖੁਸ਼ਕਿਸਮਤ ਮੰਨਦਾ ਹੈ।

“ਮੈਨੂੰ ਲਗਦਾ ਹੈ ਕਿ ਨੌਰਥ ਕੁਈਨਜ਼ਲੈਂਡ ਦੁਨੀਆ ਵਿੱਚ ਰਹਿਣ ਲਈ ਸਭ ਤੋਂ ਖੂਬਸੂਰਤ ਥਾਵਾਂ ਵਿਚੋਂ ਇੱਕ ਹੈ। ਅਸੀਂ ਕਿਸਮਤ ਵਾਲ਼ੇ ਹਾਂ ਕਿ ਸਾਡੇ ਬਾਪ-ਦਾਦਿਆਂ ਨੇ ਰਹਿਣ ਲਈ ਆਸਟ੍ਰੇਲੀਆ ਨੂੰ ਚੁਣਿਆ,” ਐਂਡਰਿਊ ਨੇ ਐਸ ਬੀ ਐਸ ਪੰਜਾਬੀ ਨਾਲ਼ ਇੰਟਰਵਿਊ ਦੌਰਾਨ ਕਿਹਾ।

“ਮੈਂ ਜਾਣਦਾ ਹਾਂ ਕਿ ਵੱਡੇ ਸ਼ਹਿਰਾਂ ਵਿਚ ਨੌਜਵਾਨਾਂ ਲਈ ਵਧੇਰੇ ਮੌਕੇ ਹਨ ਪਰ ਉਨ੍ਹਾਂ ਲੋਕਾਂ ਲਈ ਜੋ ਜ਼ਮੀਨ ਅਤੇ ਖੇਤੀ ਨਾਲ ਪ੍ਰੇਮ ਰੱਖਦੇ ਹਨ ਇਥੇ ਵਸਣਾ ਇੱਕ ਖੂਬਸੂਰਤ ਮੌਕਾ ਹੈ ਜਿਸਨੂੰ ਕਿ ਸਾਡੇ ਪਰਿਵਾਰ ਨੇ ਵੀ ਅਜਾਈਂ ਨਹੀਂ ਜਾਣ ਦਿੱਤਾ।"  

Andrew Ranbir Singh with his wife and children.
Andrew with his wife and children.
Supplied

ਬੈਂਸ ਪਰਿਵਾਰ ਦੀ ਪੂਰੀ ਕਹਾਣੀ ਸੁਨਣ ਲਈ ਸਰਦਾਰ ਕਿਰਪਾਲ ਸਿੰਘ ਨਾਲ ਕੀਤੀ ਇਹ ਇੰਟਰਵਿਊ ਸੁਣੋ: 

Sweet success: How a migrant farming family strengthened its roots in Australia’s sugarcane sector
00:00 00:00

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।

ਐੱਸ ਬੀ ਐੱਸ ਪੰਜਾਬੀ ਦੀਆਂ ਹੋਰ ਪੇਸ਼ਕਾਰੀਆਂ: 

Coming up next

# TITLE RELEASED TIME MORE
ਆਸਟ੍ਰੇਲੀਆ ਵਿੱਚ 1500 ਏਕੜ ਵਿੱਚੋਂ 60,000 ਟਨ ਗੰਨੇ ਦੀ ਰਿਕਾਰਡ-ਤੋੜ ਪੈਦਾਵਾਰ ਨਾਲ਼ ਸਫਲਤਾ ਦਰਜ਼ ਕਰ ਰਿਹਾ ਹੈ ਇਹ ਪੰਜਾਬੀ ਪਰਿਵਾਰ 04/06/2021 13:45 ...
ਵਹਿਮ ਭਰਮ ਅਤੇ ਲੋਕ ਵਿਸ਼ਵਾਸ ਦੀਆਂ ਗੱਲਾਂ 26/11/2021 07:30 ...
ਡਾਇਬੀਟੀਜ਼ ਇੱਕ ਅਜਿਹਾ ਰੋਗ ਹੈ ਜਿਸ ਨੂੰ ਜੀਵਨਸ਼ੈਲੀ ਵਿੱਚ ਮਾਮੂਲੀ ਤਬਦਲੀਆਂ ਦੁਆਰਾ ਅਸਾਨੀ ਨਾਲ ਕਾਬੂ ਵਿੱਚ ਕੀਤਾ ਜਾ ਸਕਦਾ ਹੈ 24/11/2021 21:00 ...
ਕੰਮ ਵਾਲੀ ਥਾਂ 'ਤੇ ਹੋਣ ਵਾਲਾ ਵਿਤਕਰਾ ਕੀ ਹੈ ਅਤੇ ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਤੁਸੀਂ ਵਿਤਕਰੇ ਦੇ ਪੀੜਤ ਹੋ ਤਾਂ ਤੁਸੀਂ ਕੀ ਕਰ ਸਕਦੇ ਹੋ? 24/11/2021 09:18 ...
ਆਸਟ੍ਰੇਲੀਆ ਦੇ ਔਰਫਨ ਰਿਲੇਟਿਵ ਵੀਜ਼ੇ ਬਾਰੇ ਵਿਸ਼ੇਸ ਜਾਣਕਾਰੀ 23/11/2021 07:06 ...
ਸ੍ਰੀ ਨਨਕਾਣਾ ਸਾਹਿਬ ਦੇ ਦਰਸ਼ਨਾਂ ਲਈ ਵੱਡੀ ਗਿਣਤੀ ‘ਚ ਪਹੁੰਚੀਆਂ ਭਾਰਤੀ ਸੰਗਤਾਂ 19/11/2021 09:08 ...
ਨਨਕਾਣਾ ਸਾਹਿਬ ਵਿਖੇ ਉਤਸ਼ਾਹ ਨਾਲ ਗੁਰਪੁਰਬ ਦੇ ਸਮਾਗਮਾਂ ਦਾ ਆਗਮਨ 18/11/2021 07:01 ...
ਬੱਚਿਆਂ ਵਿੱਚ ਤੈਰਾਕੀ ਦੀ ਸਿਖ਼ਲਾਈ ਪੱਛੜਨ ਨਾਲ ਗਰਮੀਆਂ ਦਾ ਮੌਸਮ ਹੋ ਸਕਦਾ ਹੈ ਖ਼ਤਰਨਾਕ 17/11/2021 07:00 ...
ਵਪਾਰਾਂ ਦੀ ਮੱਦਦ ਲਈ ਪੰਜਾਬੀ ਨੌਜਵਾਨ ਨੇ ਤਿਆਰ ਕੀਤਾ ਸੌਖਾ ਕਾਰੋਬਾਰੀ ਤਰੀਕਾ 17/11/2021 12:00 ...
ਬੱਚੇ ਮਨ ਦੇ ਸੱਚੇ 15/11/2021 07:58 ...
View More