Coming Up Wed 9:00 PM  AEDT
Coming Up Live in 
Live
Punjabi radio

ਸਿਡਨੀ ਵਾਸੀ ਮੋਹਨ ਸਿੰਘ ਸੇਖੋਂ ਵੱਲੋਂ ਸਭ ਤੋਂ ਤੇਜ਼ ਪਿਆਜ਼ ਕੱਟਣ ਲਈ ਗਿਨੀਜ਼ ਰਿਕਾਰਡ ਦੀ ਸਫਲ ਕੋਸ਼ਿਸ਼

It can be a world record by peeling, cutting and chopping more than 47 Kg in sixty minutes. Source: Mohan Singh Sekhon

1986 ਤੋਂ ਆਸਟ੍ਰੇਲੀਆ ਵਿੱਚ ਰਹਿ ਰਹੇ ਮੋਹਨ ਸਿੰਘ ਸੇਖੋਂ ਤੇਜ਼ੀ ਨਾਲ਼ ਪਿਆਜ ਕੱਟਣ ਲਈ ਜਾਣੇ ਜਾਂਦੇ ਹਨ। ਹਾਲ ਹੀ ਵਿੱਚ ਉਨ੍ਹਾਂ ਸਿਡਨੀ ਵਿੱਚ ਆਪਣੀ ਇਸ ਖੂਬੀ ਨੂੰ ਪ੍ਰਦਰਸ਼ਿਤ ਕਰਦਿਆਂ ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਲਈ 47 ਕਿਲੋ ਪਿਆਜਾਂ ਨੂੰ ਛਿੱਲ ਕੇ ਕੱਟਿਆ ਹੈ।

ਮੋਹਨ ਸਿੰਘ ਸੇਖੋਂ ਨੇ ਸਿਡਨੀ ਦੇ ਗੁਰੂਦੁਆਰਾ ਗਲੈੱਨਵੁੱਡ ਵਿੱਚ ਸਿਰਫ ਇੱਕ ਘੰਟੇ ਦੌਰਾਨ ਹੀ 50 ਕਿਲੋ ਤੋਂ ਕੁੱਝ ਘੱਟ ਪਿਆਜਾਂ ਨੂੰ ਕੱਟ ਕੇ ਦਿਖਾਇਆ ਹੈ।

ਸ਼੍ਰੀ ਸੇਖੋਂ ਨੇ ਐਸ ਬੀ ਐਸ ਪੰਜਾਬੀ ਨਾਲ ਗੱਲ ਕਰਦੇ ਹੋਏ ਕਿਹਾ, “ਮੈਂ 1986 ਵਿੱਚ ਇੰਗਲੈਂਡ ਤੋਂ ਆਸਟ੍ਰੇਲੀਆ ਪ੍ਰਵਾਸ ਕਰਕੇ ਆਇਆ ਸੀ ਅਤੇ ਗੁਰੂਦੁਆਰਾ ਸਾਹਿਬ ਵਿੱਚ ਪਿਆਜ ਕੱਟਣ ਵਾਲੀ ਸੇਵਾ ਕਰਨੀ ਸ਼ੁਰੂ ਕੀਤੀ। ਇਸ ਤੋਂ ਪਹਿਲਾਂ ਮੈਂ ਕਦੀ ਘਰ ਵਿੱਚ ਵੀ ਪਿਆਜ ਨਹੀਂ ਕੱਟੇ ਸਨ”।

“ਜਲਦ ਹੀ ਇਹ ਇੱਕ ਨਿਵੇਕਲਾ ਹੁਨਣ ਬਣਦਾ ਗਿਆ ਅਤੇ ਮੈਂ ਪਿਆਜ ਕੱਟਣ ਵਾਲੀ ਆਪਣੀ ਰਫਤਾਰ ਨੂੰ ਲਗਾਤਾਰ ਵਧਾਉਂਦਾ ਰਿਹਾ”।

ਆਸਟ੍ਰੇਲੀਆ ਪ੍ਰਵਾਸ ਕਰ ਕੇ ਆਉਣ ਤੋਂ ਪਹਿਲਾਂ ਸ਼੍ਰੀ ਸੇਖੋਂ ਇੰਗਲੈਂਡ ਵਿੱਚ ਬਰਿਟਿਸ਼ ਏਅਰਵੇਅਜ਼ ਨਾਲ ਕੰਮ ਕਰਦੇ ਰਹੇ ਸਨ। ਸਿਡਨੀ ਆਉਣ ਉਪਰੰਤ ਇਹਨਾਂ ਨੇ ਮਕਾਨ ਉਸਾਰੀ ਵਾਲਾ ਕਿੱਤਾ ਅਪਣਾਇਆ।

47.15kg onions peeled, cut and chopped in just one hour
47.15kg onions peeled, cut and chopped in just one hour

ਇਸ ਸਮੇਂ ਸ਼੍ਰੀ ਸੇਖੋਂ ਪੂਰੀ ਤਰਾਂ ਸੇਵਾ-ਮੁਕਤੀ ਵਾਲੀ ਜ਼ਿੰਦਗੀ ਬਿਤਾ ਰਹੇ ਹਨ ਅਤੇ ਸਿਡਨੀ ਸ਼ਹਿਰ ਤੋਂ ਬਾਹਰਵਾਰ ਇੱਕ ਖੁੱਲ੍ਹੇ ਇਲਾਕੇ ਵਿੱਚ ਆਪਣਾ ਘਰ ਬਣਾਕੇ ਰਹ ਰਹੇ ਹਨ।

ਹਰ ਵੇਲੇ ਪਿਆਜ ਕੱਟਣ ਵਾਲੀ ਸੇਵਾ ਲਈ ਤਿਆਰ ਰਹਿਣ ਵਾਲੇ ਸ਼੍ਰੀ ਸੇਖੋਂ ਨੇ ਦੱਸਿਆ, “ਮੈਂ ਆਪਣਾ ਨਾਮ ਅਤੇ ਫੋਨ ਨੰਬਰ ਗੁਰੂਦੁਆਰਾ ਸਾਹਿਬ ਦੀ ਰਸੋਈ ਉੱਤੇ ਲਿੱਖ ਕੇ ਲਾਇਆ ਹੋਇਆ ਹੈ ਤਾਂ ਕਿ ਕੋਈ ਵੀ ਮੈਨੂੰ, ਕਿਸੇ ਵੀ ਸਮੇਂ ਫੋਨ ਕਰਕੇ ਪਿਆਜ ਕੱਟਣ ਲਈ ਸੱਦ ਸਕਦਾ ਹੈ”।

ਗਿਨੀਜ਼ ਬੁੱਕ ਵਿੱਚ ਤੇਜ਼ ਪਿਆਜ ਕੱਟਣ ਦਾ ਮੌਜੂਦਾ ਰਿਕਾਰਡ 20 ਕਿਲੋ ਹੈ ਜੋ ਕਿਸੇ ਨੌਜਵਾਨ ਵਲੋਂ ਦਰਜ ਕਰਵਾਇਆ ਗਿਆ ਹੈ ਜਦਕਿ 77-ਸਾਲਾ ਸ਼੍ਰੀ ਸੇਖੋਂ ਵਲੋਂ ਹਾਲੀਆ ਪ੍ਰਦਰਸ਼ਨ ਦੌਰਾਨ ਲੱਗਭਗ ਢਾਈ ਗੁਣਾ ਜਿਆਦਾ (47.155 ਕਿਲੋ) ਪਿਆਜ ਕੱਟ ਕੇ ਦਿਖਾਏ ਹਨ।

ਸ਼੍ਰੀ ਸੇਖੋਂ ਨੇ ਦਾਅਵਾ ਕੀਤਾ ਕਿ ਜੇ ਪਹਿਲਾਂ ਤੋਂ ਹੀ ਛਿੱਲੇ ਹੋਏ ਪਿਆਜਾਂ ਨੂੰ ਕੱਟਣਾਹੋਵੇ ਤਾਂ ਉਹ 100 ਕਿਲੋ ਪਿਆਜ ਸਿਰਫ ਚਾਲੀਆਂ ਮਿੰਟਾਂ ਵਿੱਚ ਕੱਟ ਸਕਦੇ ਹਨ।

“ਪਿਆਜ ਕੱਟਣ ਸਮੇਂ ਹੁਣ ਮੇਰੀਆਂ ਅੱਖਾਂ ਵਿੱਚ ਵੀ ਕੋਈ ਪਾਣੀ ਨਹੀਂ ਆਉਂਦਾ ਹੈ। ਲਗਦਾ ਹੈ ਮੇਰੇ ਸ਼ਰੀਰ ਨੇ ਵੀ ਮੇਰੀ ਇਸ ਕਲਾ ਨੂੰ ਅਪਣਾ ਲਿਆ ਹੈ”, ਸ਼੍ਰੀ ਸੇਖੋਂ ਨੇ ਕਿਹਾ।

ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ ਵਲੋਂ ਕਰਵਾਏ ਇਸ ਪ੍ਰਦਰਸ਼ਨ ਨੂੰ ਮਾਨਤਾ ਮਿਲਣ ਵਿੱਚ ਵਿੱਚ ਦੋ ਤੋਂ ਢਾਈ ਮਹੀਨਿਆਂ ਦਾ ਸਮਾਂ ਲੱਗ ਸਕਦਾ ਹੈ ਜਿਸ ਪਿੱਛੋਂ ਹੀ ਉਨ੍ਹਾਂ ਦਾ ਨਾਮ ਸੰਭਾਵੀ ਤੌਰ ਉਤੇ ਸਭ ਤੋਂ ਤੇਜ਼ ਪਿਆਜ ਕੱਟਣ ਵਾਲੇ ਵਜੋਂ ਦਰਜ ਹੋ ਸਕੇਗਾ।

ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ਸਪੀਕਰਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

Coming up next

# TITLE RELEASED TIME MORE
ਸਿਡਨੀ ਵਾਸੀ ਮੋਹਨ ਸਿੰਘ ਸੇਖੋਂ ਵੱਲੋਂ ਸਭ ਤੋਂ ਤੇਜ਼ ਪਿਆਜ਼ ਕੱਟਣ ਲਈ ਗਿਨੀਜ਼ ਰਿਕਾਰਡ ਦੀ ਸਫਲ ਕੋਸ਼ਿਸ਼ 19/02/2021 09:00 ...
SBS Punjabi Australia News: Tuesday 7 Dec 2021 07/12/2021 10:00 ...
Punjabi Diary: Congress ropes in singer Sidhu Moosewala to attract young voters 07/12/2021 08:00 ...
ਆਸਟਰੇਲੀਆ ਦੀਆਂ ਅੰਤਰਰਾਸ਼ਟਰੀ ਸਰਹੱਦਾਂ ਦੁਬਾਰਾ ਖੋਲ੍ਹਣ ਵਿੱਚ ਦੇਰੀ ਕਾਰਨ ਸੈਰ-ਸਪਾਟਾ ਉਦਯੋਗ ਨੂੰ ਇੱਕ ਹੋਰ ਝਟਕਾ 07/12/2021 12:00 ...
TGA provisionally approves vaccine for children 5-11 06/12/2021 08:34 ...
SBS Punjabi Australia News: Monday 6th Dec 2021 06/12/2021 12:00 ...
Interview with Pakistani Punjabi writer and poet Mehmood Awan 06/12/2021 11:51 ...
International students turn away from Australia amid uncertainty over border reopening 06/12/2021 08:52 ...
Cancer death rates decline - but more in men than women 06/12/2021 07:26 ...
Omicron investigations to understand the threat 06/12/2021 07:11 ...
View More