Coming Up Mon 9:00 PM  AEDT
Coming Up Live in 
Live
Punjabi radio

'ਸੋਨੂੰ ਤੋਂ ਸੁਲਤਾਨ': ਮਾਨਸਿਕ ਤਣਾਅ ਦੀ ਦਲਦਲ ਵਿੱਚੋਂ ਬਾਹਰ ਨਿੱਕਲ ਜਿੱਤਿਆ ਪਹਿਲਾ ਪੇਸ਼ੇਵਰ ਬਾਕਸਿੰਗ ਮੁਕਾਬਲਾ

Sonu Boxer with his daughters (L); and after winning his debut boxing match (R). Source: Supplied

ਇੱਕ ਪੰਜਾਬੀ ਮੁੱਕੇਬਾਜ਼ ਨੇ ਆਸਟ੍ਰੇਲੀਆ ਵਿੱਚ ਆਪਣੇ ਪਹਿਲੇ ਪੇਸ਼ੇਵਰ ਮੈਚ ਨੂੰ ਜਿੱਤਣ ਲਈ ਮੇਹਨਤ ਕਰਦਿਆਂ ਮਹਿਜ਼ ਛੇ ਮਹੀਨੇ ਵਿੱਚ 35 ਕਿਲੋ ਭਾਰ ਘਟਾਇਆ ਅਤੇ ਰਿੰਗ ਵਿੱਚ ਤਕਰੀਬਨ 10 ਸਾਲ ਬਾਅਦ ਸੰਘਰਸ਼ਪੂਰਨ ਵਾਪਸੀ ਕੀਤੀ।

ਗੋਲਡ ਕੋਸਟ ਰਹਿੰਦੇ ਗੁਰਜਸਵਿੰਦਰ ਸਿੰਘ ਉਰਫ 'ਸੋਨੂੰ ਬਾਕਸਰ' ਲਈ ਮੁੱਕੇਬਾਜ਼ੀ ਦੇ ਰਿੰਗ ਵਿਚਲੀ ਵਾਪਸੀ ਕੋਈ ਸੌਖਾ ਕੰਮ ਨਹੀਂ ਸੀ।

ਮਾਨਸਿਕ ਤਣਾਅ ਦੀ ਦਲਦਲ ਵਿੱਚੋਂ ਨਿਕਲਣ ਅਤੇ ਆਪਣੇ ਭਾਰ ਨੂੰ 116 ਕਿਲੋ ਤੋਂ ਮੁੜ 81 ਕਿਲੋ ਉੱਤੇ ਲਿਆਉਣ ਲਈ ਉਸਨੂੰ ਸਖ਼ਤ ਮੇਹਨਤ ਕਰਨੀ ਪਈ। 

ਉਸਨੇ ਹਾਲ ਹੀ ਵਿੱਚ ਖੇਤਰੀ ਕੁਈਨਜ਼ਲੈਂਡ ਦੇ ਟੂਬੂੰਬਾ ਵਿੱਚ ਆਪਣੇ ਵਿਰੋਧੀ ਬਾਕਸਰ ਨੂੰ ਸਿਰਫ ਦੋ ਗੇੜਾਂ ਵਿੱਚ ਹਰਾ ਕੇ 81 ਕਿੱਲੋ ਭਾਰ ਵਰਗ ਵਿੱਚ ਆਪਣਾ ਪਹਿਲਾ ਆਸਟ੍ਰੇਲੀਅਨ ਪੇਸ਼ੇਵਰ ਮੁੱਕੇਬਾਜ਼ੀ ਮੈਚ “ਲਾਕਡ ਡਾਊਨ ਲਾਈਟਸ” ਜਿੱਤਿਆ ਹੈ।

Sonu Boxer
Supplied

 

ਮੁੱਕੇਬਾਜ਼ੀ ਲਈ ਆਪਣੇ ਜਨੂਨ ਦੀ ਕਹਾਣੀ ਐਸ ਬੀ ਐਸ ਪੰਜਾਬੀ ਨਾਲ਼ ਸਾਂਝੀ ਕਰਦਿਆਂ ਉਸਨੇ ਕਿਹਾ ਕਿ 'ਸੋਨੂੰ ਤੋਂ ਸੁਲਤਾਨ' ਦਾ ਸਫ਼ਰ ਇੱਕ ਲੰਬੇ ਸੰਘਰਸ਼ ਦੀ 'ਦੱਸ ਪਾਉਂਦਾ' ਹੈ।

“ਮੈਨੂੰ ਲਗਦਾ ਸੀ ਕਿ ਡਿਪਰੈਸ਼ਨ ਇੱਕ ਬਲੈਕ ਹੋਲ ਹੈ ਜਿਸ ਵਿੱਚੋਂ ਬਾਹਰ ਨਿੱਕਲਣਾ ਸੌਖਾ ਨਹੀਂ। ਪਰ ਸ਼ੁਕਰ ਹੈ ਮੈਂ ਹੁਣ ਇਸ ਦਲਦਲ ਤੋਂ ਬਾਹਰ ਹਾਂ। ਆਪਣੀਆਂ ਧੀਆਂ ਦੀ ਮੁਸਕਰਾਹਟ ਲਈ ਮੈਂ ਰਿੰਗ ਅਤੇ ਜ਼ਿੰਦਗੀ ਵਿੱਚ ਵਾਪਸੀ ਕੀਤੀ ਹੈ।" 

ਗੁਰਜਸਵਿੰਦਰ ਦਾ 2012 ਵਿੱਚ ਆਸਟ੍ਰੇਲੀਆ ਆਉਣਾ ਹੋਇਆ ਪਰ ਉਹ ਆਪਣੇ ਬਾਕਸਿੰਗ ਦੇ ਸਫ਼ਰ ਨੂੰ ਜਾਰੀ ਨਾ ਰੱਖ ਸਕੇ।

"ਜਦੋਂ ਮੈਂ ਨਵੰਬਰ 2019 ਵਿੱਚ ਫੋਰਟਿਚਿਊਡ ਬਾਕਸਿੰਗ ਜਿਮ, ਬ੍ਰਿਸਬੇਨ ਵਿੱਚ ਦੁਬਾਰਾ ਸਿਖਲਾਈ ਸ਼ੁਰੂ ਕੀਤੀ ਉਸ ਵੇਲ਼ੇ ਮੇਰਾ ਭਾਰ 116 ਕਿਲੋ ਸੀ।"

Gurjaswinder Singh lost 35 kg weight in just six months.
Gurjaswinder Singh lost 35 kg weight in just six months.

ਗੁਰਜਸਵਿੰਦਰ ਨੇ ਦੱਸਿਆ ਕਿ ਉਸਨੇ ਇੱਕ ਮੁੱਕੇਬਾਜ਼ ਵਜੋਂ ਆਪਣਾ ਸਫ਼ਰ 1998 ਵਿੱਚ ਸ਼ੁਰੂ ਕੀਤਾ ਜਦੋਂ ਉਹ ਮਹਿਜ਼ 13 ਸਾਲਾਂ ਦਾ ਸੀ।

ਉਨ੍ਹਾਂ ਕਿਹਾ, “ਮੈਂ ਆਲ ਇੰਡੀਆ ਅੰਤਰਵਰਸਿਟੀ ਮੁਕਾਬਲਿਆਂ ਵਿੱਚ ਕਈ ਤਮਗੇ ਜਿੱਤੇ ਹਨ ਤੇ ਮੈਂ 2004 ਵਿੱਚ ਜਰਮਨੀ 'ਚ ਆਯੋਜਿਤ ਕੌਮਾਂਤਰੀ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿੱਚ ਭਾਰਤ ਦੀ ਨੁਮਾਇੰਦਗੀ ਵੀ ਕੀਤੀ ਸੀ।” 

Gurjaswinder Singh with his mother and wife.
Gurjaswinder Singh with his mother and wife.
Supplied

ਬਾਕਸਿੰਗ ਦੇ ਰਿੰਗ ਵਿੱਚ ਵਾਪਸੀ 'ਚ ਮਦਦ ਲਈ ਗੁਰਜਸਵਿੰਦਰ ਨੇ ਆਪਣੇ ਪਰਿਵਾਰ ਅਤੇ ਕੋਚ ਲਿਊਕ ਮੇਲਡਨ ਦਾ ਖਾਸਮਖਾਸ ਧੰਨਵਾਦ ਕੀਤਾ ਹੈ। 

ਉਸਨੇ ਦੱਸਿਆ ਕਿ ਕਰੋਨਾ-ਪਾਬੰਦੀਆਂ ਦੇ ਦੌਰ ਵਿੱਚ ਵੀ ਉਸਨੇ ਆਪਣੇ ਕੋਚ ਦੀ ਮਦਦ ਨਾਲ਼ ਬਾਕਸਿੰਗ ਸਿਖਲਾਈ ਜਾਰੀ ਰੱਖੀ।   

ਗੁਰਜਸਵਿੰਦਰ ਦਾ ਨਿਸ਼ਾਨਾ ਹੁਣ ਆਪਣੇ ਭਾਰ-ਵਰਗ ਦੇ ਪਹਿਲੇ ਪੰਜ ਆਸਟ੍ਰੇਲੀਅਨ ਮੁਕੇਬਾਜਾਂ ਵਿੱਚ ਸ਼ੁਮਾਰ ਹੋਣ ਦਾ ਹੈ।

ਇਸ ਸਬੰਧੀ ਪੂਰੀ ਗੱਲਬਾਤ ਸੁਨਣ ਲਈ ਉੱਪਰ ਫੋਟੋ ਉੱਤੇ ਦਿੱਤੇ ਲਿੰਕ ਉੱਤੇ ਕਲਿਕ ਕਰੋ।

Gurjaswinder Singh after winning his debut boxing match in Australia.
Gurjaswinder Singh after winning his debut boxing match in Australia.
Supplied

ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ ‘ਤੇ ਰਹਿਣਾ ਚਾਹੀਦਾ ਹੈ। ਇਕੱਠਾਂ ਉੱਤੇ ਲੱਗੀਆਂ ਪਾਬੰਦੀਆਂ ਬਾਰੇ ਜਾਣਕਾਰੀ ਤੁਸੀਂ ਆਪਣੇ ਰਾਜ ਜਾਂ ਪ੍ਰਦੇਸ਼ ਦੀ ਵੈਬਸਾਈਟ ਤੋਂ ਲੈ ਸਕਦੇ ਹੋ।

ਜੇ ਤੁਹਾਨੂੰ ਠੰਡ ਜਾਂ ਫਲੂ ਵਰਗੇ ਲੱਛਣ ਮਹਿਸੂਸ ਹੋ ਰਹੇ ਹਨ ਤਾਂ ਤੁਸੀਂ ਆਪਣੇ ਡਾਕਟਰ ਜਾਂ ਕਰੋਨਾਵਾਇਰਸ ਹੈਲਥ ਇਨਫੋਰਮੇਸ਼ਨ ਹੋਟਲਾਈਨ ਨੂੰ 1800 020 080 ‘ਤੇ ਫੋਨ ਕਰਦੇ ਹੋਏ ਟੈਸਟ ਕਰਵਾ ਸਕਦੇ ਹੋ।

ਐਸ ਬੀ ਐਸ ਆਸਟ੍ਰੇਲੀਆ ਭਰ ਵਿਚਲੇ ਵਿਆਪਕ ਭਾਈਚਾਰੇ ਨੂੰ ਕੋਵਿਡ-19 ਬਾਰੇ ਤਾਜ਼ਾ ਜਾਣਕਾਰੀ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। 63 ਭਾਸ਼ਾਵਾਂ ਵਿੱਚ ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀ sbs.com.au/coronavirus ਉੱਤੇ ਉਪਲਬਧ ਹੈ

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ। 

Coming up next

# TITLE RELEASED TIME MORE
'ਸੋਨੂੰ ਤੋਂ ਸੁਲਤਾਨ': ਮਾਨਸਿਕ ਤਣਾਅ ਦੀ ਦਲਦਲ ਵਿੱਚੋਂ ਬਾਹਰ ਨਿੱਕਲ ਜਿੱਤਿਆ ਪਹਿਲਾ ਪੇਸ਼ੇਵਰ ਬਾਕਸਿੰਗ ਮੁਕਾਬਲਾ 17/08/2020 16:00 ...
SBS Punjabi Australia News: Friday 3 Dec 2021 03/12/2021 11:50 ...
'83' is not just a movie, but a tribute to the iconic moment in cricket history, says Ranveer Singh 03/12/2021 05:00 ...
India Diary: Akali Dal leader Manjinder Singh Sirsa joins BJP, resigns as Delhi gurdwara body chief 03/12/2021 08:15 ...
'The evolution of a cricket fan': Professor explores his immigrant journey through the sport 03/12/2021 11:10 ...
ਸੰਯੁਕਤ ਰਾਜ ਵਿੱਚ ਐਚ ਆਈ ਵੀ ਦੀ ਖੋਜ ਹੋਣ ਤੋਂ 40 ਸਾਲ ਬਾਅਦ ਦੇ ਹਾਲਾਤ 03/12/2021 08:00 ...
SBS Punjabi Australia News: Thursday 2 Dec 2021 02/12/2021 10:54 ...
Report reveals in children growing up in Australia at a financial, economic, and linguistic disadvantage 02/12/2021 07:50 ...
SBS Punjabi Australia News: Wednesday 1st Dec 2021 01/12/2021 10:00 ...
Canberra's workplace culture revealed in new report 01/12/2021 07:33 ...
View More