Coming Up Mon 9:00 PM  AEST
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਕ੍ਰਿਪਟੋਕਰੰਸੀ ਕੀ ਹੈ ਅਤੇ ਕੀ ਤੁਹਾਨੂੰ ਇਸ ਵਿੱਚ ਨਿਵੇਸ਼ ਕਰਨਾ ਚਾਹੀਦਾ ਹੈ?

Cryptocurrency Source: Getty Images

ਕ੍ਰਿਪਟੋਕਰੰਸੀ ਪੈਸੇ ਦਾ ਇੱਕ ਡਿਜੀਟਲ ਰੂਪ ਹੈ ਜੋ ਬਲਾਕਚੈਨ ਤਕਨਾਲੋਜੀ ਦੁਆਰਾ ਕਿਸੇ ਨੂੰ ਵੀ ਭੇਜਿਆ ਜਾ ਸਕਦਾ ਹੈ। ਤੁਸੀਂ ਬਿਨਾਂ ਕਿਸੇ ਵਿਚੋਲੇ ਦੇ ਇਸ ਡਿਜੀਟਲ ਟੋਕਨ ਨੂੰ ਆਪਣੇ ਡਿਜੀਟਲ ਵਾਲਟ ਵਿੱਚ ਰੱਖ ਸਕਦੇ ਹੋ, ਜਿਸ ਨਾਲ ਤੁਸੀਂ ਆਪਣੀ ਇੱਛਾ ਅਨੁਸਾਰ ਆਪਣੇ ਸਿੱਕਿਆਂ ਦੀ ਵਰਤੋਂ ਕਰ ਸਕਦੇ ਹੋ। ਆਸਟ੍ਰੇਲੀਆ ਵਾਸੀ ਕ੍ਰਿਪਟੋਕਰੰਸੀ ਵਿੱਚ ਤੇਜ਼ੀ ਨਾਲ ਨਿਹਿਤ ਹੁੰਦੇ ਜਾ ਰਹੇ ਹਨ ਪਰ ਇਸ ਇਲੈਕਟ੍ਰਾਨਿਕ ਪੈਸੇ ਵਿੱਚ ਸ਼ਾਮਲ ਜੋਖਮਾਂ ਅਤੇ ਘੁਟਾਲੇਬਾਜ਼ਾਂ ਤੋਂ ਸੁਚੇਤ ਹੋਏ ਬਿਨਾਂ ਅਕਸਰ ਲੋਕ ਜਾਅਲੀ ਨਿਵੇਸ਼ ਅਤੇ ਧੋਖਾਧੜੀ ਦਾ ਸ਼ਿਕਾਰ ਵੀ ਹੋ ਜਾਂਦੇ ਹਨ।

ਕ੍ਰਿਪਟੋਕਰੰਸੀ ਦੀ ਸ਼ੁਰੂਆਤ 2000 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਹੋਈ ਸੀ ਜਦੋਂ ਸਾਈਬਰਸਪੇਸ ਵਿੱਚ ਆਪਣੀ ਪਛਾਣ ਬਣਾਉਣ ਵਾਲਾ ਪਹਿਲਾ ਸਿੱਕਾ ਬਿਟਕੋਇਨ ਸੀ। ਕਥਿਤ ਤੌਰ 'ਤੇ, ਇਹ ਸਤੋਸ਼ੀ ਨਾਕਾਮੋਟੋ, ਦੁਆਰਾ ਬਣਾਇਆ ਗਿਆ ਸੀ, ਜਿਸਦੀ ਪਛਾਣ ਅਜੇ ਵੀ ਪ੍ਰਗਟ ਨਹੀਂ ਕੀਤੀ ਗਈ।

ਡਿਜੀਟਲ ਮੁਦਰਾ ਕ੍ਰਿਪਟੋਗ੍ਰਾਫ਼ੀ ਦੀ ਧਾਰਨਾ 'ਤੇ ਕੰਮ ਕਰਦੀ ਹੈ, ਜਿੱਥੇ ਹਰੇਕ ਟੋਕਨ ਨੂੰ ਡੇਟਾ ਦੀ ਮਦਦ ਨਾਲ ਇੱਕ ਕੋਡ ਦੁਆਰਾ ਬਣਾਇਆ ਜਾਂਦਾ ਹੈ ਜੋ ਇੱਕ ਦੂਜੇ ਨਾਲ ਜੁੜੇ ਬਲਾਕਾਂ ਵਿੱਚ ਸਟੋਰ ਕੀਤਾ ਜਾਂਦਾ ਹੈ। ਇਸ ਪ੍ਰਣਾਲੀ ਨੂੰ ਬਲਾਕਚੇਨ ਤਕਨਾਲੋਜੀ ਵਜੋਂ ਜਾਣਿਆ ਜਾਂਦਾ ਹੈ।

ਫਰੈਡ ਸ਼ਾਬੇਸਤਾ ਫਾਈਂਡਰ.ਕਾਮ.ਏ ਯੂ ( Finder.com.au) ਦਾ ਸਹਿ-ਸੰਸਥਾਪਕ ਹੈ। 

ਬਲਾਕਚੈਨ ਤਕਨਾਲੋਜੀ ਦੀ ਖੋਜ 1980 ਦੇ ਦਹਾਕੇ ਵਿੱਚ ਕੀਤੀ ਗਈ ਸੀ। ਇਹ ਟੈਕਨਾਲੋਜੀ ਪੈਸੇ ਨੂੰ ਟਰੈਕ ਕਰਨ ਵਿੱਚ ਕੁਸ਼ਲ ਸਾਬਤ ਹੋਈ ਹੈ ਅਤੇ ਕ੍ਰਿਪਟੋਕੁਰੰਸੀ ਮਾਰਕੀਟ ਵਿੱਚ ਲੋਕਾਂ ਵਿੱਚ ਵਿਸ਼ਵਾਸ ਪ੍ਰਾਪਤ ਕੀਤਾ ਹੈ।

ਇੱਕ ਕ੍ਰਿਪਟੋਕੁਰੰਸੀ ਕਿਸੇ ਵੀ ਵਿਅਕਤੀ ਦੁਆਰਾ ਬਣਾਈ ਜਾ ਸਕਦੀ ਹੈ, ਇਸ ਤਰ੍ਹਾਂ ਉਹਨਾਂ ਵਿੱਚੋਂ ਹਜ਼ਾਰਾਂ ਹੀ ਸਾਈਬਰ ਸਪੇਸ ਵਿੱਚ ਘੁੰਮ ਰਹੇ ਹਨ ਜਿਨ੍ਹਾਂ ਵਿੱਚੋਂ ਕੁਝ ਸਭ ਤੋਂ ਮਸ਼ਹੂਰ ਬਿਟਕੋਇਨ, ਈਥਰਿਅਮ, ਲਾਈਟਕੋਇਨ ਅਤੇ ਡੋਜਕੋਇਨ ਹਨ।

ਇਹ ਸਿੱਕੇ ਵਪਾਰ, ਖਰੀਦਦਾਰੀ, ਭੁਗਤਾਨ ਪ੍ਰਣਾਲੀਆਂ ਅਤੇ ਜ਼ਿਆਦਾਤਰ ਨਿਵੇਸ਼ ਲਈ ਵਰਤੇ ਜਾਂਦੇ ਹਨ। ਕੁਝ ਕ੍ਰਿਪਟੋਕਰੰਸੀ ਜਿਵੇਂ ਕਿ ਬਿਟਕੋਇਨ ਤੁਹਾਨੂੰ ਬਹੁਤ ਘੱਟ ਟ੍ਰਾਂਜੈਕਸ਼ਨ ਫੀਸਾਂ ਦੇ ਨਾਲ ਏ ਟੀ ਐਮ ਤੋਂ ਨਕਦ ਰਾਸ਼ੀ ਕਢਵਾਉਣ ਦੀ ਇਜਾਜ਼ਤ ਵੀ ਦਿੰਦੇ ਹਨ।

ਜੇਕਰ ਤੁਸੀਂ ਕੋਈ ਟੋਕਨ ਖਰੀਦਣਾ ਚਾਹੁੰਦੇ ਹੋ ਤਾਂ ਤੁਸੀਂ ਰਵਾਇਤੀ ਪੈਸੇ ਨਾਲ ਅਜਿਹਾ ਕਰ ਸਕਦੇ ਹੋ ਅਤੇ ਮਾਰਕੀਟ ਦਰਾਂ 'ਤੇ ਨਿਰਭਰ ਕਰਦੇ ਹੋਏ, ਤੁਹਾਡੇ ਟੋਕਨ ਦੀ ਕੀਮਤ ਵਧ ਜਾਂ ਘਟ ਸਕਦੀ ਹੈ।

ਬਹੁਤ ਸਾਰੇ ਲੋਕਾਂ ਨੇ ਮੁਨਾਫਾ ਕਮਾਇਆ ਹੈ, ਅਤੇ ਕੁਝ ਕ੍ਰਿਪਟੋਕਰੰਸੀ ਵਿੱਚ ਨਿਵੇਸ਼ ਕਰਨ ਤੋਂ ਬਾਅਦ ਕਰੋੜਪਤੀ ਬਣਨ ਦਾ ਦਾਅਵਾ ਕਰ ਰਹੇ ਹਨ।

ਪਰ ਕੀ ਤੁਸੀਂ ਅਟੱਲ ਸਾਈਬਰ ਪ੍ਰਣਾਲੀਆਂ ਵਿੱਚ ਛੋਟੇ ਨਿਵੇਸ਼ਾਂ ਨਾਲ ਸੱਚਮੁੱਚ ਬਹੁਤ ਜ਼ਿਆਦਾ ਲਾਭ ਕਮਾ ਸਕਦੇ ਹੋ?

ਸ੍ਰੀ ਸ਼ੈਬੇਸਟਾ ਦਾ ਕਹਿਣਾ ਹੈ ਕਿ ਜਦੋਂ ਕ੍ਰਿਪਟੋਕਰੰਸੀ ਨਾਲ ਮੁਨਾਫਾ ਕਮਾਉਣ ਦੀ ਗੱਲ ਆਉਂਦੀ ਹੈ ਤਾਂ ਸੰਭਾਵਨਾਵਾਂ ਬੇਅੰਤ ਹੁੰਦੀਆਂ ਹਨ।

ਕਿਸੇ ਅਜਿਹੇ ਵਿਅਕਤੀ ਲਈ ਜੋ ਨਿਵੇਸ਼ ਲਈ ਨਵਾਂ ਹੈ ਅਤੇ ਮੁਨਾਫਾ ਕਮਾਉਣ ਦਾ ਆਸਾਨ ਤਰੀਕਾ ਲੱਭ ਰਿਹਾ ਹੈ, ਕ੍ਰਿਪਟੋਕਰੰਸੀ ਵਿੱਚ ਨਿਵੇਸ਼ ਕਰਨਾ ਮੁਕਾਬਲਤਨ ਆਸਾਨ ਜਾਪਦਾ ਹੈ। ਪਰ ਉੱਚ ਲਾਭ ਜੋਖਮਾਂ ਦੇ ਨਾਲ ਆਉਂਦੇ ਹਨ। ਕ੍ਰਿਪਟੋਕਰੰਸੀ ਦੁਨੀਆ ਭਰ ਵਿੱਚ ਅਨਿਯੰਤ੍ਰਿਤ ਹਨ, ਜਿਸਦਾ ਮਤਲਬ ਹੈ ਕਿ ਉਹ ਕਿਸੇ ਵੀ ਅਥਾਰਟੀ, ਬੈਂਕ ਜਾਂ ਵਿੱਤੀ ਸੰਸਥਾ ਦੁਆਰਾ ਨਿਯੰਤਰਿਤ ਨਹੀਂ ਹਨ।

ਬਲਾਕਚੈਨ ਤਕਨਾਲੋਜੀ ਨੂੰ ਇਸ ਤਰੀਕੇ ਨਾਲ ਬਣਾਇਆ ਗਿਆ ਹੈ ਕਿ ਨਿਵੇਸ਼ਕ ਸਿੱਕਿਆਂ ਦੇ ਲੈਣ-ਦੇਣ ਨੂੰ ਨਿਯਮਤ ਕਰਨ ਅਤੇ ਅਪਡੇਟ ਕਰਨ ਲਈ ਪੂਰੀ ਤਰ੍ਹਾਂ ਜ਼ਿੰਮੇਵਾਰ ਹਨ। ਇਹ ਕ੍ਰਿਪਟੋਕਰੰਸੀ ਨੂੰ ਭਰੋਸੇਯੋਗ ਨਹੀਂ ਬਣਾ ਸਕਦਾ ਹੈ।

ਡਾ. ਐਡਮ ਸਟੀਨ ਮੈਲਬੌਰਨ ਵਿੱਚ ਡੀਕਿਨ ਯੂਨੀਵਰਸਿਟੀ ਵਿੱਚ ਲੇਖਾ ਵਿਭਾਗ ਵਿੱਚ ਪ੍ਰੈਕਟਿਸ ਦੇ ਪ੍ਰੋਫੈਸਰ ਹਨ। ਉਹ ਕਹਿੰਦੇ ਹਨ ਕਿ ਕ੍ਰਿਪਟੋਕਰੰਸੀ ਦਾ ਕੋਈ ਅਸਲ ਮੁੱਲ ਨਹੀਂ ਹੁੰਦਾ।

ਡਾ. ਸਟੀਨ ਦੇ ਅਨੁਸਾਰ ਕ੍ਰਿਪਟੋਕੁਰੰਸੀ ਇੱਕ ਨਵੀਨਤਾਕਾਰੀ ਅਤੇ ਵਿਲੱਖਣ ਨਿਵੇਸ਼ ਦੇ ਮੌਕੇ ਵਜੋਂ ਸ਼ੁਰੂ ਹੋਈ ਸੀ ਅਤੇ ਫਿਰ ਕਿਸੇ ਹੋਰ ਰੁਝਾਨ ਵਾਂਗ ਲੋਕਾਂ ਵਿੱਚ ਪ੍ਰਸਿੱਧੀ ਪ੍ਰਾਪਤ ਕੀਤੀ।

ਕਿਉਂਕਿ ਕ੍ਰਿਪਟੋਕੁਰੰਸੀ ਦੀ ਕੋਈ ਨਿਯੰਤ੍ਰਣ ਸੰਸਥਾ ਨਹੀਂ ਹੈ, ਬਹੁਤ ਸਾਰੇ ਨਿਵੇਸ਼ਕਾਂ ਨੇ ਘੁਟਾਲਿਆਂ ਦੇ ਕਾਰਨ ਵੱਡੀ ਰਕਮ ਗੁਆ ਦਿੱਤੀ ਹੈ। ਨਾਲ ਹੀ, ਮੁਦਰਾ ਦਾ ਇਹ ਰੂਪ ਅਟੁੱਟ ਅਤੇ ਪਹੁੰਚਯੋਗ ਨਹੀਂ ਹੈ ਜੋ ਸਾਈਬਰ ਘੁਟਾਲਿਆਂ ਅਤੇ ਧੋਖਾਧੜੀ ਵਾਲੀਆਂ ਸਕੀਮਾਂ ਲਈ ਜਗ੍ਹਾ ਬਣਾਉਂਦਾ ਹੈ।

2017 ਵਿੱਚ ਆਸਟ੍ਰੇਲੀਆ ਵਿੱਚ ਪਲੱਸ ਗੋਲਡ ਯੂਨੀਅਨ ਕੋਇਨ (PGUC) ਦੇ ਨਾਮ ਹੇਠ ਇੱਕ ਕਥਿਤ ਕ੍ਰਿਪਟੋਕੁਰੰਸੀ ਲਾਂਚ ਕੀਤੀ ਗਈ ਅਤੇ ਪ੍ਰਵਾਸੀ ਭਾਈਚਾਰਿਆਂ ਵਿੱਚ ਬਹੁਤ ਦਿਲਚਸਪੀ ਇਕੱਠੀ ਕੀਤੀ।

ਸਿੱਕੇ ਨੇ $7,500 ਪ੍ਰਤੀ ਟੋਕਨ ਦੇ ਸ਼ੁਰੂਆਤੀ ਨਿਵੇਸ਼ ਦੇ ਨਾਲ ਕੁਝ ਸਾਲਾਂ ਵਿੱਚ $200,000 ਤੋਂ ਵੱਧ ਦਾ ਬਹੁਤ ਵੱਡਾ ਮੁਨਾਫਾ ਦੇਣ ਦਾ ਦਾਅਵਾ ਕੀਤਾ, ਜੋ ਮੁਨਾਫੇ ਦੀ ਤੁਲਨਾ ਵਿੱਚ ਇੱਕ ਮੁਕਾਬਲਤਨ ਛੋਟੀ ਰਕਮ ਜਾਪਦੀ ਸੀ।

ਮੁਦਰਾ ਦੇ ਪਿੱਛੇ ਪ੍ਰਮੋਟਰਾਂ ਨੇ ਨਸਲੀ ਭਾਈਚਾਰਿਆਂ ਨੂੰ ਨਿਸ਼ਾਨਾ ਬਣਾਇਆ ਅਤੇ ਜਲਦੀ ਹੀ ਇੱਕ ਭਰੋਸੇਯੋਗ ਸਰੋਤ ਬਣ ਗਿਆ। ਜਿਨ੍ਹਾਂ ਲੋਕਾਂ ਨੇ ਟੋਕਨ ਅਤੇ ਇਸ ਦੇ ਕੰਮਕਾਜ ਬਾਰੇ ਹੋਰ ਜਾਣਨ ਵਿੱਚ ਦਿਲਚਸਪੀ ਦਿਖਾਈ, ਉਨ੍ਹਾਂ ਨੂੰ ਦੇਸ਼ ਭਰ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਵੱਡੇ ਅਤੇ ਵਧੀਆ ਢੰਗ ਨਾਲ ਤਿਆਰ ਕੀਤੇ ਗਏ ਸਮਾਗਮਾਂ ਲਈ ਸੱਦਾ ਦਿੱਤਾ ਗਿਆ।

ਇਹਨਾਂ ਸ਼ਾਨਦਾਰ ਸਮਾਗਮਾਂ ਦੀਆਂ ਪੇਸ਼ਕਾਰੀਆਂ ਨੂੰ ਸੰਭਾਵੀ ਨਿਵੇਸ਼ਕ ਨੂੰ ਲੁਭਾਉਣ ਲਈ ਬਹੁਤ ਗੁੰਝਲਦਾਰ ਢੰਗ ਨਾਲ ਬਣਾਇਆ ਗਿਆ ਸੀ ਤਾਂ ਲੋਕ ਸਾਈਨ ਅੱਪ ਕੀਤੇ ਬਿਨਾਂ ਕਮਰਾ ਨਾ ਛੱਡਣ।

ਜਾਨ ਡੋ, ਜਿਸਦਾ ਨਾਮ ਉਸਦੀ ਪਛਾਣ ਦੀ ਰੱਖਿਆ ਲਈ ਬਦਲਿਆ ਗਿਆ ਹੈ, ਦਾ ਕਹਿਣਾ ਹੈ ਕਿ ਉਸਨੂੰ 2017 ਵਿੱਚ ਦੋਸਤਾਂ ਦੁਆਰਾ ਪਲੱਸ ਗੋਲਡ ਯੂਨੀਅਨ ਕੋਇਨ ਬਾਰੇ ਪਤਾ ਲੱਗਾ ਸੀ।

ਮਿਸਟਰ ਡੋ ਦਾ ਕਹਿਣਾ ਹੈ ਕਿ ਪੂਰੀ ਸਕੀਮ ਇੱਕ ਬਹੁਤ ਹੀ ਵਧੀਆ ਮਾਰਕੀਟਿੰਗ ਮੁਹਿੰਮ ਵਿੱਚ ਪੇਸ਼ ਕੀਤੀ ਗਈ ਸੀ।

ਉਹ ਕਹਿੰਦਾ ਹੈ ਕਿ ਉਹਨਾਂ ਦੇ ਕੰਮ ਕਰਨ ਦਾ ਤਰੀਕੇ ਨੇ ਭਾਈਚਾਰੇ ਦੇ ਬਹੁਤ ਸਾਰੇ ਲੋਕਾਂ ਠੱਗਿਆ ਹੈ।

ਫਿਰ, ਦਸੰਬਰ 2017 ਵਿੱਚ, ਪੀ ਜੀ ਯੂ ਸੀ (PGUC) ਕ੍ਰਿਪਟੋਕਰੰਸੀ ਦੀ ਕੀਮਤ ਕ੍ਰੈਸ਼ ਹੋ ਗਈ, ਅਤੇ ਨਿਵੇਸ਼ਕਾਂ ਨੇ ਸ਼ੱਕ ਕਰਨਾ ਸ਼ੁਰੂ ਕਰ ਦਿੱਤਾ ਕਿ ਉਹਨਾਂ ਨਾਲ ਧੋਖਾ ਕੀਤਾ ਗਿਆ ਹੈ।

ਅਕਸਰ ਘੁਟਾਲੇ ਵਾਲੀਆਂ ਏਜੰਸੀਆਂ ਸਭ ਤੋਂ ਕਮਜ਼ੋਰ ਵਿਅਕਤੀਆਂ ਨੂੰ ਨਿਸ਼ਾਨਾ ਬਣਾਉਂਦੀਆਂ ਹਨ, ਅਤੇ ਇਹ ਸਮਝਣਾ ਆਸਾਨ ਹੁੰਦਾ ਹੈ ਕਿ ਦੁਨੀਆ ਭਰ ਦੇ ਪ੍ਰਵਾਸੀ ਭਾਈਚਾਰਿਆਂ ਵਿੱਚ ਆਸਾਨੀ ਨਾਲ ਧੋਖਾਧੜੀ ਕਿਉਂ ਹੁੰਦੀ ਹੈ।

ਉਨ੍ਹਾਂ ਪ੍ਰਮੁੱਖ ਕਾਰਕਾਂ ਵਿੱਚੋਂ ਇੱਕ ਭਾਸ਼ਾ ਦੀਆਂ ਰੁਕਾਵਟਾਂ ਹਨ ਜਿਨ੍ਹਾਂ ਕਰਕੇ ਪ੍ਰਵਾਸੀ ਭਾਈਚਾਰਿਆਂ ਦੇ ਲੋਕ ਅਜਿਹੇ ਘੁਟਾਲਿਆਂ ਦਾ ਸ਼ਿਕਾਰ ਹੁੰਦੇ ਹਨ।

ਘੁਟਾਲਿਆਂ ਅਤੇ ਫਿਸ਼ਿੰਗ ਸਕੈਂਡਲਾਂ ਵਿੱਚ ਫਸਣਾ ਆਸਾਨ ਹੈ ਅਤੇ ਇੱਥੋਂ ਤੱਕ ਕਿ ਆਸਟ੍ਰੇਲੀਆ ਦੀਆਂ ਸਭ ਤੋਂ ਵੱਡੀਆਂ ਕੰਪਨੀਆਂ ਵੀ ਜਾਇਜ਼ ਦਿਖਾਈ ਦੇਣ ਵਾਲੇ ਘੋਟਾਲਲਾਕਾਰਾਂ ਕੋਲ ਵੱਡੇ ਨੁਕਸਾਨ ਝੱਲਦੀਨ ਹਨ।

ਪਰ ਤੁਸੀਂ ਇੱਕ ਘੁਟਾਲੇ ਦਾ ਪਤਾ ਕਿਵੇਂ ਲਗਾ ਸਕਦੇ ਹੋ?

ਡਾ. ਸਟੀਨ ਦਾ ਕਹਿਣਾ ਹੈ ਕਿ ਬੇਲੋੜੀਆਂ ਅਣ-ਪ੍ਰਮਾਣਿਤ ਈਮੇਲਾਂ ਅਤੇ ਕਾਲਾਂ ਤੋਂ ਬਚਣਾ ਅਤੇ ਨਿਵੇਸ਼ ਸਲਾਹਾਂ ਦਾ ਜਵਾਬ ਨਾ ਦੇਣਾ ਸਭ ਤੋਂ ਵਧੀਆ ਤਰੀਕਾ ਹੈ ਫਿਰ ਭਾਵੇਂ ਉਹ ਤੁਹਾਡੇ ਕਿਸੇ ਜਾਣਕਾਰ ਵੱਲੋਂ ਹੀ ਕਿਉਂ ਨਾ ਹੋਣ।

ਹੇਠ ਲਿਖੇ ਕੁਝ ਸੁਝਾਅ ਤੁਹਾਨੂੰ ਸਹੀ ਨਿਵੇਸ਼ ਦੀ ਚੋਣ ਕਰਨ ਵਿੱਚ ਮਦਦ ਕਰ ਸਕਦੇ ਹਨ:

ਯੋਗ ਅਤੇ ਤਜਰਬੇਕਾਰ ਲੋਕਾਂ ਤੋਂ ਸਲਾਹ ਲੈਣਾ ਚਾਹੇ ਤੁਸੀਂ ਕਿਸੇ ਵੀ ਭਾਈਚਾਰੇ ਨਾਲ ਸਬੰਧਤ ਹੋ। 

ਪੂਰੇ ਆਸਟ੍ਰੇਲੀਆ ਵਿੱਚ ਵਿੱਤੀ ਸਲਾਹਕਾਰ, ਵਕੀਲ ਅਤੇ ਲੇਖਾਕਾਰ ਤੁਹਾਨੂੰ ਪ੍ਰਮਾਣਿਤ ਸਲਾਹ ਦੇ ਸਕਦੇ ਹਨ।

ਜੇਕਰ ਕੋਈ ਨਿਵੇਸ਼ ਲੋੜ ਤੋਂ ਜ਼ਿਆਦਾ ਵਧੀਆ ਲੱਗਦਾ ਹੈ, ਤਾਂ ਸਭ ਤੋਂ ਵੱਧ ਸੰਭਾਵਨਾ ਹੈ ਕਿ ਇਹ ਧੋਖਾ ਹੀ ਹੋਵੇ।

ਜੇਕਰ ਕੋਈ ਤੁਹਾਨੂੰ ਕ੍ਰਿਪਟੋਕਰੰਸੀ ਦੇ ਰੂਪ ਵਿੱਚ ਬਹੁਤ ਜ਼ਿਆਦਾ ਵਾਪਸੀ ਦਾ ਵਾਅਦਾ ਕਰਦਾ ਹੈ ਤਾਂ ਇਹ ਇਸ ਗੱਲ ਦਾ ਸੰਕੇਤ ਹੋ ਸਕਦਾ ਹੈ ਕਿ ਉਹ ਤੁਹਾਨੂੰ ਇੱਕ ਘੁਟਾਲੇ ਵਿੱਚ ਫਸਾਉਣ ਦੀ ਕੋਸ਼ਿਸ਼ ਹੋ ਰਿਹਾ ਹੈ।

ਅੰਤ ਵਿੱਚ, ਲੋਕਾਂ ਦੀਆਂ ਅਟਕਲਾਂ ਅਤੇ ਅਫਵਾਹਾਂ 'ਤੇ ਭਰੋਸਾ ਨਾ ਕਰੋ ਅਤੇ ਉਨ੍ਹਾਂ ਲੋਕਾਂ ਤੋਂ ਕੋਈ ਸਲਾਹ ਲੈਣ ਤੋਂ ਬਚੋ ਜੋ ਅਸਲ ਵਿੱਚ ਮਾਹਰ ਨਹੀਂ ਹਨ।

ਵਧੇਰੇ ਜਾਣਕਾਰੀ ਲਈ www.moneysmart.gov.au 'ਤੇ ਜਾਓ।

ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।

ਐਸ ਬੀ ਐਸ ਆਸਟ੍ਰੇਲੀਆ ਭਰ ਵਿਚਲੇ ਵਿਆਪਕ ਭਾਈਚਾਰੇ ਨੂੰ ਕੋਵਿਡ-19 ਬਾਰੇ ਤਾਜ਼ਾ ਜਾਣਕਾਰੀ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। 63 ਭਾਸ਼ਾਵਾਂ ਵਿੱਚ ਤਾਜ਼ੀਆਂ ਖਬਰਾਂ ਅਤੇ ਜਾਣਕਾਰੀ SBS.com.au/coronavirus ਉੱਤੇ ਉਪਲਬਧ ਹੈ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।

 

Coming up next

# TITLE RELEASED TIME MORE
ਕ੍ਰਿਪਟੋਕਰੰਸੀ ਕੀ ਹੈ ਅਤੇ ਕੀ ਤੁਹਾਨੂੰ ਇਸ ਵਿੱਚ ਨਿਵੇਸ਼ ਕਰਨਾ ਚਾਹੀਦਾ ਹੈ? 10/12/2021 12:51 ...
ਜਾਣੋ ਆਸਟ੍ਰੇਲੀਆ ਦੇ ਆਦਿਵਾਸੀ ਭਾਈਚਾਰੇ ਨਾਲ਼ ਜੁੜੇ ਸਵਦੇਸ਼ੀ ਪ੍ਰੋਟੋਕੋਲ ਕਿਉਂ ਮਹੱਤਵਪੂਰਨ ਹਨ? 27/05/2022 08:45 ...
ਲੱਖਾਂ ਲੋਕ ਹੋ ਸਕਦੇ ਹਨ ਭੁੱਖਮਰੀ ਦਾ ਸ਼ਿਕਾਰ, ਸੰਯੁਕਤ ਰਾਸ਼ਟਰ ਦੀ ਚਿਤਾਵਨੀ 27/05/2022 05:03 ...
ਅਮਰੀਕਾ ਦਾ 'ਗੰਨ ਕਲਚਰ' ਫੇਰ ਸੁਆਲਾਂ ਦੇ ਘੇਰੇ 'ਚ, ਸਕੂਲ ਗੋਲੀਬਾਰੀ ਦੌਰਾਨ 21 ਲੋਕਾਂ ਦੀ ਮੌਤ 26/05/2022 08:44 ...
ਟੈਕਸ ਰਿਟਰਨ 2021-22: ਵਧੇਰੇ ਟੈਕਸ ਰੀਫੰਡ ਹਾਸਿਲ ਕਰਨ ਲਈ ਜਾਣੋਂ ਇਹ ਖ਼ਾਸ ਨੁਕਤੇ 26/05/2022 10:45 ...
ਪਾਕਿਸਤਾਨ ਡਾਇਰੀ: 'ਔਨਰ ਕਿਲਿੰਗ' ਦੇ ਨਾਮ ਉੱਤੇ ਸਪੇਨ ਤੋਂ ਆਈਆਂ ਦੋ ਸਕੀਆਂ ਭੈਣਾਂ ਦਾ ਕਤਲ 25/05/2022 07:58 ...
ਸੰਸਦ ਵਿੱਚ ਬਹੁ-ਸੱਭਿਆਚਾਰਕ ਭਾਈਚਾਰੇ ਦੀ ਨੁਮਾਇੰਦਗੀ ਹੁਣ ਵਧਦੇ ਕ੍ਰਮ ਵਿੱਚ 25/05/2022 05:30 ...
ਆਸਟ੍ਰੇਲੀਆ ਵਲੋਂ ਵਾਤਾਵਰਣ ਸੰਭਾਲ ਦਿਸ਼ਾ ਵਿੱਚ ਸੰਭਾਵੀ ਤਬਦੀਲੀ ਦਾ ਪੈਸਿਫਿਕ ਨੇਤਾਵਾਂ ਵੱਲੋਂ ਸਵਾਗਤ 25/05/2022 07:30 ...
ਪੰਜਾਬੀ ਡਾਇਰੀ: ਨਵਜੋਤ ਸਿੰਘ ਸਿੱਧੂ ਦੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈ ਰਿਹਾ ਹੈ ਜੇਲ੍ਹ ਵਿਭਾਗ 23/05/2022 07:00 ...
ਸਧਾਰਣ ਪਰਿਵਾਰਕ ਪਿਛੋਕੜ ਦੇ ਬਾਵਜੂਦ ਮਿਹਨਤ ਅਤੇ ਲਗਨ ਸਦਕੇ ਪ੍ਰਧਾਨ ਮੰਤਰੀ ਬਨਣ ਵਾਲੇ ਐਂਥਨੀ ਐਲਬਨੀਜ਼ 23/05/2022 06:00 ...
View More