Coming Up Mon 9:00 PM  AEDT
Coming Up Live in 
Live
Punjabi radio
ਐਸ ਬੀ ਐਸ ਪੰਜਾਬੀ

ਕੋਵਿਡ-19 ਸੰਕਟ: ਘਰ ਤੋਂ ਰੁਜ਼ਗਾਰ ਲਈ ਕੰਮ ਕਰਨ ਸਮੇਂ ਤੁਹਾਡੇ ਅਧਿਕਾਰ ਅਤੇ ਜਿੰਮੇਵਾਰੀਆਂ

Source: Getty Images

ਸੰਸਾਰ ਭਰ ਦੀਆਂ 88% ਦੇ ਕਰੀਬ ਸੰਸਥਾਵਾਂ ਦੇ ਨਾਲ ਚਲਦੇ ਹੋਏ ਬਹੁਤ ਸਾਰੇ ਆਸਟ੍ਰੇਲੀਅਨ ਲੋਕਾਂ ਨੂੰ ਵੀ ਆਪਣੇ ਕੰਮ ਕਰਨ ਦੇ ਤਰੀਕੇ ਬਦਲਣ ਲਈ ਮਜ਼ਬੂਰ ਹੋਣਾ ਪਿਆ ਹੈ। ਮਾਹਰਾਂ ਦਾ ਕਹਿਣਾ ਹੈ ਕਿ ਘਰਾਂ ਤੋਂ ਕੰਮ ਕਰਨ ਵਾਲੀ ਕੀਤੀ ਇਹ ਤਬਦੀਲੀ, ਰੁਜ਼ਗਾਰਾਂ ਅਤੇ ਕਰਮਚਾਰੀਆਂ, ਦੋਹਾਂ ਦੇ ਹੀ ਹਿੱਤ ਵਿੱਚ ਹੈ।

ਸਿਡਨੀ ਦੇ ਇੱਕ ਕਾਲਜ ਵਿੱਚ ਆਰਜ਼ੀ ਐਡਮਿਨਿਸਟਰੇਟਰ ਵਜੋਂ ਕੰਮ ਕਰਨ ਵਾਲੀ ਕਸ਼ਮੀਰਾ ਆਸਪਰ ਦਾ ਕਹਿਣਾ ਹੈ ਕਿ ਕੋਵਿਡ-19 ਮਹਾਂਮਾਰੀ ਤੋਂ ਪਹਿਲਾਂ ਉਹ ਘਰ ਤੋਂ ਕੰਮ ਕਰਨ ਨੂੰ ਪਹਿਲ ਦਿੰਦੀ ਸੀ ਤਾਂ ਕਿ ਆਵਾਜਾਈ ਦੇ ਸਮੇਂ ਨੂੰ ਬਚਾਉਣ ਦੇ ਨਾਲ-ਨਾਲ ਉਹ ਆਪਣੇ 6 ਸਾਲਾਂ ਦੇ ਬੱਚੇ ਦੀ ਦੇਖਭਾਲ ਵੀ ਕਰ ਸਕੇ। ਪਰ ਪੈਦਾ ਹੋਏ ਇਹਨਾਂ ਹਾਲਾਤਾਂ ਬਾਰੇ ਤਾਂ ਉਸ ਨੇ ਕਦੇ ਸੋਚਿਆ ਵੀ ਨਹੀਂ ਸੀ।

ਐਡੀਲੇਡ ਦੀ ਕਾਨੂੰਨ ਕੰਪਨੀ ਜੋਹਨਸਟਨ ਵਿਦਰਸ ਦੇ 'ਪਰਸਨਲ ਇੰਜਰੀ' ਮਾਹਰ ਟਿਮ ਡਾਊਨੀ ਕਹਿੰਦੇ ਹਨ ਕਿ ਰੁਜ਼ਰਗਾਰਦਾਤਾ ਲਈ ਇਹ ਯਕੀਨੀ ਬਨਾਉਣਾ ਬਹੁਤ ਜਰੂਰੀ ਹੈ ਕਿ ਉਹਨਾਂ ਦੇ ਕਰਮਚਾਰੀ ਇੱਕ ਸੁਰੱਖਿਅਤ ਵਾਤਾਰਵਰਣ ਵਿੱਚ ਕੰਮ ਕਰਦੇ ਹੋਣ ਜੋ ਕਿ ਪੇਸ਼ੇਵਰ ਸੁਰੱਖਿਆ ਦੇ ਮਿਆਰਾਂ ਨੂੰ ਪੂਰਾ ਕਰਦਾ ਹੋਵੇ।

Drawing of man with ergonomic desk set up
Getty Images/360 Productions

ਡਾਊਨੀ ਕਹਿੰਦੇ ਹਨ ਕਿ ਘਰ ਤੋਂ ਕੰਮ ਕਰਨ ਸਮੇਂ ਵੀ ਰੁਜ਼ਗਾਰਦਾਤਾ ਦੀ ਜਿੰਮੇਵਾਰੀ ਉਹੀ ਹੁੰਦੀ ਹੈ ਜਿਹੜੀ ਕਰਮਚਾਰੀ ਵਲੋਂ ਦਫਤਰ ਤੋਂ ਕੰਮ ਕਰਨ ਸਮੇਂ ਹੁੰਦੀ ਹੈ। ਉਹ ਸਲਾਹ ਦਿੰਦੇ ਹਨ ਕਿ ਦੋਵੇਂ ਧਿਰਾਂ ਘਰ ਤੋਂ ਕੰਮ ਕਰਨ ਲਈ 'ਵਰਕਸਟੇਸ਼ਨ' ਦੀ ਸੁਰੱਖਿਆ ਯਕੀਨੀ ਬਨਾਉਣ ਵਾਸਤੇ ਮਿਲ ਕੇ ਕੰਮ ਕਰਨਾ ਚਾਹੀਦਾ ਹੈ।

ਸੈਂਟਰਲ ਕੂਈਨਜ਼ਲੈਂਡ ਯੂਨਿਵਰਸਿਟੀ ਦੇ ਮਾਹਰ ਡਾ ਰੋਬਿਨ ਪਰਿੰਸ ਕਹਿੰਦੇ ਹਨ ਕਿ ਤੁਹਾਡੇ ਰੁਜ਼ਗਾਰਦਾਤਾ ਨੂੰ ਇਹ ਯਕੀਨੀ ਬਨਾਉਣਾ ਹੋਵੇਗਾ ਕਿ ਅਗਰ ਤੁਸੀਂ ਘਰ ਤੋਂ ਕੰਮ ਕਰਦੇ ਹੋਏ ਜ਼ਖਮੀ ਹੋ ਜਾਂਦੇ ਹੋ ਤਾਂ ਤੁਹਾਨੂੰ ਇਸ ਦਾ ਉਚਿਤ ਮੁਆਵਜਾ ਮਿਲ ਸਕੇ।

ਮੈਲਬਰਨ ਦੀ ਆਈ ਟੀ ਕੰਪਨੀ ਜੈਸਕੋ ਵਿੱਚ ਕੰਮ ਕਰਨ ਵਾਲੀ ਹੈਲੇਨ ਸਾਵੳ ਕਹਿੰਦੀ ਹੈ ਸੰਸਾਰ ਭਰ ਵਿੱਚ ਫੈਲੀ ਇਸ ਮਹਾਂਮਾਰੀ ਕਾਰਨ ਕਈ ਅਦਾਰਿਆਂ ਨੂੰ ਮਜਬੂਰਨ ਆਪਣੇ ਕਰਮਚਾਈਆਂ ਨੂੰ ਦਫਤਰਾਂ ਆਦਿ ਤੋਂ ਦੂਰ ਕਰਨਾ ਪਿਆ ਹੈ।

Ergonomic chair at home office
Getty Images/Zoranm

ਕੋਵਿਡ-19 ਦੀ ਮਾਰ ਹੇਠ ਆਉਣ ਤੋਂ ਬਾਅਦ ਕਈ ਕੰਪਨੀਆਂ ਦੇ ਉਤਪਾਦ ਘੱਟ ਹੋ ਗਏ ਹਨ। ਘਰਾਂ ਤੋਂ ਕੰਮ ਕਰਨ ਵਾਸਤੇ ਢੁੱਕਵੇਂ ਔਜ਼ਾਰ ਪ੍ਰਦਾਨ ਨਾ ਕਰਨ ਪਾਉਣ ਕਾਰਨ ਕਾਫੀ ਦੇਰੀਆਂ ਵੀ ਹੋ ਰਹੀਆਂ ਹਨ।

ਡਾ ਪਰਾਈਸ ਅਨੁਸਾਰ ਕਈ ਅਦਾਰੇ ਇਸ ਸਮੇਂ ਭਾਰੀ ਬੋਝ ਹੇਠ ਚੱਲ ਰਹੇ ਹਨ।

ਐਸਪਰ ਦਾ ਮੰਨਣਾ ਹੈ ਕਿ ਘਰ ਤੋਂ ਕੰਮ ਕਰਨ ਵਾਸਤੇ ਉਸ ਕੋਲ ਸਾਰੀਆਂ ਲੌੜੀਂਦੀਆਂ ਵਸਤਾਂ ਤਾਂ ਹਨ ਪਰ ਇੰਟਰਨੈੱਟ ਬਹੁਤ ਕਮਜ਼ੋਰ ਹੈ। ਇਸ ਲਈ ਉਸ ਨੂੰ ਅਕਸਰ ਰਾਤ ਸਮੇਂ ਕੰਮ ਕਰਨ ਤੇ ਮਜਬੂਰ ਹੋਣਾ ਪੈਂਦਾ ਹੈ।

ਚਾਰਟਰਡ ਅਕਾਉਂਟੈਂਟਸ ਆਸਟ੍ਰੇਲੀਆ ਐਂਡ ਨਿਊਜ਼ੀਲ਼ੈਂਡ ਦੇ ਮੁਖੀ ਮਾਈਕਲ ਕਰੋਕਰ ਕਹਿੰਦੇ ਹਨ ਕਿ ਜਿਹੜੇ ਕਰਮਚਾਰੀਆਂ ਨੇ ਘਰਾਂ ਤੋਂ ਕੰਮ ਕਰਨ ਲਈ ਆਰਜ਼ੀ ਦਫਤਰ ਆਦਿ ਬਣਾਏ ਹਨ, ਉਹ ਟੈਕਸ ਵਿੱਚੋਂ ਛੋਟਾਂ ਪ੍ਰਾਪਤ ਕਰ ਸਕਣਗੇ।

Man with laptop holding neck
Getty Images/RollingCamera

ਕਰੋਕਰ ਦਾ ਕਹਿਣਾ ਹੈ ਕਿ ਘਰਾਂ ਵਿੱਚ ਸਾਂਝੇ ਤੌਰ ਤੇ ਕੰਮ ਕਰਦੇ ਹੋਏ ਸਾਵਧਾਨੀ ਵੀ ਵਰਤਣੀ ਚਾਹੀਦੀ ਹੈ ਕਿਉਂਕਿ ਕਈ ਵਾਰ ਅਣਜਾਣੇ ਵਿੱਚ ਹੀ ਨਿਜੀ ਜਾਣਕਾਰੀ ਵੀ ਦੂਜਿਆਂ ਤੱਕ ਪਹੁੰਚ ਸਕਦੀ ਹੈ।

ਸਹਿਯੋਗ ਤੇ ਉਤਪਾਦਕਤਾ ਨੂੰ ਵਧਾਉਣ ਅਤੇ ਇਕੱਲਤਾ ਨੂੰ ਘੱਟ ਕਰਨ ਵਾਸਤੇ ਸੰਚਾਰ ਦਾ ਮਜਬੂਤ ਹੋਣਾ ਬਹੁਤ ਜਰੂਰੀ ਹੈ।

ਪਰ ਆਸਪਰ ਨੂੰ ਇੰਟਰਨੈੱਟ ਦੀ ਕਮੀ ਬਹੁਤ ਗੌਲਦੀ ਹੈ ਅਤੇ ਇਹ ਵੀ ਨਹੀਂ ਪਤਾ ਕਿ ਇਹ ਹਾਲਾਤ ਕਿੰਨਾ ਸਮਾਂ ਹੋਰ ਚੱਲਣਗੇ।

ਆਪਣੇ ਹੱਕਾਂ ਅਤੇ ਜਿੰਮੇਵਾਰੀਆਂ ਬਾਰੇ ਜਿਆਦਾ ਜਾਣਕਾਰੀ ਲੈਣ ਲਈ ਤੁਸੀਂ ‘ਫੇਅਰ ਵਰਕ ਉਮਬਡਸਮਨ’ ਦੀ ਵੈਬਸਾਈਟ ਤੇ ਜਾ ਸਕਦੇ ਹੋ।

ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ ਅਤੇ ਹੁਣ ਇਕੱਠ ਸਿਰਫ ਦੋ ਲੋਕਾਂ ਤੱਕ ਸੀਮਤ ਹੈ ਪਰ ਇਹ ਨਿਯਮ ਆਪਣੇ ਘਰ ਪਰਿਵਾਰ ਵਿੱਚ ਵਿਚਰਦਿਆਂ ਲਾਗੂ ਨਹੀਂ ਹੁੰਦਾ।

ਜੇ ਤੁਸੀਂ ਵਿਦੇਸ਼ ਤੋਂ ਵਾਪਸ ਆਉਣ ਦੇ 14 ਦਿਨਾਂ ਦੇ ਅੰਦਰ-ਅੰਦਰ ਕੋਵਿਡ-19 ਦੇ ਲੱਛਣ ਵਧਦੇ ਹੋਏ ਵੇਖਦੇ ਹੋ ਤਾਂ ਤੁਹਾਨੂੰ ਡਾਕਟਰੀ ਸਹਾਇਤਾ ਲੈਣੀ ਚਾਹੀਦੀ ਹੈ।

ਜੇ ਤੁਹਾਨੂੰ ਕੋਈ ਵੀ ਲੱਛਣ ਨਹੀਂ ਹਨ ਪਰੰਤੂ ਤੁਸੀਂ ਕੋਵਿਡ-19 ਦੇ ਕਿਸੇ ਪੀੜ੍ਹਤ ਨਾਲ ਸੰਪਰਕ ਵਿੱਚ ਰਹੇ ਹੋ ਤਾਂ ਵੀ ਤੁਹਾਨੂੰ ਡਾਕਟਰੀ ਸਹਾਇਤਾ ਲੈਣੀ ਚਾਹੀਦੀ ਹੈ।

ਜੇ ਤੁਹਾਨੂੰ ਵਿਸ਼ਵਾਸ ਹੈ ਕਿ ਤੁਹਾਨੂੰ ਟੈਸਟ ਕਰਵਾਉਣ ਦੀ ਲੋੜ ਹੋ ਸਕਦੀ ਹੈ, ਆਪਣੇ ਡਾਕਟਰ ਨੂੰ ਸਹੂਲਤ ਲਈ ਸਿਰਫ ਕਾਲ ਕਰੋ, ਪਰ ਉਸ ਕੋਲ਼ ਨਾ ਜਾਓ, ਜਾਂ ਰਾਸ਼ਟਰੀ ਕਰੋਨਾਵਾਇਰਸ ਸਿਹਤ ਜਾਣਕਾਰੀ ਹਾਟਲਾਈਨ ਨਾਲ 1800 020 080 'ਤੇ ਸੰਪਰਕ ਕਰੋ।

ਜੇ ਤੁਸੀਂ ਸਾਹ ਲੈਣ ਵਿੱਚ ਔਖਿਆਈ ਮਹਿਸੂਸ ਕਰਦੇ ਹੋ ਜਾਂ ਤੁਹਾਨੂੰ ਮੈਡੀਕਲ ਐਮਰਜੈਂਸੀ ਦੇ ਚਲਦਿਆਂ ਲੋੜ ਹੈ ਤਾਂ 000 ਨੂੰ ਕਾਲ ਕਰੋ।

ਐਸ ਬੀ ਐਸ, ਆਸਟ੍ਰੇਲੀਆ ਦੇ ਵੱਖੋ-ਵੱਖਰੇ ਭਾਈਚਾਰਿਆਂ ਨੂੰ ਕਰੋਨਾਵਾਇਰਸ/ਕੋਵਿਡ-19 ਬਾਰੇ ਸਮੁੱਚੀ ਅਤੇ ਤਾਜ਼ਾ-ਤਰੀਨ ਜਾਣਕਾਰੀ ਦੇਣ ਲਈ ਵਚਨਬੱਧ ਹੈ। ਜ਼ਿਆਦਾ ਜਾਣਕਾਰੀ ਲਈ sbs.com.au/coronavirus 'ਤੇ ਜਾਓ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ

 

Coming up next

# TITLE RELEASED TIME MORE
ਕੋਵਿਡ-19 ਸੰਕਟ: ਘਰ ਤੋਂ ਰੁਜ਼ਗਾਰ ਲਈ ਕੰਮ ਕਰਨ ਸਮੇਂ ਤੁਹਾਡੇ ਅਧਿਕਾਰ ਅਤੇ ਜਿੰਮੇਵਾਰੀਆਂ 22/04/2020 08:30 ...
ਕੋਵਿਡ-19 ਮਹਾਂਮਾਰੀ ਦੌਰਾਨ ਬਦਲੇ ਹੋਏ ਸਮਾਜਕ ਤੌਰ ਤਰੀਕੇ 23/11/2020 07:00 ...
ਵਿਕਟੋਰੀਆ, ਨਿਊ ਸਾਊਥ ਵੇਲਜ਼ ਅਤੇ ਦੱਖਣੀ ਆਸਟ੍ਰੇਲੀਆ ਨੇ ਐਲਾਨੀ ਕੋਵਿਡ-19 ਬੰਦਸ਼ਾਂ ਵਿੱਚ ਨਰਮੀ 23/11/2020 09:00 ...
'ਧਾਰਮਿਕ ਸੁਤੰਤਰਤਾ ਅਤੇ ਸਮਾਨਤਾ ਬਿੱਲ ਨਾਲ ਸਾਰਿਆਂ ਨੂੰ ਬਰਾਬਰ ਦੀ ਧਾਰਮਿਕ ਆਜ਼ਾਦੀ ਮਿਲ ਸਕੇਗੀ': ਗੁਰਮੇਸ਼ ਸਿੰਘ ਐਮ ਪੀ 23/11/2020 10:00 ...
ਪ੍ਰਵਾਸੀ ਪਰਿਵਾਰਾਂ ਵੱਲੋਂ ਮਾਪਿਆਂ ਨੂੰ ਕੋਵਿਡ ਯਾਤਰਾ ਪਾਬੰਦੀ ਤੋਂ ਛੋਟ ਦੇਣ ਦੀ ਅਪੀਲ, 11,000 ਲੋਕਾਂ ਦੀ ਪਟੀਸ਼ਨ ਸੰਸਦ ‘ਚ ਪੇਸ਼ 19/11/2020 07:00 ...
‘ਗੁਰਸਾਖੀ ਦਾ ਸਕੂਲ ‘ਚ ਪਹਿਲਾ ਦਿਨ’: ਇੱਕ ਆਸਟ੍ਰੇਲੀਅਨ ਸਕੂਲ ਬਾਹਰ ਪੰਜਾਬੀ ‘ਚ ਲਿਖੇ ਦੋ ਸ਼ਬਦਾਂ ਦੀ ਅਹਿਮੀਅਤ 17/11/2020 17:00 ...
ਭਾਰਤੀ ਪਰਿਵਾਰਾਂ ਦਾ ਕ੍ਰਿਪਟੋਕਰੰਸੀ ਵਿੱਚ ਲੱਖਾਂ ਡਾਲਰ ਦਾ ਨੁਕਸਾਨ, ਹੁਣ ਇਕੱਠੇ ਹੋਕੇ ਲੜ੍ਹਨਗੇ ਕਾਨੂੰਨੀ ਲੜਾਈ 17/11/2020 22:00 ...
ਛੋਟੇ ਵਪਾਰਾਂ ਨੂੰ ਆਨਲਾਈਨ ਚਲਾਉਣ ਲਈ ਕੁੱਝ ਖਾਸ ਨੁੱਕਤੇ 17/11/2020 09:00 ...
ਦੱਖਣੀ ਆਸਟ੍ਰੇਲੀਆ ਵਿੱਚ ਕੋਵਿਡ-19 ਕਾਰਨ ਪੈਦਾ ਹੋਏ ਹੰਗਾਮੀ ਹਾਲਾਤ 16/11/2020 05:00 ...
‘ਇਹ ਇਨਸਾਫ ਨਹੀਂ’: ਰਵਨੀਤ ਕੌਰ ਦੀ ਮੌਤ ਦੇ ਅਦਾਲਤੀ ਫੈਸਲੇ ਪਿੱਛੋਂ ਪੀੜ੍ਹਤ ਪਰਿਵਾਰ ਨਿਰਾਸ਼ 13/11/2020 10:00 ...
View More