Coming Up Mon 9:00 PM  AEDT
Coming Up Live in 
Live
Punjabi radio

ਭਾਰਤੀ ਮੂਲ ਦੇ ਸਿਖਿਆਰਥੀਆਂ ਲਈ ਕੰਮ ਦੇ ਅਧਿਕਾਰਾਂ ਨੂੰ ਜਾਨਣ ਦਾ ਸੁਨਿਹਰੀ ਮੋਕਾ

Representing Study NSW, Gurnam Singh spoke to SBS Punjabi about the information session for international students in Sydney Source: Supplied

Consulate General of India and StudyNSW are hosting an information session for Indian Students

ਭਾਰਤ ਦੇ ਸਿਡਨੀ ਵਿਚਲੇ ਕੌਂਸਲਖਾਨੇ ਨੇ ਸਟੱਡੀ ਐਨ ਐਸ ਡਬਲਿਊ ਦੇ ਸਹਿਯੋਗ ਨਾਲ ਸਿਡਨੀ ਅਤੇ ਨਿਊ ਸਾਊਥ ਵੇਲਸ ਵਿਚ ਪੜ ਰਹੇ ਭਾਰਤੀ ਸਿਖਿਆਰਥੀਆਂ ਲਈ ਮਿਤੀ ੨੫ ਅਗਸਤ ੨੦੧੭ ਨੂੰ ਸ਼ਾਮ ੩.੪੫ ਤੋਂ ਲੈ ਕੇ ੬.੦੦ ਵਜੇ ਤਕ (ਲੈਵਲ ੨, ਕਾਸਲਵੇਅ ਸਟਰੀਟ, ਸਿਡਨੀ ਵਿਚ) ਇਕ ਜਾਣਕਾਰੀ ਭਰੇ ਸੈਸ਼ਨ ਦਾ ਆਯੋਜਨ ਕੀਤਾ ਹੈ ਅਤੇ ਸਾਰੇ ਹੀ ਭਾਰਤੀ ਵਿਦਿਆਰਥੀਆਂ ਨੂੰ ਉਥੇ ਆਣ ਲਈ ਸੱਦਾ ਦਿਤਾ ਹੈ। ਇਸ ਸੈਸ਼ਨ ਵਿਚ ਰੈਡਫਰਨ ਲੀਗਲ ਸੈਂਟਰ, ਐਨ ਐਸ ਡਬਲੀਊ ਪੁਲਿਸ ਅਤੇ ਫੇਅਰ ਵਰਕ ਓੰਬਡਸਮਨ ਦੇ ਨੁਮਾਂਇੰਦੇ ਵੀ ਆ ਕੇ ਸਿਖਿਆਰਥੀਆਂ ਨੂੰ ਜਾਣਕਾਰੀ ਦੇ ਨਾਲ ਨਾਲ ਉਹਨਾਂ ਦੇ ਸਵਾਲਾਂ ਦੇ ਜਵਾਬ ਦੇਣਗੇ।

Stay Safe and Know your working rights
Stay Safe and Know your working rights
Consulate-General of India

ਸਟਡੀ ਐਨ ਐਸ ਡਬਲਿਊ ਤੋਂ ਗੁਰਨਾਮ ਸਿੰਘ ਨੇ ਆਪਣੀ ਹੱਡ-ਬੀਤੀ ਸਾਡੇ ਨਾਲ ਸਾਂਝੀ ਕਰਦੇ ਹੋਏ ਦਸਿਆ ਹੈ ਕਿ ਕਾਂਊਂਸੂਲੇਟ ਜਨਰਲ ਦਫਤਰ ਵਲੋਂ ਕੀਤੇ ਜਾ ਰਹੇ ਇਹੋ ਜਿਹੇ ਉਪਰਾਲਿਆਂ ਨਾਲ ਨਵੇਂ ਆਏ ਹੋਏ ਵਿਦਿਆਰਥੀਆਂ ਨੂੰ ਕਾਫੀ ਮਦਦ ਮਿਲ ਸਕਦੀ ਹੈ ਜਿਵੇਂਕਿ ਉਹਨਾਂ ਨੂੰ ਪਤਾ ਚਲ ਸਕਦਾ ਹੈ ਕਿ ਕਿਸੇ ਕਿਸਮ ਦਾ ਧੱਕਾ ਹੋਣ ਦੀ ਸੂਰਤ ਵਿਚ ਕਿਥੇ ਸੰਪਰਕ ਕੀਤਾ ਜਾਣਾ ਚਾਹੀਦਾ ਹੈ। ਕੰਮ ਕਰਨ ਵਾਲੇ ਸਥਾਨ ਤੇ ਉਹਨਾਂ ਦੇ ਕੀ ਹਕੂਕ ਹੁੰਦੇ ਹਨ । ਪੁਲਿਸ, ਜਿਸ ਤੋਂ ਕਿ ਅਸੀਂ ਸਾਰੇ ਭਾਰਤੀ ਹੀ ਆਮ ਤੋਰ ਤੇ ਦੂਰ ਰਹਿਣ ਦਾ ਯਤਨ ਕਰਦੇ ਹਾਂ,  ਇਥੇ ਇਹ ਇਸ ਦੇ ਐਨ ਉਲਟ, ਬਹੁਤ ਮਦਦਗਾਰ ਸਿਧ ਹੁੰਦੀ ਹੈ।

Gurnam getting appreciation
After finishing his studies Gurnam has established himself in both society and in career equally well.
Gurnam Singh

ਆਸਟ੍ਰੇਲੀਆ ਵਿਚ ਆ ਕੇ, ਬਿਨਾਂ ਕਿਸੇ ਜਾਣਕਾਰ ਦੀ ਮਦਦ ਦੇ (ਜਿਸ ਨੂੰ ਰੈਫਰੈਂਸ ਵੀ ਕਿਹਾ ਜਾਂਦਾ ਹੈ), ਪਹਿਲੀ ਨੋਕਰੀ ਪ੍ਰਾਪਤ ਕਰਨਾਂ ਬਹੁਤ ਮੁਸ਼ਕਲ ਜਾਪਦਾ ਹੈ ਪਰ ਗੁਰਨਾਮ ਦੱਸਦੇ ਹਨ ਕਿ ਆਸਟ੍ਰੇਲੀਆ ਵਿਚ ਵਲੰਟੀਅਰ ਵਜੋਂ ਸੇਵਾ ਕਰਨ ਨਾਲ ਜਿਥੇ ਇਥੋਂ ਦੇ ਸਿਸਟਮ ਦੀ ਜਾਣਕਾਰੀ ਪ੍ਰਾਪਤ ਹੋ ਜਾਂਦੀ ਹੈ ਉਥੇ ਨਾਲ ਹੀ ਅਗਲੀ ਨੋਕਰੀ ਲਈ ਇਕ ਰੈਫਰੇਂਸ ਵੀ ਬਣ ਜਾਂਦਾ ਹੈ।

ਪੜਾਈ ਦੇ ਨਾਲ ਨਾਲ ਕੰਮ ਵੀ ਕਰਨਾਂ ਤਾਂ ਕਿ ਫੀਸਾਂ ਵਗੇਰਾ ਇਥੋਂ ਹੀ ਭਰੀਆਂ ਜਾ ਸਕਣ, ਕਾਫੀ ਮੁਸ਼ਕਲ ਜਾਪਦਾ ਹੈ।  ਪਰ ਗੁਰਨਾਮ ਅਨੁਸਾਰ ਕੇਵਲ ਕੰਮ ਹੀ ਕਰੀ ਜਾਣ ਦਾ ਇਕ ਨੁਕਸਾਨ ਇਹ ਵੀ ਹੁੰਦਾ ਹੈ ਕਿ ਪੜਾਈ ਵਿਚੋਂ ਅਸਫਲ ਰਹਿ ਜਾਣ ਉਤੇ ਉਹ ਪੜਾਈ ਦੁਬਾਰਾ ਕਰਨੀ ਪੈ ਸਕਦੀ ਹੈ ਅਤੇ ਫੀਸਾਂ ਵਗੈਰਾ ਦੁਬਾਰਾ ਭਰਨ ਕਾਰਨ ਪਹਿਲਾਂ ਜਾਨ ਮਾਰ ਕੇ ਕੀਤੀ ਹੋਈ ਵਾਧੂ ਕਮਾਈ ਖੂਹ ਖਾਤੇ ਵਿਚ ਪੈ ਜਾਂਦੀ ਹੈ।  ਇਸ ਲਈ ਕੰਮ ਅਤੇ ਪੜਾਈ ਦੋਹਾਂ ਨੂੰ ਹੀ ਬਰਾਬਰ ਤਰਜੀਹ ਦੇਣੀ ਚਾਹੀਦੀ ਹੈ।

Source Consulate-General of India, Sydney