Coronavirus ya Covid-19 baabote ki ki maalumat ókkol asé?

SBS yé háas gorí kucic goredeki sói bicac gorazadé repouth dibolla COVID-19 biyaram ibar baabote -tuáñr zuban ót.Habos yan ót ki asé hoile, cómaj ór butore har ekzon óttu hamaka zana foriboudé maalumat ókkol.

 

 

Gorót ót takó.Selamot takó.Jaan ókkol basó.

SBS COVID-19 State by State ór maalumat,EÇE KELIK GORO

"Thiéñya fuca ár muckil  www.moneysmart.gov.au ya kól goro National Debt Helpline 1800 007 007 ót.

Jobseeker ar Jobkeeper ór peímen

Jobkeeper ór peímen March 2021 fan thíeñya iba lamba gorí dibou,ár JobSeeker Desember 2020 fan dibou.Muntu mac ór butore sorkar yé  ke pelan goribodé JobSeeker ór baabote yan elan gori dibou.

September ór akhirit óttu thíeñya iba homaí felaí bou

Jobseeker

-Ya la:$1,115

-September 2020 óttu:$815

September ór akhirittú lotí,tuñi fottí duí hafta yé $300 hamaí fariba,agé $106 faítta de ,tuañar Jobseeker Peímen  ót asor no óíbar agottú.

Ogos 4 óttu lotí zitara ham naí de eíttal benefit far tarattú ham tuaí dede zaga loí rapta gora foribo, fottí macé 4 gan ham tuaí bolla,ar peímen fáat taí bolla.

JobKeeper

Diyan tabkat alok goíjje,ekan fol thaim ar ekan façt thaím hamwala.

Fol thaím hamwalar fottí dui haftar peímen:

-Ya la:$1,500

-September 2020 óttu lotí:$1,200

-Januari 2021 óttu lotí:$1,000

Façt thaím hamwalar fottí dui haftar peímen:

-Ya la:$1,500

-September 2020 óttu lotí:$750

-Januari 2021 óttu lotí:650

 

 

 

 

 

 

1 2 June 2020 ít,federal sorkar yé kodom 3 ór jinis ókkol noya goíjjé;state ar territory ókkol yé faísala gori faribou hoúñte goribodé yan.

 

Covid-19 kengóri folizagói?

COVID-19 insan óttu insan eçe faradé iín ór zoriyayé:

  • Hono ekzon óttu óiyede itarar fuwati talukat takile tarattu biyaram farai faribode thaim ót ya 24 gonda butore tarar biyaram ór alamot curu no óibar agottú.
  • Talukat goíjje  hac eíde ya haccú de manúic loí zibare neiki  biyaram óide yan fakka goíjje.
  • Fakka góijje de biyaram ói hoiyare manúic ibar fuk hac eíde ya haccu góijjede iíntu jinis ya jinis ór oré doíjjo ( mesal dorzar doroni ya mez) dori bade tuáñr gal ya muk dóijjo.

Australiar sorkare har uggwá residen óre cuwaris gorreddé ki COVIDSafe app iba donlod goribolla. aro foro https://www.sbs.com.au/language/rohingya/australia-ye-launc-goijje-covidsafe-coronavirus-or-kontek-okkol-tuai-ot-goribar-uggwa-app  

COVID-19 ór alamot  ókkol ki?

Federal sorkar ór webhseíth ór mutabek ye Coronavirus ór alamot óilde ki mazila ottu biyram loti pneumonia fan.

COVID-19 ór alamot loí ar thañdi nozala loí ekkúidilla míkka ar kiki asé hoíle:

  • Zor
  • niyas ór laín ór alamot
  • hac
  • Gola thñon thañnani
  • Niyac felai bolla duk
  • oínno alamot ókkol nak óttu fani za,mata hora,gíra hora,hogorani,serani,hono kiccu fuai ehsas no farer,gal  or moza bodoli giyoí,búk morigiyoí ar bol naí.

Alamot íin añrtu oíle ki gora foribou?

Zedice tuáñrtu alamot iín Australia 14 din orbutore foóñsi baadé ya 14 din baadé

Fakka óiyde COVID-19 biram óide manúic iballói zukazok goribaadé, tuáñrtu taratori daktor ór hasé kol gora foribou ya 

Tuáñar daktor hasé kol goro ya necional Coronavirus Health Information Hotline ót kol goro 1800 020 080 ibat.Daktor hana ya hocital ót nozaíyo tuáñartu  alamot ókkol óiyede yan nohoíyaré.

No foónsi bar agottú, daktor hanat ya hocital ót kol goro ar tararé yan zanai diyo tuáñar sofor ór tarik or baabote ya COVID-19 Fakka oíyede biyaramma loí zukazuk aíccilade yan.Tuáñrtu alok gorí taka foribou tuáñar gorot ók,hotol ót ya daktor hanat zeíto din fan publik ór aramiyot ór zimadaré tuáñare ijazot nóde tuáñar normal din guzari bolla.

Tuáñar alamot ór baabote honikkall loí hotá hoíto mon hoílé,Netional Coronavirus Helpline 1800 020 080 oíldeki nombor.

Australiar sorkar yé yan kucic goreddéki GP respiratory dakto hana kuli bolla také tara cek gori faré fan zitarattu niyom mikka alamot ókkol oíyé(zor,hac,niyac fela duk,gola thoñthanani/bol foré).

Eçe tuai so https://www.health.gov.au/initiatives-and-programs/coronavirus-covid-19-gp-respiratory-clinics GP respiratory kelinik ókkol ar kengóri apoinmen banaí badé yan.

Zedice tuáñár elakat mazé ajo notakilé health direct ór hasé zaí so ya tuáñar  state ya territory health department website zaí so aro maalumat ólla.

Zedice niyac felaí nafaíllé ya medikal ór emerjensi oílé ,000 kol goro.

COVID-19 ólla hono añrtu tes gora foribouné?

Tuáñare bana ei halot ót tes goribodé zedice  daktor yan faísela góijje deiki tuni kereteria íin ót fóijjo:

Covid-19 kengóri folizagói?

COVID-19 insan óttu insan eçe faradé iín ór zoriyayé:

  • Hono ekzon óttu óiyede itarar fuwati talukat takile tarattu biyaram farai faribode thaim ót ya 24 gonda butore tarar biyaram ór alamot curu no óibar agottú.
  • Talukat goíjje  hac eíde ya haccú de manúic loí zibare neiki  biyaram óide yan fakka goíjje.
  • Fakka góijje de biyaram ói hoiyare manúic ibar fuk hac eíde ya haccu góijjede iíntu jinis ya jinis ór oré doíjjo ( mesal dorzar doroni ya mez) dori bade tuáñr gal ya muk dóijjo.

COVID-19 ór alamot  ókkol ki?

Federal sorkar ór webhseíth ór mutabek ye Coronavirus ór alamot óilde ki mazila ottu biyram loti pneumonia fan.

COVID-19 ór alamot loí ar thañdi nozala loí ekkúidilla míkka ar kiki asé hoíle:

  • Zor
  • Gola thñon thañnani
  • Hac
  • Bol fora
  • Niyac felai bolla duk

Sorkar ye COVID-19 alamot ókkol baabote cek goribolla banaí ye tuñi gorot tai cek gori fariba https://www.healthdirect.gov.au/symptom-checker/tool/basic-details

 

Alamot íin añrtu oíle ki gora foribou?

Zedice tuáñrtu alamot iín Australia 14 din orbutore foóñsi baadé ya 14 din baadé

Fakka óiyde COVID-19 biram óide manúic iballói zukazok goribaadé, tuáñrtu taratori daktor ór hasé zaíyaré cek gora foribou.

Tuáñar daktor hasé kol goro ya necional Coronavirus Health Information Hotline ót kol goro 1800 020 080 ibat.Daktor hana ya hocital ót nozaíyo tuáñartu  alamot ókkol óiyede yan nohoíyaré.

No foónsi bar agottú, daktor hanat ya hocital ót kol goro ar tararé yan zanai diyo tuáñar sofor ór tarik or baabote ya COVID-19 Fakka oíyede biyaramma loí zukazuk aíccilade yan.Tuáñrtu alok gorí taka foribou tuáñar gorot ók,hotol ót ya daktor hanat zeíto din fan publik ór aramiyot ór zimadaré tuáñare ijazot nóde tuáñar normal din guzari bolla.

Zedica tuáñrtu niyac felaíbolla duk óile ya medikal emerjensi oíye,000 kol goro.

COVID-19 ólla hono añrtu tes gora foribouné?

Australiar Nationa; Cabinet yé yan razi oíyedeki tes goribar kearateria baraí dibolla ar zeí manúic giín óttu niyom alamot asé tararé yo cek goribolla také positif ke ókkol ót gori faré fan.

 

Kengóri virus ibaré elac goribou?

Ekhono butore coronovirus olla hono ekan háse eleac naí,kinu baz thaim ót alamot ókkol medikal ór modot ye elac gori fare.Antibiotik virus iballah úddur has no gore.

Hona beci ris ót asé srius biyaram ókkol óíbolla?

Hudun manúic ottú biyaram iba faraíle hono kicu noó,kiccu ottú mazila gori alamat ókkol ó ar tokkor gori gom oíza goí,kiccu beci biyaram fori zagoí tokkor gori.Agor corona virus baabote ór tuwajju loí yan lor faídé ki ,eí manúic gin beci ris ót asé Sirius infekcion oíbolla:

  • Abroginal ar Torres starit Islander 50 bosor ór ore ar koronik biyaram asé
  • 65 bosor ór ore manúic zitara attu koronik biyaram asé,ar zetho beci alamot ókkol neíli bo aro ason oíbo koronik biyaram hoíbolla
  • 70 bosor ór ore manúic ókkol
  • immune (takot ór system) beci norom 

 

  • Hom biyaram ottú hefazot raka takkot asédé itara( mesal kanser)
  • Burá manúic ókkol
  • Aboriginal ar Torres Strait Islander ór manúic,zehon itarattu koronik biyaram ór ret beci
  • Koronik medikal ór mosola asédé itara
  • Fañç gori gor  ókkollot  takédé itara
  • Garat ót asédé itara
  • Gura fuaín ar latura fuaín*

*Ekhon ór butore gura fauín or latura fuín huddur ris ar fuaín dor paç ki COVID-19 biayaram faradé yan ór baabote uddur zana naí.Kintu aíja fan COVID-19 ór kes gura fuaín dor butore beci hom.

 

Kengóri COVID-19 foli zabo goí de yan ottú modot gori fariba?

Hát safgora ar háccú/ sap gori hac ón ar tuáñrtu biyaram oíle ar ekzon ottú dúre takon beci bala troika virus ibattu basi takon,Tuáñrtu ki gora foribou hoíle:

  • Gorottu no neíllo, bana zoruri oíle neíli ba de.
  • 1.5 social mutabek ye dure takiba ar 4square meter dormian rakiba har uggwá manúic loí
  • Gono gono hát duíyo sabun ar fáni loí,hana no haíbar agottú ar hana hai bade, ar létin zaí  badé.
  • Ha car háccu goribat cot bongori raíkko,tissue cundur gori felaí diyo,ar alkohol asédé iíndilla sanitiser estamal goíjjo.
  • Biyaram oíle oínno manúic ottú duré takiyo(1.5 meter fan )
  • Zimadari lo de yan cikko ar gor ót beci takiyo.

 

Hattu alok gori taka foribou?

Zedugun manúic ókkol Australiat 15 March 2020 raítor bade foóñse,ya yan buzeddeki fakka COVID-19 biyaramma loí zukazuk oíla,nizore alok gora foribou 14 din fan.

Tuáñáre COVID-19 daignos goíjjedé oíle tuáñrtu hamaka gorot taka foribou:

  • Publik ór zaga ókkollot nozaí yó mesal oíldeki hamor zaga,bazaar ókkollot, fuaín soledé zaga ya university
  • Hono uggwá ar modót so hana faní kini dibolla yan oínno lagé de jinis ókkollolla ar tararé hoíbadé kéí jinis gin tuáñar dorzar muntu raki zaíbolla
  • Górba ókkol góilto no diyo,sitif zitara tuáñar gor ót také tararé goílto diyo

 

 

Social mutabek  dúre gori takon hodé yan ki?

Social mutabek  dúre gorí takon oíldeki ekan torika virus agagura foili zagoí de yan hom goribolla zein neiki COVID-19.Eçe butore ki asé hoílé gorot takon jisím ót gom no lagilé,borof publik zomo ódé zagattú dúre takonzoruri noílé,tuñi loí at oínno manúic loí 1.5 meter dormían raki baa r zúddur fare úddur kucic goribadé ki hónnika ré no doribolla mesal hat milon ya gola milon.

Social mutabek dúre takon iín ór butore ki asé hoíle  fakka góijje de biyaram ói hoiyare manúic ibar fuk hac eíde ya haccu góijjede iíntu jinis ya jinis ór oré doíjjo ( mesal dorzar doroni ya mez).

 

 

  • Goro ót tako

 

National Cabinet yé har uggwá Australian óre gorot taki to horo sirif eí halot ót neli faribou;

 

•             bazaar shazar goribolla

•             elac ólla

•             lora sora eksersise goribolla kanun mutabek yé

•             ham ya fónna foribolla zedice gorot taí nafaíllé 

 

 

  •  

Burá manúic sóunlede zagat ar egana gucci ír hasé beratoí zaí fajjumne?

Am corot ókkol oíldeki Australiar butore,aged care ót nozaíyo zedice:

  • 14 din agé bedec  ottú foóñse de oílé
  • Fakka goijje de COVID-19 oíyedé biyaramma loí zukazuk góijjo de oíle 14 din agé
  • Zor uíththé de oílé ya niyac ór laín ór infekcion ór alamot ókkol ehsas oílé (mesal hac,gola thoñ thañnani,niyac baiththá  óíle).

May 1 ottú loti tuáñrtu influenza fuc mara foribou zedice tuñi burá manúic souñlede gor ókkollot zaíto saílé.

Yan not goriba deíki har ekan state ar territorittú tarar haás kanun ókkol asé iín National Cabinet ór  moswara ókkolloí hilaf oí nafaribou.

 

Añartu tu hono surgikal mask laga foribouné?

Australia ár cómaj ór butore zohon beci boçci zargoí  COVID-19,mani yan oyé déíki hudun satae ar territory yé muk banoní cuwaris gorer ya hamaka laga foribo de yan hór. 

Victoria at muk banoní laga foribou(tuñi hoçe tako yan loí hotá) cómaj ór butott u beci farad yan ólla coronavirus iba. https://www.dhhs.vic.gov.au/face-coverings-1159pm-wednesday-22-july


New South Wales ór manúic ókkol zitara hot spot ót také tararé yo cuwaris goíjje lagaí bolla ar social mutabek ye dure také de yan gori nafaíllé.

Mask ó fíni ba fuáñti fuáñti 

  • gór ót takiyo aram nolaí lé
  • social mutabek ye duré takiyo har ekzon óttu (1.5m óre)
  • zoma ó de zaga iín óttu basi takiyo
  • hañt ar niyac ór laín sap rakiyo

Tuañar state ya territory ír halot bódolilé toí mask or babaote yo bódoli bo.Tuañar loukel elakar moswaralla boí takiyo.
https://www.health.gov.au/news/health-alerts/novel-coronavirus-2019-ncov-health-alert/how-to-protect-yourself-and-others-from-coronavirus-covid-19 

 

 

Zedice tuáñáre alok gori takito order dilé,  eí halot ót tuáñrtu surgikal mask laga foribou(tuáñrtu ekan takilé):

  • Tuáñrtu gorottú neila forer ar publik take de elaka iika za forer
  • Daktor hana za forer
  • Tuáñrtu alamot ókkol oíyé ar eík kamarar butore arekzon asé tuáñar fuwati

 Australiat nelon ar golon

Faílé har uggwá Australian óttu zoruri naídé sófor dec ór butore no goron sa.State ar territori ókkolle tarar nizor pwandi lagaí faribou ziíndila neíki bouthar bón goron.Public Transport National oíldeki zibayé zímmadar asé Publik ór gaçi guçalla.Iín ór zimmafótti state ar territori óre forer,ar Nacional cabinet yé itarare fas goride hudun jinis ót také ham walar aram ara hefazot gori faré fan ar publik gaçi gúça át fasinjer ór hefazot gori faré fan ziíndila neíki biyaram oíle gaçi ít no solibolla,gaçi soloya yallloí ar hono ekzon loí farat rakibolla.Nogot thíéñya fuca no doribolla. Publik ór gaçi uçi bo de itarattú mask fina noforibou kíntu kuci kuci finto mono hoíle faribou.Ar maalumat lagíle gaçi uçí bar baabote COVID-19 ór comót eçe faíba:

https://www.infrastructure.gov.au/transport/files/COVID19_public_transport_principles_29052020.pdf

 

Internacional sófor goróya.

Zedugun internacional sófor goróya foóñci bou.Zéí nacíonal ók ya zííntu aíbo ók hamaka nizore alok góra foribou 14 din fan zeçe zaga banaí diyé eçé gór ót nozaíbar agottú.

Beggun sófor aí Australia aíccedé itarattú coronavirus ór tes gora foribo quarantine taáti ar no zaí bar agottú.

Tuáñrtu tu yo quarantine ór horsa alla bol diya foribo.Quarantine iín fottí state ar territory ír sorkar yé souñledé.

NSW: https://www.nsw.gov.au/covid-19/travel-and-transport-advice VIC: https://www.dhhs.vic.gov.au/information-overseas-travellers-coronavirus-disease-covid-19

ACT: https://www.covid19.act.gov.au/community/travelling-and-transport NT: https://coronavirus.nt.gov.au/stay-safe/quarantine

QLD: https://www.qld.gov.au/health/conditions/health-alerts/coronavirus-covid-19/protect-yourself-others/quarantine

SA: https://www.covid-19.sa.gov.au/restrictions-and-responsibilities/travel-restrictions

TASMANIA:https://www.coronavirus.tas.gov.au/travellers-and-visitors

WA: https://www.wa.gov.au/organisation/department-of-the-premier-and-cabinet/covid-19-coronavirus-travel-wa

Australia  citizen ar permanent resident bedec zaí na faribou COVID-19 ór pawandilla bolí.

Kintu zedice tuáñrtu Australia óttu neíla foílle,onláín dórhas gori fariba sófor góribolla.Ketegori iín ót honó goílle:

  • Sófor gorodoé iín COVID-19 biyaram ór zoriya,modot goribolla
  • industri ar has harbar ólla tuáñar sófor zoruri(eksport ar import industri yo).
  • elac goribolla zín elac Australiat nafá
  • personal hasbar bar ólla sófor gora forér
  • Humanitarian ar insaniyot ór hisab ye sófor gorá forer
  • tuáñar sófor gora iba necional balaílla

 

Transit Hub

Nelon or kaun ekol dañg gori bodoli zagoí.Australiat wapes aíñto saíle:

tuáñar aíbar laín bala gori cèk goíjjo,airline ar travel agen loí zuka zuk gorat takiyo

transit goroddé airport óttu oficial elan beggun maniyo.

entry ar exit ór baabote hono ekan fusar goribar takilé daha embassy ya konsulet ziyan asé eçe fusar gori fariba.

 

Eçe zaí so www.smartraveller.gov.au añro maalumat ókkol lagilé.

 

 

Australiar sorkar ór zimmadar  ókkollé biyaram ibar baabote kengóri samna gorer?

Australiar Wazir Azam ye akcion respon iba curu goíjje Emergency Response Plan for Novel Coronavirus (COVID-19).

 

 The Governor-General of Australia  human biosecurity emergency  tháím iba lamba goridiyé 3 mac ólla  17 June 2020 tu 17 September 2020 lotí.

Kissu visa wala ókkollore asan gori diye

 

Working holiday visa holders: maaf 6 mac ham gora forede iín óttu zedice itara kerital industrit  ham goílle mesal : health, aged care, disability care, childcare,  agriculture and food,

Aro visa 6 mac lamba gori bolla mauka faíbou.

 

Seasonal Worker Program and Pacific Labour Scheme participants: Eik bosor lamba gori dibou.

Temporary Skilled visa holders: temporary ham ór giros ór esponser visallah,mesal subclass 457 ar 482,ze ham haraí felaí ye ,60 din faibou ar ugwwá esponser tuwai boulla ya Australiat óttu nei zagoi bolla .

 

 Zedice ham óttu neílaí dile yan gonad hom goridila $10000 superanucion óttu neláí faribou.

International students:

-Ham takile taífaribou.Zedice ham notakile,fémlir modot no takilé ya thieñya zoma notakilé, tarattu oínno rasta tuwa foribou

-International students zein aged care ya nursing or ham gorer 20 oré ham goribolla ejazot diyé

-itarr super ó nelai faribou zedice Australiat 12 mac ore takile.

Victoria yat,international student yé homos hom $1,100 modot faíbo yan oíldeki Victoria ar Sorkar ór emerjensir  modot ziyan ólla boli hoto hazar manúic yé modot faíbo tarar state ót,.

 

Tourists: Dec ót zagoí foribou has gori zitarattu fémlirmodot naí.

 

 

 


Jobseeker payment

Job seeker ór  modot faíbolla tuáñrtu;

 

•             boc 22 ya pencion ó foribou

•             resident ór corot fur a gora foribou

•             tuáñar hamani ar amodani limit ot taka foribou

 

Tuáñartu eçe butottu zehono uggwá rul ót gola foribou

•             ham nai ar ham tuñwor

•             tuñi biyaram oíyo yan olla boli toíttat ham ya fónna fori  nafaror

 

Aro maalumat olla eçe zai cek goro  https://www.servicesaustralia.gov.au/individuals/services/centrelink/jobseeker-payment

JobKeeper payment

Sorkar ye 6 million ham wala re subsidi dibou ar tax no haçi bar agottu tarar hamor giros ore flat $1500 dibou.

$130 billion ór Jobkeeper peimen ibar zoriyayé Australian ókkol lore hamot rakibou.Hamor giros ore 6 mac fan dibou peimen iba.Booking goribo hamwala ókkollore 1 March óttu loti.Hamwala zinofozotto asé $1500 faíbou.Furugram iba 30 March óttu loti curu oíbo ar foíle peimen May foíla hafta óttu curu oíbo.

 

 

 

 

 

Demaki halot ór modot

Sorkar 10 bar Medicare óttu demaki halot or leac ólla session di raíkke dubara COVID-19 ó de comot.Manúic óttu demaki halot ór baabote pelan laíle (https://www.healthdirect.gov.au/mental-health-care-plan)  ar GP óttu sa foílle ki demaki halot ór modot laibo ne ya nó laíbo thaím ye thaím, psychologist, psychiatrist, GP ya oínno aramor ham wala óttu. 

Head to Health (www.headtohealth.gov.au), w oibo de sorkar ór digital demaki aramor zimmadar.

Itara dibou zedugun maalumat lager ,alok ar fuain dore somalon ar aram takon ór baabote.

COVID-19 iín sorkar ye kengóri samna gorer yan ór baabote zainto saíle zai so eçe Government response Inglis ot maalumat lagile zai so

health.gov.au/news/health-alerts/novel-coronavirus-2019-ncov-health-aler

Stay home. Stay safe. Stay connected. Save lives.

 

 

Aro maalumat lagilé tuáñár zuban ót  Department of Home Affairs óttu: information for your community in Rohingya 

 

 

Australiat har uggwá manúic ottú hama oínno manúic ottú homos hom 1.5 meter dúre taka foribou.Tuáñar state ór kanun cek goro hozon manúic doúla oífaribode yan or baabote.https://www.sbs.com.au/language/english/how-australia-s-states-and-territories-are-relaxing-coronavirus-restrictions

Zedice tuáñrtu thañdi ya flur alamot oíle, gór ót takó ar tes goribolla tuáñar dakto ya Coronavirus Health Information Hotline ór hasé kol goro 1800 020 080 ót.

 

SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.