Scott Morrison elan goíjjede ki aro dóro sofor góron ór pawandi ar Brisbane óre ‘coronavirus hotspot’ hoíyaré gona gora giyé

National Cabinet will meet again on Friday. Source: AAP

Prime Minister Scott Morrison hodé hefazot aro bala goribo coronavirus ór varian ziba tes gori farai faré iba United Kingdom óttu faíye iba sorai zaíbodé yan óttu.

Necional cabinet dubara internecional ar butoror sofor goron yan ór pawandi doro goíjje COVID-19 ottú hefazot goribolla UK noya coronavirus ór ólla boli.

Greater Brisbane oré coronavirus ór “hotspot’’ hoíyare huwa giyé Komonweal ór tobkat,zeíthe neíki safaí goredé ham wala uggwá óttu positif oíye noya bodoli aíccede fuk iballa.-yan ólla bolí fura cór yan tin deen lokdon oíye.

Boídolla yan ólla,zedugun fasenger Australia át gólé tarattu negative ó foribo COVID-19 ólla ar wapes aí faribode manúic in homaí diye.

Zitara United Kingdom óttu gólibo itararé hoto bar tes goribo noya coronaviru tuñwaí bolla felaít no uçi bar agottú.

 

Muk banoní foroz goridibou domestik ar internecional ór felaít ólla ar domestik airport ót 12 bosor nise gura fuain baadé ar bedec ór airport ót laga foribo.

0:00

“Virus ibattú zindilla mono hor iíndila gorér,yan or mani oíldeki añarattú hamaka lagatar laraí gorattá foribo dol bodol torika loí”hodé Mr Morrison yé.

Kintu kiccu-kiccu út tes gorede iín maaf gori dibou,toíta hamwalalla zita hom ris aside dec óttu aílé zedice tes goribar zaga hom taílé.Yar bodola tararé ‘alok gori’ cek goribo.

Februari fan internecional gólede iín hom gori bo.

 

Internecional golede íin ór hot hom goíjje 50 persen loti  New South Wales, Western Australia ar Queensland ót.

Noya hom góijjede yan ólla boli New SouthWales ót homi bana 1,505 zon manúic eík hafta yé,Western Australia át bana 512 zon hafta yé ar Queensland ót 500 zon hafte yé.

 

Victoria á‏t zuddur asé uddur solattaíbo kapaiti 490 zon manúic hafta yé-state yan ót dubara coronavirus oíbade.

Necional Kabinet settel oíye homaíbo 15 February fan state ar territory ír leader ór  meeting ót Cukkubar deen.

Mr Morrison hodéki 80 persen of Australia regicthor goíjja asé be dec  ót zeçe noya fuk asé.

“Eçe beci no zani de jinis ókkol asé,noya fuk ibar baabote,eíttala añara saisuti ham goridé’’Iba ye hodé.

Chief Medical Officer Paul Kelly hodé “doro,jolti ar mosbut’’ juwab dibar áca gorer,noya asan gori faradé fuk iballa boli.

‘’Añara main moksud oyedeki Australia ré hefazot rakon,ar fuk iba Australia agagura oíbodé yan óttu bason’’iba ye hodé.

 

 
‘’kiyalla hoíle samne óttu aro beci duk oízaíbo goí kabu gotibolla.’’
 
Kuarantin ót zedegun hamwala asé tarare yo daily tes goribo.
 
Internecional haí jaz ór krew begun ottú COVID-19 ór tes gora foribo Australia át fotti hañt deen baade eçe foúnci baade ar zaga zeçe banaí ye eçe kuarantin ót ta foribo.
 
 
Ekhono ór butore 38,000 manúic ókkol rejicthor góijje Department of Foreign Affairs ar Trade ót bedec óttu wapes aíto saddé.