Na atoa i le vaiaso nei le 25 tausaga talu ona le toe avea ma solitulafono i se setete poo se teritori i Ausetalia feusua'iga i le va o tane.
O le setete mulimuli na avea ai pea ma solitulafono feusua'iga i le va o tane, o Tasmania.
Ae le'i soloia le tulafono i Tasmania e 'ova i le 20 tausaga i le fale puipui le faasalaga na iai mo tane e feusua'i, na suia lea i le Aso 1 o Me 1997.
E pei ona silafia i le toe teuteuina o le tulafono o faaipoipoga i Ausetalia, ua mafai ai nei fo'i e le itupa o tane ona faaipoipo le tasi i le isi.